نريد !!

وجيهةوجيهة مشرفة منتدى تربية الأطفال
تم تعديل 2011/12/19 في الاقتراحات و التطويرات

بسم الله الرحمن الرحيم

السلام عليكم ورحمة الله وبركاتة

اعزائي مُدَرَآء المنتدى .. اريد اقسام جديد ...

1- نريد قسم للطبخ .

2- وقسم للتصوير الضوئي .

اتمنى الموافقة ...


ولكم جزيل الشكر

وجيهة ..
«1

التعليقات

  • ميرةميرة المشرفة العامة
    تم تعديل 2011/11/15
    مشكووورة عزيزتي على الاقتراح ..
    أنا اقترحت من فترة قسم أخبار عامة ..وما حدا شجعني عليه بالعيادة
    أما قسم الطبخ يمكن صعب شوي يكون منفصل ..ما بعرف شو رأي الإدارة ؟؟
    بس ممكن نعمل منتدى عائلي :
    يضم قسم تربية أطفال ..
    تغذية أطفال ..
    أُسرياات ..
    تغذية وطبخ ووجبات صحية ..
    ؟؟؟؟ شو رأيكم
  • Dr.AhmadDr.Ahmad مدير عام
    تم تعديل 2011/11/17
    اي ما تكرموا ... بس صدمتوني بالطلب بصراحة ..

    هلئ منتدى طبخ !!! ما بعرف كيف رح يكون بس بتصور ضمن اقتراح ميرة بيكون افضل بكتير ... منساوي قسم متل " الساحة العامة " أو " العلوم الطبية السريرية " ... و بداخل هالقسم منتديات فرعية عن اللي بدكن ياه ... طبعا ضمن النطاق الطبي و لو الواسع جدا .... متل يكون اسم المنتدى " طبخ صحي " ... لأن بصراحة يمكن خربط بالمنتدى لو صار فيه قسم " طبخ " ..!!

    مشان قسم التصوير الضوئي ... ما بعرف بالضبط شو قصدك فيه ... لكن غير منتدى مكتبة الصور و التصميم !!!

    ميرة مشان قسم الاخبار العامة ... يمكن هالفترة الاخبار كلها عامة و ما بدي بصراحة يدخل المنتدى بمتاهات مؤذية النا ...
  • حكيمحكيم مشرف حلقات البحث و الاستشارات الطبية
    تم تعديل 2011/11/17
    أنا أعترض ... نجنا شو منستفيد أنتو (قصدي أنتن) بتطبخوا وبتاكلوا ونحنا منضل عم نتفرج شم ولا تدوق .لأ ما بدي$%##
    على كل فكرة الطبخ الصحي ظريفة بس ما بتوقع في داعي نحطها لحالها هي منتدى التغذية والطب البديل بيأدي نفس المهمة وفيكن تحطوا طبخاتكن هنيك ,مشان القسم عائلي ميرة فكرة جديدة وحلوة بس ما بعرف إذا رح تلاقيلها جمهور من يلي بيفوتوا عالعيادة أو حتى من الأعضاء لأنو الغالبية عزابية ذوو توجه طبي بحت..... بالمناسبة شو الرابط بين العلوم الطبية السريرية والطبخ؟!!
  • ميرةميرة المشرفة العامة
    تم تعديل 2011/11/17
    هههههههههههههههههه
    كل شي إلا تخربط بالمنتدى د أحمد ..
    بلا الطبخ والأخبار كرمالك ..
    أنا قصدي بالأخبار العامة أخبار منوعة طريفة بس الأكيد مو سياسية فعلاً لأن مكانها مو هون ..
    حكيم ..قلنالك بطل عزابي وروح لاقي بنت الحلال بتطعميك على كل ضرس لووون ..وبتستفيد من وصفاتنا..
  • Dr.AhmadDr.Ahmad مدير عام
    تم تعديل 2011/11/17
    بتصدقوا أنو أوقات بفكر افتح منتدى اجتماعي على قد ما بشوف طلبات غريبة ^_^ ...

    بكل حال من باب الديمقراطية و حرية التعبير ^_* ... و أنا بعكسك حكيم بتصور انو منتدى بيضم وصفات صحية أو طرق تحضير صحية او منتدى اسري صحي ... أمر جدا حضاري و جديد و أنا أؤيد بشدة ... لكن النقطة الأهم مين مستعد يدعم هالقسم بالمعلومات !! اكيد ما حدا بالادراة و لا حتى حكيم لأنو كلنا نفس الشي ^_^ عزابية ^_^ و أكتر طبخة منعرف نساويها هي الاندومي *______*

    و قلت مشان ما تكون المنتديات مفرقة بتنجمع ضمن قسم اطار كبير واحد ... شوفولي تصور لشكل هالقسم .. شو المنتديات اللي ممكن تكون فيه سواء جديدة أو من الموجودة حاليا و ردولي خبر
  • ميرةميرة المشرفة العامة
    تم تعديل 2011/11/18
    هلئ أكيد القسم بيكون باستراحة العيادة تحت اسم أُسريات ..؟؟ مثلاً
    ويحوي أقسام فرعية :
    أسرار حواء ( كل ما يهم حواء .. جمال ..أناقة )
    شبابيات (كل ما يهم آدم ..)
    أطفالنا (تربية الأطفال القسم الموجود بالمنتدى ينقل لهذا القسم ..
    تربية ..تغذية .. أناقة ..)
    ركن التغذية ( وصفات صحية وحميات غذائية )
    ما بعرف شو رأيكووون ..؟؟
    هاد تصوري المبدأي للقسم ..

    وبرجع بقترح إضافة قسم أخبار منوعة وغريبة وأكيد غير سياسية
    كمان بقسم الاستراحة
    لأن في كتير أخبار نهفة وغريبة..طبية أو عامة .. بتستاهل نوقف عندها
  • Dr.AhmadDr.Ahmad مدير عام
    تم تعديل 2011/11/19
    الفكرة جيدة ميرة ... بس انا كمان بانتظار صاحبة الفكرة الأساسية !! وينك وجيهة ؟
  • وجيهةوجيهة مشرفة منتدى تربية الأطفال
    تم تعديل 2011/11/19

    اول شي شكرا كتير للتأيد ع الفكرة .....

    تاني شي انا و ميرة بنعدم المنتدى بالمعلومات ولا شو ميرة ؟!! ما بتساعديني !!

    تالتا بشوف انو نفتح قسم جديد متل ما اقترحتو و نسمي

    قسم الاسرة و المجتمع :

    ويكون القسم بيشمل

    1_منتدى الحمل والولادة مابعرف اذا بيصير نقسم منتدى التوليد والامراض النسائية لقسمين نخلي قسم الامراض النسائية بمكانها وقسم التوليد بنضمن هي المجوعه ..
    2_منتدى تربية الأطفال .....

    3_منتدى الصحة العامة والطب الوقائي
    4_منتدى وصفات طبيعية (للجمال)بيشمل العناية بالشعر والبشرة ...الخ.. جديد
    4_منتدى التغذية والطب البديل ....
    5_منتدى طبخ الصحي ..... جديد

    6_منتدى تطوير الذات
    7_منتدى اجتماعي بيشمل مشاكل الاعضاء وحلول واخبار .... جديد


    ....................................
  • Dr.AhmadDr.Ahmad مدير عام
    تم تعديل 2011/11/19
    تفصيل مشاركتك وجيهة بيريح كتير لكن حابب اعرض شوية تعديلات ..

    - قسم التوليد و الامراض النسائية هاد قسم اختصاصي و ممكن نستبدلو بقسم " نصائح للحوامل و المرضعات " ... او لاقي اسم مناسب تاني بعيد عن لب الاختصاص الطبي البحت
    - قسم التغذية و الطب البديل لازم ناخد رأي " نهاد " فيه لأنو هو المشرف ..

    عدا ذلك الامور تمام
  • زهرة المنتدىزهرة المنتدى عضو نشيط
    تم تعديل 2011/11/19
    افكار حلوة
    وانا مع انه يكون في قسم لامراض النساء والحوامل والخ
    وانا كمان مستعده ادعم شوي (قد ما بقدر)
    إمو على عيني
  • وجيهةوجيهة مشرفة منتدى تربية الأطفال
    تم تعديل 2011/11/21
    ممكن نسمي المنتدى العناية بالمرأة الحامل...
    او نصائح للأم المرضع ..
  • وجيهةوجيهة مشرفة منتدى تربية الأطفال
    تم تعديل 2011/11/21
    مشان التصوير الضوئي : هو فن التصوير الفوتوغرافي

    وممكن نحطو باستراحة المنتدى

    بس اذا رح نفتح هلق منتدى الطبخ والوصفات طبيعة
    بنأجل منتدى التصوير شوي
  • Dr.AhmadDr.Ahmad مدير عام
    تم تعديل 2011/11/22
    طيب تكرمي .. وجيهة ... ما رح افتحو اليوم لأن صارت الساعة 4 الصبح و انا فارط و ماني مركز كتير لأفتح الاقسام

    بكرة ان شاء الله رح افتحن و بدي همتك مشان تساعديني لو في أي إشكال ^_^

    و لازم ناخد رأي الحكيم " نهاد " مشان منتدى التغذية و الطب البديل ... أو أنو تبطلوا تنقلوه ..
  • suzysuzy عضو ذهبي
    تم تعديل 2011/11/22
    عجبتني فكرة ميرة بقسم الأسرة أو المنتدى الاجتماعي حطو كل يلي بتحبوه فيها متل قسم للمرأة و الطفل
    و قسم للرجل و قسم للتغذية السليمة و الوصفات الصحية
    بس يا ريت يبقى الاطار العام طبي أو صحي لحتى ما تتغير فكرة العيادة و نهجها
  • وجيهةوجيهة مشرفة منتدى تربية الأطفال
    تم تعديل 2011/11/22
    اي تكرم عينك احمد انا جاهزه .... لأي مساعده انا بالخدمة

    ومشان منتدى الطب البديل ضروري ينتقل .....وينو د/نهاد حدا يدقلو ...
  • وجيهةوجيهة مشرفة منتدى تربية الأطفال
    تم تعديل 2011/11/22
    سوزي اذا بدنا نفتح منتدى للرجل ... شو ممكن تكون المواضيع يلي بتحتوي ؟
  • ميرةميرة المشرفة العامة
    تم تعديل 2011/11/22
    أنا رأيي تبقى المنتديات الطبية الاختصاصية بمكانها
    القسم الجديد ضمن الاستراحة يعني معلوماته عادية ..نصائح وما شابه ..
    متل ما كان اقتراحي السابق وهي سوزي من المشجعين .. :903
  • زهرة المنتدىزهرة المنتدى عضو نشيط
    تم تعديل 2011/11/22
    اي يعني كل شي
    نصائح للموضه ونصائح للحياة العاديه وما شابه
  • ميرةميرة المشرفة العامة
    تم تعديل 2011/11/22
    وجيهة مواضيع الرجال أكتر من مواضيعنا ^_~
    ههههههههههه
    لا تخافي لسه بيهتموا بالأناقة وجمال البشرة والتسريحات
  • Dr.AhmadDr.Ahmad مدير عام
    تم تعديل 2011/11/26
    اسف جدا جدا جدا عالتأخير بس ما قدرت ادخل عالمنتدى الايام الماضية لأمور قاهرة ... و هلئ بعون الله رح جهز هالاقسام ...

    انا مؤيد بشدة لكلام سوزي ... و سامحوني بس شغلة موضة و ما موضة الي بيحب فيه يروح ع موقع " مكتوب ياهو " و هنيك في موقع كامل لهالأمور اللي ما دخلها بالطب أساسا ....

    يعني ضمن الاستراحة صح لكن يبقى الاطار العام لأي موضوع في الو صلة بنصائح طبية او صحية .... ما يكون منتدى اجتماعي ... هاد رجائي الخاص ....
  • Dr.AhmadDr.Ahmad مدير عام
    تم تعديل 2011/11/26
    انا هلئ خلصت القسم الجديد ... هاد بشكل مبدئي و ممكن نعدل عليه ... بتمنى تعطوني رأيكم فيه و شو التعديلات أو التحسينات المقترحة !!

    بانتظاركم
  • وجيهةوجيهة مشرفة منتدى تربية الأطفال
    تم تعديل 2011/11/26
    الله يسلم ايديك ... احمد
    بس
    منتدى أخبار طبية عامة؟؟ شو مناسبتها بقسم الاسرة والمجتمع

    اذا موجود منتدى ..الصحة العامة؟
  • Dr.AhmadDr.Ahmad مدير عام
    تم تعديل 2011/11/27
    أهلا جوجو ......

    طيب منطيرو ... غيرو شو في تعديلات
  • وجيهةوجيهة مشرفة منتدى تربية الأطفال
    تم تعديل 2011/11/27
    الله يعطيك العافية ...
  • suzysuzy عضو ذهبي
    تم تعديل 2011/11/27
    قسم متكامل دكتور أحمد الله يعطيك العافية
    ما شاء الله عنك وجيهة شو هالنشاط
    موفقين ان شاء الله
  • وجيهةوجيهة مشرفة منتدى تربية الأطفال
    تم تعديل 2011/11/27
    تسلمي سوزي كلك زوق ...
  • حكيمحكيم مشرف حلقات البحث و الاستشارات الطبية
    تم تعديل 2011/11/27
    مبروك القسم الجديد ميرة ,وجيهة ,سوزي ,وكل العنصر النسائي بالعيادة بصراحة قسم حلو حمل وأمومة وتغذية وطبخ شو مشان قسم آدم ولا الشغلة كانت تسكيتة مشان ما نعترض؟!!
  • ميرةميرة المشرفة العامة
    تم تعديل 2011/11/30
    ألف شكر د.أحمد ..تعبناك معنا ..*_^
    حكيـــــــم ..والله معك حق ..وأنا بضم صوتي لصوتك ..
  • Dr.AhmadDr.Ahmad مدير عام
    تم تعديل 2011/12/01
    الله يعافيكم يا رب و يبارك فيكم
    ميرة ... عذابكم راحة ...

    و اخي حكيم مشان قسم آدم ... دقيقة بيكون موجود ما قضية ... بس القضية هي شو بدك تحكي فيه ؟؟؟؟؟؟؟؟؟ طبعا ضمن النطاق الطبي ( ولو الواسع ) !! .... بانتظار الجواب مشان افتح القسم ان شاء الله
  • حكيمحكيم مشرف حلقات البحث و الاستشارات الطبية
    تم تعديل 2011/12/11
    بصراحة أنا شخصيا ما عندي شي أحكيه بس يعني مشان يضللنا موطئ قدم بهالقسم النسائي البحت بعدين لا تخاف البنات بيحكوا عنا وعنن ودائما عندن مواضيع جديدة إلنا وإلهن ...والا انتبه دكتور هلأ بدن قسم نسائي بكرة بصير بدن يعملوا حظر على دخول الرجال والله أعلم شو بعدين...حذار .. المد النسائي قادم