لاقولي حل *_*

ميرةميرة المشرفة العامة
تم تعديل 2012/09/18 في قسم الاستشارات الطبية
السلام عليكم

عندي مشكلة سنية صار لها 10 أيام تقريباً
صار عندي حساسية بالضاحك الثاني سفلي
حسب البانوراما الي عملتها
ما ظهر أي مشكلة بالعصب أو الأربطة
كان تشخيص الطبيب حساسية بسبب حشوة الأملغم القديمة
غير الحشوة من الأملغم الى الكومبوزيت
ولكن للأسف الألم استمر و ازداد بالضغط على السن
تحملت أسبوع على أساس هي حشوة جديدة .
راجعت الدكتور وعمل أشعة جديدة وأكد على سلامة العصب ..
وغير الحشوة ..
ومع هيك ما استفدت شي .. الالم مستمر مع ملامسة أي شئ للسن .
هاد غير الشوك سبيكس الي أكلتها :(

شو رأيكم إخوتي الأفاضل ..؟؟

لاااااقولي حل ^_^

التعليقات

  • حكيمحكيم مشرف حلقات البحث و الاستشارات الطبية
    تم تعديل 2012/07/12
    مرحبا ميرة سلامتك...
    سلامة العصب ما بتتحدد بصورة البانوراما وطالما في ألم معناتها في تحريض من نوع معين بالعصب غالبا الحشوة القديمة كانت قريبة كتير من اللب وصار فيها تسرب حفافي مترقي أدى مع الوقت لالتهاب موضعي وطبعا مع الوقت كانت مرشحة تتحول لاتهاب مزمن أو حاد يؤدي لضرورة سحب العصب المهم ميرة بالعادة بهيك حالات لما منشيل الحشوة ما منحط حشوة جديدة مباشرة لأنو الحشوة الحديدة رح تزيد من الرض خصوصا إذا كانت حشوة ضوئية بسبب الأحماض المستخدمة (تخريش كيمائي) ممكن نطبق ماءات كالسيوم لعزل اللب وتهدئة الوضع ونحط حشوة مؤقتة من النوع الجيد وننطر من اسبوعين لثلاثة عالأقل لحتى يتشكل جسر عاجي
    الحل متل ما قلتلك لا بقى تبدلي حشوات لأنو الوضع رح يسوء أكتر , خلي الدكتور يطبقلك ماءات وحشوة مؤقتة ويستنى إذا زال الألم والعصب رمم نفسه ممتاز أما إذا الألم ازداد وحرمك من النوم والأكل فإنت بحاجة لاستئصال عصب
    بتمنى كون فدتك ولقيتلك الحل
  • صيدولةصيدولة عضو ذهبي
    تم تعديل 2012/07/12
    سلامتك ميرة ....
  • dr.Alidr.Ali مدير عام
    تم تعديل 2012/07/13
    أول شي سلامتك ميرة .....
    كلامك جمبل حكيم و شامل لكن بحب ضيف نقطتين بس
    الأولى بدي ركز على موضوع الألم باللمس ....... أعتقد أن هذا الألم هو ألم رباطي أو ألم التهاب لب حاد مترافق مع التهاب رباط (هذا يدعونا لمعرفة نوع التحضير)
    الثانية هي : الإجراء العلاجي اللي اتبعوا الطبيب بتصور انو الأصح هو اتباع الأسلوب اللي ذكروا حكيم و هو تبطين الحفرة بشكل جيد و إغلاقها بحشوة مؤقتة و ترك السن تحت المراقبة مع إعطاء كورس دوائي حسب حدة الحالة
    لكن ما أود التركيز عليه هو انو الطبيب طالما مصر على المعالجة النهائية للسن فالأفضل هو اتباع تقنية منسميها تقنية الساندويتش و اللي فيها بيستخدم مادة الإينومير الزجاجي اللي الو ميزات كتير حلوة بخصوص العزل ... لاسيما انو ذكرتي ميرة انو صار في تبديل بالحشوة و بالتالي بتصور حفرة التحضير صارت كبيرة و عميقة نوعاً
  • ميرةميرة المشرفة العامة
    تم تعديل 2012/07/13
    الله يسلم عمركم اخوتي ..

    وتسلموا على لهفتكم لحل مشكلتي الي عاملة مشانها استنفاااار هههه

    للأسف الحشوة حالياً دائمة .. يعني ما فيني طبق نصيحتك حكيم ..
    وما بعرف ليه الدكتور استعجل ما حشاه مؤقتة ؟؟
    حتى ماءات الكاليسيوم ما طبقها ؟؟ ولا وصف أي علاج
    والحشوة صارت كبيرة مع اعادة الحفر مرتين
    ومو معقول احفر مرة تالتة ..والله يمكن جن هههه
    شو رأيكم لو استعمل بروفين طالما فيه التهاب أربطة ..ولا شو في غيره انسب ؟؟؟

    شغلتكم معي اعذرونييييييييييي
  • ميرةميرة المشرفة العامة
    تم تعديل 2012/07/13
    كمان عندي سؤال تاني :
    حفر سن بيحتاج تخدير ناحي ..
    ومعاناة طويلة عريضة من المخدر ؟؟
    لأني حاسة حالي أكلت مقلب فيه هههه
    أو لأني أول مرة بجربه ؟
  • حكيمحكيم مشرف حلقات البحث و الاستشارات الطبية
    تم تعديل 2012/07/13
    ههههههه كلها ابرة ميرة ولو؟!!!
    على كل هادا الاجراء الطبيعي بحال وجود الألم وإلا الحفر كان رح يسببلك ألم أكتر من هيك بكتير , منشان البروفين ممتاز لتخفيف الألم بشكل عام أما التهاب الأربطة فمبدئيا مالي كتير مقتنع فيه لأنو اللي بحدده العوامل المسببة أكتر منها طبيعة الألم ورغم ذلك البروفين منيح بكل الأحوال
    شكرا علي عالإضافة المميزة فعلا تقنية الساندويش مفيدة بهالحالات وممكن نستجدمها لما المربض بكون مستعجل وبدو حشوة نهائية مباشرة
  • ميرةميرة المشرفة العامة
    تم تعديل 2012/07/13
    والله يا حكيم الي بياكل الابرة مو متل الي عم يعطيها هههههه
    بس ادعولي الله يستر وما احتاج للعلاج اللبي
  • dr.Alidr.Ali مدير عام
    تم تعديل 2012/07/14
    بتصور انو لازم نخلي السن تحت المراقبة فقط دون أدوية (باستثناء المسكنات و هنا مضادات الالتهاب اللاستيروئيدية تنفع و ذلك عند الحاجة )
    و حتى لو زالت الأعراض لازم يبقى السن تحت المراقبة و يجب إجراء اختبارات الحيوية اللبية بشكل دوري حتى لا نفاجأ بتموت اللب و نحن نظن أن الأعراض زالت لاسيما أن الحشوة المطبقة راتنجية و الحفرة عميقة و كما فهمت أن هناك مشكلة بالتبطين
    لا أخفيكي ميرة ..... بهيك حالات التموت اللبي و تشكل الخراجات أمر وارد لذلك لازم تخلي السن تحت المراقبة الدورية و لا تتوسوسي فيه كتير و إنما مراجعة للطبيب كل شهرين تكفي لحتى إذا صار تموت باللب يسرع بإستئصال العصب و إجراء المعالجة اللبية
  • ميرةميرة المشرفة العامة
    تم تعديل 2012/07/14
    ألف شكر د. علي ..على النصائح القيمة ..
    بس صراحة ما فهمت كتير شو هي اختبارات الحيوية اللبية ..
    فينا نقول : استجابة السن للقرع ..الحرارة والبرودة ..أو في شي تاني بقدر أعمله أنا ..
    بدون زيارة الطبيب ..بيني وبينك ما بحبهااااااااا
    أما البروفين ما رح استخدمه أكتر من أسبوع للتسكين وإزالة الالتهاب الرباطي ..برأيكم بيكفي ؟..
  • وجيهةوجيهة مشرفة منتدى تربية الأطفال
    تم تعديل 2012/07/14
    الف سلامة عليكي ميرة ....
  • ميرةميرة المشرفة العامة
    تم تعديل 2012/07/14
    الله يسلمك حبيبة قلبي
    ما تشوفي شو ان شالله ..
  • dr.Alidr.Ali مدير عام
    تم تعديل 2012/07/15
    اختبارات الحيوية اللبية هو أمر بسيط جداً باختصار انو نحنا منحاول ننبه العصب السني لنشوفو بيستجيب أو لا ....... إذا استجاب معناها حي .... و إذا لا معناها متموت .......و الحقيقة زيارة الطبيب ضرورية لانو هو عندو المواد و الأجهزة الخاصة بهي العملية ......... لكن بإمكانك تتأكدي من حيوية اللب بالبيت عن طريق اختبارات البرودة مثلاً .... بمعنى انو لو كان السن بيستجيب للبرودة معناها حي لكن للأسف الاجراءات المنزلية لا تكفي لانو ممكن تختلط الأمور علينا أو ممكن تكون المثيرات المنزلية غير كافية مثلاً أو غير ذلك
    أما بالنسبة للبروفين فهو للتسكين و يمكن أخذه عند الحاجة و في الواقع نحن لا نحبذ تناوله بشكل كورس لمدة معينة في مثل هذه الحالات
  • ميرةميرة المشرفة العامة
    تم تعديل 2012/07/15
    الله يعطيك ألف عافية دكتور علي .
    استفدت كتير من موضوعين لحضرتك عن الحيوية اللبية ..
    الله يبارك بجهدك ويجعله بميزان حسناتك ..
    بس لهلئ الألم موجود ..فينا نقول خف بنسبة 20 % بس :(
  • ميرةميرة المشرفة العامة
    تم تعديل 2012/07/22
    عم تدعوا لي ؟؟؟

    :(
  • حكيمحكيم مشرف حلقات البحث و الاستشارات الطبية
    تم تعديل 2012/07/23
    أكيد ميرة وأنت؟!!
  • ميرةميرة المشرفة العامة
    تم تعديل 2012/07/24
    أكيد دااائماً بالبال والله
    الله يعجل الفرج .. ونشوفكم جميييعاً بخير وسلااامة
  • Dr.AhmadDr.Ahmad مدير عام
    تم تعديل 2012/08/25
    السلام عليكم و آسف للتأخير: بس أن أصل متأخرا خير من أن لا أصل

    عليكي العافية ميرة, و ان شاء الله الوجع لسنان العدا ^_^

    بتمنى حاليا تكون انحلت المشكلة و زال الألم !

    و اكيد كل الشكر لدكاترتنا الاكارم :)
  • ميرةميرة المشرفة العامة
    تم تعديل 2012/08/26
    وعليكم السلااااااام ورحمة الله وبركاته

    المهم وصلت واطمأننا عليك ..الحمد لله على سلااامتك

    ان شالله صيامكم مقبول .. والله يعيد هالايام عليكم بخير وسلااامة يا رب
  • Dr.AhmadDr.Ahmad مدير عام
    تم تعديل 2012/08/26
    الله يسلمك و يتقبل صيامك ... و ان شاء الله ينعاد علينا جميعا بالخير و الفرج
  • suzysuzy عضو ذهبي
    تم تعديل 2012/09/18
    سلامتك ميرة
    ما في حدا بيحب الروحة عند دكتور الأسنان و لا الابرة ولا الحفر زززززززززز
    سرجام أو تيابروفينيك كتير منيح لالتهاب الأربطة السنية و يمكن أخف درجة على المعدة من البروقن