نساء... رجال... زواج

التعليقات

• Ph.Sama مشرفة منتدى تطوير الذات و NLP

  2011/03/22 تم تعديل 2011/03/22

  It’s the truth

  
  
  
  
  

  إنك تحب وحده..
  
  ولكنك تتزوج من واحده ثانية..
  
  
  الثانية أصبحت زوجتك..

  
  
  
  
  
  
  

  بينما الأولى أصبحت كلمة سر بريدك الاليكتروني

  
  
  
  
  

  هذا واقع

  
  
  
  
  

  *******

  
  
  
  
  

  الدنيا بها طفل واحد فقط هو الأفضل..

  
  
  
  
  

  كل أم تعتقد أنه طفلها.

  
  
  
  
  

  الدنيا بها زوجة واحدة فقط هي الأفضل..

  
  
  
  
  

  كل رجل يعتقد أنها زوجة جاره

  
  
  
  
  

  هذا واقع

  
  
  
  
  

  *******

  
  
  
  
  

  ثلاثة أحلام لكل رجل

  
  

  -

  
  
  

  أن يملك الكثير من الوسامة.. كما تعتقد أمه

  
  

  -

  
  
  

  أن يملك الكثير من المال.. كما يعتقد طفله الصغير

  
  

  - أن يملك الكثير من النساء.. كما تعتقد زوجته

  
  
  
  
  
  
  

  هذا واقع

  
  
  
  
  

  *******

  
  
  
  
  

  الزوج والزوجة تماماً مثل الكبد والكلى..

  
  
  
  
  

  الزوج هو الكبد.. والزوجة هي الكلية...
  
  إذا فشل الكبد يحدث فشل كلوي....

  
  
  
  
  
  
  

  بينما إذا فشلت الكلية يتعامل الكبد مع الكلية الأخرى

  
  
  
  __._,_
  

  يرضع الطفل من امه حتى يشبع ..

  
  ويقرأ على ضوء عينيها حتى يتعلم القراءة والكتابة ..
  
  وياخذ من نقودها ليشتري اي شيء يحتاجه
  
  .. ويسبب لها القلق والخوف حتى يتخرج من الجامعة ..
  
  وعندما يصبح رجلاً .......
  
  
  
  
  
  
  يضع ساقاً فوق ساق في أحد مقاهي المثقفين ويعقد مؤتمراً صحفياً يقول فيه :
  إن المرأه بنصف عقل !! ... تباً لسطحية سكنت عقول البشر

  
  
  (شكسبير)

  
  .___
• sondos عضو مميز

  2011/03/23 تم تعديل 2011/03/23

  حلوين بكل معنى الكلمة الله يسلم ايديكي
• Ammar عضو نشيط

  2011/03/23 تم تعديل 2011/03/23

  اسمحولي,,, بس أنا ضد 99% من محتوى هالمقالة:
  
  - الزواج هو أهم مراحل الحياه لدى الرجال, وهو اللحظة الفارقة في حياه الامرأه
  - الزواج هو أول لبنه لبناء مجتمع, فلا يسمى التجمع مجتمع (بفتح الميم) حتى يجتمع (بكسر الميم) وعندها يصبح ( مضموما ) والشاطر يفهم !
  - الزواج يعني دائما منطقة التقاء بين شحنات سالبة واخرى موجبة, فلا يعني أبدا التوافق في كل شيء, بل التكامل !
  - خلقنا الله عز وجل أزواجا, فمن لا يتزوج فليس فيه من الفطرة, وهو مخالف للسنة !
  - مقولة: اسعى بجنازة ولا تسعى بجازة هي مقولة سلبية المعاني والملامح وخاطئة وليست من مقولات أجدادنا فلا تنسب للأمثال السورية !!!
  - كل رجل أعزب يتمنى الزواج, ولا يوجد رجل متزوج يتمنى العزوبية حتى وان قالها صراحة.
  
  - طبعا أهم مشاكل الزواج عندنا في مجتمعنا العربي بشكل عام هو اتقان فن المطالبة بالحقوق, ونسيان مطالعة صفحة الواجبات !
  - أهم مشاكل الزواج في المجتمعات الغربية هي فقدان الشعور بالحرية المطلقة التي لم نخلق لنعيشها, عندها ينفصل الزوجان ويتشتت تفكير الأولاد !
  
  قيل من الرجل العاقل.... قيل الفطن المتغافل
  
  عذروني عالاطالة !
• صيدولة عضو ذهبي

  2011/03/23 تم تعديل 2011/03/23

  هنن صحيح مهضومين بس انا مو معك ابدا ابدا سما ..... يمكن مقولة شكسبير الاخيرة هي الوحيدة الصح مية بالمية او بالاحرى عم نشوفا بالواقع
  الزواج خطوة نحو الاستقرار واسمى وارقى من هيك وصف بغض النظر عن مشاكله ومسؤولياته والعقبات بمجتمعنا ...اللي لو بدنا نحكي فيها ما بتخلص
• suzy عضو ذهبي

  2011/03/23 تم تعديل 2011/03/23

  و أنا بتفق مع صيدولة أفضل وحدة هيي مقولة شكسبير و هيي يمكن ردعلى السؤال يلي طرحو الدكتور عمار من فترة
  كيف أن الأم تلد ولدا و تربيه و عندما يكبر يمارس سلطته الذكورية عليها طبعا بمفهوم خاطئ يعطيه الحق أن يهينها حتى
  أما باقي الأقوال فالزواج هو سنة من سنن الحياة يستقر به الانسان نفسيا و اجتماعيا و عاطفيا
  واذا كان قائما على التواد و التراحم و المعاملة الحسنة لن يتحول الى حلبة صراع
  يسلمو سما بس ما قلتيلنا شو رأيك
• حكيم مشرف حلقات البحث و الاستشارات الطبية

  2011/03/23 تم تعديل 2011/03/23

  يسلم تمك عمار هذا هو الكلام الصح ولو كنت أنا ما رح اقدر عبر أحسن منك والله إنك زلمة فهمان
  (بس بتعرف يمكن هي القصص انذكرت للتسلية مو أكتر ومتل ما قلت الكل بيقراها من دون ماتخلي الأعزب يبطل يتزوج أوالمتزوج يرجع أعزب )
• Ph.Sama مشرفة منتدى تطوير الذات و NLP

  2011/03/24 تم تعديل 2011/03/24

  شكراً سندس .. سوزي... عمار... صيدولة... و حكيم
  بتصور كان لازم ينزل الموضوع بقسم الترفيه حتى تعرفوا إنو 99% منو للتسلية.. طبعاً العبارات مبالغ فيها ... الزواج رباط مقدس ما حدا فيه يحكي عنه أي شي سيء... و طبعاً متل ما قال عمار مطلب لكل رجل و إمراة على اختلاف السنن و الأديان و الأجناس.. و خاصة إذا بني على أسس صحيحة.. لكن إذا لم يكن كذلك فساعتها ممكن نشوف تحقق بعض جمل المقال إلى حدٍ ما... بتمنى الكل يتفهم إنو العبارات بالمقال للتسلية ما أكتر ... و الواقع شي تاني
• Dr.Ahmad مدير عام

  2011/03/24 تم تعديل 2011/03/24

  يسلم تمك يا عمار ... بتسكت بتسكت و أخر شي بتنطق درر ههههههه ( على قولة المتل : حكى بدري و انشرح صدري )
  
  انا معك تماما عمار حتى تأكيدا لكلامك بيقولو المتزوجين متل ... أعزب دهر و لا أرمل شهر ...
  
  لكن متل ما تفضلتي صيدولة الزواج يفترض أنو يكون مبني على أسس صحيحة لحتى يكون زواج سعيد و إلا عنجد بيصير باب للمشاكل و الهم و وجع الراس .. و أكيد حديث الحبيب المصطفى : عَنْ أَبِي هُرَيْرَةَ رَضِيَ اللَّهُ عَنْهُ، عَنِ النَّبِيِّ صلى الله عليه و سلم قَالَ: " تُنْكَحُ الْمَرْأَةُ لِأَرْبَعٍ: لِمَالِهَا، وَلِحَسَبِهَا، وَجَمَالِهَا، وَلِدِينِهَا، فَاظْفَرْ بِذَاتِ الدِّينِ تَرِبَتْ يَدَاكَ "
• Ph.Sama مشرفة منتدى تطوير الذات و NLP

  2011/03/25 تم تعديل 2011/03/25

  شكراً دكتور أحمد ع المرور و ع الإضافة... بس ع قولة ستي الله يحيينا و يفرجينا ههههههههه
• Dr.Ahmad مدير عام

  2011/03/27 تم تعديل 2011/03/27

  ما فهمت شو بتقصد ستك ( الله يخليها و يحفظها ) من كلمتها ؟؟؟؟
• هبة عضو نشيط

  2011/03/27 تم تعديل 2011/03/27

  بتمنى الله سبحانه وتعالى يعطي الكل على قد نيته ويزيده كمان الناس بتملك كثير هموم والله يفرج عنا وعنكم والله يعطيكي العافية وتكتبيلنا كمان وكمان
  تحياتي
• Ph.Sama مشرفة منتدى تطوير الذات و NLP

  2011/04/05 تم تعديل 2011/04/05

  Dr.Ahmad كتب: »

  ما فهمت شو بتقصد ستك ( الله يخليها و يحفظها ) من كلمتها ؟؟؟؟

  هاد متل بيقولو للكبار لما بيعطي إنسان موقف بحالة معينة ممكن يغيرها تماماً مع الأيام.. طبعاً ما قصدي شي ع حدا الثوابت بتضل ثوابت بس بكرا كل واحد فينا بيتزوج و منبقى منشوف شو رح يحكي عن الزواج و الذي منو.
  
  نورتي عزيزتي هبة شكراً ع المرور
  
  
• Dr.Ahmad مدير عام

  2011/04/05 تم تعديل 2011/04/05

  يلا منعيش و منشوف ... ع فكرة تذكرت نكتة لحجا .. سألوه مرة شو عمرك قلن أربعين سنة و بعد عشرين سنة سألوه شو عمرك رجع قلن أربعين سنة .... قالوا له انو من عشرين سنة كان نفس الجواب ... قلن أنا ثابت بكلامي و ما بغيروا ^^ ....
  
  لذلك صيدولة انا ثابت بكلامي هههههه حتى لو تغير الواقع هههههههه
• Ph.Sama مشرفة منتدى تطوير الذات و NLP

  2011/04/06 تم تعديل 2011/04/06

  هلأ الله محيي الثابت... بس برجع و بقول الله يحييننا و يفرجينا هههههههههههه
• Dr.Ahmad مدير عام

  2011/04/06 تم تعديل 2011/04/06

  Ph.Sama كتب: »

  هلأ الله محيي الثابت... بس برجع و بقول الله يحييننا و يفرجينا هههههههههههه

  
  الله محييكي يا رب ... خلص منعيش و منشوف ان شاء الله ^^