دعوة رسمية

حكيمحكيم مشرف حلقات البحث و الاستشارات الطبية
السلام عليكم ورحمة الله وبركاته
متل مو شايفين شباب عدلنا القسم وحولناه لقسم الأخبار اللي تناقشنا عنه بموضوع عمار
يعني هلأ والتزاما بعيادتنا الكريمة بدنا مساعدتكم لننقل اخر الأخبار الطبية بالكليات والمحافظات السورية وحتى مو بس الطبية خلينا نقول الأخبار الجامعية والتعليمية والنقابية بشكل عام
يعني مؤتمر .....ندوة..........دورة............اجتماع.......رسالة ماجستير أو دكتوراه مميزة .........الخ
وطبعا هالقسم ما رح ينجح إلا بجهودكم وبمعلومات كل واحد عن أخر الأخبار بكليته ( يعني أقل منها :wink:)
وفيكن تعتبرو هي بمثابة الدعوة الرسمية بما أنو راح عليكم الافتتاح والضيافة:whistling:
:123:

التعليقات

  • صيدولةصيدولة عضو ذهبي
    تم تعديل 2011/03/20
    وعليكم السلام دكتور ....
    الله يعطيك العافية ... وان شاء الله كلنا منتعاون لنجاح هالقسم ومنبقى على اطلاع بكل الاخبار ...

    بس شو مشان الضيافة :unsure:؟؟؟ وفي فرقة كأنو ... ليش ماحدا عزمنا ؟!:cry:
  • Ph.SamaPh.Sama مشرفة منتدى تطوير الذات و NLP
    تم تعديل 2011/03/21
    شكراً دكتور حكيم........ ممكن ساعدكن بأني جبلكم مواعيد محاضرات و ندوات بمدينة حمص باعتبار خلينا أخبار الكليات لأهلها هههههه... متل ما بتعرفو في محاضرات بشكل دائم بالمشافي متل المشفى الوطني و مشفى الوليد و أوقات بيصير في مؤتمرات تعلن عنها وزارة الصحة ....... بعض هذه المحاضرات مفيد و يمكن الاستفادة منه و البعض الآخر ما بعرف شو ظروفو هههههههه.... بتوقع هيك قسم بالمنتدى كتير مفيد و ضروري و بتمنى الكل يساهم فيه... و الله الموفق
  • dr.Alidr.Ali مدير عام
    تم تعديل 2011/03/21
    حياك الله حكيم
    أنا من زمان كان نفسي نعمل هيك قسم
    الله يوفقك
  • nehadnehad مشرف منتدى التغذية و الطب البديل
    تم تعديل 2011/03/21
    قسم جميل يعطيكم العافية
  • حكيمحكيم مشرف حلقات البحث و الاستشارات الطبية
    تم تعديل 2011/03/21
    أهلا وسهلا فيكم ومشكورين كتيييييييييييييير عالدعم:72::72:
    صيدولة خيرها بغيرها بس الافتتاح كان مقتصر علي وعلى أحمد والله وكيلك ما ضيفني غير كلام:217:
    سما تمام هادا بالضبط المطلوب نحنا عم نستناك والله يعطيك العافية
    علي سرني مرورك يا أخي اشتقنالك
    نهاد الله يعافيك وانشالله كون عند حسن ظنك
  • د.مفدى زهور عديد.مفدى زهور عدي عضو ذهبي
    تم تعديل 2011/03/22
    ماشاء الله.. نِعْمَ الفِكرةُ فِكرتُـك يا حكيم...


    بارك الله...

    وأذكر أن نقابة الأطباء تنظم محاضرات وكذلك المشافي الحكومية ووزارة الصحة و حبذا لائحة و تحديث لأزمنة وأماكن المؤتمرات....


    بارك الله بكل من يساهم في فعل الخيرات..
  • Dr.AhmadDr.Ahmad مدير عام
    تم تعديل 2011/03/22
    صيدولة خيرها بغيرها بس الافتتاح كان مقتصر علي وعلى أحمد والله وكيلك ما ضيفني غير كلام217.gif
    هلئ هاد اللي طلع معك حكيم ... ما ضيفتك غير حكي ... أخي و هي دعوة رسمية للتفضل ع حماة و تشرفنا بزيارة الاسبوع القادم .. شوف اليوم اللي بيريحك و بلغني !! و مشان تفاصيل الزيارة عالخاص شو رأيك ... هلئ بيطلع صيت عاطل عالحمويين و مالنا خبر هههههههه

    من ناحيتي باعتباري متواجد بالمشفى العسكري بحمص رح بلغكم شو في شي جديد فيه ... صح انو عسكري بس فيه كتير مؤتمرات و من فترة أشهر كان فيه المؤتمر الطبي السوري الألماني بس كان قبل القسم مشان هيك ما حكيت ههههههه
  • suzysuzy عضو ذهبي
    تم تعديل 2011/03/22
    و الله اقتراح رائع حكيم يعني عم تطلع معك أفكار تحفة :104:
    المشكلة أنو نحنا باللادقية ما عنا محاضرات أو يمكن فيه بس ما بيدعو عليها الصيادلة
    لأنو نحنا فهمانين كل شي و ما بحاجة تئقيف (دقو على الخشب ):60:
    من فترة طالبت بهيك ماضرات و ندوات بقى اذا زبطت بخبركم
  • حكيمحكيم مشرف حلقات البحث و الاستشارات الطبية
    تم تعديل 2011/03/22
    أهلين بالدكتور أحمد والله قلت لحالي ما رح تمرق على خير هدون الحموية ما بينعلق معهم :whistling:
    بس يللا كسبنا عزيمة ( كان لازم ننكشك يعني :cry:)
    سوزي ,دكتور مفدى تشجيعكم بسطني كتير انشالله اقدر وصل الهدف والفائدة من هالقسم وأكيد هالشي ما بصير غير فيكم وبكل الأعضاء الأكارم
  • Dr.AhmadDr.Ahmad مدير عام
    تم تعديل 2011/03/24
    أول شي أهلا و سهلا فيك حكيم .. تاني شي فهمنا حطيت " الدكتور " بس هاد الخط اللي تحتا لشو يا دكتور حكيم :p