يالنجي
المقادير:
كيلو باذنجان
نص كيلو كوسا
وحبة فليفلة حلوة
3 ملاعق صلصة (معجون بندورة)
مقادير الحشوة:
2 كاس أرز
حبة بندورة
وحبة بصل
نص فنجان زيت زيتون
نص كاسة كبيرة بقدونس مفرمة
2 ليمون
2 معلقة دبس رمان
نص معلقة صغيرة حمض الليمون
معقلة صغير بن (قهوة تركي)
معلقة صغيرة ملح
طريقة التحضير:
1- اغسلي الكوسا وباذنجان وفليفلة جيدا
2- احفريهم .
نجهز الخلطة:
انقي الرز لمدة نص ساعه افرمي البصل وبندورة بالمفرمة او بالمبشرة او على المخرطة فرم ناعم
واغسلي البقونس وافريها على المخرطة افضل من المفرمة اصعب شي عندي فرم البقدونس
وعصيري الليمون وضعي جميع المقادير الحشوة المتبقة (حمض الليمون و البن وزيت الزيتون ودبس الرمان والرز المنقوع والملح ) وبذلك نكون قد انتهينا من تحضير الخلطة .
ونبدا بالحشي
وبعد الانتهاء من الحشي
نجهز ماء مغلي ومعلقتين او 3 معجون البندورة (صلصلة) وملح
ونصبها فوق المحاشي
ونضعها على نار عالية حتى تغلي مدة 5 دقاق تقريبا
ثم على نار هادية لمدة 45 دقيقا تقريبا حتى تنضج تماما..
وبالهنا والشفا
يلا يلي بتجربها تحطلنا الصورة وتقلنا كيف طلعت معها
واي سؤال انا جاهزة
اعداد وتقديم وجيهة
التعليقات
بس هادا عنا نحنا منسميه يالنجي........ مو هيك؟
هلئ سؤال: تناول هيك أكلة بآخر الليل يا ترى شي صحي أو لا ؟
هلئ الجواب : ما فيها دسم كلها خضرة.... بس لاتقل حبتين تلاتة بالكتير
وقبل النوم بنص ساعه على الاقل
مرسي لمرورك