الحالة التطويرية للموقع + عرض التصميم الجديد للنقد

2»

التعليقات

  • حكيمحكيم مشرف حلقات البحث و الاستشارات الطبية
    تم تعديل 2011/03/07
    خلص عمار لا تحاول مافي أمل الجهل بالبرمجة راكبنا ( .,23خصوصي أنا .,23) يبدو أنو مضطرين نذعن للون يلي بتختارو خلص أمرنا للله أخونا وبدنا نتحملك ونتحمل ذوقك! :cry:
    مشان الردود عادي مو بس هون لا تكتئب لأنو التطوير جاري وأنا عم شوف ناس جداد وأفكار جديدة ما بعرف إذا هاشي لأني أنا بحد ذاتي جديد ؟ بس متفائل وعاجبتني الرؤية الجديدة للموقع يلي عنجد بتمنى كون من روادها والمشاركين الفعالين فيها
    فكرة الربط بين المنتدى والصفحة الرئيسية ممتازة ورح تنشط المنتدى وانشالله رح تخليك تغير وجهة نظرك عنو:wink:
    وياسيدي الله يبشرك بالخير مشان العيادة الافتراضية لأنو بصراحة هي لحالها رح تعمل نقلة نوعية للموقع وكلياتنا عم نستناها على أحر من الجمر لتزين موقعنا
    على فكرة القاعدة اللي قلتها زابطة مية بالمية بس بما أنو نحنا جماعة متواضعين على قولتك شو رأيك نحذف الشق التاني منها ونخليها ( كل سوري متمرس .)؟؟؟؟
  • suzysuzy عضو ذهبي
    تم تعديل 2011/03/08
    الله يعطيك العافية عمار
    بموضوع المساعدة أنا بنضم لمجموعة الدكتور حكيم الحال من بعضو فما النا الا ندعيلك متل ما قالت ميرة
    مشان الألوان فعلا ما بدها الشغلة تعقيد أي شي بسيط بيكفي و بيوفي و شوية ترتيب للأيقونات بيضيف أناقة للصفحة لتليق بالعيادة
    مشان العيادة الافتراضية نحنا متشوقين لانطلاقها
    موفق
  • Dr.AhmadDr.Ahmad مدير عام
    تم تعديل 2011/03/08
    صيدولة بعتذر اني لهلئ ما عطيت رأيي بالألوان بس كان عندي مشكلة صغيرة و هلئ انحلت و رح بحبش بالالوان ان شاء الله بعد الانتهاء من الردود ...

    في ناحية أنا مقدرها بالجميع هو ضعف البرمجة و هالشي مانو أبدا غايب عن بالي .. ضمن مشاريعي الخاصة للموقع دورة تدريبية بسيطة بالبرمجة للتعامل الأمثل مع الموقع بشكل عام ... بس برجع لنفس النقطة " بعد التخرج إن شاء الله "

    عمار فكرتك بخصوص ادراج مواضيع من المنتدى للرئيسية ببالي متل ما كتبت قبل عن تنسيق مواضيع لجعلها ضمن اطار واحد لتسهيل البحث فيها

    لي عودة بعد الانتهاء من جولة المتابعة ..
  • صيدولةصيدولة عضو ذهبي
    تم تعديل 2011/03/08
    ولا يهمك دكتور انا بس كان بدي رأي الاغلبية يكون هو الماشي
    ومشكور ع فكرة الدورة بس ان شا الله تكون " ببلاش "

    مشان الالوان برأيي الاهم هو الغاء اللون الاسود والاخضر ( يعني خلينا عالازرق ودرجاتو ) فيك تدخل شوية زهري او بنفسجي بالزخرفة او بالاطارات بظن رح يطلع حلو
    وكمان عندي فكرة انو تنحط ايقونات صغيرة مثلا ( بدل الصفحة الرئيسية ينحط صورة بيت ...وهيك عالباقي ) بظن بتعطي شوية ظرافة واناقة للصفحة
  • Dr.AhmadDr.Ahmad مدير عام
    تم تعديل 2011/03/08
    و لو صيدولة أكيد ... كلو بحئو بدكن ياني اشتغل ببلاش هههههههههههههههههه .... بس الغالي بيرخص كرمالكم و كرمال الموقع

    اي عمار ... هي اقتراحاتي لالوان الصفحة
    http://kuler.adobe.com/#themeID/432088
    http://kuler.adobe.com/#themeID/28552
    http://kuler.adobe.com/#themeID/1057041 هي بتصور مناسبة "نسبيا" لالوان الصفحة
    http://kuler.adobe.com/#themeID/301324

    في ملاحظات اخرى عمار ...
    - في نقطة حكت عنها يمكن صيدولة ... و قلت انو خطأ جميل ... اللي هو باسماء القوائم اول كلمة مائلة و الباقي لا ... سامحني بس انا بضم رأيي للرأي اللي قال انو ما كتير حلوة ..
    - الألوان يعني و لو حكيت فيها مرة تانية ... الاخضر و الازرق المستعملين فاقعين جدا و غامقين و يا ريت تغيرن للالوان الاهدى اللي موجودة باقتراحي ... ( طبعا اللهم إذا الالوان مناسبة و عليها إجماع ههههه ).
    - بالنسبة للون الأسماء بشريط القائمة العلوية ( ما تواخذني بس نسيت الاسم النظامي خخخ ) يا ريت تكون بيضاء ما رمادية
    - بالنسبة للون الخلفية ... بدال الرمادي الفاتح يا ريت يكون من نوع ( الأمثلة اللي بالصفحة الأولى او التانية ) من اللي حطيتن بالاول .. انو أي لون فاتح منن حتى لو كان برتقالي فاتح جدا او أخضر فاتح جدا بس من درجة الالوان اللي موجودة
    - بالنسبة للصف الأسفل من البلوكات: الخط بالقوائم صغير كتير و زايد المشكلة انو "عريض" و انا حاسس انو أجمل لو كان الخط أكبر شوية صغيرة
    - نفس مشكلة الخط الصغير ببلوك الدليل .. الخط صغير وغير مريح للبصر أبدا
    - نقطة هامة كتير عمار الصفحة نظامي انكليزي ( من حيث ألوان البنر العلوي من البلوكات ) لكن المحتوى عربي ... قصدي انو يا ريت تصير البلوكات و ألوانها معها اللي ع اليمين تصير بجهة اليسار ...
    - في فكرة حكيناها من قبل كتير ... بعرف صعبة .. لكن تقطيعات الرئيسية بحيث تكون أكثر حركية بشكل عام ... هي بدا حكي كتير و اقتراحات كتير لذلك لو عندك انت فكرة اكيد بيطلع معك أحسن منا بحكم الخبرة ..
    - حاليا هاد الي طلع معي و لو في شي جديد بتعرفني عمار ما بخجل ههههههههههههه
  • Dr.AhmadDr.Ahmad مدير عام
    تم تعديل 2011/03/08
    نهفة تانية عمار ... بالرئيسية شوف هالشوفة و زبطها بمعرفتك ... على متصفح فيرفوكس ... شوف كيف الكتابة عالية !!

    Untitled..png
  • AmmarAmmar عضو نشيط
    تم تعديل 2011/03/09
    أحمد طبعا كالعادة مميز بردودك, وكلها فوائد.
    Dr.Ahmad كتب: »
    اي عمار ... هي اقتراحاتي لالوان الصفحة
    http://kuler.adobe.com/#themeID/432088
    http://kuler.adobe.com/#themeID/28552
    http://kuler.adobe.com/#themeID/1057041 هي بتصور مناسبة "نسبيا" لالوان الصفحة
    http://kuler.adobe.com/#themeID/301324

    بالنسبة لهدول, بدنا الشباب يشوفوهم ويعطونا هيك تفضيلات, شباب تحركو شوي, أي واحد منهم أفضل ؟؟؟

    أنا بصراحة مع اللي فيه لون برتقالي, لقيتو حلو يعني ألوان مريحة وبنفس الوقت حرك شوي :lol:

    Dr.Ahmad كتب: »
    في ملاحظات اخرى عمار ...
    - في نقطة حكت عنها يمكن صيدولة ... و قلت انو خطأ جميل ... اللي هو باسماء القوائم اول كلمة مائلة و الباقي لا ... سامحني بس انا بضم رأيي للرأي اللي قال انو ما كتير حلوة ..
    تمت ازالة الميلان من الكلمة الأولى وجعل العنوان بشكل كامل مائل.
    Dr.Ahmad كتب: »
    - الألوان يعني و لو حكيت فيها مرة تانية ... الاخضر و الازرق المستعملين فاقعين جدا و غامقين و يا ريت تغيرن للالوان الاهدى اللي موجودة باقتراحي ... ( طبعا اللهم إذا الالوان مناسبة و عليها إجماع ههههه ).
    أحمد هدول منعدلهم بس نعتمد ألوان وحدة, طبعا رأيي كان واضح فوق ^ :whistling:

    Dr.Ahmad كتب: »
    - بالنسبة للون الأسماء بشريط القائمة العلوية ( ما تواخذني بس نسيت الاسم النظامي خخخ ) يا ريت تكون بيضاء ما رمادية
    مشي الحال, القائمة الرئيسية كلها باللون الأبيض, طبعا قابلة للتعديل لأي لون بيحبوه الشباب, لعيون الشباب :105:.
    Dr.Ahmad كتب: »
    - بالنسبة للون الخلفية ... بدال الرمادي الفاتح يا ريت يكون من نوع ( الأمثلة اللي بالصفحة الأولى او التانية ) من اللي حطيتن بالاول .. انو أي لون فاتح منن حتى لو كان برتقالي فاتح جدا او أخضر فاتح جدا بس من درجة الالوان اللي موجودة
    منرجع لنفس النقطة, اعتمدوا خريطة ألوان من اللي عطاهم أحمد أو غيرها من الموقع نفسو أو من غيرو.

    Dr.Ahmad كتب: »
    - بالنسبة للصف الأسفل من البلوكات: الخط بالقوائم صغير كتير و زايد المشكلة انو "عريض" و انا حاسس انو أجمل لو كان الخط أكبر شوية صغيرة
    - نفس مشكلة الخط الصغير ببلوك الدليل .. الخط صغير وغير مريح للبصر أبدا

    مشي الحال أحمد, الخط صار أكبر.

    Dr.Ahmad كتب: »
    - نقطة هامة كتير عمار الصفحة نظامي انكليزي ( من حيث ألوان البنر العلوي من البلوكات ) لكن المحتوى عربي ... قصدي انو يا ريت تصير البلوكات و ألوانها معها اللي ع اليمين تصير بجهة اليسار ...
    هي النقطة ما فهمتها كتير, يا ريت تعطيني صورة توضيحية.

    Dr.Ahmad كتب: »
    - في فكرة حكيناها من قبل كتير ... بعرف صعبة .. لكن تقطيعات الرئيسية بحيث تكون أكثر حركية بشكل عام ... هي بدا حكي كتير و اقتراحات كتير لذلك لو عندك انت فكرة اكيد بيطلع معك أحسن منا بحكم الخبرة ..
    هي بصراحة ما كتير لسا واضحة معي, بس رح ضيف خلال كم يوم بعض الموديولات (هي كلمة لأحمد بس :lol: ) من مشروع العيادة الافتراضية, ورح تبلشو تشوفو شوية شغلات جديدة من المشروع خلال اسبوع ان شاء الله (يعني بذرة المشروع رح تنطلق أونلاين, ومتل ما حكينا, الشغل رح يكون دائما معروض لحظة بلحظة).

    Dr.Ahmad كتب: »
    - حاليا هاد الي طلع معي و لو في شي جديد بتعرفني عمار ما بخجل ههههههههههههه

    مشكور أحمد, بصراحة كفيت ووفيت, بس طبعا لا تحرمنا من ملاحظاتك.

    بالنسبة للصورة بالنص المساري (نص المسار اللي االمستخدم فيه) تم التصحيح :)


    سوزي وحكيم وميرة, بشكركم من قلبي, حرصكم عالموقع مشكور وان شاء الله رح نحاول ما نخيب أملكم :)
  • suzysuzy عضو ذهبي
    تم تعديل 2011/03/09
    الله يعطيكم العافية
    مشان اقتراحات الألوان يلي حطها الدكتور أحمد بدكم تستنو ليتخرج و يعطينا دورة و نتخرج منها
    و ساعتها منفتح صفحات الاقتراحات و منختار تكرمو!%[لأ
  • AmmarAmmar عضو نشيط
    تم تعديل 2011/03/09
    أحيانا كترة الخيارات بتلبك كتير أحمد, وهي الفكرة من سؤال الأعضاء عن الألوان المناسبة.

    هلأ مشان جوجل: تم اعتماده كمحرك بحث للموقع الأساسي وصار بيقدر يبحث ضمن كل الموقع (منتدى أو موقع) وعرض النتائج ضمن الموقع نفسه.

    جاري العمل على الألوان, يا ريت تختارولي شي نموذج لوني, وطبعا باعتبار ما حدا من الشباب تجرّئ على اعطار رأيه في الموضوع, فأنا بفضل الخريطة اللونية:
    http://kuler.adobe.com/#themeID/28552

    بشوف فيها كتير حركة, وممكن نساوي الموقع من خلالها شبابي أكتر...
    عموما لسا الباب مفتوح أمامكم يومين فقط لاختيار الألوان وبعدها رح اعتمدها لو ما كان في اجماع على غيرها @#$ٌ[]لأ
  • Dr.AhmadDr.Ahmad مدير عام
    تم تعديل 2011/03/10
    طيب للجميع رح قلكن كيف تفتحوا هاد الموقع اللي حاطو عمار لاني متأكد انو الكل عندو نفس المشكلة و ما عم تنحل لأنو للأسف موقع adobe صاير ما عم يفتح من سوريا بكتير من الاحيان ... و أنا متأكد عمار انو ما فتح الموقع مع حدا لهلئ هههههههههههههههههه

    اول شي حملوا هاد الملف ... حجموا 1.9 ميغا تقريبا
    http://www.syrianclinic.com/ahmad/INSTALL_FLASH_PLAYER12123.EXE
    ( الرابط صحيح تماما و انا حملتو و جربتو و رفعت الملف اللي انا نصبتو عندي و اشتغلت عليه )

    تاني شي بعد اغلاق المتصفح ( اللي هو إما firefox أو google chrome ) .... بتنصبوا الملف اللي حملتوه ... و من ثم بتفتحوا المتصفح و بتتمتعوا بتصفح فلاشي مميز ..
    بحب أكد انو الموقع ممكن يطول شوي ليفتح حتى لو كان الخط سريع ... ما تسألوني ليش هههههه ... و لسه الي عندو خط ديل اب ... لازم ينتظر كتير و بس فتح أول مرة بيصير التنقل فيه اسرع ..

    اي عمار .. بصراحة مشان اللي في اللون البرتقالي هو أكتر واحد حبيتو ... و بانتظار اراء الاعضاء الكرام ( سوزي هي اول فكرة عن الدرس بس هالمرة مستعجلة مشان الحاجة الملحة هههههههه
    تمت ازالة الميلان من الكلمة الأولى وجعل العنوان بشكل كامل مائل.

    بتصدق اني صدقتك و فتحت الصفحة لاتأكد متل ..... مع انو بعرف انك ما رح تساوي هيك بس تحشيشات الاقتراب من الامتحان

    شريط البحث رائع عمار و مناسب تماما ... الله يعطيك العافية

    أما مشان قصدي بنظام الصفحة ...
    هيك قصدي تصير ..
    Untitled..jpg

    أو تبقى البلوكات اللي بنرها أزرق عاليمين لكن بتصير عبارة عن قوائم لمحتويات الموقع و بيكون محتواها متل محتوى الشريط العلوي ... و لو بيبقى العمود هاد اللي فيه أبواب الموقع كلها موجود بكل الصفحات لسهولة التنقل بيكون أحسن و أحسن و حقيقة هاد تصوري الأجمل ...

    يا شباب أنتو معي او لا ؟؟؟؟


    ... أي عمار شو كان بدي أحكي ؟؟؟ قلي ذكرني !!؟؟

    في الشريط اللي من تحت عاليسار اللي فيه سياسة الموقع و الخصوصية الكلمات ملزوقة ببعض
    Untitled..gif


    ما عاد شفت شي حاليا ... و بانتظار الموديولات ... ( شباب هي كمان برمجية مشان تنفيد امر ما لذلك لا توجعوا راسكن كتير فيا .. و خلوا للدورة هههههه )
  • AmmarAmmar عضو نشيط
    تم تعديل 2011/03/13
    أحمد مشان القائمة فساويتها بطريقة أفضل, تمهيدا لتنسيق أفضل للصفحة الرئيسية سيعجب الجميع باذن الله (يعني بشكل مؤقت).
    بالنسبة لتنسيق الصفحة الرئيسي متل ما تفضلت, فحاليا في مخطط تاني تماما, وعم اشتغل عليه وان شاء الله ينتهي معي خلال أقل من اسبوع.

    بالنسبة للعيادة الافتراضية, رح ابدأ بعرض المخطط وبعض التوضيحات حول المشروع قريبا, وطبعا رح ضيف موضوع مخصص لها لحتى نتناقش بالنقاط التالية:

    - أهداف المشروع.
    - مراحل العمل.
    - المعلومات المهمة من كل مريض أيا كان مرضه (بتسموها بالعامي الطَبَلَه).
    - تقسيم العيادات الداخلية وربطها بالدليل الطبي: حيث سيتمكن المريض من طرح حالته إما من خلال القسم المخصص أو سيجد رابط لاستشارة طبيب قريب منه (طبعا نحتاج وجود قاعدة بيانات للأطباء سنعمل على تشجيع الأطباء في الوطن العربي على اضافة عياداتهم ضمن الدليل).
    - تقسيم الردود لطبية وغير طبية, علاجية, اسعافية, خطوات عاجلة... الخ.
    - واجهة المستخدم: سهولتها, بساطتها كبساطة طرح الطبيب سؤاله على المرضى.

    سأطلب من الشباب الدعم حيث أنني سأحتاج جهودكم معي لجعل هذا المشروع أحد أهم المشاريع العربية ان شاء الله تعالى.

    سأقوم أيضا بفتح موضوع جديد من أجل عرض نتائج الموقع حتى الآن, ما حققناه, احصائيات وحقائق, التاريخ والمخطط المالي للموقع.

    شكرا لكم جزيل الشكر, وطبعا لساتني عم اطلب منكم حتى هذه اللحظة طرح أي تعديل مطلوب, تغيير, اصلاح, أو حتى ازالة أو اضافة من والى الموقع...
  • AmmarAmmar عضو نشيط
    تم تعديل 2011/03/13
    السلام عليكم شباب,

    مشان الألوان, هي الخرائط اللونية بشكل صور مشان ما حدا يضل عندو حجة ما يعطينا رأيو بالمسألة.

    الخريطة الأولى:
    3255.imgcache

    الخريطة الثانية:
    3256.imgcache

    الخريطة الثالثة:
    3257.imgcache

    الخريطة الرابعة:
    3258.imgcache

    أرجو منكم المساعدة في اختيار الخريطة الأنسب نفسا وطبيا للصفحة الرئيسي بالموقع ومستقبلا لكل الموقع.
  • suzysuzy عضو ذهبي
    تم تعديل 2011/03/13
    يعطيك العافية عمار
    قعدنا أنا و صيدولة و لقينا الخريطة الرابعة أنسب وحدة خلص اعتمدوها *&^
    بالمناسبة بدك بس مساعدة الشباب بالعيادة الافتراضية :cool2:
  • AmmarAmmar عضو نشيط
    تم تعديل 2011/03/13
    شكرا عالرد سوزي, الله يجبر بخاطرك متل ما جبرتي بخاطري :)
    suzy كتب: »
    بالمناسبة بدك بس مساعدة الشباب بالعيادة الافتراضية :cool2:
    بس هي الجملة شو يعني ؟؟؟

    شباب بس شي حدا يأيدلنا الخريطة الرابعة, وخلص رح نعتمدها ان شاء الله تعالى, مع اني كنت مؤيد للتانية, بس بالفعل ألوانها فاقعة كتير هههههههه
  • Dr.AhmadDr.Ahmad مدير عام
    تم تعديل 2011/03/13
    عمار انا كنت مأيد لأي وحدة منن لذلك ما عندي مشكلة طالما أنو انا اللي اقترحتن بالاساس و هي فعلا هادية و الوانها مناسبة ههههه , بس أكيد كنت نعسان و انت عم تكتب الرد ... سوزي عمار قصدو الشباب يعني ذكورا و اناثا هههههههههههههههه و لو معقول نقدر بدون مساعدتكم

    ... اي عمار بس اسرع قبل ما ضبضب اتصالاتي بالعالم الخارجي ...
  • صيدولةصيدولة عضو ذهبي
    تم تعديل 2011/03/13
    يظهر أنو اسمي مانو مرئي هالكم يوم ( بس الغريب انو انا شايفتو طالع !!! )
    ماعلينا المهم بالاخير انو هالحركة التطويرية تشوف النور وتتطبق ... الله يعطيكن العافية
  • حكيمحكيم مشرف حلقات البحث و الاستشارات الطبية
    تم تعديل 2011/03/13
    أنا برشح الأولى فإذا كان الصبايا بدون الرابعة وهنن شايفينها أحلى (يمكن لأنو فيها زهر ) فما منخالفهن خلص الرابعة منيحة.
    وعفكرة التانية ألوانها ضاوية شوي بس مو متل ماعم تقول يعني بجوز تطلع حلوة وجديدة ومفرحة
    خربطك ما؟!!أخي الشغلة عالتطبيق هيك مارح يبين أنت بس حاول مايلي:
    لا هادية كتير ولا ضايجة كتير ولا باهتة كتير ولا فاقعة كتير ولا فرحة كتير ولا ممقتة كتير ولا كتير مطروقة ولا كتير غريبة ولا فيها ألوان كتير متنافرة ولاألوان كتير متدرجة ولا كلاسيكية مملة ولا حديثة مزعجة بس وأنا متأكد أنو رح يطلع معك نتيجة ممتازة تبهرنا !
  • صيدولةصيدولة عضو ذهبي
    تم تعديل 2011/03/13
    لا هادية كتير ولا ضايجة كتير ولا باهتة كتير ولا فاقعة كتير ولا فرحة كتير ولا ممقتة كتير ولا كتير مطروقة ولا كتير غريبة ولا فيها ألوان كتير متنافرة ولاألوان كتير متدرجة ولا كلاسيكية مملة ولا حديثة مزعجة بس وأنا متأكد أنو رح يطلع معك نتيجة ممتازة تبهرنا

    وهو المطـــــــــلوب !
    :wink:
  • AmmarAmmar عضو نشيط
    تم تعديل 2011/03/14
    وهو المطـــــــــلوب !!!!

    حاسس حالي عم حل مسألة رياضيات بالصف التاسع وتم البرهان ههههههههههه

    عالعموم شكرا صيدولة وشكر مميز لحكيم, أنا بالفعل هادا القصد من الموضوع, ما بدي الواحد لما يفتح ا لصفحة يتفاجئ ويزيغو عيونو, ولا بدي كمان انو الواحد لما يفتح الموقع ينام وطبعا يسكر وما يقرأ حتى شو صاير.

    لذلك بلشت تطبيق الألوان الجديدة وبصراحة من الاقتراحات الأربعة وعم حاول ساوي شوية حركات بالصفحة, يعني شغلات بتخلي الصفحة أحلى عالمدى البعيد.

    وبس تخلص رح انتقل المهمة الأكبر وهي العيادة الافتراضية اللي رح تكون مشروعنا لهي السنة ان شاء الله, ومتل ما قلتلكم خلال كم يوم رح انشر التصاميم الأساسية وابدأ بمناقشتكم عن المراحل.


    طبعا اعذروني عالتقصير وعدم السرعة بالاستجابة, لكن متل ما بتعرفوا عنا هون أيام امتحانات حاليا وفي شوية ضيق بالوقت عندي.