بمناسبة الحديث عن التخرج .. هدية لأعضاء المنتدى

Ph.SamaPh.Sama مشرفة منتدى تطوير الذات و NLP
تم تعديل 2011/02/19 في ساحة الحوار و النقاش


السلام عليكم جميعاً:

موضوع ماذا بعد التخرج للحن الحياة ذكرني بالملف المرفق مع هذا الموضوع أتمنى أن ينال إعجابكم

كتبت هذا الملف قبل أكثر من سنة و كان هدية ما قبل التخرج لأصدقائي الذين بات كل منهم في مكان

هذه أولى محاولاتي للكتابة عن هذه المواضيع و بأسلوب مختلف تقريباً عن أسلوبي و أول مرة أكتب فيها شيئاً يتجاوز الصفحة الواحدة ...

سأهدي هذا الملف لأسرة العيادة السورية و أعضائها الأكارم جميعاً
أتمنى أن يعجبكم ... بانتظار آرائكم

و لكم شكري و امتناني
Ph.Sama
:smile::smile::smile:

التعليقات

  • لحن الحياةلحن الحياة عضو نشيط
    تم تعديل 2011/02/06
    كتير حلو سما..موضوعك اثر فيني كتير ....حسيتك عم تحكي عني بكتير مقاطع من الموضوع ...الشي يلي كتبتيه بيدل انك شخص بيتأمل كتير بالحياة وبينتبه كتير لكل شي عم يدور من حوله ...وهيدي النقطة برأيي من اهم اسباب نجاح اي شخص..حسيت بالشجن لما قريت القسم الاخير خاصة انو الدور جاي عليي ..وعن قريب رح تنتهي مرحلة كاملة من حياتي بكل ما فيها من حلو ومر...وهيدا الشي بيترك بالقلب غصة..وبيولد شعور بالخوف من المرحلة القادمة..خاصة انو كا شي حوالينا بيدل انو الجايي اصعب واقسى...بس مع هيك وعلى قول فيروز((اي في امل))..
    طبعا الموضوع يلي كتبتيه كتير عميق وبيحتاج انو الواحد يقراه اكتر من مرة ويتامل فيه كتير ...بس حبيت اكتب رايي بعفوية واستنادا لاحساسي وانطباعي الاول..
    بتمنى نقرا كتاباتك على طول..
  • ميرةميرة المشرفة العامة
    تم تعديل 2011/02/06
    مشكووووورة كتير سما ..
    مواقف رائعة بتصور إنو كلنا مرينا فيها ولو للحظات ..
    وأكيد كتير تغيرت شخصياتنا حسب كل مرحلة مرينا فيها...وأكيد هاد شي طبيعي
    بس صراحة بينزعل عليها .. فقدنا حس الطفولة وبراءتها ..ويمكن الابتسامة الصادقة ..؟؟؟
    إلا تلك الابتسامات الباهتة المجاملة في كثير من الأحيان ..
  • Dr.AhmadDr.Ahmad مدير عام
    تم تعديل 2011/02/08
    اعتذر سما على التأخير ... الكتابة انا ما قرأتها كلها بحكم الوقت لكن قرات مقتطفات منها ... ما قرأته كان جميل و بجد مافي حدا بهي المرحلة إلا و بدو مين يقلو في امل, في مجال متاح, في امكانية أي شي ...
  • عاشقة العلومعاشقة العلوم عضو ماسي
    تم تعديل 2011/02/11
    جميل ما كتبت اناملك احبيبتي فعلا جميل
    مشكورة
  • dr.Hazemdr.Hazem مدير عام
    تم تعديل 2011/02/13
    هدية جميلة جداً أخت سما ...ع فكرة سما كلامك كتير قريب من القلب....
  • Ph.SamaPh.Sama مشرفة منتدى تطوير الذات و NLP
    تم تعديل 2011/02/13
    كتير حلو سما..موضوعك اثر فيني كتير ....حسيتك عم تحكي عني بكتير مقاطع من الموضوع ...الشي يلي كتبتيه بيدل انك شخص بيتأمل كتير بالحياة وبينتبه كتير لكل شي عم يدور من حوله ...وهيدي النقطة برأيي من اهم اسباب نجاح اي شخص..حسيت بالشجن لما قريت القسم الاخير خاصة انو الدور جاي عليي ..وعن قريب رح تنتهي مرحلة كاملة من حياتي بكل ما فيها من حلو ومر...وهيدا الشي بيترك بالقلب غصة..وبيولد شعور بالخوف من المرحلة القادمة..خاصة انو كا شي حوالينا بيدل انو الجايي اصعب واقسى...بس مع هيك وعلى قول فيروز((اي في امل))..
    طبعا الموضوع يلي كتبتيه كتير عميق وبيحتاج انو الواحد يقراه اكتر من مرة ويتامل فيه كتير ...بس حبيت اكتب رايي بعفوية واستنادا لاحساسي وانطباعي الاول..
    بتمنى نقرا كتاباتك على طول..
    شكراً لحن الحياة لردك الرقيق جداً ...تعمقي بالموضوع قد ما بدك و أنا جاهزة لأي نقد ... الأمل دايماً موجود لذلك لا تفكري بالمستقبل كتير .. اعتمدي مبدأ كل شي بوقتو حلو .. لأن هاد الشي أحسن شي بتساويه حالياً...
  • Ph.SamaPh.Sama مشرفة منتدى تطوير الذات و NLP
    تم تعديل 2011/02/13
    شكراً د. أحمد - ميرة - عاشقة العلوم -د.حازم ... أسعدني مروركم كثيراً ...
  • Ph.SamaPh.Sama مشرفة منتدى تطوير الذات و NLP
    تم تعديل 2011/02/13
    Dr.Ahmad كتب: »
    اعتذر سما على التأخير ... الكتابة انا ما قرأتها كلها بحكم الوقت لكن قرات مقتطفات منها ... ما قرأته كان جميل و بجد مافي حدا بهي المرحلة إلا و بدو مين يقلو في امل, في مجال متاح, في امكانية أي شي ...
    شو قصة الأمل ... مقطوع من هالبلد يعني هههه... بس معك حق دكتور أحمد آخر سنة بالجامعة دائماً حرجة منتعرض بداخلها لضغوط نفسية كتيرة .. يعني الامتحانات و التخرج و المستقبل بالإضافة للضغوط الحياتية اليومية ... من تجربتي المتواضعة طبعاً ... اعطي لكل شيء وقته و اترك الأمور لتجري كما شاء الله .. و لا تنس أن دورك الوحيد هو أن تفعل ما بوسعك و ليس ما يفوق طاقتك و لا تنسى أن التوفيق من عند الله و هو وحده العالم بخير الأمور .. الله يوفق الجميع
  • Dr.AhmadDr.Ahmad مدير عام
    تم تعديل 2011/02/15
    Ph.Sama كتب: »
    شو قصة الأمل ... مقطوع من هالبلد يعني هههه... بس معك حق دكتور أحمد آخر سنة بالجامعة دائماً حرجة منتعرض بداخلها لضغوط نفسية كتيرة .. يعني الامتحانات و التخرج و المستقبل بالإضافة للضغوط الحياتية اليومية ... من تجربتي المتواضعة طبعاً ... اعطي لكل شيء وقته و اترك الأمور لتجري كما شاء الله .. و لا تنس أن دورك الوحيد هو أن تفعل ما بوسعك و ليس ما يفوق طاقتك و لا تنسى أن التوفيق من عند الله و هو وحده العالم بخير الأمور .. الله يوفق الجميع

    ما قصة انو الامل مقطوع من البلد لا أبدا بس الضغط النفسي أكبر من أي شي و خاصة انا قدامي ضرورة المعدل مشان الاختصاص ... بس بكل الاحوال متل ما تفضلتي بساوي اللي بقدر عليه و بتوكل على رب العالمين و برجو التوفيق منه ...

    شكرا عالدعم دكتورة
  • Ph.SamaPh.Sama مشرفة منتدى تطوير الذات و NLP
    تم تعديل 2011/02/19
    Dr.Ahmad كتب: »
    ما قصة انو الامل مقطوع من البلد لا أبدا بس الضغط النفسي أكبر من أي شي و خاصة انا قدامي ضرورة المعدل مشان الاختصاص ... بس بكل الاحوال متل ما تفضلتي بساوي اللي بقدر عليه و بتوكل على رب العالمين و برجو التوفيق منه ...

    شكرا عالدعم دكتورة

    أكيد التوكل على الله أهم شي ... بهالمرحلة أهم شي تركز على امتحاناتك و خلي هم الاختصاص لوقتو ... يعني ما بتعرف شو الله كاتب .. يمكن تدخل اختصاص ما كان ببالك نهايئاً ... في كتير أطباء بعرفهم دخلوا اختصاصات ما كانت ببالن أبداً بس لما دخلوها حبوها و أتقنونها ... بتصور شو رح تختص ما مهم .. الأهم شو رح تساوي بهالاختصاص و كيف رح يكون آداءك فيه .. بس طبعاً أنت ما بينخاف عليك .. و لو ما إنت لها دايماً...هههه بالتوفيق