لما كنت بالثانوي خطرلي انا ورفقاتي انو نجمع قاموس نذكر فيه المصطلحات الشامية الغريبة جدا
والحقيقة انو توصلنا لكلمات اكتر مما كنا منتخيل ولما شفت موضوع مصطلحات طرطوسية حبيت اتشارك معكن بافكاري عن المصطلحات الشامية
انشالله تعجبكن
شنّو: لأنو
شعو: هاهو
نفسمنو: أي هو نسخة عنه
يئلط البيت: أي ينظفه
يا شحاري: أي يا سواد يومي وسوء حظي
تشكلي آسي: أي أموت وتضعي الأس على قبري
يشختوكي: أي يقطعوكي
أخص: أي خاب أملي فيك
صعي: يعني صحيح
لهلوبة: أي حركة ورشيقة
مجرمشة:هي للحوم قطعة بين الوسط والكبير
تمسيح الجوخ: مصادقة الشخص لمصلحة
سنسولة مي: هي خيط رفيع جدا من الماء
لئلوء: بيذل حالو مشان المصلحة
تتئمعي:هي دعوة ممنوعة من الصرف والشرح والاعراب
يبعزء:يصرف بدون حساب
علّاك: يعني بيحكي كتير
يصطفل: يعني يعمل شو ما بدو
دمعة مي: يعني قليل من الماء يروي العطش
يا مصخمة:كمان دعوة ممنوعة من الصرف
وتتحورقي متلها
منوب: ابدا
الابهات:جمع على وزن الامهات
كش بدني: ممنوعة كمان من الصرف
عوكة: يعني فايت بالحيط: يعني ما بعرف شو.......
عفشة: فوضوية
هاد اللي لقيتو بين دفاتري بس اذا لقيت شي تاني ببقى بعمل ملحق.............
التعليقات
طولتي الغيبة دمعة فرح ... اشتقنالك
اشتقنا لطلتك الحلوة
سرنوة: اللي بيعرف يقلي
معجوء: مشغول
نايطة : باردة
شلبنيها: لفيها أو قصريها
نتفة: أي قليل من الشيء
اندلء: انكب
أح:ساخن
بح: خالص
دح: لبس جديد
كخ:غير نظيف
يع: مقرف
حندئة: كمان اللي بيعرف يقلي
حاج كش: كذب
مبجبج: فايق من النوم ومنفخ
يتكتك: يرجف من البرد
يندس : ينام
خرقة : قطعة قماش مهترئة للمسح والتعزيل
مشئرئة: فرحانة
حمصة الكي: تجده في كل مكان ويتدخل فيما لا يعنيه
فارة طحين: وحدة حاطة مكياج وخصوصا بودرة كتييير يعنيover
سنكوحة : نحيفة
متل الزنبرك: كثير الحركة
أريضة تئرضك: دعوة ممنوعة من الصرف
ملهوج : مستعجل ومتسرع
نغشة : مهضومة وحركة
خرجك : بتستاهلي
لابئلها: جميل عليها
واشش: جانن شوي
مئضي المآضي: شايف العجايب من المصايب
أكيد يتبع بس استنوا شوي لجمعهن.......
حندئة : على غرار حربئة و هي الحرص الزائد عن حدو على المال و البخل
مبجبج: هي بيقولوها على اي شي منقوع بالمي ههههههههههه
هي الترجمة ... يسلموا دمعة فرح
بس اهم مصطلح نسيتيه ... تاج راسي : تقال لما الواحد بدو مصلحة من التاني ويمسح جوخ ... المصطلح الاكثر شيوعا بالشام هههههههههه
كمان بيقولها لشخص لما بيكون فايق من النوم ومنفخ وشوو
صح وجيهة هيك بسمع بقولو عن المبجبج
لطيفة , ظريفة, طريفة....نطقها سهل, وتطرب الآذان, وتأسر القلوب وتمتع السامع بحنانها ودفء كلماتها...
لاتنفك ذاكرتي تسرح بكلمات مسلسل باب الحارة وكلمات لطفية وفريال وأبو عصام وأبو شهاب, وأم زكي الداية وكلمات ابن أختي الغالي اصطيف(معن عبد الحق) الجاسوس...في المسلسل...ههههههه....سلمت يداك....ودمت لنا بكل احترام..
مشكورة دمعة فرح
مميزة كالعادة
مشكورة
ثانيا بشكر دكتور مفدى على تعليقو واللي من زمان ما شرفني فيه
ثالثا وانا بضم صوتي الك دكتور احمد الحق معك
وبشكر الكل عالمرور