ضعف في الصوت بنسبه متوسطه ارجو الرد

احمد مرزوقاحمد مرزوق عضو جديد
تم تعديل 2011/05/01 في قسم الاستشارات الطبية
السلام عليكم ورحمة الله وبركاته انا ابلغ من العمر تسعة عشر سنه مصاب بضعف مزمن في الصوت عند قيامي بالكلام وبنسبه متوسطه مع العلم انني مصاب بالرهاب الاجتماعي وتعرضت للضغط النفسي لفتره طويله وقليل الكلام واتعرض احيانا لجفاف ورائحة الفم ما هو علاج الضعف وهل توجد تمارين او ادويه او ماكولات تعالج ضعف الصوت وما سبب الضعف

التعليقات

  • حكيمحكيم مشرف حلقات البحث و الاستشارات الطبية
    تم تعديل 2011/04/26
    أهلا وسهلا فيك أخي أحمد بالعيادة
    عم تقول معك ضعف بالصوت أنت لاحظت هالشي ولا حدا قلك ولا رحت على دكتور؟
    سؤال تاني ما قلتلنا ليش قليل الكلام لأنو صوتك منخفض ولا لأنك ما بتحب الحكي ؟
    كل واحد فينا إلو طبقة صوت معينة وحتى لو كانت طبقته منخفضة من كتر ما بيحكي مع العالم بصير لحالو يتعود يرفع صوتو للدرجة اللي ينسمع فيها . وإذا بدك أنا صوتي منخفض كمان وكنت فكر إنو الناس ما بتسمعني لهالسبب بس هلأ من كتر ما بحكي مضطرين يسمعوني بكل الأحوال وماعد فرقت معي
    شوف أنت جاوب عالأسئله ورد اشرح وجهة نظرك ..................(بركي منوصل لحل يشفينا نحنا الاتنين ^ـــ^)
  • Dr.AhmadDr.Ahmad مدير عام
    تم تعديل 2011/04/28
    و عليكم السلام و رحمة الله و بركاته

    أخي الكريم يا ريت تفند الشكاية وحدة وحدة و ما تخلطن كلن سوا مشان لا انت تتخربط و لا نحن نضيع
    خلينا نحكي فين وحدة وحدة
    - مشكلة انخفاض الصوت بنسبة متوسطة كما تفضلت : حقيقة لا يوجد حالة اسمها انخفاض الصوت ( طبعا إلا اذا كان هناك مشكلة في التصويت أو التكلم أساسا ) أما موضوع انخفاض الصوت فقط بنسبة متوسطة فهي ربما عائدة لحالتك الثانية .. الرهاب الاجتماعي ( كما تفضلت و وصفت ) .. فمن يخاف الناس يتلكم بصوت منخفض ... و من الوارد جدا مثل ما تفضل الدكتور حكيم ان تكون طبقة صوتك بالاساس منخفضة و هيك منكون صرنا 3 :)
    و الحالة الثانية هي حالة مرضية و لها علاجها عند الطبيب النفسي و ليست بمعضلة.

    بالنسبة لـــ : أحيانا تتعرض لجفاف و رائحة الفم : فهذه جوابها عند الدكتور حكيم ... بانتظار الرد حكيم !!
  • حكيمحكيم مشرف حلقات البحث و الاستشارات الطبية
    تم تعديل 2011/04/30
    يسلموا حكيم عالإضافة بالنسبة لرائحة الفم ففي أسباب كتيرة بيتلخصوا بما يلي:
    ياأما سبب فموي: يعني خراجات بالأسنان, التهابات لثوية ,جذور متآكلة ,تدخين, أهمال بالصحة الفموية , تيجان سيئة.......الخ
    أو سبب عام:متل التهاب المجاري التنفسية ,التهاب الجيوب المزمن , السكري , جفاف الفم ,التنفس من الفم , تناول القهوة بكثرة , وطبعا اكل الثوم والبصل
    (أما جفاف الفم فسببه إما مرض عام متل السكري وبعض امراض الكبد أو مشكلة بالغدد اللعابية أو تناول بعض الأدوية)
    هلأ العلاج:
    حسب السبب يعني معالجة كل مشاكل الاسنان واللثة
    أكيد التنظيف اليومي المستمر والمنتظم مع استخدام الخيوط السنية اذا أمكن
    الامتناع عن التدخين وايقاف ادمان القهوة
    إذا كان في جفاف بالفم منعالج السبب ومنوصي المريض ياخد سوائل كتير ويمضغ (العلكة)
    تفريش اللسان إذا كان متشققا ويحوي أثلام عميقة
    استخدام سوائل الغرغرة المعقمة
    أخر شي إذا بدك نصيحتي هنن شغلتين(فرش سنانك واحكي كتير) بتخلص من الرهاب ورائحة الفم سوا ومنشان صوتك جرب تقرا كتاب بصوت عالي وتخيل كأنك عم تلقي محاضرة وهيك كمان بتخلص من الرهاب والصوت المنخفض(طبعا أحمد مالك علاقة بهالنصائح لأني متأكد إنك بتفرش سنانك وبتقرا منيح و................بتحكي كتير )
  • Dr.AhmadDr.Ahmad مدير عام
    تم تعديل 2011/04/30
    (طبعا أحمد مالك علاقة بهالنصائح لأني متأكد إنك بتفرش سنانك وبتقرا منيح و................بتحكي كتير )

    و الله للأمانة ما عطول بتجيني مروة فرشي سناني هههههه ... يعني على هوا الموجة ^^ ... من ناحية القراية اي صح و كتير و بصوت عالي غالبا .. في متعة غير لما تكون القراءة بصوت عالي ... بس النقط (......) شو يعني !!!

    أكيد يسلموا عالنصائح حكيم ... بس شو سبب ادمان القهوة برائحة الفم ؟؟؟
  • احمد مرزوقاحمد مرزوق عضو جديد
    تم تعديل 2011/04/30
    حكيم كتب: »
    أهلا وسهلا فيك أخي أحمد بالعيادة
    عم تقول معك ضعف بالصوت أنت لاحظت هالشي ولا حدا قلك ولا رحت على دكتور؟
    سؤال تاني ما قلتلنا ليش قليل الكلام لأنو صوتك منخفض ولا لأنك ما بتحب الحكي ؟
    كل واحد فينا إلو طبقة صوت معينة وحتى لو كانت طبقته منخفضة من كتر ما بيحكي مع العالم بصير لحالو يتعود يرفع صوتو للدرجة اللي ينسمع فيها . وإذا بدك أنا صوتي منخفض كمان وكنت فكر إنو الناس ما بتسمعني لهالسبب بس هلأ من كتر ما بحكي مضطرين يسمعوني بكل الأحوال وماعد فرقت معي
    شوف أنت جاوب عالأسئله ورد اشرح وجهة نظرك ..................(بركي منوصل لحل يشفينا نحنا الاتنين ^ـــ^)
    انا لاحظت هاذا الشيء واحيانا الناس ما تسمعني لاني ما بحب احكي وا لاني منطوي
  • احمد مرزوقاحمد مرزوق عضو جديد
    تم تعديل 2011/04/30
    السلام عليكم هذا توضيح الاستشاره السابقه انا اعاني من ضعف الصوت بنسبه متوسطه عند قيامي بالكلام هذه الملاحظات 1-انا مصاب بالرهاب الاجتماعي 2-تعرضت للضغط النفسي لفتره طويلة 3-قليل الكلام 4-اتعرض احيانا لجفاف ورائحة افم ما هو علاج الضعف وهل توجد تمارين او ادويه او ماكولات تعالج ضعف الصوت وما سبب المشكلة
  • حكيمحكيم مشرف حلقات البحث و الاستشارات الطبية
    تم تعديل 2011/04/30
    ^^دكتور أحمد ؛ أهلا بالقدوة والله^^ نصيحة زبط موجتك قبل ماتضطر توقع تحت إيدي وتذكر الحكمة (عند طبيب الأسنان يكرم المرء أو يهان) ومنشان النقط معناتها إنو التالي هو مربط الفرس . ولو دكتورنا اللبيب ؟!!!
    علاقة القهوة برائحة الفم : بصراحة ما بعرف بالضبط شو الآلية بس القهوة الكتيرة متهمة بكتير من الدراسات بالتسبب برائحة الفم. هو تخمر جزيئات البن؟ أو سبب تاني ماعندي فكرة؟
  • حكيمحكيم مشرف حلقات البحث و الاستشارات الطبية
    تم تعديل 2011/04/30
    أحمد وعليك السلام والاكرام وأهلين مرة تانيه :
    1-أخي ضعف الصوت مو مرض وانت بنفسك قلت أنو الناس ما بتسمعك لأنك قليل الحكي أو منطوي . بقى المشكلة مو بصوتك أنت من دون ماتحس عم تخفض صوتك لأنك خايف من الحكي مع الناس
    2- الضغط النفسي ممكن يأثر على ثقتك بنفسك وبالتالي على نبرة كلامك ويخليك خجول وانطوائي بس ما رح يقدر يغير شي بصوتك الأصلي.
    3- جفاف ورائحة الفم قلتلك الأسباب والعلاج
    4- الرهاب هو سبب كلشي عم يصير معك وكل الشكاوي السابقة تابعة لهالمشكلة بقى إذا كنت حاسس إنو هالمشكلة بلشت تأثر على حياتك روح عند طبيب نفسي أما إذا كانت إرادتك قوية ومستعد للسيطرة على عقلك وجسمك ومشكلتك ببداياتها فطبيبك هو نفسك, بعد عن الناس السلبيين واثبت وجودك ولا تسمح لحدا يقلل من قيمتك حتى لو كانت نفسك وبرمج حالك من أول وجديد متل بابتحب تكون أحمد الاجتماعي الناجح صاحب الكلمة المسموعة.
  • Dr.AhmadDr.Ahmad مدير عام
    تم تعديل 2011/05/01
    أخي الكريم أنا فندت الشكوى و أجبتك و كما تفضل حكيم .. المشكلة الاساسية هي مشكلة الرهاب ... و هي لها علاج معروف عند الطبيب النفسي ..
    أهلا بالقدوة والله^^
    أهلين فيك حكيم ... مين قال أني قدوة ... استهدي بالله ^^ ... بعدين بعيد العنك هالايام ما عاد في مخ كتير لأقدر حلل .. هلئ صحي طلع كتير تفاسير بس بسبب عجز التفكير حاليا ما قادر اختار أي منن اللي ببالك .