صورة ونقاش ..

24

التعليقات

  • Ph.SamaPh.Sama مشرفة منتدى تطوير الذات و NLP
    تم تعديل 2011/01/29
    شكراً noone موضوع عنجد كتير ظريف ... بالفعل أنا نفسي إفهم سر كتابتة هالدكاترة ... يعني صدقاً أوقات بتمر وصفات علينا ما فيها و لا حرف مفهوم ... ليش الله أعلم .. و بصراحة صدقاً لازم للدكاترة دروس خصوصي بالخط كمان نحنا الصيادلة لازمنا دورات لفك طلاسم الوصفات ... صدقاً لازم تنكتب الوصفات ع الكمبيوتر هالشي أهون لجميع الأطراف... في حادثة كتير طريفة صارت معي من حوالي السنة .. فات لعندي شب معاه وصفة أول دوا مضاد التهاب و التاني مو معروف شو ... طبعاً من الخط المدهش للدكتورة... و محسوبتكن صرت أضرب أخماس بأسداس لأن الشب قلي إنو الدوا التاني مضاد التهاب لمرتو يلي ولدت و صاير معها التهابات... و ما خليت مرجع يعتب عليي .. كل يلي فهمتو إنو هالدوا أولو حرف ال B و لما ما عرفتو حسيت هالشب رح يبكي .. و بعدين اكتشفت إنو هالشب داير نص حمص و شي خمس ضيع ع هالدوا و ما حدا عرفو .. و المسكين صار صارف فوق 1000 ليرة بنزين من كتر ما دار بسيارتو .. و بعد جهد جهيد اكتشفت إنو في حرف l و وقتها شكيت ببلسمول (باراسيتامول) بس كذبت حالي و قلت لحاول مع الدكتورة و لما اتصلت فيها ... المحروسة ما عرفت شو كاتبة بالوصفة .. و بعدين قالتلي ع الأغلب سيتامول .. و لما طالعت الظرف و عطيتو للشب .. بصراحة عينكن تشوفو وجهوا لما اكتشف إنو إلو يومين داير ع ظرف حب حقو عشر ليرات...يعني محلو ما بعرف شو كنت ساويت ...هالقصة و في متلها كتير بتصير معنا كصيادلة .. القصة ما نها قصة خط و بس .. القضية فيها أرواح ناس يعني ممكن صيدلاني يغلط بحرف أو عيار دوا و يروح فيها المريض.. نحنا كل يوم عم نتعرض لمواقف محرجة بسبب هالوصفات يعني لما ما بتعرف تقرا شي خط من هالخطوط العنترية بيجي الزبون و بيقلك ع شو تعلمت الصيدلة إذا شغلتك ما عم تفهم فيها و هلم جراً من هالحكي يلي بيسم البدن سم...أنا ما بطلب من الأطباء يحسنوا خطوطن ع الآخر بس ع الأقل تكون مقروءة ...و بالنهاية شكراًع الموضوع
  • noonenoone عضو نشيط
    تم تعديل 2011/01/29
    suzy كتب: »
    موضوع ساخن دكتور نون شكلك ناوي تعلق الأطباء بالصيادلة

    يا ستي ما هيك بس بدي ياهن يراعوا شعور الزلمة المسكين يالي راح يفك الطلاسم شو ممكن يحصله خصوصا اذا كان نظره على اده ؟؟
    suzy كتب: »
    هلأ خلينا نتفق بالأول انو هالخط أكيد مو لمصلحة المريض بالدرجة الأولى و مضيعة لوقت الصيدلي يلي بدو يتحذر شوي و بعدها يتصل بالطبيب
    ليعرف شو يصرف هيدا اذا التقى صيدلاني بالصيدلية و اذا ما التقى رح يتحزر الموظف و بعدها يصرف دواء مناسب للتشخيص(حسب رأيو طبعا)
    و بالنهاية اذا المريض ما ارتاح رح يغير الطبيب و يمكن يحكي عليه و يتكفل بدعاية سلبية غير شكل هاد اذا ما صار مشاكل صحية نتيجة اعطاء دواء خاطئ
    لهيك عن جد لازم الأطباء ياخدو هالموضوع بعين الاعتبار أو يجيبو طابعة أو كمبيوتر و يرتاحو و يريحو الصيدلاني و المريض

    رداءة الخط تزيد الأخطاء الطبية هي أكبر مشكلة , من ناحية تانية انه الطبيب بيفكر انه بهالطريقة راح يوفر وقت
    طيب امنا بالله بتوفر وقت طيب ما الصيدلي أو المريض راح يضطر يرجع لعندك ويتاكد منك ماهون كمان راح يضيع وقتك !
    وبعدين شو يضمن للطبيب انه الصيدلي راح يحزر الوصفة صح , ما يمكن لساته بتعلم أو متل ما قلتي موظف يدوب يفك الخط , و متل ما قلتي بهالطريقة الكل راح يخسر لانه لا الطبيب أدى دوره باتقان و لا الصيدلي قدر يؤدي دوره و لا تحققت مصلحة المريض ,,


    بمناسبة الحديث عن الكمبيوتر والوصفات هلأ بعض المستشفيات بتطبق نظام مطور يدخل الطبيب الوصفة الكترونياً وترسل مباشرة الى الصيدلية التابعة للمستشفى , مع العلم انه حتى مع استخدام هالتقنية تظل فيه نسبة أخطاء طبية بس أقل طبعاً ..
  • Dr.AhmadDr.Ahmad مدير عام
    تم تعديل 2011/01/30
    فكرتك حلوة noone و الله أنا معك بس بتعرف بجد بجد انا خطي مفهوم و جميل بشهادة كل طلاب الدفعة اللي كانوا يصيورا دفتري هههههههه بس لما بدي اكتب شي وصفة لحدا ما بعرف ليش بيخطر ع بالي خربش ههههههه ... يمكن على كتر ما أهلي بيقلولي ::: صرت تعرف تخربش وصفات أو لسه !!!! هههههه ^^

    لقلك أخي .. لما كنا ناجحين عالسنة التالتة كنت انا و رفيقي عم نتدرب على اسعافات أوليه بالمشفى الوطني المهم بعد ما خيط رفيقي جرح مريض بالعادة بيكتبوا مضاد جرثومي مع بروفين .. اجا رفيقي ليكتب نفس الحالة صابتوا بلش يكتب اول حرفين و يشخط باقي الكلمة هههههههه قام قلو الدكتور : اكتوب كل الكلمة لا تستحي ههههههههههههه.

    من ناحيتي انا بأيد طباعة الوصفات الكترونيا ... بتصدقوا حتى هي ما خلصت من حكي الصيادلة .. يعني مرة مريض اخد وصفة مطبوعة لعند صيدلي ... الصيدلي رح يشكك انو هاد دكتور هههههه !! معو حق ههههه


    اخر شي حكيم ::: قولتك هي بتتناقش مع المدام في المستقبل البعيد ^^
  • ميرةميرة المشرفة العامة
    تم تعديل 2011/01/30
    أنا جايبتلكم أوضح وصفة كتبها دكتور ...!!!


    شو رأيكم لو تصير الوصفات هيك ..؟؟؟



    2978.imgcache
  • ميرةميرة المشرفة العامة
    تم تعديل 2011/01/30
    مشكووورين جميعا على الآراء الحلوة..؟؟ دورات ودروووس بالخط ..هههه والله بدكون يا دكاترة
    صراحة أنا قابلت دكتور واحد خطه حلو وواضح ..!!
    بحياتي كلها ..
    ولحد الآن ما مر علي خط وااااضح متل خطه
    وكل ما شفت خربيش...بقول الله يذكرك بالخير يا دكتور عمر ..
    لأن من صغري معجبة بترتيب وصفته وخطه المنسق ولحد الآن مع تقدمه بالعمر ما زال خطه بنفس الوضوح
    يعني أي طالب ابتدائي ممكن يقرأ وصفته ..؟؟
    هل هالشي لو شفناه عند أي دكتور ممكن يقلل من قيمته ..؟؟؟؟
    وللعلم هو طبيب راااائع والناس كلها بتحبه عدا عن مهارته العالية
    ووقدرته على إراحة المريض نفسياً ..قبل صحياً ..
  • حكيمحكيم مشرف حلقات البحث و الاستشارات الطبية
    تم تعديل 2011/01/30
    شو شباب شايف رح تعلق^-^
    يللا منيح يلي جماعة الصيدلة عبروا عن قهرن ومعاناتن وفشوا خلقن بأطباء العيادة اللي قلبن طيب كتير ورح يتفهموا خخخخخخخخخ
    يا جماعة لا تزعلوا لما اكتشف العالم قسم ابقراط ما قدروا يفكوه لحتى جابوا صيدلي من عنكن يقراه ههههههه
    يعني الشغلة تجاوزت حدود الزمان والمكان وهادا الداء منتشر عند كل الأطباء بكل العالم وبيني وبينكن في مرضى لما بشوفوا وصفة مرتبة بشكوا بالدكتور وبقولو ببالون شو هي أول مرة بيكتب وصفه ( مرة كتبت اسم دوا وكان خطي كتير واضح ومرتب قلي المريض أنا وعم أكتب شو دكتور عم تهجي اسم الدوا ؟!!!)
    على كل الدكاتره هون كلن تملصوا من رداءة الخط بمن فيهم شخصي المحترم (بس مشان ما نخيب ظنك noone)
  • noonenoone عضو نشيط
    تم تعديل 2011/01/31
    Ph.Sama كتب: »
    شكراً noone موضوع عنجد كتير ظريف ... بالفعل أنا نفسي إفهم سر كتابتة هالدكاترة ... يعني صدقاً أوقات بتمر وصفات علينا ما فيها و لا حرف مفهوم ... ليش الله أعلم .. و بصراحة صدقاً لازم للدكاترة دروس خصوصي بالخط كمان نحنا الصيادلة لازمنا دورات لفك طلاسم الوصفات ... صدقاً لازم تنكتب الوصفات ع الكمبيوتر هالشي أهون لجميع الأطراف... في حادثة كتير طريفة صارت معي من حوالي السنة .. فات لعندي شب معاه وصفة أول دوا مضاد التهاب و التاني مو معروف شو ... طبعاً من الخط المدهش للدكتورة... و محسوبتكن صرت أضرب أخماس بأسداس لأن الشب قلي إنو الدوا التاني مضاد التهاب لمرتو يلي ولدت و صاير معها التهابات... و ما خليت مرجع يعتب عليي .. كل يلي فهمتو إنو هالدوا أولو حرف ال B و لما ما عرفتو حسيت هالشب رح يبكي .. و بعدين اكتشفت إنو هالشب داير نص حمص و شي خمس ضيع ع هالدوا و ما حدا عرفو .. و المسكين صار صارف فوق 1000 ليرة بنزين من كتر ما دار بسيارتو .. و بعد جهد جهيد اكتشفت إنو في حرف l و وقتها شكيت ببلسمول (باراسيتامول) بس كذبت حالي و قلت لحاول مع الدكتورة و لما اتصلت فيها ... المحروسة ما عرفت شو كاتبة بالوصفة .. و بعدين قالتلي ع الأغلب سيتامول .. و لما طالعت الظرف و عطيتو للشب .. بصراحة عينكن تشوفو وجهوا لما اكتشف إنو إلو يومين داير ع ظرف حب حقو عشر ليرات...يعني محلو ما بعرف شو كنت ساويت ... هالقصة و في متلها كتير بتصير معنا كصيادلة .. القصة ما نها قصة خط و بس .. القضية فيها أرواح ناس يعني ممكن صيدلاني يغلط بحرف أو عيار دوا و يروح فيها المريض.. نحنا كل يوم عم نتعرض لمواقف محرجة بسبب هالوصفات يعني لما ما بتعرف تقرا شي خط من هالخطوط العنترية بيجي الزبون و بيقلك ع شو تعلمت الصيدلة إذا شغلتك ما عم تفهم فيها و هلم جراً من هالحكي يلي بيسم البدن سم...أنا ما بطلب من الأطباء يحسنوا خطوطن ع الآخر بس ع الأقل تكون مقروءة ...و بالنهاية شكراًع الموضوع

    مسكين والله يعيش ويآكل غيرها ,
    بتعرفي دكتورة كتير بتحصل معنا متل هيك مواقف,ياستي ونحنا كمان نعيش ونآكل غيرها ,,
    شكراً الك دكتورة قلتي الحكي الي كان بدي احكيه ,,
  • noonenoone عضو نشيط
    تم تعديل 2011/01/31
    Dr.Ahmad كتب: »
    فكرتك حلوة noone و الله أنا معك بس بتعرف بجد بجد انا خطي مفهوم و جميل بشهادة كل طلاب الدفعة اللي كانوا يصيورا دفتري هههههههه بس لما بدي اكتب شي وصفة لحدا ما بعرف ليش بيخطر ع بالي خربش ههههههه ... يمكن على كتر ما أهلي بيقلولي ::: صرت تعرف تخربش وصفات أو لسه !!!! هههههه ^^
    بتعرف دكتور أنا كنت حاسس انك شخص منظم ومرتب يعني مستحيل تخربش ؟!
    Dr.Ahmad كتب: »
    لقلك أخي .. لما كنا ناجحين عالسنة التالتة كنت انا و رفيقي عم نتدرب على اسعافات أوليه بالمشفى الوطني المهم بعد ما خيط رفيقي جرح مريض بالعادة بيكتبوا مضاد جرثومي مع بروفين .. اجا رفيقي ليكتب نفس الحالة صابتوا بلش يكتب اول حرفين و يشخط باقي الكلمة هههههههه قام قلو الدكتور : اكتوب كل الكلمة لا تستحي ههههههههههههه.
    يعني افهم انه هي الاعراض بدت من هديك الفترة , هههههههه
    Dr.Ahmad كتب: »
    من ناحيتي انا بأيد طباعة الوصفات الكترونيا ... بتصدقوا حتى هي ما خلصت من حكي الصيادلة .. يعني مرة مريض اخد وصفة مطبوعة لعند صيدلي ... الصيدلي رح يشكك انو هاد دكتور هههههه !! معو حق ههههه

    وانا كمان أوافقك الراي الوصفات الالكترونية بس لما توصل لعندنا ؟؟
    هلأ دكتور حكي الصيادلة مابيخلص بس مافيه دخان من دون نار
    شكراً الك دكتور ,,
  • Dr.AhmadDr.Ahmad مدير عام
    تم تعديل 2011/02/02
    تسلم يا مهذب يا موجب هههههه لك خالص الحب والاحترام أخي noone ... يا سيدي الكريم فيك تقول نعم انو هي الاعراض بلشت من قريب هههههه بس لسه في مقاومة للوباء الحمد لله

    بس ما فهمت عليك آخر شي ؟؟؟ لازم ضروري كتير توضح ... دخان شو و نار مين .. ما بصير تحرقنا بنارك هيك ههههههه شو بيقولوا ؟؟؟
  • noonenoone عضو نشيط
    تم تعديل 2011/02/02
    ميرة كتب: »
    مشكووورين جميعا على الآراء الحلوة..؟؟ دورات ودروووس بالخط ..هههه والله بدكون يا دكاترة
    صراحة أنا قابلت دكتور واحد خطه حلو وواضح ..!!
    بحياتي كلها ..
    ولحد الآن ما مر علي خط وااااضح متل خطه
    وكل ما شفت خربيش...بقول الله يذكرك بالخير يا دكتور عمر ..
    لأن من صغري معجبة بترتيب وصفته وخطه المنسق ولحد الآن مع تقدمه بالعمر ما زال خطه بنفس الوضوح
    يعني أي طالب ابتدائي ممكن يقرأ وصفته ..؟؟
    هل هالشي لو شفناه عند أي دكتور ممكن يقلل من قيمته ..؟؟؟؟
    وللعلم هو طبيب راااائع والناس كلها بتحبه عدا عن مهارته العالية
    ووقدرته على إراحة المريض نفسياً ..قبل صحياً ..

    بصراحة أنا شخصياً بحترم دكتور متل هاد وعموماً بحب الشخص المرتب في عمله لأني بحسه بيعطي من قلبه ( هيك احساسي بيقول )
    الشكر في الأساس الك لانك صاحبة الموضوع ,,
  • noonenoone عضو نشيط
    تم تعديل 2011/02/02
    حكيم كتب: »
    شو شباب شايف رح تعلق^-^
    يللا منيح يلي جماعة الصيدلة عبروا عن قهرن ومعاناتن وفشوا خلقن بأطباء العيادة اللي قلبن طيب كتير ورح يتفهموا خخخخخخخخخ
    يا جماعة لا تزعلوا لما اكتشف العالم قسم ابقراط ما قدروا يفكوه لحتى جابوا صيدلي من عنكن يقراه ههههههه
    يعني الشغلة تجاوزت حدود الزمان والمكان وهادا الداء منتشر عند كل الأطباء بكل العالم وبيني وبينكن في مرضى لما بشوفوا وصفة مرتبة بشكوا بالدكتور وبقولو ببالون شو هي أول مرة بيكتب وصفه ( مرة كتبت اسم دوا وكان خطي كتير واضح ومرتب قلي المريض أنا وعم أكتب شو دكتور عم تهجي اسم الدوا ؟!!!)
    على كل الدكاتره هون كلن تملصوا من رداءة الخط بمن فيهم شخصي المحترم (بس مشان ما نخيب ظنك noone)

    هههههههههههههه يا سيدي بسيطة إزا حدا حكالك هيك اقله رفيقي الصيدلي نظره على اده وما بيحسن يفك الخط ,
    وشكراً لقلبك الطيّب ولشخصك المتواضع ^_*
  • noonenoone عضو نشيط
    تم تعديل 2011/02/02
    Dr.Ahmad كتب: »
    تسلم يا مهذب يا موجب هههههه لك خالص الحب والاحترام أخي noone ... يا سيدي الكريم فيك تقول نعم انو هي الاعراض بلشت من قريب هههههه بس لسه في مقاومة للوباء الحمد لله

    هاد من ذوقك دكتور , الله يبشرك بالخير مادام فيه مقاومة معناته فيه أمل ,
    Dr.Ahmad كتب: »
    بس ما فهمت عليك آخر شي ؟؟؟ لازم ضروري كتير توضح ... دخان شو و نار مين .. ما بصير تحرقنا بنارك هيك ههههههه شو بيقولوا ؟؟؟

    ههههههههههه , مابحب فسّد بس انته امرق لعند أي صيدلية وانته بتعرف لحالك !!
  • ميرةميرة المشرفة العامة
    تم تعديل 2011/02/02
    السلام عليكم ورحمة الله وبركاته

    اليوم حوارنا حول عمل الرجل في المطبخ....:whistling:
    أكيد ما عم قول عن أعمال التنظيف ...
    بس تجهيز أكلة خفيفة
    أو فنجان قهوة
    ......

    3007.imgcache

    شو رأيكم فيه ...؟؟؟؟؟
    هل أنتم مع عمله أم أنه انتقاص لرجولته ..؟؟؟
    على أساس المطبخ من اختصاص النساء وبس ..
    أم أو أخت أو زوجة
    ؟؟؟؟؟؟؟


  • Dr.AhmadDr.Ahmad مدير عام
    تم تعديل 2011/02/02
    فكرة حلوة ميرة ... شغل الرجال بالمطبخ لكن هههههههه
    انا بحكي عن حالي ... وضعي صعب و الله بقوم بساوي كل شي لحالي تقريبا ... يعني لما ارجع من الكلية بساوي اكل لحالي لما بدي اشرب شي قهوة شاي زهورات بساويه لحالي ... حتى يا ستي ايام بتكون امي مشغولة بجلي الجلي ههههههههههه ما حدا يضحك بس انا بعتبر هالشي خدمة لأمي اللي بتستاهل مني كل و ع فكرة من أبواب تواصل الرجل مع أهل بيته و زيادة المحبة بالبيت ( برأيي ) هو المساعدة ببعض أعمال البيت و المطبخ خاصة
  • ميرةميرة المشرفة العامة
    تم تعديل 2011/02/02
    ما قلنالك نيالها صاحبة النصيب ..؟؟؟؟
    جد موقفك دكتور أحمد تشكر جزيل الشكر عليه..
    بنظري رجولية الشاب تكتمل بإظهار عطفه ولهفته على أهل بيته
    حتى الرسول عليه أفضل الصلاة وأتم التسليم ..
    كان يقول
    خيركم خيركم لأهله وأنا خيركم لأهلي
  • صيدولةصيدولة عضو ذهبي
    تم تعديل 2011/02/02
    راح عليي نقاش الوصفات الطبية .... بس فيكن تسألو سوزي أديش بعاني وبتلبك وقت بدي اقرا وصفة عندا !!!


    بنظري رجولية الشاب تكتمل بإظهار عطفه ولهفته على أهل بيته
    حتى الرسول عليه أفضل الصلاة وأتم التسليم ..
    كان يقول
    خيركم خيركم لأهله وأنا خيركم لأهلي

    مابظن في حكي بعد هالحكي .... ويمكن رأي الشباب هون هو الاهم ... لانو اكيد مافي اي امرأة رح تقول لأ ع هيك مساعدة ... بنفس الوقت مارح تكون جريمة كبيرة اذا رفض الرجل هيك شي ...
  • ميرةميرة المشرفة العامة
    تم تعديل 2011/02/03
    أهلين فيكي بعد غياب صيدولة ..
    أكيد مو مشكلة رفض الرجل هيك أعمال بسيطة.. مو لأنه رافض المساعدة ..!!
    بس يمكن لأنه مو متعود عليها ..ولو عملها مجاملة بيتلبك وبيلبك الي حوله ..
    بالنسبة لإخوتي كلهم بيحبوا المطبخ كتير متل د. أحمد..يمكن هيك طبعهم ..بالاضافة لسفرهم
    أما زوجي بالعكس تماماً...:wink:
    فنجان قهوة ما بيعرف يغليه ..
    مستعد يجيب أي شي جاهز ..إلا إنو يعمل شي بايده
  • noonenoone عضو نشيط
    تم تعديل 2011/02/03
    شكراً دكتورة على الموضوع الطريف , هلأ أنا مع فكرة أنه المساعدة في شغل البيت ما بتقلل من قيمة الرجل ,بس أخوكن مابيعرف يطبخ يا دوب قهوة وشاي ممكن اعملهم لحالي واذا حبيت آكل ممكن اطلب جاهز , هلأ صحيح ما بساعد بشغل البيت بس والله ما بكركب يعني بطبق القاعدة
    الطبية : at least do no harm هههههههه
  • Ph.SamaPh.Sama مشرفة منتدى تطوير الذات و NLP
    تم تعديل 2011/02/03
    شكراً ميرة ع الموضوع... يمكن ما في حكي بعد يلي قلتوه بس عجبتني فكرة الدكتور نوون at least do no harm يعني مو مشكلة الشب ما يشتغل بالبيت بس ع الأقل ما يكون بدو ورشة ترتيب و تنظيف تشتغل من وراه بعد ما يطلع من الغرفة أو متل ما بيقول المتل الحمصي ع الناس الفوضوية بدو دجاجة تنظف وراه هههههههههههه
  • Dr.AhmadDr.Ahmad مدير عام
    تم تعديل 2011/02/03
    لك نيالك يا noone .. يا أخي بجد وضعك غيييييير و القاعدة ملعوبة ههههه " at least do no harm "

    لك أنا المشكلة أني بعرف أشتغل كل شي .. تعلمت كل شي من صغري و كان السبب حقيقة أني اتعلم هو انو مافي بنات تساعد امي أو في بنت وحيدة بس مدللة كتير ... حتى أنو أمي بتقول لخالاتي انو شغلي أحسن من شغل البنات ... تصوروا أمي مرة أمنت فيه أطبخ لأبي و اخواتي لأنو هي ما رح ترجع عالبيت !! شايفين على هالشغلة ... بس بجد بقول نيال اللي ما بيعرف !! ههههههههههههه
  • دكتوربالفطرةدكتوربالفطرة عضو مميز
    تم تعديل 2011/02/06
    يعني بجد دكاترة الشغل بالبيت مو عيب وهي طريقة ليوصل الزوج الى الاكتفاء الذاتي!%[لأ
  • حكيمحكيم مشرف حلقات البحث و الاستشارات الطبية
    تم تعديل 2011/02/06
    الله الله عالشباب المتفهم لأ إذا هيك في أمل
    ممتاز يلي في حدا بجيلنا حكى عن دور الرجل بالبيت وأنو في حدا بآمن أنو الرجال مو للشغل برا وبس
    يعني انا شلون بدي حس بالالفة تجاه بيتي وزوجتي إذا ما شاركت بأدق التفاصيل يعني أنا بدي كون زوج واب مو السيد والآمر يلي كلشي بيجي لعندو وبالنسبة إلي هادا واجب مو تفضل والنبي عليه الصلاة والسلام خير مثال
    (بس يا خوفي يوقع كلشي على راسي بعدين وصير (......) شغل برا وجوا البيت )
  • Dr.AhmadDr.Ahmad مدير عام
    تم تعديل 2011/02/08
    أول شي الف الحمد لله عالسلامة دكتور بالفطرة ...... طوووووووولت الغيبة علينا .. اشتقنا لخفة دمك و ان شاء الله تكون بخير و تمام و الدكتورة براعم ان شاء الله بتمام الصحة و الخير

    بس هي الاكتفاء الذاتي ما فهمتا ؟؟؟ شو قصدك ههههههه

    حكيم و الله بدك تدير بالك من مصير الـــ (.....) هههههه
  • Dr.AhmadDr.Ahmad مدير عام
    تم تعديل 2011/02/08
    أول شي الف الحمد لله عالسلامة دكتور بالفطرة ...... طوووووووولت الغيبة علينا .. اشتقنا لخفة دمك و ان شاء الله تكون بخير و تمام و الدكتورة براعم ان شاء الله بتمام الصحة و الخير

    بس هي الاكتفاء الذاتي ما فهمتا ؟؟؟ شو قصدك ههههههه

    حكيم و الله بدك تدير بالك من مصير الـــ (.....) هههههه
  • ميرةميرة المشرفة العامة
    تم تعديل 2011/02/10
    هلئ خطرت ببالي فكرة حلوة لشوف آرائكم فيها ...

    النقاش ممكن يتناول هالمرة
    علاج الأطباء ...؟؟

    أو بشكل عام العاملين بالمجال الصحي ..؟؟؟
    ما مدى صعوبته ...؟؟

    3027.imgcache

    وممكن تكونوا واثقين بعلاج الطبيب 100 % ؟؟
    بدون نقاش ..؟؟
    وأكيد بدنا رأي الأطباء الممارسين ..
    لنشوف مدى صعوبة معالجتهم لطبيب زميل .. ؟؟
    وكمان أطباء الأسنان ..؟؟
    شو شعورهم لما يكون الطبيب عم يحفر شي سن وهن عم يقولوا بقلبون ..
    stoooop
    وكمان الصيادلة بيقتنعوا بفعالية العلاج ؟؟؟
    ولا بيكون عندهم شك بالجرعة ..؟؟؟
    أو حتى نوع الدواء بحالتهم ..؟؟؟

  • noonenoone عضو نشيط
    تم تعديل 2011/02/10
    موضوع كتير ظريف دكتورة , والله يا ستي انا بلشت معي حالة من عدم الثقة بحدا بعرفه يعني هلأ زملائي في الدراسة لما نراجع حلول الفحص ما بثق باجاباتهم فكيف بكره لما نتوظف , هلأ نحنا كزملاء بنعرف بعض منيح يعني بنعرف الشاطر و الي على اده !
    بصراحة , بفضل اني اتعالج عند شي حدا ما بعرفه بيكون احسن ..
    وبالنسبة للعلاج , اذا ما كنت مقتنع اصلاً بالتشخيص أو بالدواء مستحيل آخذه ,,
  • Dr.AhmadDr.Ahmad مدير عام
    تم تعديل 2011/02/11
    فكرة حلوة ميرة
    هالموضوع بجد في شي غريب ... انا من هلئ ما بقتنع بكتير من علاجات الأطباء و بصراحة لأني لسه من قبل ما اتخرج شايف اخطاء رهيبة من الكثيرين لذلك انا متل noone : مستحيل أخد دواء إذا ماني مقتنع فيه و من هلئ بشعر بصعوبة أني روح لعند طبيب لما أمرض !!

    بس ما قلتيلنا شو رأيك انتي ؟
  • حكيمحكيم مشرف حلقات البحث و الاستشارات الطبية
    تم تعديل 2011/02/11
    أنا بنصاب باكتئاب إذا وجعني شي سن لأني بكره روح لعيادة سنان كمريض وما بأمن لا لرفقاتي ولا للدكاترة يلي بعرفن. هي رواسب الطفولة؟؟ ولا لأني بنفس المجال؟؟ ما بعرف .!!!
    ما بتخيل يفوت شي دكتور يتقنن باسناني وأنا قاعد مالي شايف لهيك بعتني بسناني وما بتوقع روح لعند دكتور إلا إذا كنت رح موت من الوجع(الله لا يقدر )
    (بس غالبا رواسب الطفولة لأني بكره روح لعند أي دكتور أو أخد أي دوا مهما اتضايقت )
    وإذا كنت أنا عم أشتغل لدكتور أكيد كمان رح يجنني على قولة اعمل ولا تعمل وعقمت ولا ما عقمت مع إني متأكد إني رح إشتغل بضمير وبجوز بالغ حتى . بس أكيد دكتور السنان هو أخر مريض برغبو بعيادتي
  • عاشقة العلومعاشقة العلوم عضو ماسي
    تم تعديل 2011/02/12
    وانا من رايك حكيم
  • ميرةميرة المشرفة العامة
    تم تعديل 2011/02/13
    مشكووورين جميعاً على إبداء آرائكم ..
    يمكن التفسير المنطقي لحالاتنا هي أخطاء الأطباء الي ما بتنتهي .....
    وبحس بصعوووبة كبيرة لما اضطر روح عند طبيب أنا أو حدا من أفراد عيلتي ..؟؟
    وما بقتنع إلا إذا شفت أكتر من دكتور وأجمع أغلبهم على نفس الرأي ..
    بس ما بعرف ليش لما يشوفوني الدكاترة بيتشاهدوا ...هههههههه