مصطلحات شامية من الصميم

دمعة فرحدمعة فرح عضو مميز
تم تعديل 2011/04/12 في نشاطات و ترفيه
لما كنت بالثانوي خطرلي انا ورفقاتي انو نجمع قاموس نذكر فيه المصطلحات الشامية الغريبة جدا
والحقيقة انو توصلنا لكلمات اكتر مما كنا منتخيل ولما شفت موضوع مصطلحات طرطوسية حبيت اتشارك معكن بافكاري عن المصطلحات الشامية
انشالله تعجبكن
شنّو: لأنو
شعو: هاهو
نفسمنو: أي هو نسخة عنه
يئلط البيت: أي ينظفه
يا شحاري: أي يا سواد يومي وسوء حظي
تشكلي آسي: أي أموت وتضعي الأس على قبري
يشختوكي: أي يقطعوكي
أخص: أي خاب أملي فيك
صعي: يعني صحيح
لهلوبة: أي حركة ورشيقة
مجرمشة:هي للحوم قطعة بين الوسط والكبير
تمسيح الجوخ: مصادقة الشخص لمصلحة
سنسولة مي: هي خيط رفيع جدا من الماء
لئلوء: بيذل حالو مشان المصلحة
تتئمعي:هي دعوة ممنوعة من الصرف والشرح والاعراب
يبعزء:يصرف بدون حساب
علّاك: يعني بيحكي كتير
يصطفل: يعني يعمل شو ما بدو
دمعة مي: يعني قليل من الماء يروي العطش
يا مصخمة:كمان دعوة ممنوعة من الصرف
وتتحورقي متلها
منوب: ابدا
الابهات:جمع على وزن الامهات
كش بدني: ممنوعة كمان من الصرف
عوكة: يعني فايت بالحيط: يعني ما بعرف شو.......
عفشة: فوضوية
هاد اللي لقيتو بين دفاتري بس اذا لقيت شي تاني ببقى بعمل ملحق.............

التعليقات

  • صيدولةصيدولة عضو ذهبي
    تم تعديل 2011/03/09
    كتير كتير حلوين .... اللهجة الشامية من احلى اللهجات عنا
    طولتي الغيبة دمعة فرح ... اشتقنالك
  • suzysuzy عضو ذهبي
    تم تعديل 2011/03/09
    كتير حلوين دمعة فرح
    اشتقنا لطلتك الحلوة
  • وجيهةوجيهة مشرفة منتدى تربية الأطفال
    تم تعديل 2011/03/09
    ههههههههههههه مهضومين يسلم ايديكي فرح
  • Ph.SamaPh.Sama مشرفة منتدى تطوير الذات و NLP
    تم تعديل 2011/03/09
    حلوين دمعة فرح و أحلى شي يلي ممنوعين من الصرف .. دايماً نورينا بحضورك
  • دمعة فرحدمعة فرح عضو مميز
    تم تعديل 2011/03/09
    وهي الملحق:
    سرنوة: اللي بيعرف يقلي
    معجوء: مشغول
    نايطة : باردة
    شلبنيها: لفيها أو قصريها
    نتفة: أي قليل من الشيء
    اندلء: انكب
    أح:ساخن
    بح: خالص
    دح: لبس جديد
    كخ:غير نظيف
    يع: مقرف
    حندئة: كمان اللي بيعرف يقلي
    حاج كش: كذب
    مبجبج: فايق من النوم ومنفخ
    يتكتك: يرجف من البرد
    يندس : ينام
    خرقة : قطعة قماش مهترئة للمسح والتعزيل
    مشئرئة: فرحانة
    حمصة الكي: تجده في كل مكان ويتدخل فيما لا يعنيه
    فارة طحين: وحدة حاطة مكياج وخصوصا بودرة كتييير يعنيover
    سنكوحة : نحيفة
    متل الزنبرك: كثير الحركة
    أريضة تئرضك: دعوة ممنوعة من الصرف
    ملهوج : مستعجل ومتسرع
    نغشة : مهضومة وحركة
    خرجك : بتستاهلي
    لابئلها: جميل عليها
    واشش: جانن شوي
    مئضي المآضي: شايف العجايب من المصايب
    أكيد يتبع بس استنوا شوي لجمعهن.......
  • Dr.AhmadDr.Ahmad مدير عام
    تم تعديل 2011/03/10
    سرنوة : هي اللتاتة العجانة يعني بين قوسين " نمامة الحارة " بتشديد الميم
    حندئة : على غرار حربئة و هي الحرص الزائد عن حدو على المال و البخل
    مبجبج: هي بيقولوها على اي شي منقوع بالمي ههههههههههه
    هي الترجمة ... يسلموا دمعة فرح

    بس اهم مصطلح نسيتيه ... تاج راسي : تقال لما الواحد بدو مصلحة من التاني ويمسح جوخ ... المصطلح الاكثر شيوعا بالشام هههههههههه
  • وجيهةوجيهة مشرفة منتدى تربية الأطفال
    تم تعديل 2011/03/10
    مبجبج: هي بيقولوها على اي شي منقوع بالمي ههههههههههه
    كمان بيقولها لشخص لما بيكون فايق من النوم ومنفخ وشوو
  • دمعة فرحدمعة فرح عضو مميز
    تم تعديل 2011/03/16
    مشكور دكتور احمد عالترجمة ماشالله عندك خبرة باللهجة الشامية


    صح وجيهة هيك بسمع بقولو عن المبجبج
  • د.مفدى زهور عديد.مفدى زهور عدي عضو ذهبي
    تم تعديل 2011/03/16
    اللهجة الشامية العامية لها نكهة خاصة:

    لطيفة , ظريفة, طريفة....نطقها سهل, وتطرب الآذان, وتأسر القلوب وتمتع السامع بحنانها ودفء كلماتها...

    لاتنفك ذاكرتي تسرح بكلمات مسلسل باب الحارة وكلمات لطفية وفريال وأبو عصام وأبو شهاب, وأم زكي الداية وكلمات ابن أختي الغالي اصطيف(معن عبد الحق) الجاسوس...في المسلسل...ههههههه....سلمت يداك....ودمت لنا بكل احترام..
  • Dr.AhmadDr.Ahmad مدير عام
    تم تعديل 2011/03/16
    أكيد دمعة فرح عندي خبرة لكن ما لكثرة تعاملي مع الشوام و إنما لانو اللهجة الحموية و الشامية متل بعض هههههههه ... و هني اللكنتين اللي صعب انو نميز بينن غير ببعض الكلمات ..
  • dr.Alidr.Ali مدير عام
    تم تعديل 2011/03/18
    بضم صوتي لصوت أحمد
    مشكورة دمعة فرح
  • عاشقة العلومعاشقة العلوم عضو ماسي
    تم تعديل 2011/03/18
    موضوع تري حبيبتي دمعة
    مميزة كالعادة
    مشكورة
  • دمعة فرحدمعة فرح عضو مميز
    تم تعديل 2011/04/12
    اولا بعتذر عالغياب والتقصير بس دايما قلبي معكن
    ثانيا بشكر دكتور مفدى على تعليقو واللي من زمان ما شرفني فيه
    ثالثا وانا بضم صوتي الك دكتور احمد الحق معك
    وبشكر الكل عالمرور