ماذا بعد التخرج؟؟؟

التعليقات

• صيدولة عضو ذهبي

  2011/02/02 تم تعديل 2011/02/02

  طولتي الغيبة لحن الحياة ... والحمدلله عالسلامة إلنا كلياتنا بعد هالشهر العصيب ...
  من جهتي أطالب بجوابك انتي بالاول بما انك انتي اللي طرحتي الفكرة للنقاش.... خاصة انك من المتفوقين عنا بالدفعة .... وانا إلي عودة بإذن الله لان الموضوع ما بيخلص بكلمة .... خاصةالحوافز والمشجعات اللي عم تحيط فينا من كل جانب
• لحن الحياة عضو نشيط

  2011/02/02 تم تعديل 2011/02/02

  والله بكل صراحة صيدولة انا متل ما بيقولو (ما رسيت على بر )...خاصة اني من الاول ما كان عندي توجه مسبق او تصور معين لطبيعة الشغل يلي حابة اني مارسه..هلأ احيانا بحس بميل اكتر لشي معين ..بس هيدا الشي عم يكون مؤقت وعم يتغير بين فترة واخرى...لهيك انا حبيت اني اسمع ارائكم وخاصة اراء الاعضاء (المخضرمين) اذا صح التعبير..لانهم جربو الوضع عمليا وبيعرفو سلبيات وايجابيات الاعمال يلي عم يمارسوها...
  لهيك انا بتمنى اسمع اراء الاعضاء بالاول ...وبتمنى يكون رايك هو اول راي بالموضوع..
• ميرة المشرفة العامة

  2011/02/03 تم تعديل 2011/02/03

  نورتينا من جديد لحن الحياة
  بدعيلكم بالتوفيق..
  والله يختار الي فيه الخير ..
• لحن الحياة عضو نشيط

  2011/02/03 تم تعديل 2011/02/03

  المنتدى منور فيكي ميرة...
  بس ما سمعنا رايك...بتمنى تحكيلنا عن شغلك ومجال عملك حاليا..وبتمنى نستفيد من نصيحتك..
• dr.Hazem مدير عام

  2011/02/03 تم تعديل 2011/02/03

  و الله يا لحن الحياة هاد حسب الشخص (ذكر / أنثى) بعدين مافي شي بيتخطط إله حسب تجربتي الحديثة يعني في خيارات و أنا جربت كل الخيارات (ماعدا الدراسات) و يلي ظبط أول ميت فيه و الحمد لله الله يسرلي ... يعني كنت عم دور على ريف إفتح فيه و خلال دوارتي صات فجأة شغل ضمن الدعاية و كفيت فيها لبين ماروح على الجيش ...متل ما إلتلك هاد الشي بتحددو ظروف كل شخص ...
• Dr.Ahmad مدير عام

  2011/02/03 تم تعديل 2011/02/03

  أول شي الحمد لله ع السلامة لحن الحياة و ان شاء الله تكون امتحانات موفقة
  
  بالنسبة ألي صحيح أنا بسنة تخرج لكن أمامي فترة الاختصاص و هاد أمر محسوم و مجال العمل لا يزال بعيد نسبيا عن تفكيري حتى أني ممكن أن لاقي عمل و مناوبات بمشافي لكن ماني حابب انشغل بالناحية المادية على حساب التحصيل العلمي لأنو كل شي بوقتو حلو ..
  
  و حاليا بجد كامل تفكيري اني أتخرج على خير و ماني مفكر بأي شي تاني بالوقت الحالي ... لحتى يخلص العداد اللي موجود بتوقيعي هههههههههههههه
• لحن الحياة عضو نشيط

  2011/02/03 تم تعديل 2011/02/03

  شكرا لمشاركتك د.حازم...
  بالنسبة لموضوع التخطيط يمكن في ناس ما كتير بتخطط لبعدين...بس بنفس الوقت في ناس مثلا من وقت ما سجلو بكلية الصيدلة وهنن بيعرفو حالهم بالمستقبل انو رح يفتحو صيدلية مثلا...وما بيفكرو باي خيارات تانية..
  هلأ اكيد الموضوع بيختلف حسب ظروف الشخص وحسب شخصيته..وبالنهاية الواحد اصلا يمكن ما يكون عنده خيارات كتير يمكن ظروفه تحكمه بخيار واحد وما يكون في ادامه غير هاد الخيار....
  بس انا حبيت اعرف اذا عندكم ميول تجاه مجال معين ...
  وحبيت اكتر انو الاشخاص يلي بلشو شغل عمليا انهم يخبرونا عن سلبيات وايجابيات الشغل يلي عم يمارسوه من كل النواحي سواء مادية او من حيث الصعوبة وضغط العمل او من حيث الصعوبات يلي ممكن يواجهوها بالتعامل مع الاشخاص يلي محيطين فيهم بمجال العمل...
  بشكر مرورك وبتمنى تعطينا رايك عن الشغل بالدعاية الطبية..
• لحن الحياة عضو نشيط

  2011/02/03 تم تعديل 2011/02/03

  الله يسلمك د.احمد ...الحمد لله الامتحان كان منيح بتمنى انو امتحاناتك كمان كانت موفقة...
  طيب باعتبار انو الشغل لسا بعيد عنك ...شو مشان الاختصاص؟؟؟ اكيد مو بعيد ابدا...
  بتمنى تخبرنا شو حابب تختص وما تقلي انو لسا هي كمان ما فكرت فيها!!!
  كمان سؤال تاني...حابب تختص هون ولا ناوي تختص بالخارج ؟؟؟خاصة انو المرضى كتير بيتأثرو بهيدا الموضوع حتى انو في ناس بيروحو عند الدكتور الفلاني لانو (حامل شهادة بورد هيك أدا)...طبعا هيك الناس بتحكي احيانا..
  بشكر مرورك..
• Dr.Ahmad مدير عام

  2011/02/03 تم تعديل 2011/02/03

  لا أكيد الاختصاص ما بعيد لحن الحياة ..
  
  اللي صاير فيي بنوع الاختصاص متل اللي صاير معك انو شو ناوي تساوي ... يعني كل فترة بيخطر ببالي اختصاص معين و بعد بيتغير رأيي ... يعني حتى ما ببالي تحديد انو اختصاص باطنة أو جراحة !!!
  
  و انا مفكر اختص بسوريا ماني مفكر اطلع لبرا لانو ظروفي ما بتسمحلي أطلع و لأني ما عندي نية قوية للخروج .. لكن مفكر ساوي تحت اختصاص برا و هيك بساوي صقل لمعلوماتي ... لكن طبعا كلو كلام و شو الله كاتب ما حدا بيعرف ...
• لحن الحياة عضو نشيط

  2011/02/03 تم تعديل 2011/02/03

  فعلا متل ما بيقولو اذا بدك تحيرو خيرو...
  هلأ بالنسبة الي بالاول ما كنت حابة اني افتح صيدلية ابدا وكنت حس حالي رح كون متل اي بائع بالمحلات المجاورة مع فارق نوع السلعة بس ..وعلى فكرة مو كتير في فرق ..يعني الصيدلية صايرة هالايام مزيج بين سوبر ماركت ومحل تجميل ومحل العاب اطفال...ويمكن بعد فترة نصير نحول وحدات من الصيدلية ..بعدين بلشت ميل باتجاه اني كمل دراسات عليا ...بس هيدي السنة تحديدا حسيت انو ما بقا عندي صبر اني لسا ادرس وكمل خاصة انو الجو بالجامعة ما بيشجع ابدا وبيخلي الواحد ما يصدق انو يطلع منو....هلأ اغلبية خريجي الدفعة الماضية عم يشتغلو بالدعايةالطبية ...حسب ما بسمع انها شغلة مربحة ماديا بس كمان بسمع احيانا انو ممكن الواحد يتعرض لمضايقات احيانا خاصة بالنسبة للبنات..
  بصراحة حاليا حاسة اني رجعت لنقطة البداية وانو الشغل بالصيدلية هو الانسب مع اني بالبداية كنت رافضتو تماما...
  بالنهاية الله يوفقك د.احمد ويقدم الخير للكل ويهدينا للطريق الصح ...
• dr.Ali مدير عام

  2011/02/04 تم تعديل 2011/02/04

  أول شي بحب سلم على الجميع بعد فترة الامتحانات و بتمنى للجميع نتائج حلوة
  الموضوع فعلاً لحن الحياة في غاية الأهمية .......... و ذو شجون
  أنا بشوف انو الإنسان لازم يصنع ظروفو أو على الأقل يحاول حتى لو كان الطموح شبه مستحيل ......... بالرغم من انو الكتيرين بيحبو الأمور الجاهزة و المضمونة و ما بيحبو المغامرة أبداً لذلك أنا برأيي أول شي لازم يكون عند الإنسان حس المغامرة
  و هاد الشي طبعاً بالنسبة لموضوع الممارسة العملية لمجال الاختصاص أما بالنسبة للدراسة فأنا بعتبر انو هاد أمر غير قابل للمساومة و لازم يكون الخيار الأول بعد التخرج (طبعاً عند توفر الإمكانيات)
  هاد بالنسبة للفكرة
  أما بالنسبة للتطبيق على أرض الواقع فأنا عن نفسي رح حارب إن شاء الله لإكمال دراستي و بصراحة مو مفكر كتير بالاختصاص هون بالبلد لانو خلينا نكون واقعيين مجال طب الأسنان عنا من الناحية العلمية مو كتير متطور و يكاد يكون بدائي و سطحي
  بتمنى ما حدا يفهمني خطأ أنا بقصد انو بدائي من الناحية العلمية و الأكاديمية (يعني مجال التطوير و الإبداع )و ليس من الناحية التطبيقية فمن هي الناحية يعتبر الوضع عنا ممتاز مقارنة بدول عربية أخرى
• حكيم مشرف حلقات البحث و الاستشارات الطبية

  2011/02/04 تم تعديل 2011/02/04

  بما إني تخرجت وخلصت أنا رح قلكن شو في بعد التخرج
  اول شي بتكونوا مبسوطين وفرحانين ومفكرين انكن فتحتوا الأندلس وأنو الدنيا رح تستقبلكن بالأحضان خصوصي إذا كنتوا تخرجتوا بمعدل بيبيض الوش (من وجهة نظركن ) بعد فترة بتبلش الأحلام والفرص تلوح من بعيد بس انتو بدكن تكملوا اختصاص ورح ترفضوا كل هاد (ولو كان كذبة ) بتقدموا فحص الدراسات بتصيبكم أول صدمة*&^%* بس بتتجاوزوها لأنكن لسا مشحونين بالتفاؤل والحماس بتطلع نتائج الفحص بتصيبكن نوبة اكتئاب :sad:بس لسه في أمل (ولو أنتو متخرجين بمعدل منيح) بتطلع نتائج الدراسات بتصيبكن نوبة هستيريا :surprised:وبتلعنوا ابو المعدل على ابو العلم بتروحو لتطلعوا وراقكن من الكلية وبتقروا من باب الفضول (فقط) اسماء المقبولين ممن هب ودب من شتى الجامعات بمعدلات اقل من معدلكن فبتصيبكم نوبة ضحك مجنونة وبترجعوا عالبيت عم تحاكوا حالكن:sick: بتتفكروا (مجرد تفكير ) بالسفر للدراسة بقاطعكن الوالد وبتهددكن الوالدة بالغضب وبصير البيت معركة بتقوموا بتكنوا وتروحوا دوروا على عيادة بالمناطق النائية (قصدي بالريف ) بتتحططوا اهاليكن ما فتح ورزق وبتفتحوا بإرنة مقطوعة جنب عمو الحلاق أبو شكري ويضلوا طول الوقت عم تسبوه لأنو سرقلكن زباينكم (عذرا مرضاكم) وهي اسمها نوبة الحسد وضيقة العين :unsure:بضلوا كم شهر عم تدفعوا أجار وتهدروا وقتكن لحتى تطقوا وتقولو الشغل ما بيجي لعنا لازم ندور بتروحوا على كل المراكز الطبية المرموقة وغير المرموقه وطبعا كلن بيتكبروا عليكن لأنكن خريجين جداد مع انكن منصابين بنوبة التذلل والتوسل .,23يلي لازم تصيب أي واحد بدو يشتغل ما بعرف شو بعدين بس رح انفلكن الأحداث بث مباشر
  بس لا حدا يكتئيب لأنو قفلة مسلسل النوبات النفسية ممكن يخلص اذا لقيتوا كم مليون تفتحوا فيهن عيادة محترمة وديروا بالكن هالشي لازم يصير وأنتو لسه على قيد الحياه*&^%*
• Dr.Ahmad مدير عام

  2011/02/04 تم تعديل 2011/02/04

  الله يبشرك بالخير حكيم ... كتير فرحتني .. من قلبي يا رجل انت ما طبيعي بنوووووووووب
  
  ما تقلي هاد المسلسل التراجيدي كلو صار معك !!!! .. سيدي بيني و بينك لو ما طلعلي دراسات فمعدلي و الحمد لله (((( بيبض الوش أو هيك مفكر حالي على قولتك --- ببيض الوش للاقامة ما للدراسات )))) ممكن يطلعلي اي اختصاص اقامة و أكيد الاقامة بالشام ما بتشكي من شي ابدا و الطب متل ما هو معروف انو نشاط و جهد فردي بشكل أساسي .. و من هون لوقت العيادة بيفرجها المولى
  
  لحن الحياة: تسلمي .. لو بدك رأيي و ما تاخدي فيه بس حابب قول انو "العمل بالصيدلية" بالنسبة للبنت أفضل خيار طبعا لو ما كان "الدراسة" خيار موجود بالقائمة ... بيبقى أريح نفسيا و جسديا و اجتماعيا و من جميع النواحي
  
  أما أخي أبو ناصر ... الاختصاص برا حلو أكيد بس بدو ثمن .. ما قصدي مادي فقط لا أبدا و لكن في كتير أثمان أخرى .......
• Dr.Ahmad مدير عام

  2011/02/04 تم تعديل 2011/02/04

  الله يبشرك بالخير حكيم ... كتير فرحتني .. من قلبي يا رجل انت ما طبيعي بنوووووووووب
  
  ما تقلي هاد المسلسل التراجيدي كلو صار معك !!!! .. سيدي بيني و بينك لو ما طلعلي دراسات فمعدلي و الحمد لله (((( بيبض الوش أو هيك مفكر حالي على قولتك --- ببيض الوش للاقامة ما للدراسات )))) ممكن يطلعلي اي اختصاص اقامة و أكيد الاقامة بالشام ما بتشكي من شي ابدا و الطب متل ما هو معروف انو نشاط و جهد فردي بشكل أساسي .. و من هون لوقت العيادة بيفرجها المولى
  
  لحن الحياة: تسلمي .. لو بدك رأيي و ما تاخدي فيه بس حابب قول انو "العمل بالصيدلية" بالنسبة للبنت أفضل خيار طبعا لو ما كان "الدراسة" خيار موجود بالقائمة ... بيبقى أريح نفسيا و جسديا و اجتماعيا و من جميع النواحي
  
  أما أخي أبو ناصر ... الاختصاص برا حلو أكيد بس بدو ثمن .. ما قصدي مادي فقط لا أبدا و لكن في كتير أثمان أخرى .......
• لحن الحياة عضو نشيط

  2011/02/04 تم تعديل 2011/02/04

  بشكر رأيك ونصيحتك د.احمد والله يقدم الخير للكل وانشالله ما حدا بيصير معو متل المسلسل التراجيدي تبع حكيم...اذا هيك الله يستر!!
• Ph.Sama مشرفة منتدى تطوير الذات و NLP

  2011/02/05 تم تعديل 2011/02/05

  عجبتني قصة هالتخرج حكيم ... ضحكتني مع إنو عم قول الآه من جوا ذكرتني بالمغامرات يلي عشتها بعد ما تخرجت و انطلقت ع المجال العملي
• noone عضو نشيط

  2011/02/06 تم تعديل 2011/02/06

  أنا مع كلام د. علي , الشغلة بده مغامرة , يعني لو ما كنت مغامر راح يحصل لك متل ما بيحصل مع البقية نفس الموال ما فيه شئ جديد !
  
  أنا باقيلي سنة و نص , أنا بدرس بجامعة الملك سعود الرياض وفتحوا عنا تخصص جديد ( دكتور صيدلي pharm.D ) ما بعرف اذا سمعانين فيه أو عندكن في سوريا , هاد بتدرس صيدلة عادي + مواد سريرية ( كلينكال ) أكثر , يعني شغلك راح يكون أكثر مع الفريق الطبي , عموماً التخصص جديد وعم يحكوا اله مستقبل ؟!
  
  هلأ أنا من الناس المغامرين مفكر فيه والله , بس خايف اتهور لأنه الموضوع لساته جديد وما كثير معروف ؟
• Dr.Ahmad مدير عام

  2011/02/08 تم تعديل 2011/02/08

  فكرة المغامرة حلوة لكن حتى هي بدا دراسة ... مغامرة مدروسة ... يعني ما معقول تغامر بشي نسبة نجاحه جدا متدنية ... ما بقصد تثبيط الهمة لا أبدا و بشكل عام مجالات العمل و الاختصاص مهما كانت هي مجالات جيدة بالنسبة للفروع الطبية و عمليا هي ما مغامرة لكن بتصور علي كان قصدو بالمغامرة هي مغامرة السفر للخارج للدراسة في ظل عدم توفر مؤهلات كافية و موضوع السفر للاختصاص ( بقصد باوربا ) موضوع للوهلة الأولى رائع جدا و لكن لما الواحد يفكر أكتر و يدرس الموضوع أكتر بيشوف انو حتى هو في ألو سلبيات ممكن تكون سبب بالغاء السفر كاملا ... و بيضل الانسان عندو صلاة الاستخارة مشان ما يغامر بشي أبدا .. يعني كلو مدروس ان شاء الله
• لحن الحياة عضو نشيط

  2011/02/08 تم تعديل 2011/02/08

  فعلا د.احمد معك حق بالشي يلي قلته..
  بالنسبة الك noone انا بصراحة بالنسبة الي حبيت هيدا الاختصاص..هلأ عنا بسوريا هيدا الاختصاص عمليا غير موجود ...هلأ بالجامعة اخدنا مادة وحدة اسمها (صيدلة سريرية وصيدلة مشافي )انا حبيتها ولو انها بعيدة شوي باعتقادي عن الشي العملي يلي بيصير على ارض الواقع..واحيانا منسمع انو في محاولات لتطبيق هيدا الموضوع ببعض المشافي الخاصة بس لساتها محاولات كتير خجولة ومحدودة ...انا برايي لازم تشوف اذا هيدا الاختصاص الو مستقبل بالبلد يلي انت رح تعيش فيه وتشتغل فيه لانو في ناس بيدخلو باختصاصات بيكون الها مستقبل برا ولما بيرجعو لبلدهم بينصدمو وبيعانو لانو اختصاصهم غير شائع وغير مطلوب...
• ميرة المشرفة العامة

  2011/02/10 تم تعديل 2011/02/10

  الصيدلة الاكلينيكية حلوة و مجال عملها لو طبقوه رااائع..
  بس لحد هلئ ما شفت تطبيق عملي لهذا الاختصاص ..ما بعرف شو السبب..؟؟
  مع انو بيوفر وقت الأطباء وبيريحون من حساب الجرعات وتغييرها ..
  وصراحة هالفرع حلو للناس الطموحة والي ما بتحب روتين دوام الصيدلية إن كانت بالمشفى أو خاصة ..
  وأنا لو رجعت أشتغل ..؟؟أكيد بفكر فيه ...
• noone عضو نشيط

  2011/02/10 تم تعديل 2011/02/10

  Dr.Ahmad كتب: »

  فكرة المغامرة حلوة لكن حتى هي بدا دراسة ... مغامرة مدروسة ... يعني ما معقول تغامر بشي نسبة نجاحه جدا متدنية ... ما بقصد تثبيط الهمة لا أبدا و بشكل عام مجالات العمل و الاختصاص مهما كانت هي مجالات جيدة بالنسبة للفروع الطبية و عمليا هي ما مغامرة لكن بتصور علي كان قصدو بالمغامرة هي مغامرة السفر للخارج للدراسة في ظل عدم توفر مؤهلات كافية و موضوع السفر للاختصاص ( بقصد باوربا ) موضوع للوهلة الأولى رائع جدا و لكن لما الواحد يفكر أكتر و يدرس الموضوع أكتر بيشوف انو حتى هو في ألو سلبيات ممكن تكون سبب بالغاء السفر كاملا ... و بيضل الانسان عندو صلاة الاستخارة مشان ما يغامر بشي أبدا .. يعني كلو مدروس ان شاء الله

  
  طيب يا دكتور , هلأ السفر للخارج هي أول فكرة بتخطر على بال أغلب الشباب , بس متل ما قلت لازم يكون كله مدروس صح ..
  

  لحن الحياة كتب: »

  فعلا د.احمد معك حق بالشي يلي قلته..
  بالنسبة الك noone انا بصراحة بالنسبة الي حبيت هيدا الاختصاص..هلأ عنا بسوريا هيدا الاختصاص عمليا غير موجود ...هلأ بالجامعة اخدنا مادة وحدة اسمها (صيدلة سريرية وصيدلة مشافي )انا حبيتها ولو انها بعيدة شوي باعتقادي عن الشي العملي يلي بيصير على ارض الواقع..واحيانا منسمع انو في محاولات لتطبيق هيدا الموضوع ببعض المشافي الخاصة بس لساتها محاولات كتير خجولة ومحدودة ...انا برايي لازم تشوف اذا هيدا الاختصاص الو مستقبل بالبلد يلي انت رح تعيش فيه وتشتغل فيه لانو في ناس بيدخلو باختصاصات بيكون الها مستقبل برا ولما بيرجعو لبلدهم بينصدمو وبيعانو لانو اختصاصهم غير شائع وغير مطلوب...

  
  مادة وحده ؟؟!!
  ياستي في الجامعة عنا حتى لو كنت عم تدرس صيدلة عامة لازم تاخد مواد سريرية ( علاجيات وعلم امراض ) , في السعودية في تطبيقات منيحه لهالتخصص خصوصاً في المشافي الكبيرة , بس بصراحه انا ما كنت عارف فيه عموماً عم يحكوا انه الصيدلة مستقبلها في الكلينكال ,,
  

  ميرة كتب: »

  الصيدلة الاكلينيكية حلوة و مجال عملها لو طبقوه رااائع..
  بس لحد هلئ ما شفت تطبيق عملي لهذا الاختصاص ..ما بعرف شو السبب..؟؟
  مع انو بيوفر وقت الأطباء وبيريحون من حساب الجرعات وتغييرها ..
  وصراحة هالفرع حلو للناس الطموحة والي ما بتحب روتين دوام الصيدلية إن كانت بالمشفى أو خاصة ..
  وأنا لو رجعت أشتغل ..؟؟أكيد بفكر فيه ...

  
  والله انا جربت الصيدلية بصراحة ماقدرت اتحمل اجلس في مكان واحد مدة طويلة بحس حالي مخنوق ومحبوس ماصدق متى يخلص الدوام ..
• لحن الحياة عضو نشيط

  2011/02/11 تم تعديل 2011/02/11

  نحن بسوريا noone اكيد اخدنا كتير مواد عن الادوية وهيي اكيد من اهم المواد بالكلية ...بس للاسف عندنا ضعف ونقص بالحالات السريرية يلي ما اخدناها فعليا الا من خلال مادة واحدة بالسنة الخامسة...
  انا بشجعك noone على هيدا الاختصاص طالما انو الو مستقبل بالسعودية مكان اقامتك ...واذا لا سمح الله ما حبيتو او ما نجحت فيه ما بعتقد انك رح تكون خسرت شي ..وبتقدر ترجع تشتغل بمجالات تانية ...
  بس عندي سؤال ...هيدا الاختصاص كم سنة مدته ؟؟ وهل الاختصاص بيكون بعد ما تنهي 5 سنين الدراسة او الاختصاص بيكون خلال السنوات الخمسة ؟؟يعني مثلا بيكون الاختصاص بالسنة الاخيرة او بالسنتين الاخيرتين؟؟
  والله يوفقك ..
• laila عضو جديد

  2011/02/11 تم تعديل 2011/02/11

  هيدا الموضوع لسه بكير كتير علي . بعدني في سنة اولى و في كمان الاختصاص ان شاء الله
  فلسه بكيييييييييييييييييييييييييييييييييييييييييير
• عاشقة العلوم عضو ماسي

  2011/02/11 تم تعديل 2011/02/11

  بالتوفيق للجميع ان شاء الله الكل بيتخرج ويشتغل ويحقق يلي ببالو
• Pharmakon عضو ذهبي

  2011/02/16 تم تعديل 2011/02/16

  clinical pharmacy دراسه جديده بمناهج اوسع عن الصيدله العاديه ..... هنا فى مصر فى كورسات كامله عند الصيدله الاكلينيكل .....
  
  فى كورسات ودبلومات من اكتر من جامعه ودى مدتها سنه تقريبا فى جامعه عين شمس .... وفى نظام دراسه كامل مكون من خمس سنين صيدله فى بعض الجامعات بيفرق عن برنامج الصيدله العادى بانو متوسع فالحالات السريريه ....
  
  انا درست صيدله عاديه .... لكنى على اطلاع بالنطام الاكلينيكل عندنا فالكليه وكمان بعض الطلبه المقديين بالبرنامج الاكلينيكى .... يعنى انا براىى هم بيتوسعو اكتر فال pharmacology & pharmaceutics وبيديهم فرصه احسن للعمل فى مستشفيات كبيره واحيانا التدريب فى مستشفيات بالخارج فى اوروبا
  
  بالنسبه للتخرج .... انا قريت تعلايقات الزملا وتقريبا الكل قال كلام قيم ووارد كل ده يحصل لاننا كلنا مختلفين عن بعض فى مدى قوه تحملنا للصعوبات اللى ممكن تواجهنا ....
  
  عجبتنى فكره المغامره .... ماعنديش مانع اننا نحاول ونجرب كل الطرق علشان نحقق ذاتنا .... الاهم مش ننيأس ونتراجع عن تحقيق ذاتنا ... مهما كان الوقت ده اتأخر او واجهتك مشاكل ....
  عجبنى كلام حكيم .... كلامو فيه شئ من الصحه والواقع وبيحصل احيانا .... لكن اعتقد انو غلطان اللى لسه بشبابو وصحتو وعاوز يفضل فى مكانو والشغل هو اللى يجيلو ..... انا شايفه انو ومالو لو كل طبيب نزل المستشفيات وا المراكز وهناك يتعلم اكتر والناس تعرفو اكتر .... حتى لو ده كلفو وقت او مجهود اكبر .... وكان المقابل المادى اقل ... مجهودو ده هيكون سبب نجاحو بعد كده
  
  خلاصه الكلام .... احنا شباب ... لازم نتعب ونجرب ونحاول ... او نغامر ...
  بالنسبه لحن الحياه .... انا اتعلمت حاجه ... بلاش تبنى فكره مسبقه عن حاجه قبل ما تخوضى انت فالواقع بتاعها تماما وتجربيها .... وبلاش تحسرى نفسك فى مجال معين ..... الصح انك تقولى لنفسك انا لازم اكون شخص ناجح سواء صيدليه او مستشفى او دعايه
  مش كل الناس اللى بتتمناه بتحققو .... ومش كل الناس بتختار مصيرها تماما ...ز اللى ربنا مقدرو ليكى هتشوفيه .... حتى فى بالك تكونى حد ناجح