ح احكي معكم بموضوع جدي
بدي ردودكم بصراحة
المشهد
أنت طالع مع رفقاتك فتو على كافيتيريا
شفت أختك قاعدة مع شاب عم يحكيوا ونظرات عيونهم لبعض بتقول كتيييييييييير
شو رح تعمل؟؟؟
حتتحكم بأعصابك
و تأخد اصحابك وتقعدوا في زاوية بعيد بحيث إنها ما تشوفك
وطبعا عيونك رح تكون عليها
أول ما تشوفها طالعه رح تستأذن من رفقاتك وتطلع أنت كمان
في البيت رح تروح لعندا
ورح تبتسم بوشها وبمنتهي الحنيه وتقول لها
تعالي أنا بدي احكي معك بموضوع مهم
حتاخدها وتروحوا تقعدوا بمكان هادي
وتقولها انك شفتها وبتعرف كل شي وبدك تسمع منها
حتحكيلك وتفتح قلبها
وحتطلب منها انك تتعرف على الشب مشان تعرف نواياه وتوعدها
انك لو لقيتو إنسان منيح حتوقف معها
لكن لو كان غير هيك.... بيكون لازم تتركو فورا .
أو تقلب حواجبك سبعة و ثمانية وقبل ما تعصب ....
اسماع هدول الكلمتين من بنت بتعرف البنات منيح
البنت لو بدها تعمل شي ح تعملو حتى لو حبستها بقمقم أو رمتها في بير مالو قرار
أكيد ح تالف مليون كذبه تضحك عليك فيها مشان تعمل يلي هي بدها ياه
القرار الك
حتتركها تضحك عليك وتعلمها فن الكذب؟؟؟؟؟
ولا ح ترافقها وتوقف جنبها؟؟؟؟
وتكون أخوها وصديقها وسندها.....
وتكون الشخص يلي بتثق فيه وتلجأ له لو واجهتها أي مشكله ..
ما رأيك أيها الشاب ؟؟
بدي ردود البنات والشباب...
تقبلوا تحياتى وفائق احترامى لكم....
التعليقات
ممكن يكون شخص طالبها للزواج و حبو يقعدو مرة مع بعض يتفاهمو قبل تدخل الأهل و بعتقد انو قعدتهم بمكان عام ما خطأ فادح
بالذات اذا كنت عارف اختك شو تربايتها و شو أخلاقها
المفروض الانسان بهالأمور ياخد الموضوع بروية و يفهم شو القصة قبل ما يتدخل
و برأيي لو كان الأخ متفهم و قريب من أختو و مستوعبها ما رح تطلع مع شب بدون ما تستشير أخوها
مرحبا انسة وجيهة بصراحة الموضوع بجنن
وردة فعل الشباب أحلى وأحلى ههههههههههههههههههههههههه
الحمدلله بشكر الله ....الدنيا لسى بخير... ولسى في غيرة ونخوة وانا بعتبر الغيرة هي شهامة ورجولة وهي عاداتنا وتقليدنا
وياريت لو كل البنات يفهموا ... ويكبروا عقلن... من ردت فعل الشباب انو الشب مابيحترم البنت يلي بتقد معو لحالها بكفتيريا
يعني هدول دكاترة متعلمين وماتفهموا هاد الوضع كيف غيرن ؟ ؟؟!!!!
وبعدين حتى لو شب حابب يتعرف ع البنت ليخطبها.... يتعرف عليها بجو الاهل وين المشكلة عجبو يكمل ماعجبو لايكمل ...
شكرا
بصراحة اخر عبارة قلتيا هي فكرتا ببالي بس ما خطرلي اكتبها