الطبيب ... بداهة و ذكاء

Dr.AhmadDr.Ahmad مدير عام
تم تعديل 2011/10/14 في نشاطات و ترفيه
بينما كان جراح قلب مشهور يصلح سيارته عند الميكانيكي كان الميكانيكي يفتح (ماكينة) سيارة الجراح ويخرج منها بعض الأشياء ويصلح البعض الآخر

فمال الميكانيكي على الطبيب وقال له أتسمح لي بأن أسألك سؤال :whistling:

فاستغرب الطبيب للطلب فقال له بحذر تفضل اسأل :rolleyes2:

فقال الميكانيكي:

إنك تجري العمليات على القلوب وأنا أيضاً أُجري الصيانة والتصليحات والعمليات على قلوب السيارات مثلك تماما،

فلماذا تكسب أنت الكثير من الأموال بينما نحن مكسبنا أقل منكم بكثير !

فاقترب الجراح من الميكانيكي وهمس في أذنه بكل هدوء:

إذا كنت تقدر تصلحها بدون ما تطفي السيارة بعدها نقدر نتفاهم :cool2:

«1

التعليقات

  • صيدولةصيدولة عضو ذهبي
    تم تعديل 2011/03/16
    هههههههههههه ملعوبة .... أفحمو للميكانيكي !!!!
  • suzysuzy عضو ذهبي
    تم تعديل 2011/03/16
    ما حدا بيطلعلو مع الأطباء
    حلوة كتير دكتور أحمد يسلمو
  • AmmarAmmar عضو نشيط
    تم تعديل 2011/03/16
    هههههههههههههههههههههه هادا يندرج ضمن: أجوبة العرب المسكته

    طبعا بنصح الكل يقرؤوا كتاب الأجوبة المسكته, من الكتب اللي بينسىى الواحد فيها الوقت والعالم والناس أثناء قراءته, وطبعا اذا في حدا عندو هيك اهتمامات, فمستعد جيب متل هيك كتب تغني الموقع.

    صورة عن الكتاب الجزء الثاني:
    3286.imgcache

    طبعا يقول العرب: الجواب المسكت هو أن تصيب فلا تخطئ وتسرع فلا تبطئ والعرب ممن أبدعوا في هذه العلوم وليس أفلام هوليوود كما نشاهد في بعض الأفلام :surprised: !!!
  • suzysuzy عضو ذهبي
    تم تعديل 2011/03/16
    شكلو هالكتاب فعلا ممتع لازم نجيبو و نقراه
    يسلمو عمار
  • Dr.AhmadDr.Ahmad مدير عام
    تم تعديل 2011/03/17
    شكرا عالمرور الكريم صيدولة و سوزي و عمار ... عمار بدنا الكتاب يعني بدنا الكتاب ... انت اللي وعيتنا عليه ههههههه
  • ميرةميرة المشرفة العامة
    تم تعديل 2011/03/17
    فعلا سرعة بديهة راااائعة ..
    مشكووور د .أحمد..
    والشي نفسه بنشوفه عند أطبار الأسنان بيعملوا خلطة (حشوة سن ) بالغرامات..
    وبياخدوا من المريض مبلغ مدلل ..
    أما المساكين المعمارية بيعملوا خلطاااات السمنت بالأطنان ..؟؟؟؟
    هلئ وينك حكيم ...لا قيلنا جواب ..؟؟ :whistling:
  • AmmarAmmar عضو نشيط
    تم تعديل 2011/03/17
    ميرة بالنسبة للسؤال فالرد أكيد مو عند حدا منا لأنو أي رد رح يكون استغرق وقت وهذا ما لا يطابق القاعدة: الجواب المسكت هو أن تصيب فلا تخطئ وتسرع فلا تبطئ...

    حطيت هون كتابين.

    الأول كتاب لقيتو بالانترنت بس محتواه جميل بيبدأ بالأجوبة المسكته في القرآن والسنة تدرجا... كتاب جميل وقصير لمحبي قراءة الكتب القصيرة الأمد (تنابل القراءة, أو المشغولين بالدراسة بشكل عام مشان ما نظلم الكل ).

    رابط تحميل الأول مباشر: الأجوبة المسكتة لـد. حسين حسن طلافحة - كتاب قصير جميل

    الكتاب التاني لابن أبي عون, كتاب طويل شوي, بس من الكتب اللي الواحد بينسى حالو فيه لما بيبدأ.

    رابط تحميل الثاني مباشر: الأجوبة المسكتة - لابن أبي عون - كتاب طويل غاية في المتعه



    طبعا أهم شي رح تتعلموه من خلال قراءه هي الكتب هو عدم الرد على اسئلة الاحراج بدون وجود عبارات قوية تنهي النقاش!

    طبعا وهالنقطة خطيرة كتير, حيث أن الناس في عصرنا أحيانا بتحاول تقلد هي الأجوبة (تقليد غبي) فبتتسبب بمشاكل الها أول (جواب غبي) ما الها آخر.

    بصراحة في كمان كتيب جميل جدا جدا جدا عن اجوبة الأغبياء رح حاول ابحث عنو ونزلو لما لاقيه ان شاء الله...


    عموما اللي عندو هوايات مطالعة متل هي الكتب يقلي, في عندي مجموعة نصائح رح حاول ان صار عندي وقت نزلها ان شاء تعالى, خصوصا انو معظم العرب (للأسف :37: ) يصعب عليهم القراءة في كتب العرب القديمة (أقدم من 200 سنة) لدرجة الحاجة لشرح... طبعا ما قصدي عن الكتب العلمية التقيلة, بس قصدي على كتب عادية في المستوى وما بتحتاج لمعرفة بأمور غيرها, يعني مثل لابن رشد وبعض كتب الجاحظ وطبعا الضعف يعود بشكل أساسي وجذري لضعف المفردات عند العرب عموما !!!
  • ميرةميرة المشرفة العامة
    تم تعديل 2011/03/17
    مشكووور أخ عمار على الكتب ..
    وأنا معك بالنسبة للضعف اللغوي الي نحنا فيه ..؟؟
    بس الي يقرأ من القرآن الكريم والسنة المطهرة
    أكيد بيبقى محافظ على لغة عربية راااائعة ..
  • Dr.AhmadDr.Ahmad مدير عام
    تم تعديل 2011/03/17
    يسلموا عمار يا عيني عليك .. .و أكيد ما تحرمني من النصائح و طبعا الكل كمان

    على سيرة القراءة من فترة كنت عم اقرأ بكتاب مقدمة ابن خلدون ما بقلك اني ما كنت فهمان الحكي بس بجد كان بصعوبة بالغة لانو الكتاب مكتوب بلغة ادبية بحتة جدا جدا و من الصعب بمكان التعامل معها بسهولة
  • عاشقة العلومعاشقة العلوم عضو ماسي
    تم تعديل 2011/03/17
    hhhhhh oui c'est vrai
  • Dr.AhmadDr.Ahmad مدير عام
    تم تعديل 2011/03/18
    ممم ... معلش بالعربي عاشقة العلوم ... اهلاو سهلا فيكي
  • dr.Alidr.Ali مدير عام
    تم تعديل 2011/03/18
    قصة حلوة كتير
    مشكور كتير عمار عالكتاب
    ميرة ............. مقاومة الانضغاط للخليطة الأملغمية التي يضعها طبيبب الأسنان في هذه الأيام تبلغ 70000 باوند لكل انش مربع فما هي مقاومة الانضغاط في خلائط المهندسين المعماريين ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
  • عاشقة العلومعاشقة العلوم عضو ماسي
    تم تعديل 2011/03/18
    نعم فعلا صحيح دكتور هلا فيك
  • suzysuzy عضو ذهبي
    تم تعديل 2011/03/19
    يسلمو عمار حملت الكتاب الأول القصير و الطويل ما فتحت صفحتو من الأساس
    دكتور علي ما تحاولو تبررو أبدا ما رح نقتنع هههههههه
  • Dr.AhmadDr.Ahmad مدير عام
    تم تعديل 2011/03/19
    مشان الكتب انا حملت التنين سوزي ,,,,

    علي لا تعلمي مقاومة و ما مقاومة .. روح شوف بين الناس كم حشوة عم تنكسر من الاكل العادي ما من هيك ارقام ... بقا لا تبرر ههههههه لاقوا شي حجة تانية مقنعة متل حجة الدكاترة .. احم احم ^^
  • عاشقة العلومعاشقة العلوم عضو ماسي
    تم تعديل 2011/03/19
    حوحو يشكر روحو هههههههههههه ماهيك دكتور
  • حكيمحكيم مشرف حلقات البحث و الاستشارات الطبية
    تم تعديل 2011/03/20
    نورنا دكتور شو حجج الدكاترة ؟؟
    عالأقل نحنا منضل عم نشتغل شي شهر على جسر ولا جسرين وبعدين مناخد مبلغ بطالعوا أنتو بنص ساعة بعملية زايدة بالمشفى
    بعدين نحنا منضل واقفين على أجرينا عم نشتغل لحد ما يصير معنا ديسك وانقراص فقرات وحضراتكم بتقعدوا ورا المكتب وبتشخبطوا كم دوا وصلى الله وبارك
    بقى وين جاية تبيع المي بحارة السقايين
  • dr.Alidr.Ali مدير عام
    تم تعديل 2011/03/20
    يسلم تمك حكيم
    أساساً الدؤاسات الحديثة بتقول انو العمر السريري لطبي الأسنان مهنياً هو 10 سنوات أما الأطباء البشريين بيضلو بيمارسو الطب لحتى يموتو
    بتلاقي الطبيب مات تحد إيدو بالعملية واحد و تاني يوم بيموت هو هو هو هو هو هو هي هي هي هي ها ها ها ها ها ها ها ها
  • عاشقة العلومعاشقة العلوم عضو ماسي
    تم تعديل 2011/03/20
    ههههههههههههههههههههه صايرة حرب بين الدكاترة هون
  • suzysuzy عضو ذهبي
    تم تعديل 2011/03/22
    هههههه ضحكتوني من كل قلبي
    بتوقع بعد هالحكي انقصف عمر الدكاترة البشريين بس بدكم تستنو لتوصلهم العين بالانترنيت
    بتعرفو بدها وقت :sleeping:
    على القليلة اذا الدكتور عمل عملية زايدة ما بيعيدها المريض كل عمرو أما الجسر أو حشو الدرس بدو اعادة كل كام سنة اذا ما قلنا كل كام شهر
  • جادجاد عضو نشيط
    تم تعديل 2011/03/22
    ههههههههههههههههه
    و الله روووووووووووووعة
    و فعلاااااااااااااااااااااااااا
    بيطلع معنا شغلات خاصة اذا الحالة مقفلة ................
  • Dr.AhmadDr.Ahmad مدير عام
    تم تعديل 2011/03/22
    ليكوا شباب هي سوزي جاوبت و قالت الحئ ... بقا لا تقولوا

    يعني انا حسب علمي و من عند دكاترة أسنان ياااما بسمع انو انكسر جسر أو انكسرت حشوة لأ و الأحلى انو ياما بسمع انو حشوة كانت بتم المريض ما بيحس غير انها غايبة و بيكون اخونا بالعها و مالو خبر بس الحئ ما عليه الحئ على الدكتور اللي ما عرف يثبتها منيح و بهالحالة دكتور السنان رح يكيف لانو المريض رح يجي يركب وحدة تانية .... بعدين يا حكيم تسلملي عينك روح شفلي دكاترة التقويم شو بيساووووووا !! نحكي و لا بلا فضايح ؟

    بعدين يا أخي انتو دراستكن بالكتيرة سبع سنين نحن عم ندرس ما بين 11 و 12 سنة ؟؟؟!!!! بيكفي او لا ... و من ثم انت قلي هي التقنيات الجديدة بالأسنان سواء الزراعة أو التعويضات الخزفية الجديدة ( الامبرس و غيرو ) بالله ما جسر واحد منن بتاخدوا عليه أد عملية الزايدة مرتين و ما بياكل معكن عدة ساعات ...

    و يا أخي يا حبيبي مريض الزايدة بينقر راس الدكتور بعد العملية ... اذا صار يسعل بيحط الحئ عالدكتور و اذا راسو وجعو بيروح عالدكتور يعني الدكتور المسكين عم يراجعو المريض الله عليم كم مرة مشان شقفة زايدة :p

    حاج و لا كمان !! هههههههههههههه
  • عاشقة العلومعاشقة العلوم عضو ماسي
    تم تعديل 2011/03/22
    دكتووووووووووور لاتخليني افتح الكتاب يلي عندي تبع الطب البشري والكوارث يلي عامليها خلي البير بغطاه احسن هههههههههههه
  • حكيمحكيم مشرف حلقات البحث و الاستشارات الطبية
    تم تعديل 2011/03/22
    أف .أف ليش كل هالقد حامل على دكاترة السنان؟!! بالظاهر مخرب سنانك وجاية تحط الحق علينا:179: خلص بس تجي عالشام تصليح سنانك عندي وإلك عندي ركبلك حشوة طعمها مقبول وقابلة للهضم (مشان إذا بلعتها ههه)
    ومنشان الدراسه مالي عرفان على شو ضيقة العين نحنا مندرس 10 سنين مع الاختصاص بقى شو فرقت ؟ سنتين ؟ منكون عم نعمل فيهم دورات زرع وتقويم وغيرو وغيراتو
    بعدين عملية الزايدة هي أسهل شي وبيعملها الدكتور ترويقة الصبح قبل ما يفطر والظهر بعد كاسة الشاي والمسا منشان يعزم مرتو على شي سهرة وباقي الوقت بيفتحلو كم بطن وبيشقلو كم راس وبالمعية يفضي كم جيبة. بقى أي سوبر دكتور سنان بيقدر يعمل ويطلع هيك؟؟
    ومنشان الأخطاء نحنا بأسوأ الأحوال منترحم على سن ومنقلعو مو على بني آدم ومندفنو وهي لحالها بالمكفى!!!
    ذكرتني بنكتة كانو يقولوها عالطب البشري :
    قال دكتور الداخلية بيعرف كل شي بس ما بيشتغل شي ودكتور الجراحة بيشتغل كل شي بس ما بيعرف شي والدكتور النفسي لا بيشتغل شي ولا بيعرف شي إلا:282:دكتور السنان بيعرف كل شي وبيشتغل كل شي
    متل ما قالت عاشقة العلوم أحمد استسلم وخلي الطابق مستور أحسن ههههههههههههههههه
  • dr.Alidr.Ali مدير عام
    تم تعديل 2011/03/23
    ههههههههههههههههههههههه
    و الله ............ موقفكون ضعيف يا أبو حميد
    أساساً مافي حشوة بتوقع إلا بيكون وراها سن متهدم و منقلو للمريض هي بدها تاج ( يعني تلبيسة) فلما بيسمع بتكلفتو بيغص و بيبلع ريقو هادا اذا ما نشف و بيقلك بلا تلبيسة خلينا عالحشوة أحسن و لما بتوقع الحشوة بيقلك دكتور السنان فاشل ؟؟؟؟؟؟؟؟؟؟؟
    و بعدين في حقيقة صعبة الفهم على كتيرين من الناس
    هي انو أي مداخلة ترميمية على السن تخلق حوافاً و مناطق اتصال بين المادة المرممة و النسج السنية هذه المناطق هي الأخطر و هذه الحواف تحتاج إلى عناية فموية من المريض و هاون المأساة عمبتكون
    يعني مريض مهمل لصحة أسنانو كيف بدا تدوم الترميمات بتمو؟؟؟؟؟؟؟؟؟؟؟؟؟

    أما عندكون يا بشريين المريض بينفذ التعليمات بحذافيرا و ما بيستفيد شي و انت بتعرف طرق وصف الأدوية عندكون و زمر الصادات المتنوعة اللي عم تنوصف بوصفة وحدة هادا غير المعاهدات المبرمة مع شركات الأدوية و انتو بتعرفوا حق المعرفة انو هادا الشي عميصير
  • Dr.AhmadDr.Ahmad مدير عام
    تم تعديل 2011/03/24
    شووووووووووووووووو يا شباب ... طولو بالكم عليي بعدين خلونا نتفق على شغلة انو بكل اختصاص في ناجحين و في فاشلين ( الله يجعلنا من الناجحين ) و شغلة قص المصاري و تفضاية الجيوب موجودة عند كل النااااااس و انا بقلك انو بعض اختصاصات الطب البشري فيها مبالغ خيالية لكن هالشي ما بيتعمم على كل الاختصاصات و موضوع الأخطاء موجود دائما بغض النظر شو النتيجة

    من الاخر انا صحيح رح استسلم بس للأسف لاني شايف الواقع الخاص فينا بالغالب مؤسف جدا و ان شاء الله بيتطور للأحسن ..

    حكيم مشان شغلة تصليح السنان و الحشوة اللي طعمتها طيبة انا كم يوم و طالع عالشام زبطلي انت موعد بالعيادة و ما عليك هههههههههه ... و انا بقول اهل الشام كرما و مافي منن ... و بيشتغلو ببلاش هههههه :tongue:
  • عاشقة العلومعاشقة العلوم عضو ماسي
    تم تعديل 2011/03/24
    ههههههههههههههههههه اي شو دبلوماسي بدك كلشي ببلاش
  • حكيمحكيم مشرف حلقات البحث و الاستشارات الطبية
    تم تعديل 2011/03/25
    على راسي والله تكرم ( شو مشان أهل الشام كرما وبيشتغلو ببلاش ؟ :whistling:شوف من أولها أنا عزمتك إلك مابكرة لاقي كل أهل حماة عندي:surprised: )
  • عاشقة العلومعاشقة العلوم عضو ماسي
    تم تعديل 2011/03/25
    اي وانا جاية معاهم دكتور ياترى في مكان
  • Dr.AhmadDr.Ahmad مدير عام
    تم تعديل 2011/03/27
    يا عيني عليك يا حكيم .. هاد كان عشمي فيك :laugh:... بكل الاحوال ما تاكل هم أبدا أبدا ما رح جيب حماة ... يا سيدي رح جيب المقربين المقربين جدا :wink:... يعني فيك تقول بالكتير بالكتير ما بيطلعوا مية واحد (&$#@... هاد كلو كرمال عيونك و كرمال ما تعبك معي كتير ( فيني اتخيل انك متل هاد هلئ ()*& ) ... ما حلوة من أول زيارة تقل عليك كتير :lol: