مذاهب الامتحانات في الجامعات السورية

التعليقات

• Dr.Ahmad مدير عام

  2011/01/30 تم تعديل 2011/01/30

  اي و الله سوزي قدمت من كم يوم مادة العينية والحمد لله الدكتور كان مطبق المذهب التعليمي و الإبهاري بحذافيرن ... حتى انو دكتور الجراحة العظمية قلنا مرة " أنا أؤمن بالتعليم حتى في الامتحان ... طالب الطب لازم يضل يتعلم حتى بالامتحان "
  
  و الحمد لله الله عافى كتير من دكاترتنا من المذهب الرياضي و لم يتبقى إلا عند القليلين ههههههه
  يسلموا سوزي ,... الله يسترنا بالامتحان الوطني من هي المذاهب **
• Ph.Sama مشرفة منتدى تطوير الذات و NLP

  2011/01/31 تم تعديل 2011/01/31

  شكراً سوزي ..طبعاً بعض الدكاترة عنا ( شي 80% ما أكتر ) عم يطبقوا هالمذاهب حتى في بعضهن عم يلجؤوا لسياسية الدمج بين المذاهب طبعاً لأن مصلحة الطالب تأتي بالدرجة الأولى ... و ع فكرة دكتور أحمد عنجد الله يكون بعونكن ع الاختبار الوطني ...لأن الواحد بيدرس منهاج طب ست سنين و بعدها بدو يجيب مهاج الست سنين لكليات دمشق و حلب و يعد يدرسوا و يتعمق فيه و لحق إذا بتلحق ... صدقاً الله يكون معكم
  
• Dr.Ahmad مدير عام

  2011/01/31 تم تعديل 2011/01/31

  بيعين الله د.سما ... شو بدنا نساوي بس بيضل طلاب حمص هني المستفيدين رقم واحد منو لأنو اتاح باب لدخول الماجستير لم يكن موجود مسبقا
  
  و بجد من هالناحية انو كل جامعة الها منهاج و في بشكل خاص مناهج الجراحة لكل كلية تختلف اختلاف شبه كلي عن الكليات الاخرى ... و بالاخر بيجوا الطلاب اللي قدموا الامتحان سنة الماضية بيقلولنا شو ما درستو جراحة ما رح تعرفوا تجاوبوا !! لذلك الحمد لله على كل حال ,,, و الله يمضيه على خير ... ليكيني حاطط العداد بالتوقيع ههههههههه
• صيدولة عضو ذهبي

  2011/02/01 تم تعديل 2011/02/01

  لك آآآآآآآآآآآآآآآآآآخ ياسوزي ... شو بدنا نحكي .... خليها بالقلب ... صارت الشغلة فن ...
• Ph.Sama مشرفة منتدى تطوير الذات و NLP

  2011/02/02 تم تعديل 2011/02/02

  Dr.Ahmad كتب: »

  بيعين الله د.سما ... شو بدنا نساوي بس بيضل طلاب حمص هني المستفيدين رقم واحد منو لأنو اتاح باب لدخول الماجستير لم يكن موجود مسبقا
  
  و بجد من هالناحية انو كل جامعة الها منهاج و في بشكل خاص مناهج الجراحة لكل كلية تختلف اختلاف شبه كلي عن الكليات الاخرى ... و بالاخر بيجوا الطلاب اللي قدموا الامتحان سنة الماضية بيقلولنا شو ما درستو جراحة ما رح تعرفوا تجاوبوا !! لذلك الحمد لله على كل حال ,,, و الله يمضيه على خير ... ليكيني حاطط العداد بالتوقيع ههههههههه

  الله يوفقكن جميعاً و يسر طريقكن للنجاح و التقدم أكتر و أكتر بس نصيحة دكتور أحمد شيل العداد لأن بكرا بس صفر العداد بيصير بدك عداد يرجع لورا هههههههههه ببساطة لأن يلي ناطركن بعد الجامعة أشياء مانها قليلة أبداً بس طبعاً ما بينخاف عليكن
• Dr.Ahmad مدير عام

  2011/02/03 تم تعديل 2011/02/03

  النقطة د.سما ما هي الخوف من الامتحانات او حلم التخرج لا أبدا ولكن اللي صاير فيي حاليا متل ما بيصير بطالب البكالوريا ,,, يعني شو بيطلعلي و شو بدي اختص و كيف رح تكون المفاضلة و كيف رح يكون القبول و يا ترى الوزارة شو لسه مخبيتلنا مفاجآت ....
  
  أكيد ما عندي رهبة و خوف مما بعد التخرج ... انا من النوع اللي تارك الحالة على رب العالمين و الأمر كلو الو ما بدي وجع راسي بس قلتلك بيضل رهبة مفاضلة الاختصاص !!
• dr.Ali مدير عام

  2011/02/04 تم تعديل 2011/02/04

  يالطيف يا سوزي ............. كأنك معنا بالكلية
  بتصدقي انو كل هي المذاهب اللي ذكرتيها موجودة عنا بالكلية لسا في نوع من الأسئلة ما بتعرفي تحت أي مذهب ......... بس المذهب الأكثر اتباعاً بهالفترة هو المذهب الرياضي بس المشكلة مو بعدد الأسئلة العدد قانوني يعني 70 سؤال و ساعة
  بس المشكلة لما يكون نص السؤال طويل و خمس إجابات كل إجابة أكتر من سطر لا تظهر صحتها أو خطأهل حتى آخر حرف من الاحتمالات أو لما تكون كل الأسئلة مفتاحية يعني
  بس بدي اسألكون
  تحت أي مذهب بيندرج نظام الأسئلة التالي:
  اختر الإجابة أو الإجابات الخاطئة
  الفرق بس انو لازم الواحد يظلل الإجابة الخاطئة
• Dr.Ahmad مدير عام

  2011/02/04 تم تعديل 2011/02/04

  علي هاد مذهب خاص فيكن و رجاء لا تنشروا عالنت حتى ما يتعلمو الدكاترة من بعض هيك مذاهب و يكون رسوب الطلاب برقبتك !!
• suzy عضو ذهبي

  2011/02/15 تم تعديل 2011/02/15

  مشكورين على المرور
  اليوم كنا عم نحكي أنا ولمى أنو الدكتور أو المدرس بتبين شخصيتو من خلال أسلوب تدريسو و نمط أسألتو
  يعني المفروض يكون هم الدكتور يخرج طلاب فهمانين و عندهم رؤية للمستقبل مو بصيمين و همهم ينجحو و بس
  الله يعينكم على الامتحانات و همها
• د عمار عدي عضو نشيط

  2011/02/16 تم تعديل 2011/02/16

  لقد تعرضت لمسائلة من قبل لجنة الامتحانات بسبب نسبة النجاح والعلامات العلية في مادة الامراض الداخلية والادوية
  ارجو ان تضعي مذهب جديد كي اعرف المذهب الذي انتمي لة
• suzy عضو ذهبي

  2011/02/16 تم تعديل 2011/02/16

  دكتور عمار حضرتك من المذهب النادر يلي ما في منو
  المذهب الطبيعي يلي بلا عقد بيدرس الطالب فيه بيفهم و بينجح
  الدكاترة بهالمذهب بيخرجو طلاب فهمانين و ناجحين باختصاصهم و بدون رواسب جامعية
• Dr.Ahmad مدير عام

  2011/02/17 تم تعديل 2011/02/17

  ايييييييييه على الله ...
  دكتور عمار الله يكتر خيرك و يكتر من أمثالك يا رب ... يا رب مذهبك ينتشر و يا ريت يكون هيك شي معدي هههههههه