المراة الأولى : هاي! اسمي ليلى
المراة التانية: هاي... اسمي سلمى
كيف توفيتي؟؟
المرأة الأولى : انا متتت متجمدة.
المرأة التانية : ياااا شي فظيع!!!
المرأة الأولى : لأ ما كتير فظيع .. ضليت أرجف من البرد *** بعدين اجاني شعور بالدفا
و التعب .. و بعدين متتت بسلام..
و انت كيف توفيتي ؟؟
المرأة التانية : و الله انا متتت من الجلطة…
انا كنت عم شك بزوجي انه عم يخونني..فرجعت عالبيت بكير مشان امسكه متلبس..
المهم جيت عالبيت بس شفته قاعد لحاله عم يحضر تلفزيون..
المرأة الأولى : ايه و بعدين؟؟
المرأة التانية : انا كنت متأكدة انه في واحدة تانية و مخبيها شي محل بالبيت..
فصرت نبش.. نكشت البيت …. نبشت بكل محل.. بالخزانة تحت التخت …
و ضليت انبش ودور بهالبيت لحتى استويت من التعب و اجتني الجلطة ….
المرأة الأولى : الله يسامحك …
لو نبشتي بالثلاجة ..
كنا نحنا التنتين هلأ عايشين
التعليقات
حلوة كتير حكيم ............ بضم صوتي لصوت لحن الحياة ..بس السناريو ممكن يكون انو التنتين بيموتو بعضون بنفس اللحظة
بس يا جماعة انتبهتوا انو كل الردود متشابهة إلا رد حازم !!! جاب سيرة الزوج هي مشان تعرفوا انو حازم مميز ههههههههههههه
على فكرة انا بتصور السيناريو جريمتي قتل للمراة الاولى والزوج و الثالثة بالسجن !!! شو رأيكن
حوار بآثار جانبية و الله فكرة حلوة هههههههههه ... انت قصدك حوار عائلي مع الوسائل المساعدة
حاسة حالي عم بقرا لأغاثا كريستي صايرين مؤلفي قصص بوليسية ههههههه
بدكم نهاية مختلفة ؟
شو رأيكم وقت يلي يشوفو النسوان بعضهم يتناقشو نقاش عائلي و بيوصلو لنتيجة أنو مصلحتهم وحدة
لأنو الرجل خان زوجتو و غش حبيبتو لهيك بيقررو يتخلصو منو فبيقتلوه و بيعملوها على أساس انو انتحر
و بينفدو ههههههه
جد انا بكون مبسوطة كتير لما بقرأ التعليقات
افكاركم رائعة ...