السلام عليكم و رحمة الله وبركاته
المنتدى هلق و متل ما شايفين مليان مواضيع حكى على شقائق الرجال و مشان يصير توازن حبيت بهالعيد الكريم أنو نعمل حملة ترضية للبنات اللي آخدين على خاطرن ( و إن مو بقصدنا ) و زعلانين من بعض المواضيع بالمنتدى و إللي أكيد ما كان قصد اللي كاتبها أي سوء بس دائما عاطفة البنت اللي بتحركها لذلك علينا نراعي خلقة رب العالمين و نتعامل معها وفق ما رب العالمين أمرنا لذلك رح أطلق
حملة ترضية
هلق برجو من كل الشباب يساعدوني بحملة الترضية هي مشان ما يبقى حدا زعلان و مشان ترجع القلوب صافية متل أول ان شاء الله و خاصة أنو نحنا هلق بالعيد و لازم نسامح بعضنا و ننسى اللي مضى
و بذكركم أنو النبي عليه الصلاة و السلام قال : " من أتاه أخوه
متنصلاً فليقبل ذلك محقاً كان أو مبطلاً، فإن لم يفعل لم
يرد على الحوض "
و هي شوية أقوال بحق النساء
ان كل فلسفة الرجال لا تعادل واحدة من عواطف المراة
المراة مخلوق عظيم اذا عرفت قدر نفسها
اذا تلبد قلب الرجل بالهموم انزاحت سحب الضباب بظهور المرأة
اذا كانت المراه عيبا طبيعيا فهي ولا شك اجمل عيوب الطبيعة
قال عنترة
ولو لاها فتاه في الخيام مقيمة *** لما اخترت قرب الدار يوما على البعد ِ
مهفهفه والسحر في لحظاتها *** إذا كلـــمت ميتـــا يقـــوم من اللحـــــد ِ
أشارت إليها الشمس عند غروبها *** تقول إذا اسود الدجي فاطلعي بعد ِ
وقال لها البدر المنير ألا اسفري *** فإنك مثلي في الكمال وفي السعد ِ
فولت حياء ثم أرخت لثامها *** وقد نـــــثرت من خدهــا رطــــب الـــورد ِ
و قال قيس بن الملوح
ألا يا طبيب الجن ويحك داوني **** فإن طبيب الإنس أعياه دائيا
أتيت طبيب الإنس شيخاً مداوياً *** بمكة يعطي في الدواء الأمانيا
فقلت له ياعم حكمك فاحتكم *** إذا ما كشفت اليوم ياعم مابيــا
فخاض شراباً بارداً في زجاجةٍ *** وطرح فيه سلــوة وسقـــانيا
فقلت ومرضى الناس يسعون حوله *** أعوذ برب الناس منك مداويا
فقال شفاء الحب أن تلصق الحشا *** بأحشاء من تهوى إذا كنت خاليا
ببداية الموضوع توجهت بالرجاء للشباب يساعدوني و هلق بتوجه للبنات يدخلوا و يأكدوا أنن ما زعلانين و اذا زعلانين ينسوا الزعل لأنو قلب الإنسان اذا انملا كره ما عدا في مكان للمحبة سواء هون أو بالدنيا كلها و لازم نتعلم دائما أنو المحبة في ملح الحياة و التسامح هو مائها
و تأكدوا تماما أني سواء أنا أو أي إنسان ما بيمزح مع حدا مع بيحبوا و لو ما في معزة و محبة و احترام ما كانوا مزحوا معكم ... بغض النظر انو المزح كان عادي أو تقيل بس بالنهاية بيبقى مزح
و تقبلوا فائق احترامي و تذكروا حديث الحبيب المصطفى
بانتظار الدعم الذكوري و الأنثوي
التعليقات
بالنسبةالي انا بحياتي مازعلت منكم او من حدا تاني ومافيني طبع اني اكره حدا او احقد عليه
بدي صارحكم بشي انو ددخولي للمنتدى بها الفترة بيساعدني اني اتجاوز محنتي وبينسيني آلامي
يمكن صرت حساسة اكتر من اللزوم بهي الفترة او حتى عصبية اكتر بظن انو السبب نتيجة الدوا الي عم آخذه
عموما
بتمنى ماحدا بزعل مني لا من الشباب ولا من البنات
لاني المي وحزني اهون عليي ميت مرة ان الم وحزن حدا تاني خاصة لو كنت انا السبب فيه
بارك الله فيكم
كل عام وانتم بخير
عيدكم سعيد وعساكم من عواده
مني اجمل تحية
اختكم
نعيمة[/align]
أكيد محدا
لأن الكل بيعرف أنو أي موضوع بينزل بالمنتدى ويكون غير علمي فهو من باب المزح والفكاهة فقط
والحمد لله الوعي منتشر بين الشباب والصبايا كلهون ومستحيل حدا ياخد ع خاطروا من هيك أشياء
ع كل أنا بشارك معكون كمان بس ما خاطر ع بالي شي هلأ
غير أنتو الأهل والأحبة والأصحاب
[/align]
بصراحة أنا بنشر مواضيع جادة و مواضيع فيها فرفشة
أنا ما بعرف مين من الصبايا زعل
ولما نشرت الموضوع كتبت ببدايتو (الموضوع للمرح فقط)
ما بتصور حرزانة بنت تزعل مشان هالشغلة
و أكيد أنا ما قصدي ولا بحب زعل حدا
بس بتمنى أعرف الأخت يللي زعلت مشان نراضيها
اكيد أكيد ما بعرف أنو في حدا زعلان لكن مجرد احساس
دكتورة نعيمة : و نحن هذا عشمنا فيكي و بكل الأخوات
ان شاء الله يجمعنا الاحترام والمحبة وحتى واذا واحد غلط في حق شخص لازم يقول يا اما هو يمزح يا اما انا لم افهم قصده
ابعدو الزعل والحزن على هذا المنتدى والله القلب طاب من الحزن والمشاكل خلونا نعتبر المنتدى مكان للتفريج عن النفس والمرح.
شكرا لك اخي احمد والله هذا من طيبة قلبك
مين الزعلان؟؟
شايفين كيف الكل الحمد لله مبسوطين و انا هذا اللي بدي ياه .... انو ما يكون حدا زعلان من حدا و ان شاء الله دائما يبقى المنتدى مكان للتفريج و الفرح
دكتورة ياسمين : غيابك طال علينا ان شاء الله خير
صوفي : كفووووووووووووووة
دكتورة نعيمة : عشمنا : يعني ظننا الحسن
انا بعتذر اذا انفهم مني شي غلط
بس ليش الكذب انا هديك المرة ادايقت لما في ناس حذفولي مشاركتي وكتبولي انو خارجة عن الادب في بعض نقاطها
الله وكيلكون مهذبة انا ومو تاركة تهذيب لحدا
ادايقت من حالي يمكن او مابعرف ليش ادايقت....
او يمكن لانو صار في مين بحسبله حساب هون
بس قلت لحالي يالله منيح اللي اجت هيك
قال بكرة بجوز بيحذفلي عضويتي او بيحرمني دورتين او بيفصلني من الكلية هيك قلت لحالي
بس شو بدي اعمل....قلت لحالي هالمنتدى مستعمرة حموية....لذلك انا ما بسترجي افتح تمي
يا الله شو مظلومة انا هون
موطالع بايدي شي.....ماحدا بكي من كتر ما قصتي بتزعل ههههههه
بس يالله الله يحن عليكون
صحي الحموية هنن ماسكين زمام الأمور تقريبا ....... بس مابخوفو......هههههههههههههههههههههههه
دكتور احمد باعتبارك انت قائد الحملة والكل اتصالحوا شو مابدك تجبلنا تحلاي؟؟؟؟؟؟؟؟؟؟؟؟؟؟؟؟
بس مشكورة عالدعوة : الله يرضى علينا جميعا
أما مشان المشاركة : هي مشاركة ما انحذفت و انما تعدل قسم صغير منها و انتي بتصور بتعرفي شو تعدل
بعدين شو دورتين ما دورتين طولي بالك كل ما هنالك انو منحرمك مادة مو اكثر .... :248:
بعدين شو هي مستعمرة حموية:232: .... صاروا الحمويين هلق هني القلة
أخي جيك: شايف أخي شايف ..... بعدين نحن ماسكين زمام الأمور بس بدون ديكتاتورية و اذا في شي قرار مو عجبك ممكن تستعمل حق النقض بكل ديمقراطية:233: ....... و بجد انا باعتبار اني بدرس بحمص تعرفت على شباب حماصنة بحترمن جدا و بحبن من كل قلبي:16: و ان شاء الله بس تعرفت على حضرتك رح تكون منن
أما مشاااااان التحلاية هوووووووووووون حطنا الجمال :219: ....... هات لنشوف شو بدك تحلاية بس بلا دبق مشان الصفحات ما تدبق و يبطل يفتح المنتدى :273:
الله لايجيب زعل
مني اجمل تحية
بس بتعرفو والله هاد المنتدى نهفة
الله يحميه واصحابو
بعدين شو حماصنة وحموية شو هالتمييز العنصري هاد والله بشكيكون لمجلس الأمن ها :223::223::223:هههههه......
شو وين الشوام طاروا؟؟؟؟؟؟
ومنشان التحلاية خيو موافقين على شو ما بتعزمنا أنت كريم ونحنا منستاهل :243::243::243:
وانا بتشرف فيك وبمعرفتك ....ومن شان التحلاي متل ما الك نبيل انت كريم ونحنا منستاهل
نحنا الشوام اجتماعيين وحبابين وظراف
وكل يوم بدعيلكون الله يرضى عليكون ويعمي عنكون ولاد الحرام
والله يادكتور قصدي بمستعمرة حموية انو انتو محتلين كلشي هون تسوموننا سوء العذاب
هههههه منيح ما كان عنا ابناء
وبعدين انا بعرف شو انحذف ولو انو مو مستاهل
بس خلص مارح عيدا مرة تانية.....بدك الصراحة وقت شفتا قلت لحالي الله لا يحكمك بحدا.....يعني اديقت يمكن لانو ماضروري يكون في مين بدي ضلني حاسبتله حساب متل الولاد اللي بدون يئذو وخايفين من حدا
بجوز لاقيك حاذفلي نص هي المشاركة مو؟بس مو طالع بايدي شي ما بسترجي احكي
بعدين انو تحلاية هي
ماحدا صالح حدا
بس بدنا شالاكيطا او شاكا ليطا او شقليطاعلى قولة الشوام معناتا شوكولا
من بعد إذنك
ومن بعد إذن شواربك
بدنا موضوع غير هاد تعمل حملة مجاكرة
مشان اللي بدو يجاكر التاني ويتغالظ عليه
يلا بدنا غلاظة
:8::8::8::8::8:
:245::245::245:
تانيا : شو هي تسوموننا سوء العذاب :113: ::: شو رأيك نعمل استفتاء جديد لرئيس جديد للمنتدى !!!؟؟؟ اللي بيسمع بيقول عني فرعون :99: و لا قلك صيت قوة و لا صيت ضعف :196: بس مو فرعووووون :185:
.......... و ثم هي المشاركة ليش لأحذفها .... تأكدي أنو أي حكي عني ما بحذفو لكن لما بيكون الحكي على غيري أي بحذفو
اما التحلاية اذا شقليتا هي شغلة فاضية منيح ما طلبتي حلاوة الجبن لأنو أول ما بيعرفوا اني حموي أول كلمة هي حلاوة الجبن و بقشة كمان
اما مشان الغلااااااااااظة .... فكرة سقيلة ..... ممكن تعتبريها أول غلاطة :242:
من أولها حكيم أن بصير عندي تحسس ((بتعرفني حساس كتير)):191::191:
لذلك متل ماقلت حلاوة جبن حلاوة جبن خلص أنا موافق:91:
اللي بيتحسس بيوفر عليي تحلايات
وإذا تحسسنا شو عم تساوي أنت دكتور ههههه :191::191:
عالحالتين ما رح تحطو حدا شامي او حمصي
خليك انت صرت تعرف تاخدني على قد عقلاتي
بس نحنا الشوام المهمشين والحماصنة المضطهدين وغيرهم اللي ضايعين بالطاسة النا مطالب
بس لسا بدي اعمل فتنة بين الحموية اهل السوق واهل الحاضر.....بدي قول اهل السوق شو بيحكو عن الحواضرية
مشان اضمن انو يصير في خناقات بيناتكون
هي حلاوة الجبن بالقشطة ما بيمشي حالا معي انا معدتي ما بتتحمل ولا نقطة حليب فما بالكون بقشطة حمويةبجوز روح فيا
وما باكل حلويات شرقية ما بتحمل السمن العربي
وفي غيري بيتحسس من الشوكولا
أيوااااااااااااااااا
لأ افهمت على بندول شو قصدها هديك المرة
ممممممممممممممممممممممم
أنا ماكنت متابع لهاد الموضوع بس اليوم لما قريتوا فهمت بعض الشغلات
ع كل الشوكل بدي اياها ايمت بدك اجي حكيم مشان أخدها وكمان بدي من ضيافية العيد هي لحالها
أيوااااااااا
باندول ولى يهمك أنت مو بمستعمرة حموية أنت بقلوب ناس بيحوا بعض والله لا يجيب زعل أبدا
[/align]