مفطرات الصائم

الفتاة الحالمةالفتاة الحالمة عضو شرف
تم تعديل 2009/08/27 في المواضيع العامة القديمة المستردة
السلام عليكم شباب

اليوم حاملكم موضوع جديد عن مفطرات الصائم

ولكم الموضوع بشكل مباشر

اخواني
من مفطرات الصيام

الاكل والشرب المتعمد ..... سواء برمضان أوغيره ... ويقول المصطفى عليه السلام من أكل أو شرب ناسيا فليتم صومه إنما أطعمه الله وسقاه ... هالحكي برمضان وبغير رمضان ... أحلى الشي بغير رمضان بيفطر ههههه ... غذا بالفرض مشروع إلك تنسى وتاكل فبغير رمضان مو مشروع ... ما شاء الله ع طرية التفكير العوجة

كمان شباب الجماع من المفطرات وإنزال المني باستمناء أو تقبيل أو مصافحة أو غير ذلك ... اتدمر مستقبل بعض الناس .... يا أخي الكريم الصيام هو صيام الروح قبل صيام الجسد ابتعد عن شهوتك ولذتها وتجلى بصومك عبدا طائعا لله تعالى ... واترك ما تشتهيه نفسك قبل ما تشتهيه بطنك

شوفوا شغلة الإبر ..... موضوعها حاس شوي .. غذا كانت ابر مغذية يستعاض بها عن الطعام فهي مفطرة ... يا حبيبي شو بدك تضحك ع ربك / خسئت من عبد / بس لو كانت هالابر للعلاج وين ما كانت بالوريد أو العضل ولو وجد طعمها بفمه أو لم يجده ما بتفطر ..... الله يبشركم بالخير يارب ويشفينا جميعا

القيء ..... إذا متعمد ياويلك فطرت ... بعدين يا بني آدم يلي بتتعمد القيء شو هالقرف وليش عم تتعمدوا .... أما إن غلبك القيء يريد الخروج ومزاحمتك الطريق فدعه يخرج ولن تفطر بإذن الله تعالى ... سبحانك من رب كريم حليم

كمان شباب القطرة العينية ..... هي لا تفطر الانسان أبدا ..

قطرة الأذن ... فيها حلتين غذا غشاء الطبل مثقوب فهي تفطر لأنها رح تدخل منه ..... بس إذا مو مثقوب ما بتفطر بإذن الله .... بدك تعرف طبلة أذنك مثقوبة أو لاء سد فمك وأنفك وانفخ رح تعرفك لحالك ...


قطر ة الفم ..... شو شباب بدها اتنين يحكوا فيها .... ما بتفطر مو هيك .... ههههههه لا بتفطر أكيد هيك أكتر شغلة حساسة

كمان شباب المعاينة النسائية ..... بتفطر ولى لاء ..... مممممممم رح قلكون شغلة ما بتفطر يا حزركم ليش ؟؟؟؟؟ نعم المفطرات مادخل للجوف بس بعمركم اسمعتوا ماخرج من الجوف يفطر الانسان .... ملعوبة مو هيك شباب .... حتى الوضوء لا ينتقض إذا لبس/ـت الطبيب /ـة كفا بيدها .....

كمان دم الحيض والنفاس .... يفطر بإذن الله وطالما الحيض انتهى فعلى المرأة الرجوع للصيام فورا ... بعضهم بيستنوا للأربعين يوم والبعض الآخر للستين .... الله يجيرنا من الجهل .... وتذكروا فاطمة الزهراء ولم سميت الزهراء


يالله اتذكروي معي شو في كمان ملاحظات فيدونا فيها يالله شباب

الله يجزيكم الخير

التعليقات

  • مجهول
    تم تعديل 2009/08/25
    الله يجزيك الخير يا تمام
  • مجهول
    تم تعديل 2009/08/25
    يعطيك العافية--عرض ممز
  • مجهول
    تم تعديل 2009/08/26
    شـكــ وبارك الله فيك ـــرا لك ... لك مني أجمل تحية .
  • Dr.AhmadDr.Ahmad مدير عام
    تم تعديل 2009/08/26
    الله يجزيك الخير تمام

    موفق بالاختيار و العرض
  • الفتاة الحالمةالفتاة الحالمة عضو شرف
    تم تعديل 2009/08/26
    [align=center]شكرا لمروركم وبارك الله فيكم

    الله يعينا عل الصيام بشكل جيد مثل ما يرضى الله ربنا

    طريقة العرض هذه يستخدمها امام المسجد الذي أصلي التراويح به
    يعرفنا أغلب الشباب في حماة
    الشيخ محمد الأحمد ( أبو أنس )
    [/align]
  • مجهول
    تم تعديل 2009/08/27
    صحيح تمام في التدخين كمان
    مشكور مرة تانية
  • الفتاة الحالمةالفتاة الحالمة عضو شرف
    تم تعديل 2009/08/27
    أكيد محمد التدخين يدرج فيما يدخل عن طريق الفم


    شكرا لمرورك ولملاحظتك
سجل دخولكاو سجل حسابا للتعليق.