صورة ونقاش ..

13

التعليقات

  • ميرةميرة المشرفة العامة
    تم تعديل 2011/02/19
    بانتظاااار آراء الإخوة الباقين ..
    ؟؟؟؟؟؟؟
  • ميرةميرة المشرفة العامة
    تم تعديل 2011/03/03
    النقاش هالمرة ممكن يدور حول مخلوق محبوب لدى البعض ..ومكروه للبعض الآخر ..!!
    يمكن لنجنب مضار محتملة .. ؟؟
    أو لمجرد الخوف من الحيوانات ..؟؟
    هل كل ما يدور حول مخاطر تربية القطط صحيح ..؟؟
    هل التكسو بلازموس سمي بجرثومة القطط ظلماً .. ؟؟وهي المسبب له ..؟؟
    وكذلك أمراض الربو والحساسية ..؟؟

    بتمنى شوف آرائكم النظرية أو العملية بهالمجال ..
    أنا بس شهادتي بالقطط مجروووحة لأني بحبها كتييير
    وتقريبا ما بيخلى بيتي منها ...


    3197.imgcache
  • صيدولةصيدولة عضو ذهبي
    تم تعديل 2011/03/03
    شو هالصورة الحلوة ...
    انا عني بحب القطط بس بالصور .. بس مابتخيل اني المس قطة او حتى قرب من شي وحدة ...
    ومابحبذ أبدا تربية القطط بالبيت ... بس مانو شي غلط ابدا في حال تم الاهتمام والعناية بنظافة وصحة هالحيوان
  • ثليجة البيضاءثليجة البيضاء عضو نشيط
    تم تعديل 2011/03/03
    صورة جميلة .

    لكنني أخاف من القطط و لا استطيع لمسها او حتى الاقتراب منها .
  • Dr.AhmadDr.Ahmad مدير عام
    تم تعديل 2011/03/05
    وصلناااااا للقطط .... فكرة النقاش حلوة كتير ميرة ... و ع فكرة ميرة الصورة كتييييييير حلوة

    بالنسبة الي بحب القطط كتير و مرت عليي اوقات ربي قطط بالبيت و اساسا القطة من النوع المسالم جدا و الأليف جدا و الودود حتى انو بيبعد الوحشة عن الانسان لو كان لوحدو

    حقيقة بالنسبة للقطة تعتبر من الناحية الطبية حيوان نظيف نسبيا حتى انو ( حسب معرفتي ) لا يوجد سوى التوكسوبلاسموز ( المقوسات الغوندية ) كطفيلي منقول بالقطط و سبب التسمية ما ظلم أبدا لانو هي السبب لكن الانتقال بيكون بتلوث طعام الانسان ببراز القطة بشكل من الاشكال و حتى داء المقوسات هو مرض علاجه سهل و لكن المشكلة الاساسية فيه أنو لو أصاب امرأة حامل و خاصة في الثلث الأول ممكن أن يسبب الاجهاض ( حيث يعتر التوكسو من أسباب الاجهاض لمرة واحدة )

    بالنسبة للربو و الحساسية ما عندي أي فكرة ...

    الخوف من القطط هو مرض نفسي حقيقة ضمن إطار الخوف من الحيوانات و ممكن أن يكون له علاج طبي ناجح
  • ميرةميرة المشرفة العامة
    تم تعديل 2011/03/08
    النقاش حلو بمروركم العطر ..ثليجة ولمى.. د . أحمد مشكور على المعلومة
    بس أنا بحس القطط مظلومة ..
    لأن الاصابة بجرثومة القطط قد تكون بالتعرض غير المباشر لتلك الطفيليات ..
    يعني ممكن الطيور هي الي تسبب العدوى ..
    أو تناول لحوم البقر أو الغنم غير الناضج ..
    أو حتى خضار ملوثة بتلك الطفيليات

    وبنرجع نقول من سبل وقاية القطط من الاصابة بتلك الطفيليات هي عن طريق العناية بطعام القطط ..
    وعدم تغذيتها إلا بلحوم ناضجة ..أو مأكولاتها الخاصة المعلبة ..
    وأكيد تبديل ترابها داااائما
    و ما ننسى مواعيد اللقاحات الدورية ..

    بدي حدا يأيدني بالرأي لأني هلئ عم فكر بقطة جديدة ..؟؟؟ ههههه
  • Dr.AhmadDr.Ahmad مدير عام
    تم تعديل 2011/03/08
    فيها وجهة نظر ميرة ... خلص لا تترددي ... و بس مليتي منها حوليها لعندي هههههه
  • ميرةميرة المشرفة العامة
    تم تعديل 2011/03/08
    يا عيني عليك يا د.أحمد ..
    يا هيك التشجيع يا بلاااااا
    بس هلئ أنا بدي اعترفلكم بشغلة ..
    من كم شهر كان عندي 9 قطط ....بس كانو للجنان وحدة بوحدة ..
    وكانو عاملين حزبين ..وما بيحبوا يجتمعوا مع بعض ..
    فكنت كل جماعة حاططتون ببرندة
    والعاقل هو الي بيفوت على البيت هههههه
  • Dr.AhmadDr.Ahmad مدير عام
    تم تعديل 2011/03/10
    لا ع سلامتك ميرة ... بجد سياسة التفريق حلوة ههههه خلي يتربوا
  • حكيمحكيم مشرف حلقات البحث و الاستشارات الطبية
    تم تعديل 2011/03/12
    cb4b345421a9069da04.jpg
    ما بعرف اذا شفتوها قبل بس أكيد ما رح تمانعوا تشوفوها مرة تانية وتالتة وعاشرة
  • Dr.AhmadDr.Ahmad مدير عام
    تم تعديل 2011/03/12
    حكيم .. السؤال هون انو كيف بقدر ازرعها بالبيت هههههههههه و في منها ع نبتة صغيرة .. اخي هي الكبيرة بتطالع الاف انا بدي نبتة صغيرة ام الخمسين ليرة ^^

    هي بيكون شي حدا حابب يمزح مع خطيبتو و راحت صدقت و جابت العالم ... و يا خسارتك يا خطيب الهنا ههههههه
  • suzysuzy عضو ذهبي
    تم تعديل 2011/03/13
    كتير فكرة حلوة حكيم
    دكتور أحمد ازرع خمسين ليرة بأصيص صغير و سقيها خمسينات كل يوم و انطر كام سنة الا ما تطلعلك شجرة خمسينات هههههه
  • Dr.AhmadDr.Ahmad مدير عام
    تم تعديل 2011/03/13
    بس قولتك سوزي على هالحالة اديش رح ادفع لطالع اول خمسين هههههههههه .. بدو يصير فيي متل التنقيب عن النفط بفاس عادي ^^

    ما حدا يضحك عليي ... بس لما كنت صغير كانت هالافكار العبقرية تخطر ببالي !! ^^
  • صيدولةصيدولة عضو ذهبي
    تم تعديل 2011/03/13
    شو هالصورة الغنية حكيم !!! لا ومن كل عقلن عم يقطفو مصاري .؟؟
  • صيدولةصيدولة عضو ذهبي
    تم تعديل 2011/03/13
    3259.imgcache


    العنف بتربية الاطفال .... منقدر نستخدم العنف والعقاب بالتربية ؟ وايمتى ؟وشو هي حدوده وضوابطو ؟
  • حكيمحكيم مشرف حلقات البحث و الاستشارات الطبية
    تم تعديل 2011/03/13
    شكرا لمروركم جميع بس هي مو تركيب ولا واحد عم يضحك على خطيبتو ( ليش في عاقل بيعمل هالعملة)
    هي دعاية عملتها أحد البنوك مدري وين وملت الشجرة مصاري ليلا وشافت ردة فعل الناس الصبح .الغريب صيدولة أنو في ناس كتير كبروا عقلون وماقطفوا المصاري وراحت عليهم
    الفكرة بهالصورة أنو بتشعر بالتفاؤل وأنو الفرص مرمية ومستنيتنا نقطفها وهادا تماما يلي كان بدي ياه يوصلكم
  • ميرةميرة المشرفة العامة
    تم تعديل 2011/03/15
    مو معقووول ..؟؟؟؟
    شو هالشجرة الحلوة ؟؟؟؟
    لو في منها شتلات صغار للزرع ..هههههههههههههه
    تحليلك حكيم كتير حلو ومنطقي ..لأن الفرص بتكون بين إيدينا ونحنا بندير لها ظهرنا ..؟؟؟
  • ميرةميرة المشرفة العامة
    تم تعديل 2011/03/15
    تسلم إيديكي صيدولة على الصورة الجديدة ..
    العنف بتربية الأطفال ..؟؟
    تذكرت قول رسولنا الكريم عليه أفضل الصلاة وأتم التسليم :
    ما كان الرفق في شيء إلا زانه ..وما نزع من شيء إلا شانه
    فكيف بنا مع أطفااال ..؟؟؟
    سبحان الله الرؤوف الرحيم ..كيف أولى مهمة تربية الأطفال والعناية بهم وقبلها حملهم وإرضاعهم إلى الأم
    الي هي دائماً عاطفتها هي الغالبة على تصرفاتها
    مهما تعبت أو تدايقت منهم ..؟؟ لا يمكن تأذيهم ..
    طبعاً هالشي ما بيمنع حسن التربية ..
    والطفل مهما كان صغير ممكن يتعلم بأساليب خاصة التمييز بين الصح وبين الغلط
    بنذكر مثل عن الصلاة أول ما نعلمها للطفل بتكون بتذكيره فقط بأدائها ..
    أما لما يبلغ 10 سنوات يضرب على تركها ..
    وأكيد الضرب ما بيكون ضرب مؤذي أو على الوجه ..وما نكون بحالة عصبية لأن الضرب بيكون أقوى ...
    والأسلم بالتعامل هو الحوار حسب عمر الطفل ..
    واستخدام الثواب والعقاب والمكافئات ..
    بس ممكن نلجأ لآخر العلاج وهو الكي ..( الضرب ) لما تفشل كل الطرق السلمية مع الطفل ..؟؟
  • د عمار عديد عمار عدي عضو نشيط
    تم تعديل 2011/03/19
    الجوال وسيلة اتصال مهمة اصبحت ضرورة في هذا العصر لا يمكن الاستغناء عنها كونها تتيح للاهل معرفة اين ابنائهم بالضبط والاطمئنان عليهم
    ليس بالضرورة ان يكون لكل طفل موبايل من الممكن ان يكون على الاقل هاتف واحد احتياط يحملة الولد عند ذهابة لمنزل اصدقائة او النادي الخ
    يمكن الاهل من الاتصال بابنائهم
  • ميرةميرة المشرفة العامة
    تم تعديل 2011/03/26
    مشكووور على مرورك الرائع د . عمار ..
  • ميرةميرة المشرفة العامة
    تم تعديل 2011/04/12

    3505.imgcache


    3506.imgcache

    الرشوة من كبائر الذنوب..
    و حرمها اللهُ على عباده..
    ولعن رسولُه من فعلها ..
    فالواجب اجتنابها والحذر منها ..
    وتحذير الناس من تعاطيها ..
    لما فيها من الفساد العظيم.. والإثم الكبير ..
    والعواقب الوخيمة .. وهي من الإثم والعدوان
    اللذين نهى الله سبحانه وتعالى عن التعاون عليهما
    في قوله عز من قائل:

    وَتَعَاوَنُوا عَلَى الْبِرِّ وَالتَّقْوَى وَلَا تَتَعَاوَنُوا عَلَى الْإِثْمِ وَالْعُدْوَانِ سورة المائدة .2



    برأيكم إخوتي لأي حد وصل معنا التعامل بالرشوة ؟؟
    وما الدافع إلها ..؟؟
    وما هي أكثر المجالات الي بيصير فيها رشوة ..؟؟؟



  • Dr.AhmadDr.Ahmad مدير عام
    تم تعديل 2011/04/13
    الرشوة للأسف صارت بكلللللللل مكان .. و حابب قول انو ما دائما بيكون في عنا راشي و مرتشي و إنما دائما في عنا مرتشي فقط ... لانو كثير من الاحيان بتكون معاملة الانسان أو قضيتو سليمة تماما و ما فيها أي خطأ و لكن الموظف ما بيتعامل معها بدون رشوة من هالمنطلق بحب قول انو شرعا هي اسمها " تيسير أمر " و لكن يبقى الاثم و الذنب على المرتشي دون الراشي

    للأسف الشديد .. من كم يوم كنت رايح عالقصر العدلي بدي استلم كفالة لأخي ... بينما دخلت و طلعت دفعت 400 ليرة تقريبا بدون حتى ما حس اني دفعت شي ... لحتى بس استخرج الكفالة مع العلم أنو كل الامور قانونية تماما و مافيها أي شي مخالف للقانون لكن جرت العادة انو الموظف بشكل عام ما يمشي شي بدون " إكرامية " ...

    و الله يحفظنا و يجيرنا و يبعدنا عن المال الحرام

    الدافع للرشوة لما تكون من الجانبين فهي أكيد للصعود فوق القانون و تجاوز احكامه ... في كتير معاملات ما بتمشي لوجود ما يخالف القانون فيها لكن بالرشة كلو بيمشي الحمد لله ... ^^ و حسبنا الله و نعم الوكيل
  • Dr.AhmadDr.Ahmad مدير عام
    تم تعديل 2011/04/13
    الرشوة للأسف صارت بكلللللللل مكان .. و حابب قول انو ما دائما بيكون في عنا راشي و مرتشي و إنما دائما في عنا مرتشي فقط ... لانو كثير من الاحيان بتكون معاملة الانسان أو قضيتو سليمة تماما و ما فيها أي خطأ و لكن الموظف ما بيتعامل معها بدون رشوة من هالمنطلق بحب قول انو شرعا هي اسمها " تيسير أمر " و لكن يبقى الاثم و الذنب على المرتشي دون الراشي

    للأسف الشديد .. من كم يوم كنت رايح عالقصر العدلي بدي استلم كفالة لأخي ... بينما دخلت و طلعت دفعت 400 ليرة تقريبا بدون حتى ما حس اني دفعت شي ... لحتى بس استخرج الكفالة مع العلم أنو كل الامور قانونية تماما و مافيها أي شي مخالف للقانون لكن جرت العادة انو الموظف بشكل عام ما يمشي شي بدون " إكرامية " ...

    و الله يحفظنا و يجيرنا و يبعدنا عن المال الحرام

    الدافع للرشوة لما تكون من الجانبين فهي أكيد للصعود فوق القانون و تجاوز احكامه ... في كتير معاملات ما بتمشي لوجود ما يخالف القانون فيها لكن بالرشة كلو بيمشي الحمد لله ... ^^ و حسبنا الله و نعم الوكيل
  • ميرةميرة المشرفة العامة
    تم تعديل 2011/09/15
    4380.imgcache
    كل عام وانتم بخير إخوتي الكرام

    نقاشنا اليوم

    بعد إذنكم ممكن يكون حول ثقل وزن الحقيبة المدرسية
    ومدى تأثيرها على العمود الفقري
    وآلام الظهر


  • وجيهةوجيهة مشرفة منتدى تربية الأطفال
    تم تعديل 2011/09/16


    بعض الإرشادات لحمل آمنٍ لحقيبة الظهر منها :


    استخدام الحزامين معاَ الأمر الذي يجعل وزن الحقيبة موزعاَ بشكل أفضل على الجسم

    كما توصى بوضع الحقيبة فوق عضلات منتصف الظهر.

    وإضافة إلى تخفيف ما تحمله حقيبة الظهر تقترح تنظيم محتوياتها بوضع الأشياء الأثقل اقرب إلى الظهر .

    ويفضل حقائب ذات العجلات خيار جيد للتلاميذ الصغار الذين لا يغيرون فصولهم أو لا يحتاجون إلى صعود ونزول الدرج بشكل متكرر .

  • مروان الخاتونيمروان الخاتوني عضو نشيط
    تم تعديل 2011/10/02
    انا برأيي ان من يحمل الموبايل سواء اكان صغيراً ام كبيراً هو بمقدورة ان يحسن استخدامة او يسيء الاستخدام اما اذا كان في سن مبكر او في مرحلة المراهقة فأن هناك من يتابعه من اب أو ام أو احد اقاربة فبذلك لا يستطيع استخدامة استخداماً سيئا وشكرا لطرحكم هذا الموضوع الاجتماعي ( ابو وجدان الخاتوني )
  • ميرةميرة المشرفة العامة
    تم تعديل 2011/10/04
    ألف شكر أخي مروان لطرحك الرائع ..
    فعلاً الرقابة الداخلية هي الأساس ..
    مع توجيه بسيط من الأهل للأطفال بالبداية ..
  • ميرةميرة المشرفة العامة
    تم تعديل 2011/10/04
    أما موضوع الحقيبة المدرسية ..
    مشكورة وجيهة على المعلومة الحلوة ..
    صحيح بتبقى حقائب الظهر هي الأسلم
    مع مراعاة أن تكون من نوعيات جيدة ووزنها خفيف
    وعلى الأهل مراقبة الحقيبة
    لأن الأطفال دااااائما يملؤها بأشياء لا يحتاجونها
    وما يكون وزن الحقيبة مع الكتب أكتر من 10% من وزن الطفل ( مع إنه بتكون أكتر بأغلب المدارس للأسف )
    أما العمود الفقري وانحرافه وميلانه ..؟؟
    فالحقيبة المدرسية أو حتى طريقة الجلوس لا تأثير لهما على سلامته
    إلا أنها تسبب آلاماً في الظهر ويجب متابعتها مع الطبيب وعدم إهمالها ..
  • ميرةميرة المشرفة العامة
    تم تعديل 2011/11/11
    4787.imgcache
    شو رأيكوووون ؟؟؟؟
    هيك عم يحكوا الخراااف علينا
    هههههه
  • Dr.AhmadDr.Ahmad مدير عام
    تم تعديل 2011/11/11
    بصراحة معن حئ بس هي الصورة معبرة أكتر ^_^

    298518_101503547218&.jpg