يا ريت دكتو ر ينصحني انا عنجد محتارة

رنوشرنوش عضو جديد
تم تعديل 2011/02/16 في ساحة الحوار و النقاش
السلام عليكم
انا عمري 24اردنية وعايشة بالامارات متزوجة من 9 شهور وما حملت حبيت اشوف ازا في سبب او لا .اعملت فحوصات بالامارات وطلع عندي اكياس دم على المبيض اليمين حجمهم مع بعض 4سم ... بالامارات قالولي لازم توخدي حبوب او ابر لمنع الحمل لمدة من 6- 9 اشهر لانو احتمال يروحو الاكياس او ممكن تعملي عملية بالمنظار عشان يروحو الاكياس . وانزلت عالاردن قالولي ما في داعي للعملية واعطوني كلوميد والله انا محتارة شو اعمل اسمع كلام مين دكاترة الامارات ولا دكاترة الاردن ؟ بس بصراحة انا صرت افكر اعمل العملية وارتاح
يا ريت حدا يساعدني وينصحني
شكرا الكم

التعليقات

  • Dr.AhmadDr.Ahmad مدير عام
    تم تعديل 2011/02/15
    و عليكم السلام أهلا أخت رنوش

    اول شي ما بعرف شو المقصود بكيسات دم ...

    ممكن عند المرأة تواجد كيسة أو كيسات مائية على المبيض و ليس لها أي تأثير على الاخصاب و الحمل أبدا إلا إذا كانت كبيرة جدا و ضغطت على البوق أو الرحم و لكن بحد ذاتها ليس لها مشكلة

    بتصور انو الحالة اللي عندك اسمها المبيض متعدد الكيسات pocs و هي الحالة بيفيد فيها العلاج الدوائي بالكلوميد ... إضافة لانقاص الوزن إذا كان في زيادة بالوزن

    العمل الجراحي بيضل خيار بعيد بالحالات البسيطة خاصة انو حجم الاكياس ما كبير أبدا .... و بالنهاية القرار بيضل قرار الطبيب المعالج و هو اللي بيقدر الحالة ... و بتمنالك الشفاء العاجل و الذرية الصالحة
  • رنوشرنوش عضو جديد
    تم تعديل 2011/02/16
    شكرا دكتور احمد بس انا ما عندي زيادة وزن ومشكلتي انو كل دكتور بروح عندو بحكيلي حكي غير عن اللي قبلو ومش عارفة اسمع كلام مين مع العلم انا اخدت كلوميد بس ما صار في حمل
    على العموم شكرا لاهتمامك وردك
سجل دخولكاو سجل حسابا للتعليق.