كيف تتم معالجة الأكتئاب

X-MANX-MAN عضو جديد
تم تعديل 2012/07/13 في قسم الاستشارات الطبية
السلام عليكم ....
انا عمري 17 سنة اعاني من فترة اكتئاب
اطلعت عالأعراض و تأكدت ان معي اكتئاب ارجو منكم المساعدة للشفاء (علاج أو دواء) وشكراً لكم

التعليقات

  • ميرةميرة المشرفة العامة
    تم تعديل 2012/07/12
    وعليكم السلام ورحمة الله وبركاته

    الاكتئاب العابر هو شعور كلنا ممكن نمر فيه بسبب ظروف صعبة .متل وفاة ..أو فشل ..أو احباطات متعددة
    وبيكون شعور بالحزن الشديد الذي يعيق استمرار حياتك بشكل طبيعي وطبعاً مع تبلد الشعور والأحاسيس .
    ممكن تحاول تغير من روتين حياتك اليومي .. وما تخلي تفكيرك سلبي وتستسلم لمشاعر الحزن واليأس ..
    حاول تفكر بأشياء مفرحة ..بانجازات حلوة عملتها .. ولا تلوم نفسك على كل شي بيصير حولك ..
    وبتبقى هالوسائل بالدور التاني ..طبعاً بعد التوسل والدعاء لله تبارك وتعالى بالشفاء ورفع الكروب ..
    وقراءة القرآن الكريم وسماعه ..بيعطي شعور براحة نفسية كبيرة ..
    ولو استمر معك الاكتئاب لدرجة التأثير على حياتك ونشاطاتك من الضروري استشارة الطبيب النفسي .

    كتب الله لك العافية والشفاء
  • حكيمحكيم مشرف حلقات البحث و الاستشارات الطبية
    تم تعديل 2012/07/12
    مرحبا أخي وأهلا وسهلا فيك ..
    الاكتئاب إلو مراحل وكل مرحلة إلها نوع معين من العلاج سواء دوائي أو نفسي أو اجتماعي أو..أو... وإذا كنت لقيت إنو الأعراض بتنطبق عليك فبحب طمنك إنو هي الأعراض بهالوقت بتنطبق على 99 % من الناس اللي حوالينا وإذا بدك أنا أولهن فإذا كنت عم دور على علاج دوائي ووصفة طبية إنت بحاجة لمختص يحدد هالشي أما إذا كان الموضوع إنك مضايق من كل شي وما عم تقدر تنام أو تاكل أو تضحك فهادا مو اكتئاب هي حالة عامة ومرض عم يصيب بس الناس اللي هون ولعلمك بصيب بس الناس اللي ضميرهن صاحي !
  • X-MANX-MAN عضو جديد
    تم تعديل 2012/07/12
    حكيم كتب: »
    مرحبا أخي وأهلا وسهلا فيك ..
    الاكتئاب إلو مراحل وكل مرحلة إلها نوع معين من العلاج سواء دوائي أو نفسي أو اجتماعي أو..أو... وإذا كنت لقيت إنو الأعراض بتنطبق عليك فبحب طمنك إنو هي الأعراض بهالوقت بتنطبق على 99 % من الناس اللي حوالينا وإذا بدك أنا أولهن فإذا كنت عم دور على علاج دوائي ووصفة طبية إنت بحاجة لمختص يحدد هالشي أما إذا كان الموضوع إنك مضايق من كل شي وما عم تقدر تنام أو تاكل أو تضحك فهادا مو اكتئاب هي حالة عامة ومرض عم يصيب بس الناس اللي هون ولعلمك بصيب بس الناس اللي ضميرهن صاحي !
    شكراً على المساعدة بس الموضوع مو بس متضايق كمان عبحس احياناً تركيزي ضعيف و كمان و بتصدف احياناً بتخلف سلوكي و بتفكير سلبي وفي ارتكاب افعال عنف وضعف في النشاط
  • dr.Alidr.Ali مدير عام
    تم تعديل 2012/07/13
    أخي الكريم ...... حاول تسافر برا هالبلد ولو بشكل مؤقت و بتتحسن نفسيتك فوراً
  • ميرةميرة المشرفة العامة
    تم تعديل 2012/07/13
    والله يا د. علي نحنا بره البلد بس نفسياتنا صايرة زفت ..
    الله يفرج عنا وعنكم ..

    حكيم .. والله معك حئ ..الناس الي ضميرها حي بتتعب كتييير
    الله يهدي البال ويصلح الحال
  • حكيمحكيم مشرف حلقات البحث و الاستشارات الطبية
    تم تعديل 2012/07/13
    X-MAN كتب: »
    شكراً على المساعدة بس الموضوع مو بس متضايق كمان عبحس احياناً تركيزي ضعيف و كمان و بتصدف احياناً بتخلف سلوكي و بتفكير سلبي وفي ارتكاب افعال عنف وضعف في النشاط
    تمام أخي إذا بدك عنجد مساعدة بلش من أبسط طرق العلاج بهالموضوع يعني بلش غير ظروفك سافر مثلا أو انتسب لنادي رياضي أو مارس هواية بتحبها أو غير غرفتك إذا ما مشي الحال وحسيت نو المشكلة جواتك ومالها علاقة بالظروف اللي كلنا عم نمرق فيها اقعد مع حالك واكتب كل شي عم يضايقك والحل اللي بتتخيله فيني دلك على كم كتاب فعلا رح يساعدوك بهالموضوع (قانون الجذب لصلاح الراشد أو اكتشف قدرات عقلك الباطن لجوزيف ميرفي ) شغلة أخيرة لما الواحد بيحس إنو الحياة كلها ضده وكل شي عم يروح للأسوأ حياته ,مستقبله, شغله, أهله, بلده الشي الوحيد اللي بعزيه إنو الله موجود ومستحيل يتركه والفرج عنده بين الكاف والنون
    إذا ما مشي الحال روح لعند اختصاصي كحل أخير