مصطلحات طرطوسية ..
عازمك عكاسة متة: عازمك لعندي.
هالحديث بدو كاسة متة: يعني ما بينقال عالواقف أو عالتلفون, بدو قعدة.
بتتخيلي كاسة المتة هون؟: يعني المنطقة جميلة جدا.
حزور وين شربت متة؟: تدل على غرابة مكان زرته.
حزور مع مين شربت متة؟: قعدت مع واحد ما رح تتوقعو أبدا.
ياما شربان معو متة: كنت صاحبو لهداك الشب (و بتنقال لما الشب التاني بتعلا مراكزو)
سخنو: أنا جاييك عالطريق.
نقاع: يعني تخلى عن رزانتك و شاركنا أطراف الحديث.
لسا ما قطعت كاستك: بتنقال اذا ضيفك بدو يروح و ما طول بالقعدة.
بدنا نجدد: قعدتنا مطولة.
جددنا تلت مرات: يعني الزلمة طول عندي.
قطعت كاستو و ما كنت جددلو: دبقني الأخ و حاولت قحطلو.
ما كنت سخن الأبريق: تعمل عمل سابقتها.
مركزا لحالي: يعني حاطط كاسة متة و قاعد لحالي قعدة رواق.
حزور شو نسينا؟: يعني ما جبنا الأبريق (لما منكون بسيران)
طيبة هلق كاسة المتة: بتنقال بعد أي شي بيعملو الطرطوسي و بالأخص بعد أكلة دسمة, أو لما تشتي الدني.
بدا كاسة متة: الشغلة بدا تركيز.
ما بيشرب متة: مقت.
قاعد و حاطط كاسة متة قدامو: طايلة قعدتو (بتنقال اذا ناطر حدا)
قاعد مأشرب متة: مو ماعمل شي (اذا انسألت شو متعمل)
ما شربتنا متة: ما كانت ضيافتك منيحة (بتنقال عسيبيل المزحة)
ما شربنا متة: ما كانت ضيافتو منيحة (بتنقال بجدية)
شبك؟! بدنا نشرب متة: لا تقلي رايح.
يلا بشرب كاستين: ما رح خجلك, بس عنجد أنا مستعجل.
منشرب متة بالأول ولا مناكل و منشرب متة؟: تنظيم وقت السيران.
انقالت بقعدة متة: ضعيفة المصداقية
الموضوع يمكن يكون مضحك بس كل جملة فيه حقيقية و بتنقال بكل جدية بطرطوس و مو على سبيل المزاح أبدا,
و لا بتثير أي ضحكة بالأوساط.
و هيي بسبب تأثير المتة بحياة الطراطسة
و محوريتا بحياتنا اليومية لدرجة أنو صار في جمل مرتبطة بالمتة
ابقوا شروفنا بكاسة متة
التعليقات
لكن ماهي المتة؟؟؟ لاني احب الاكلات السورية كثيرا
انا و الله ماني ضريب متة بس وقت الضرورة ماشي حالي بخلص حالي ههه
ثليجة ... المتة هي نوع من الاعشاب تنقع بالماء الساخن وتشرب ... وإلها طقوس وجلسات خاصة
[
شرفينا على سورية لنعزمك على أحلى كاسة متة
طبعاً لا زم اشرب متة
و كمان لما بيتعبو الطرطوسيين بيقولو فرطت متل المتة( يعني لما بيفرط الضرب)
يمكن لأني بعيدة عن طرطوس ههههه
مين بدو يعزمني عليها.. ؟؟؟؟
نورتووووووووووو
و بعد حماه بتكفي على اللادقية ميرة
أنا ما بشرب متة بالعادة بس معك رح اشربها شو رأيك على الكورنيش قدام البحر:173:
ميرة .. بانتظارك بالمكتب العلمي للعيادة السورية هههههه اهلا و سهلا سلفاً
3 دعوات بيوم واحد ..والله طلعت مدعومة ..ههههه
مشكووورين جميعا على الدعوة الرائعة ..وان شالله يصير لي فرصة ولبيها ..
سوزي أنا مو من حماة ..
بس على هالسيرة شو رأيكن تحكولنا عن فوائد وأضرار المتة ......
إن شالله بنزل لك موضوع حلو عن المتة
انتظريه بالطب البديل ..
حياكِ الله