إهداء إلى نجوم المنتدى

د.مفدى زهور عدي

بسم الله الرحمن الرحيم

كي تبقى المحبة في القلوب راسخة ...

وتكريماً لكل مؤسس وناشط في المنتدى...

فلهم مني كل شكر ....

وقصيدتي المتواضعة هذه من بحر الوافر ...

ما هي إلا هدية محبة وتشجيع...

فأرجو قبولها وشكراً...




قصيــدُ الشعرِ لا يكفي ثــَناءَ && لأصْحابٍ أفادُونا عـَطاءَ

همُ الأحبابُ قدْ صَالوا وجـَالوا && ومَنْ أرْسَى وصَانَ لنا البناءَ

فأحـْمَدُ واحدٌ منْ هَــؤُلاءِ && وبينَ الصَّحْبِ مَنْ غَرَسَ الإخاءَ

عـَليٌّ بالرَّصانةِ والجَــلالِ && ويـُبـْدي نَحْـوَ نادينا الوفـَاءَ

وتـَمَّامٌ لــهُ فِكـْـرٌ مُضيءٌ && مِثَــالِيٌّ, كبَــدْرٍ إذْ أضَاءَ

ولا أنْـسى أُخـَيَّـاتٍ كـنُجْـمٍ && كسوزي عِلـْمُها حَازَ السَّناءَ

وريمي أخْـتـِنا ذاتِ النشـاطِ && وللخَـيراتِ قَـدْ لـَبَّتْ نِـدَاءَ

وكَــاتبةٍ لـَهـا أدَبٌ ونـَثــْرٌ && بإيناسٍ وقد أبـْدَتْ ذكـَاءَ

وأدْعـُو اللهَ توفيقاً وصَـوْنـَاً && وبالإحْسانِ يُـكْـرمُهم جَـزاءَ

Dr.Ahmad

هالمرة غييييييييير شكل جزيل الشكر و المحبة لك حكيمنا و شاعرنا

ضاعت مني الكلمات و عجز لساني عن الشكر

تقبل مروري المتواضع على عملك الرائع

د.مفدى زهور عدي

العفو منك دكتور أحمد...وهذا الإهداء شيء قليل من تقديرنا لكم,,, أياديكم البيضاء (4218 مشاركة)بالمنتدى لها ثواب كبير عند الله تعالى بلاشك......دمتم ودام فضلكم..

صيدولة

قصيدة رائعة دكتور... وكلمات معبرة ..... فعلا انت شاعر مهم ....... :281::281::281:

هو صحيح في خيار وفقوس بهالقصيدة :238::238: بس مو مشكلة هو الفحص اساس كل علة ومشكلة :258::258:

suzy

قصيدة أكثر من رائعة دكتور خجلتنا هوي للحق انت نجم المنتدى باحساسك المرهف كشاعر و خبرتك كطبيب و من شان الخيار و الفقوس و لانو اشتقنا لصيدولة لازم تتبع هالقصيدة الحلوة سلسلة قصائد من نفس البحر لكل الأعضاء صحيح الطلب كبير بس نحنا تعودنا على كرمك حكيم بشكرك كتير على اهتمامك فينا

دمعة فرح

بشكرك دكتور مفدى على هالقصيدة اللطيفة

dr.Hazem

جد خجلتنا ...........الله يعطيك العافية

ريمي

يعني بحتار الواحد كيف بدو يشكرك
أو كيف بدو يعبر عن الإعجاب بكلماتك
وأنا الي الفخر والشرف انو انسان متلك كتب اسمي وعني
عنجد انت مافي منك وكل يلي بقدر قدملك ياه اني قلك الله يحميك ويسعدك ويوفقك بحياتك
وعنجد أنا بستمتع بكتاباتك لأنها رائعة متلك
شكرا بدون حدود

د.مفدى زهور عدي

صيدولة غالية علينا كلنا وبتستاهل خاصة لأنها موصاية من اخت غالية وبنت اللاذقية كمان بلد المحبوب هههه ولايهمك صيدولة أحلى شعر الك رح ينزل ويكملها قريبا ويللي بدو بس يطلب ويأمرني,,أو يعتبر نفسه من الجنود المجهولين...شو رأيكم؟؟....ههههه

د.مفدى زهور عدي

دمعة فرح انتي صحيح مو مكتوب اسمك بس قصدتك بالبيت:

وكَــاتبةٍ لـَهـا أدَبٌ ونـَثــْرٌ && بإيناسٍ وقد أبـْدَتْ ذكـَاءَ

د.مفدى زهور عدي

العظيمة ريمي:

رضاك ودعاك أحسن شي عندي..تكرمي ويشهد الله بتستاهلي قصيدة كاملة

دمعة فرح

انا بشكرك كتير المهم اني جزء من هالمنتدى ولو كنت الجندي المجهول ههههههههه

TAMMAM

لا .............. لا ................. اجيت متأخر شوي

بس بجد بجد بجد ................ أنت انسان رائع دكتور

فن ابداع كلمات رائعة ................ يعني إذا قلتلك جيد بظلمك وإذا قلت جيد جدا كمان بظلمك وحتى الممتاز قليلة عليك

يا اخي شو بدنا بالحكي خلي القلب هو اللي عبر .........

دكتور مشكور جدا عل الوصف والابداع .......... ممكن اتكون هالأبيات أخدت من وقتك خمس دقائق وممكن اتكون اخدت من وقتك خمس ساعات بس بالحقيقة عم تعذبك حالك معنا ............ وان شاء الله منطلع ع قد أمل الناس فينا

ميرة

دام لنا قلمك ..
وسلم لنا نبض حرفك ..
لننهل من جميل صنعك وبديع شعرك ..
تقبل احترامي وتقديري ..

د.مفدى زهور عدي

الأخوات دمعة-ميرة...لكن مني كل مودة وتقدير......دمتن بعافية وتألق كعادتكن...

د.مفدى زهور عدي

أشكرك أخ تمام ولو احنا لبعض.....ادام الله محبتنا.....تستاهلوا والله كل خير..

د.مفدى زهور عدي

بس في ناس اعترضت وقالت في خيار وفؤوس؟؟!!ههههه معقول اكتب كل الاسماء لابد من جنود مجهولين بس أنا وعدت صيدولة راح كمل القصيدة بذكر بيتين حلوين عنها لأنها رائعة وتستاهل...

TAMMAM

هههههههههههههههههههههههههههههه

Dr.Ahmad

حكيم اذا ما بدك تزعل حدا في موضوع شجرة العيادة السورية .... هيك ما بتضيع و لا حدا ابدا ههههههههههههههههه

بتطلع معك قصيدة شجرية غير شكل

صيدولة

خجلتني هيك كتير دكتورنا

كنت عم امزح ( مارح تنسالي اياها)..؟؟؟ .......ولو .... مابدنا نعذبك معنا ..... بس فعلا الواحد بيتمنى شاعر رائع متلك يكتب عنو ....
وبكفي وجودك بالمنتدى .. وكلماتك الرائعة واحساسك المرهف .....

TAMMAM

هههههههههههه احمد الشجرة كلها :244: :244: :244: :244: :244: :244: :244: مو مقلل :219: :219:

بكرة بيقول مفدى يا ريتني :257: :257: