دفتر تفقد

التعليقات

• صيدولة عضو ذهبي

  2011/04/21 تم تعديل 2011/04/21

  اكيد دعوتك رح تلاقي صدى ... ومشكور على اهتمامك دكتور ...
  الظروف اللي مرينا فيها ... والحالة اللي عم نعيشا أثرت فيني كتير ... لدرجة انو اكتر من مرة حاولت ادخل وعلّق ع أكتر من موضوع بس مابقدر .. ومابعرف ليش ...
  مابدي احكي كتير مشان ما انقل مشاعر سلبية للغير .... ان شا الله منرجع كلياتنا متل ما كنا ... واكيد اكيد رح تبقى العيادة السورية المكان اللي بيجمعنا ورح نبقى عيلة وحدة دايما ...
  وبرجع بتشكرك على سؤالك... ويارب كل الاعضاء يضلو بخير دايما
• Dr.Ahmad مدير عام

  2011/04/21 تم تعديل 2011/04/21

  اهلا فيكي صيدولة و الحمد لله عالسلامة ... و الله انا متلك ما عم اقدر رد على شي برغم تواجدي الهائل حقيقة على الانترنت .. من هيك حبيت خلي هاد الموضوع مشان و لو على الاقل ترك سلام عند الدخول من باب أنو نتطمن على بعضنا .. و انا بعرف انو الموقع كلو موقف بس ان شاء الله بتفرج الدنيا على أحسن حال و بكل خير و منرجع أحسن من ما كنا
• حكيم مشرف حلقات البحث و الاستشارات الطبية

  2011/04/21 تم تعديل 2011/04/21

  شكرا على لفتك الحلوة وقلبك الطيب اللي عودتنا عليه
  والله يادكتور حالنا من حالك بقى قول الله يفرج الهم ويهدي البال أحسن شي
• suzy عضو ذهبي

  2011/04/23 تم تعديل 2011/04/23

  مشكور دكتور أحمد لفتة حلوة منك تسأل و تتطمن
  أنا بدخل بشكل مستمر بس عن جد ما قادرة حتى على الرد
  ان شاء الله يكونو كل الأعضاء بخير و ان شاء الله بتفرج و منرجع نشيطين متل ما كنا
• غاردينيا Foreign Languages Supervisor

  2011/04/23 تم تعديل 2011/04/23

  بالبداية الله يرحم شهدائنا جميعا سواء باللاذقية أو بكل مدن سوريا والله يلهم أهلهم الصبر
  بتشكر اهتمامك د.أحمد بصراحة سمعت عن الموضوع من لما لهيك حبيت ادخل اتشكرك
  وبحب قول انو نحنا ماممكن ننسى العيادة بس صعب نتواجد وروحنا بمكان تاني
  مابعرف شو احكي بس الله يجعل بلدنا آمن مطمئن ويارب يجعل كيدهم بنحرهم
  ومافي شي مستحيل عند رب العالمين
• Dr.Ahmad مدير عام

  2011/04/23 تم تعديل 2011/04/23

  شكرا كتير على حضوركم الغالي جدا على قلبي: حكيم - سوزي - غاردينيا ...
  
  متل ما قلت حكيم و الله الحال من بعضو و انا ماني قدران رد ابدا ... لكن حبيت يكون هالموضوع بس مشان نتطمن على بعض ... لانو أنا أول واحد عايش بحالة نفسية يرثى لها و متأكد انو كل الناس نفس الشي
  
  لذلك ... الله يرحم الشهداء و يلحقني فين ....
  
  و ان شاء الله بتفرج ... و نرجو من الله يعجل بفرجو ...
  
  من قلبي لكم جزيل الشكر ..
• ميرة المشرفة العامة

  2011/04/26 تم تعديل 2011/04/26

  بارك الله بك د.أحمد على طيب السؤال ..
  نسأل الله الأمن والأمان ..والسلامة والاطمئنان ..
  وأن يجمعنا دائماً على خير وبركة ..
• dr.Hazem مدير عام

  2011/04/26 تم تعديل 2011/04/26

  له يا أبو حميد أنا نسياني؟!!
  عكل حال السلام عليكم ورحمة الله وبركاته للجميع ....
• وجيهة مشرفة منتدى تربية الأطفال

  2011/04/26 تم تعديل 2011/04/26

  شكرا كتير دكتور احمد على اهتمامك وسؤالك.... ماقصرت يا طيب
  
  
  
• Dr.Ahmad مدير عام

  2011/04/26 تم تعديل 2011/04/26

  شكرا جزيلا لمرورك ميرة ... و بعتذر أني نسيتك بس ماني كتير واعي هالايام
  حازم و لو أنت منا و فينا بعدين انت مطمن عليك و عم شوفك ^^
  وجيهة: الله يبارك فيكي و الحمد لله في تجاوب
  
  
  بتمنى منكن كلكن تضلوا تطمنونا عن حالكم كل ما دخلتوا ... و بتمنى بقية الاخوان الاعضاء الكرام يطمنونا عن حالن .... بالي و الله عند أخي حكيم نهاد
• هبة عضو نشيط

  2011/04/26 تم تعديل 2011/04/26

  شكرا للتفقد والسؤال
• Dr.Ahmad مدير عام

  2011/04/28 تم تعديل 2011/04/28

  اهلا و سهلا فيكي هبة ... و الحمد لله دائما بتطمنينا عنك بمشاركتك الدائمة ..
• Ph.Sama مشرفة منتدى تطوير الذات و NLP

  2011/04/28 تم تعديل 2011/04/28

  مشكور دكتور أحمد ع السؤال.. من جهتي بعتذر من الكل لتقصيري هالفترة .. بسبب الأوضاع أولاً و بسبب تعطل كمبيوتري ثانياً ... عيلة العيادة عيلة غالية عندي كتير ... تعودت ع الكل بسرعة رغم قصر فترة تعرفي عليكم... رحارجع قريباً بقوة هاد وعد بس لأشتري كمبيوتر جديد و ساعتها لحقولي إذا بتقدروا ههههههههههههه بتمنى الكلل يكون منيح و الله يحمي الجميع بهالأيام الصعبة
  
• جاد عضو نشيط

  2011/04/28 تم تعديل 2011/04/28

  نسيتنا يا دكتور
• Dr.Ahmad مدير عام

  2011/04/28 تم تعديل 2011/04/28

  الحمد لله طمنيتنا عنك د.سما و بتمنالك الخير و كمبيوتر جديد
  
  حقك على راسي أخي جاد ... بس بجد انا فاقد التركيز هالايام و الحمد لله انت في السعودية اوضاعكم مستقرة .. ان شاء الله دائما مستقرة
• عاشقة العلوم عضو ماسي

  2011/04/29 تم تعديل 2011/04/29

  شكرا لاهتمامك دكتور بس ظروفي معروفة يعني لا تواخدوني اذا غبت كتير عنكم
  ان شاء الله الكل بخير
• جاد عضو نشيط

  2011/04/29 تم تعديل 2011/04/29

  Dr.Ahmad كتب: »

  الحمد لله طمنيتنا عنك د.سما و بتمنالك الخير و كمبيوتر جديد
  
  حقك على راسي أخي جاد ... بس بجد انا فاقد التركيز هالايام و الحمد لله انت في السعودية اوضاعكم مستقرة .. ان شاء الله دائما مستقرة

  
  
  الله يسلمك يا دكتوري العزيز
  لكن انا من اسبوع رجعت من سوريا للسعودية
  و لله الحمد كل شيء تمام
• Dr.Ahmad مدير عام

  2011/04/29 تم تعديل 2011/04/29

  اهلا و سهلا فيكي دكتورة نعيمة و الحمد لله انك بخير و الجميع لله الحمد بخير
  
  الحمد لله عالسلامة دكتور جاد
• دكتوربالفطرة عضو مميز

  2011/05/21 تم تعديل 2011/05/21

  الله يحميكم لكم سلامي جميعا أنا متابعكم لنا لقاء وعودة ان شاء الله ................
• suzy عضو ذهبي

  2011/05/22 تم تعديل 2011/05/22

  كيف الجميع ؟
  من زمان ما مبين دكتور بالفطرة الحمد لله على السلامة
  الحمد لله على السلامة جاد
  سما موفقة بكمبيوتر جديد و ان شاء الله منتطمن عنك قريبا
  وجيهة يسلمو على النشاط الحلو و ما تواخذينا ما عم نقدر نرد
  دكتور أحمد يمكن هلأ امتحاناتك موفق
  أنا و صيدولة و غاردينيا بخير و الحمد لله
• Dr.Ahmad مدير عام

  2011/05/22 تم تعديل 2011/05/22

  اهليييييييييييييين و سهلين دكتور بالفطرة ... اشقنالك أخي .. و شكرا عالطلة و لا تنسى تطمنا عنك دائما
  اهلا و سهلا دكتورة سوزي و الحمد لله عالسلامة و ريلي ثانكس انك طمنتينا عنك و عن اخواتنا باللاذقية الحبيبة
  
  اما عن امتحاناتي و الله ما بعرف شو هي الدراسة من شهرين .. بعين الله .. انا امتحاناتي بالسابع أو بالتاسع ... ادعولي اقدر ادرس !!!
• Dr.ShoSho عضو مميز

  2011/05/23 تم تعديل 2011/05/23

  الله ييسر للجميع يآآآرب
  
  : )
• وجيهة مشرفة منتدى تربية الأطفال

  2011/05/28 تم تعديل 2011/05/28

  الله يحميكم , ويسرلكم , وينجحكم ,و يرجعكم بالسلامة للمنتدى
  
  صديقتكم المحبة لكم جوجو
  
  
• Dr.ShoSho عضو مميز

  2011/05/28 تم تعديل 2011/05/28

  وجيهة كتب: »

  الله يحميكم , ويسرلكم , وينجحكم ,و يرجعكم بالسلامة للمنتدى
  
  صديقتكم المحبة لكم جوجو
  
  

  
  
  آآمين يآآآربـ : )
• Dr.Ahmad مدير عام

  2011/06/10 تم تعديل 2011/06/10

  السلام عليكم
  
  مسا الخير جميعا و بعتذر عن غيابي لفترة طويلة عن المنتدى ... الحمد لله لسه عايشين ... ادعولي اقدر ادرس !!
• غاردينيا Foreign Languages Supervisor

  2011/06/10 تم تعديل 2011/06/10

  الحمدلله على السلامة دكتور أحمد وبتمنى الانو الجميع يكونوا بخير
  
  وبطلب انو تدعولنا تمر ليلتنا على خير اليوم باللادقية
• Dr.Ahmad مدير عام

  2011/06/10 تم تعديل 2011/06/10

  الله يسلمك غاردينيا ..
  
  الله يحميكن و يوفقكن و يبعد عنكن الأذى و نسأل الله ألا يفجعنا بأي انسان كريم من اخواننا و أخواتنا في كل البلاد
• وجيهة مشرفة منتدى تربية الأطفال

  2011/06/10 تم تعديل 2011/06/10

  الله يحميكن ويكون معكم غادرينا انتى وكل اهل سوريا ....
  
  
  الحمد لله ع سلامة دكتور احمد نورت المنتدى بعد طول غياب..... ربي يوفقك وينجحك ويكون معك...
  
  تحياتي
  
• Dr.ShoSho عضو مميز

  2011/06/11 تم تعديل 2011/06/11

  الله يحميكم ويريح بالكم ياارب
  
  بالتوفييق : )
• دمعة فرح عضو مميز

  2011/06/12 تم تعديل 2011/06/12

  انا بعذر الدكتور احمد انو نسيني بس يمكن لانو طلاتي صارت قليلة كتير انا بفتح المنتدى كتير بس بهالاوقات حاسة انو مو قادرة كون بنفس نشاط زمان الله يفرج احسن شي
  وانشالله الكل يكونو بخير