انها دمشق!

وجيهةوجيهة مشرفة منتدى تربية الأطفال


انها دمشق

) كما يوصفها الشاعر والاديب العراقي مظفر النواب(





شقيقة بغداد اللدودة، ومصيدة بيروت، حسد القاهرة، وحلم عمّان، ضمير مكة،

غيرة قرطبة، مقلة القدس، مغناج المدن وعكاز تاريخ لخليفة هرم.‏‏‏‏‏





إنها دمشق امرأة بسبعة مستحيلات، وخمسة أسماء وعشرة ألقاب، مثوى ألف ولي

ومدرسة عشرين نبي، وفكرة خمسة عشر إله خرافي لحضارات شنقت نفسها على

أبوابها.



‏‏‏‏‏

إنها دمشق الأقدم والأيتم، ملتقى الحلم ونهايته، بداية الفتح وقوافله،

شرود القصيدة ومصيدة الشعراء.‏‏‏‏‏





من على شرفتها أطلّ هشام ليغازل غيمة أموية عابرة،"أنى تهطلي خيرك لي "

بعد أن فرغ من إرواء غوطتها بالدم، ومنها طار صقر قريش حالماً، ليدفن تحت

بلاطة في جبال البرينيه.‏‏‏‏‏





إنها دمشق التي تحملت الجميع، قوادين وحالمين، صغار كسبة وثوريين، عابرين

ومقيمين، مدمني عضها مقلمي أظفارها وخائبين وملوثين، طهرانين

وشهوانيين....



رَضَّعت حتى جفَّ بردى، فسارعت بدمها بشجرها وظلالها، ولما نفقت الغوطة،

أسلمت قاسيونها (شامتها الأثيرة) يلعقونه يتسلقونه، يطلون منه على جسدها،

ويدعون كل السفلة ليأخذوا حصتهم من براءتها، حتى باتت هذه مهنة من يحبها

ومن لا يقوى على ذلك لكنها دمشق تعود فتية كلما شُرِقَ نقي عظامها.‏‏‏‏‏







إنها دمشق أيها العرب العاربة والمستعربة قِبلة سياحكم، ومحط مطيكم، تمنح

لقب الشيخ لكل من لبس صندلا واعتمر دشداشة ولا تعترف إلا بشيخها محي

الدين بن عربي‏‏‏ ،هو من لم تتسع له الأرض، حضنته دمشق تحت ثديها وألبسته

حياً من أحيائها فغنى لها " كل ما لا يؤنث لا يعول عليه"





‏‏‏‏‏

إنها دمشق لا تعبأ باثنين، الجلادين والضحايا، تؤرشفهم وتعيدهم بعد لأي

على شكل منمنمات تزين بها جدرانها أو أخباراً في صفحات كتبها، فيتململ

ابن عساكر قليلا يغسل يديه ويتوضأ لوجه الله ويشرع بتغطيس الريشة في

المحبرة، لا ليكتب بل ليمرر الحبر على حروف دمشق المنجمة في كتابها

دمشق التي تتقن كل اللغات ولا أحد يفهم عليها إلا الله جل شأنه وملائكة عرشه.‏‏‏‏‏





دمرَّ هولاكو بغداد وصار مسلماً في دمشق، حرر صلاح الدين القدس وطاب

موتاً في دمشق، قدم لها الحسين إبن علي ويوحنا المعمدان وجعفر البرمكي

رؤوسهم كي ترضى دمشق، وما بين قبر زينب وقبر يزيد خمس فراسخ ودفلى على

طريقة دمشق.



‏‏

إنها دمشق لا تحب أحداً، ولا تعبأ بكارهيها، متغاوية ووقحة تركت عشاقها

خارجاً بقسوة نادرة كي لا ينسفح الكثير من دمهم، وتتفرغ للغرباء الذين

ظنوا أنفسهم أسيادها ليستفيقوا فجأة وإذ بهم عالقين تحت أظافرها.‏‏‏‏‏





لديها من الغبار ما يكفي لتقص أثر من سرقها فتحيله متذرذراً على جسدها.‏‏‏‏‏

لديها من العشاق ما يكفي حبر العالم.‏‏‏‏‏ من الأزرق ما يكفي لتغرق

القارات الخمس .





لديها من المآذن ما يكفي ليتنفس ملحديها عبق الملائكة، ومن المداخن

ما يكفي "لتشحير" وجه الكون.‏‏‏‏‏





ولديها من الوقت ما يكفي لترتب قبلة مع مُذنَّب عابر، ومن الشهوة ما يدعو

نحل الكون لرحيقها.‏‏‏‏‏





لديها من الصبر ما يكفي لتنتشي بهزة أرضية، ومن الأحذية و"الشحاحيط "

المعلقة في سوق الحميدية ما يكفي للاحتفال بخمسين دكتاتور.‏‏‏‏‏







لديها من الحبال ما يكفي لنشر الغسيل الوسخ للعالم أجمع، ومن الشرفات ما

يكفي سكان آسيا ليحتسوا قهوتها ويدخنوا سجائرهم على مهل.‏‏‏‏‏





لديها من القبل ما يكفي كل حرمان المجذومين، ومن الصراخ ما يكفي ضحايا

نكازاكي وهيروشيما‏‏‏‏‏



لديها من النهايات ما يكفي ثمانين ألف رواية، ومن الأجنة ما يكفي لتشغيل

الحروب القادمة.

‏‏‏‏‏

لديها شعراء بعدد شرطة السير، وقصائد بعدد مخالفات التموين، ونساء بكل

ألوان الطيف وما فوق وتحت البنفسجي والأحمر.‏‏‏‏‏



لا فضول لدمشق، لا تريد أن تعرف ولا أن تسرع الخطى، ثابتة على هيئة لغز،

الكل يلهثُ يرمحُ يسبحُ، وهي تنتظرهم هناك إلى حيث سيصلون.‏‏‏‏‏





دمشق هي العاصمة الوحيدة في العالم التي لا تقبل القسمة على اثنين في

أرقى أحيائها تسمع وجع "الطبالة"، وفي ظلمة "حجرها الأسود" يتسلق كشاشي

الحمام كتف قاسيون ليصطادوا حمامة شاردة من "المهاجرين".‏‏‏‏‏





دمشق لا تُقسم إلى محورين، فليست كبيروت غربية وشرقية، ولا كما القاهرة

أهلي وزملكاوي ولا كما باريس ديغول وفيشي ولا هي مثل لندن شرق وغرب

نهر التايمز ولا كمدن الخليج العربي مواطنين ووافدين ولن تكون كعمّان

فدائيين وأردنيين، ولا كبغداد منطقة خضراء وأخرى بلون الدم ....‏‏‏‏‏





دمشق مكان واحد فإذا طرقت باب توما ستنفتح نافذة لك من باب الجابية وإذا

أقفل باب مصلى فلديك مفاتيح باب السريجة‏‏‏‏‏ وإن أضعت طريق الجامع الأموي ،

ستدلك عليه " كنيسة السيدة "





لا تتعب نفسك مع دمشق ولا تحتار فهي تسخر من كل من يدعي أنه يحميها

ومن يهدد بترويضها، فتود أن تعانقها أو تهرب منها، تلتقط لها صورة أو

تحمضها كلها، تود أن تدخلها فاتحاً أم سائحاً، مدافعا أو ضحية، ماحياً أو

متذكراً كل شيء دفعة واحدة.‏‏‏‏‏





فتخرج سيجارة حمرا طويلة تشعلها بخمسة أعواد كبريت ماركة" الفرس"، وتقول

جملة واحدة للجميع (إنها دمشق )

التعليقات

  • وجيهةوجيهة مشرفة منتدى تربية الأطفال
    تم تعديل 2011/08/14
    يحميكي ربي يا شام....
  • dr.Hazemdr.Hazem مدير عام
    تم تعديل 2011/08/14
    إن شاء الله بترجع قريبا الشام متل ماكانت .... بس نضفها من الحشرات يلي فيها ..
  • وجيهةوجيهة مشرفة منتدى تربية الأطفال
    تم تعديل 2011/08/14
    يارب الله ينصرها....
  • الفراتيالفراتي عضو جديد
    تم تعديل 2011/08/15
    الالهم انصر اهل الشام ...........يالله
  • وجيهةوجيهة مشرفة منتدى تربية الأطفال
    تم تعديل 2011/10/19
    اللهم امين ...
  • Dr.AhmadDr.Ahmad مدير عام
    تم تعديل 2011/10/19
    بصراحة أنا ما بحب الشام :(
  • وجيهةوجيهة مشرفة منتدى تربية الأطفال
    تم تعديل 2011/10/20
    ليييش احمد ما بتحب الشام ؟!!!

    مابظن انو الشام ما بتحب حدا ....
  • Dr.AhmadDr.Ahmad مدير عام
    تم تعديل 2011/10/21
    انا بقصد دمشق بالخصوص .... لأنو بصراحة حاليا مافيها شي ينحب ... يا ريت تقليلي حاليا شغلة وحدة حلوة بدمشق ؟؟؟؟؟ طبعا كل بلد حلو بالنسبة لأهلو ... بس انا بقصد للناس المحيطين !
  • حكيمحكيم مشرف حلقات البحث و الاستشارات الطبية
    تم تعديل 2011/10/24
    معقول في حدا ما بيحب الشام أحمد؟!!
  • وجيهةوجيهة مشرفة منتدى تربية الأطفال
    تم تعديل 2011/10/25
    شفت حكيم على هل الحكي ..!!!

    والله زعلني كتير...

    قال : قلو شي واحد حلو بالشام ؟
  • ميرةميرة المشرفة العامة
    تم تعديل 2011/10/25
    أنا لما إرجع على الشام روحي بترجعلي ..
    كل الرفاهية الي عايشين فيها ..نسمة وحدة من هوا الشام بتسواها كلها
    الله يحميها ونرجع لها بالسلامة
  • Dr.AhmadDr.Ahmad مدير عام
    تم تعديل 2011/10/25
    اي معقول حكيم ... و عفكرة هاد ما بس كلامي الي .. في كتير ناس غيري ما بيطيقوا الشام و هلئ بصراحة زاد هالشي ... انتو ما رح تعرفوا هالشي لأنكن عايشين فيها و بصراحة الشوام ( " الاصليين " منن ) عندن نزعة فوقية غريبة من نوعا

    ميرة .. اللهم آمين ... بس برجع بقلك ما بحكي بالنسبة لأهل الشام نفسن .. بحكي بالنسبة لباقي الناس ...

    وجيهة .. اي لاااااا ما بدا زعل الشغلة ... اذا بدك تزعلي بقول اني بحب الشام و خلص ...


    ملاحظين انو ما حدا عطاني سبب واحد !!!!!!!!
  • ميرةميرة المشرفة العامة
    تم تعديل 2011/10/25
    لأنها الشام وبس !!!!!!
    بالنسبة إلي يمكن لأني متغربة عنها ..؟؟دائماً بحن لها
    ولما كنا فيها ما حسينا بها الشي !!
  • حكيمحكيم مشرف حلقات البحث و الاستشارات الطبية
    تم تعديل 2011/10/25
    Dr.Ahmad كتب: »
    اي معقول حكيم ... و عفكرة هاد ما بس كلامي الي .. في كتير ناس غيري ما بيطيقوا الشام و هلئ بصراحة زاد هالشي ... انتو ما رح تعرفوا هالشي لأنكن عايشين فيها و بصراحة الشوام ( " الاصليين " منن ) عندن نزعة فوقية غريبة من نوعا
    هه يعني الشغلة غيرة وضيقة عين ( شو رأيك بالنزعة الفوقية هلأ ههههه) أخي الشام ما بدها أسباب لتحبها لأنو هي بتجي بالفطرة يعني الولد أول ما يخلق بيعلموه يحب أمه وأبوه والشام بعدين إذا ما شفنا حالنا بالشام جنة الله في الأرض بشو بدنا نشوف حالنا
  • Dr.AhmadDr.Ahmad مدير عام
    تم تعديل 2011/10/26
    لهلأ ما عطيتوني سبب تنحب فيه الشام ... مقابل اسباب كتيرة تنكره فيه ... عدا عن انها بلدكن و هالشي خاص بالشوام ... بالنسبة الي الشام مدينة ما فكرت حتى بزيارتها ..... طبعا غير اذا بدي غرض منها

    عجبتني هي بالفطرة ^^ ما شاء الله عنها ههههههههههههههههه .... الله يخليلكن الفطرة يا رب ^^ ..... مشان الغيرة و ضيقة العين ^^ فيك تقول هيك شي حكيم ههههههههه مقبولة منك انت بس