رسالة من أحد أصدقائي المغتربين عنوانها (كيف بتميز المواطن السوري عن باقي شعوب العالم)

dr.joandr.joan عضو ماسي
تم تعديل 2008/05/28 في المواضيع العامة القديمة المستردة


* بيفهم في الطب وبيشخص المرض ويوصف الدواء وبيفهم في الكهرباء وتصليح السيارات والطبخ والهندسة وكل شي بيخطر ببالك.



* بيحط الريموت كونترول بكيس نايلون حتى ما يتغبر وتروح الأرقام.



* بيوقف يتكلم على الباب نص ساعة بعد إنتهاء الزيارة والسلام.



* في خزانة المطبخ عنده عشرين قطرميز فاضي منشان اذا احتاج يستخدمها ومازال مُصِر على جمع المزيد.



* ييجي بعد الموعد بساعتين دون ان يعتذر.



* بيحكي بصوت عالي في المكالمة الدولية منشان التاني يسمعه.



* بيعتبر حاله أفضل واحد في الشراء والمفاصلة بعدين بيكتشف إن المحل اللي جنبه أرخص من غير مفاصلة.



* بيحتفظ بأكياس محلات اللبس والأحذية وورق الهدايا تحت الفرشة لسنوات من مبدأ : إلـّما يلزمو.





* عنده منقل شوي للرحلات يستخدمه مرة واحدة أو 3 مرات إن كترت بكل حياتو.



* بيكون مشغول بقيمة البخشيش طول العشا... ياترى أعطي 25 ولا 50؟.



* بيتخانق ساعة مشان يدفع حساب المطعم بحرارة شديدة ... وقلبو عم يقول حق بق.



* بيفرش شراشف التخت على طقم الكنبايات منشان ما يتوسخو، ولما يجوا الضيوف بيترك الشراشف.



* بينتظر بفارغ الصبر بياع المحارم أبو : الـ7 بمية ليموّن لشهرين عالأقل.



* بيركض ليل نهار ورا المكاري والباصات و اذا ركب شي مرة تكسي... طول الطريق بيكونو عيونو عالعداد.



* بس بصراحة بضل اطيب شعب بالعالم

التعليقات

  • sophisophi عضو مميز
    تم تعديل 2008/05/27
    هاد صاحبك فاضحنا برا

    مو هيك

    سلام
  • Dr.AhmadDr.Ahmad مدير عام
    تم تعديل 2008/05/28
    الله يصلحو و يهيديه لهدا رفيقك يا قلو يلفها يا اعطيني وينو مشان لاقيلو متل ما لقالنا

    يسلمو حازم
  • dr.joandr.joan عضو ماسي
    تم تعديل 2008/05/28
    لاء يا شباب يعني مانا فضيحة لانو بيناتنا
سجل دخولكاو سجل حسابا للتعليق.