مخاطر قلة النوم

الياسالياس عضو جديد
حذرت دراسة طبية تشيكية من مخاطر قلة النوم المزمن التي تقود الى العديد من المشاكل الصحية ما يؤدي الى تقصير العمر.
واكدت الدراسة ان النوم لفترة تقل عن خمس ساعات في اليوم تزيد بمقدار مرتين الى ثلاث مرات احتمالات الاصابة بالجلطة القلبية وتزيد بمقدار2.9 مرة الام الراس اضافة الى ان قلة النوم المزمن تزيد بمقدار 1.8 مرة امكانية حدوث الام في الظهر والرقبة وتضغف جهاز المناعة لدى الانسان.
و استنتجت الدراسة ان الوفيات ترتفع ايضا من جراء النوم لاكثر من 7 ساعات لذلك فان الذين ينامون بين 6 و7 ساعات يوميا هم الاقل عرضة للوفاة و ان النوم ليس ترفا وانما حاجة بيولوجية ونفسية حياتية.
كما اكدت دراسة اخرى الى ان الذين لا ينامون كفايتهم يصابون باعراض عديدة من قلة التركيز,اضطرابات عصبية,نسيان. . . واشارت الدراسة ذاتها الى ان التخلص من هذه الاعراض لن يكون في يوم واحد و قد يتطلب الامر عدة ايام او حتى اكثر من اسبوع.
كما اشار مركز امراض النوم ان قيلولة الظهر لا يجب ان تستمر اكثر من 20 الى 30 دقيقة و ان الذين يحتاجون الى راحة ونوم يجب ان يناموا نوما متواصلا في الليل (وفق الحدود المذكورة في الاعلى و قد تختلف عنها ) و ان قيلولة الظهر هي مجرد دفعة للانسان كي يكمل نهاره.
كما حذرت دراسة اخرى من ان قلة النوم تؤدي الى الكأبة و التشاؤم مما قد يؤدي بدوره الى امراض مثل الشقيقة.
كما ان قلة النوم تؤدي الى رفع ضغط الدم ويهمنا ان نعلم انه اثناء النوم ينخفض معدل الضغط الشرياني نتيجة انخفاض معدل فعالية الجهاز العصبي الودي.
و يهمنا ان نعلم ان زيادة النوم تؤدي الى الاصابة بمرض السكري .

التعليقات

  • dr.Hazemdr.Hazem مدير عام
    تم تعديل 2011/02/27
    فعلاً أنا نومي قليل و غير منتظم نهائياً و أشعر أنا تركيزي دائماً مشتت ...شكراً على النقل هذه الدراسة ...بس بتمنى المرجع تبع الدراسة أخ إلياس ...
  • Dr.AhmadDr.Ahmad مدير عام
    تم تعديل 2011/02/27
    شكرا على الدراسة الياس ...

    في فكرة بتقول ان الشخص اللي بينام أقل من حاجتو الطبيعية من النوم بساعة واحد لمدة أسبوع ( يعني كل يوم نقص ساعة ) بيعادل بمستوى تركيزو شخص نام بشكل كامل خلال الاسبوع و أخر ليلة ما نام فيها أبدا والفرق بينن هو انو التاني بيكون نعسان أكتر ...
  • AmmarAmmar عضو نشيط
    تم تعديل 2011/02/28
    أنا بصراحة من الناس اللي ما بينامو كتير, وللأسف دائما بحاول زيد عدد ساعات نومي, بس بحس انو النوم عم يضيع وقتي :(

    ملاحظة: مرت عليي فترة كان شعاري فيها: "النوم خلال الاسبوع عادة, يمكن التخلص منها"...

    واضح اني غبي بهالشعار, بس شو ساوي بحالي :(
  • dr.Hazemdr.Hazem مدير عام
    تم تعديل 2011/03/01
    ههههههه
    طول بالك عمار ...خيو رح حللك ياها إنت بس حسيت حالك بدك تنام عليك بالعيادة للتطوير .. شو رأيك ؟!
  • suzysuzy عضو ذهبي
    تم تعديل 2011/03/02
    أنا ما مقتنعة انو الانسان ممكن يتحمل قلة النوم! عن جد كيف بتقدرو
    النوم نعمة يريح فيها النسان عقلو و جسدو ما تهملوها لأنو عن جد نتائج اهمالها وخيمة
    أنا يوم يلي بناوب طول الليل بالصيدلية بضل كل الأسبوع مرهقة و مشتتة و مهما حاولت عوض نوم ما برتاح لتجي عطلتي و ارتاح منيح
  • Dr.AhmadDr.Ahmad مدير عام
    تم تعديل 2011/03/02
    سوزي لما الواحد يكون عندو هدف واضح و جاد فيه بيتحمل كل شي ... طبعا بالسنة التالتة ( كنت ) من الشاطرين بحيث انو مرت عليي اييااااااااااااااام ما نام حوالي الساعتين و كل يوم الي اكتر من كاستين كبار نسكافية مشان صحصح بالاخر ( بعد شي شهرين ) صرت هلوس و صار عندي أحاسيس ما طبيعية ابدا وقتا تركت النسكافية و القهوة أكتر من سنة ... لذلك هي دعوة مشان ما تمر بنفس حالتي
  • الياسالياس عضو جديد
    تم تعديل 2011/03/07
    شكرا لكل الي اطلعوا على المقالة و خاصة للي اعطوا رأيون فيها وبحب انبه انو هالموضوع اكتير مهم و ما فيو مزح لأنو مجرد قلة النوم معناه ضغط عالدماغ اللي بالأصل ما بيتحمل ضغط ومتل ما بنعرف اذا حملنا الدماغ اكتر من اللي بيتحملو هادا الشي بيعمل (ضرر غير قابل للرجعة) يعني اللي عم يضغط حالو بشان دراسة،شغل،سهر،لعب،.... نصيحة من القلب:وقف! لأنو مع مر الأيام راح تحس بضعف للقدرات العصبية بشكل متزايد ولا دكتور على وجه الدنية يبقى يقدر يرجعك للوضع الاول خاصة اذا استمر الوضع لفترة طويلة وارجو انو الفائدة تعم عالكل.
  • dr.Alidr.Ali مدير عام
    تم تعديل 2011/03/07
    مشكور كتير دكتور الياس على المعلومات
    بحب ضيف ....... هناك طريقة كتير مميزة للتخلص من عدم انتظام النوم و هي على الشكل التالي
    عند حدوث عدم انتظام النوم يجب على الشخص الصيام عن الطعام فقط دون الشراب لمدة 12 ساعة ثم يتناول وجبة عشاء و يخلد للنوم بعدها مباشرة و بهذا يعيد ضبط ساعته البيولوجية
    في الحقيقة استخدمت هذه الطريقة عند الأشخاص الذين يسافرون لمسافات طويلة و يقطعون مناطق زمنية متعددة
  • Dr.AhmadDr.Ahmad مدير عام
    تم تعديل 2011/03/08
    في فكرة صغيرة دكتور الياس ... انو فائدة ساعات النوم يختلف من وقت لاخر فهي ممتازة أول الليل و تصبح أقل بعد الساعة الرابعة صباحا ...

    لك جزيل الشكر
  • جاكجاك عضو جديد
    تم تعديل 2011/03/08
    شكرا كتير للدكتور الياس على هالمقالة الكتير حلوة
    لان كان عندي كتير مشاكل بالنوم وكنت انام بعد الظهر كتير حوالي ساعتين يوميا ومرات اكتر
    وبالليل ما كنت اقدر انام من كتر الارق
    بس هلا كل شي تغير وصرت احسن بكتير من الاول
    وانشالله الاطباء كلون ما ينسونا من هيك ملاحظات حلوة ومفيدة
    وشكرا كتير لادارة المنتدى
  • Dr.AhmadDr.Ahmad مدير عام
    تم تعديل 2011/03/08
    اهلا و سهلا فيك جاك ... ان شاء الله دائما للأفضل و هاد هدف إدراة المنتدى اللي هو دعم الناحية الطبية عند الجميع بشكل سهل و بسيط
  • الياسالياس عضو جديد
    تم تعديل 2011/03/27
    دراسة اميركية حديثة تقول انو الاشخاص اللي ينامو ساعات اقل يميلو انو ياكلو كميات اكبر من الطعام وهادا الشي ياكد ارتباط الاضطرابات العصبية بالحالة الجسمية اكتر واكتر . . . .
    و متل ما شفنا من قبل انو الناس اللي بينفعلو كتير او بيفكرو كتير نلاحظون عموما وزنن اقل من المعتاد (بسبب حرق الatp )
    (و كانت دراسة اميركية حديثة سابقة خلصت الى انو النوم ضروري لتدفق طاقة الatp وتزيد الطاقة من قوة عمليات التنشيط واستعادة الحيوية واللي تكون غائبة أثناء اليقظة, لأنو خلايا الدماغ تستهلك كميات كبيرة من الطاقة لمجرد أداء الوظائف اليومية للاستيقاظ. و هذا التدفق يتصل بنقص نشاط خلية الدماغ أثناء النوم.)
  • Dr.AhmadDr.Ahmad مدير عام
    تم تعديل 2011/03/27
    إضافة جميلة و هامة دكتور الياس ... و أكيد النوم هو الفترة المناسبة لتعزيز مخازن الطاقة في الدماغ و في كل خلايا الجسم و المحافظة على شباب الخلايا كلها في الجسم بشكل أطول
  • وجيهةوجيهة مشرفة منتدى تربية الأطفال
    تم تعديل 2011/04/13
    الله يعطيكم العافية جميعا ع الافادة
  • هبةهبة عضو نشيط
    تم تعديل 2011/04/13
    الله يعطيك العافية دكتور الياس على المعلومات الحلوة وبتمنى الكل يلتزم فيها