صورة ونقاش ..

ميرةميرة المشرفة العامة
تم تعديل 2012/11/24 في ساحة الحوار و النقاش
السلام عليكم ورحمة الله وبركاته


2888.imgcache

شفت فكرة حلوة وعجبتني
حبيت نتشارك الحوار فيها

..صورة ونقاش ..

نقوم بتنزيل صورة هنا ..
ونكتب تعليق بسيط تحتها ..
ونتناقش حولها..

الصورة ممكن أن تعبر عن ظاهرة سيئة ..
اوجيدة في المجتمع..


2888.imgcache

اتمنى ان تنال الفكرة اعجابكم..
وانتظر تفاعلكم الذي اعتز به ....


«134

التعليقات

  • ميرةميرة المشرفة العامة
    تم تعديل 2011/01/18
    2889.imgcache

    شو رأيكم بامتلاك الأطفال أو ممن هم على أبواب المراهقة الجوالات ..
    هل هي أصبحت ضرورة ..؟؟؟
    أم ضربا من المظاهر ..التي تؤثر على الطفل وسلوكياته ..؟؟
  • Dr.AhmadDr.Ahmad مدير عام
    تم تعديل 2011/01/18
    فكرة حلوة ميرة يسلموا كتير

    بالنسبة لناحية حمل الصغار لموبايل ... في معظم الحالات و حقيقة متل ماني شايف من أمثلة حولي هي ضرر و إشغال لتفكير المراهق بأمور هو بغنى عنها بالوقت اللي عندو الدراسة و البيت هني الاهم و ما عندو بهالعمر أي مشوار أو سفر بعيد عن البيت يعني كل الاماكن اللي ممكن يتواجد فيها معروفة و سهلة الوصول ... بحكي عن مثال أمامي ... أخي صف تاسع حاليا سنة الماضية كان معو موبايل أثر عليه بشكل كبير دراسيا بالوقت اللي كان التالت أو التاني عالمدرسة فقد ترتيبو بنهاية السنة الماضية لذلك اضررنا أنو ناخدوا منو مشان يرجع للدراسة ... عدا عن موضوع زيادة اللهو مع الرفقة بالموبايلات !!
  • dr.Hazemdr.Hazem مدير عام
    تم تعديل 2011/01/18
    شي مالو داعي ..هاد رأيي
  • غاردينياغاردينيا Foreign Languages Supervisor
    تم تعديل 2011/01/18
    مسا الخير جميعا موضوع من واقع الحياة ومثير للاهتمام

    للأسف الموبايل صار منتشر مو بس بين المراهقين كمان بين الصغار يمكن اذا بقلكن مابتصدقوا أنا خلال الفصل الأول
    بس صرت مصادرة تلات موبايلات من الطلاب بالمدرسة أكبر طالب فيهن صف تالت
    أنا ضد وجود الموبايل مع الأولاد تحت ال18 سنة الموبايل وجد كوسيلة لتسهيل الأمور مو لتسلية وتضييع الوقت
    بس أنا بحط الحق بشكل أساسي على الأهل اللي مابعلموا أولادن أهمية الأشياء يعني لازم تكون المكافئة على قدر الإعطاء
    على مستوى البيت عنا أختي الصغيرة بكالوريا إلها سنتين بتحاول مشان الموبايل بس بابا مصر انو مافي موبايل للجامعة وهاد هو الصح برأيي
  • nehadnehad مشرف منتدى التغذية و الطب البديل
    تم تعديل 2011/01/18
    للأسف يساء استخدامه وبالطبع هو وسيلة اتصال مهمة وضرورية سهلت علينا الكثير من الأمور وأجد أن الأهل هم المسؤلون عن اعطاء الموبايل لأولادهم المراهقين فمن سن 7--18 -لايوجد داعي لامتلاك اليافعين للموبايل واذا كان هناك حالة خاصة فيجب أن يكون الجهاز تحت اشراف الأهل ----وعندما يصبح الشاب في الجامعة فلابد أن يكون معه جهازه الخاص والى أن يصل الأولاد للجامعة يجب تربيتهم على الحس بالمسؤليةوالمبادئ الدينية والأخلاقية التي تحميه من الزلل فيما بعد
  • Ph.SamaPh.Sama مشرفة منتدى تطوير الذات و NLP
    تم تعديل 2011/01/18
    موضوع حلو ميرة.. بتفق مع الكل بأن وجود الموبايل مع أطفال أعمارهن أقل من 18 سنة غير مقبول.. و يجب على كثير من الأهالي الانتباه إلى كثير من المشاكل التي تنجم عن وجود هذه الأجهزة في أيدي أطفالهم... و بتصور مهمة الأهالي بإقناع أولادهم هالأيام إنو ما في داعي للموبايل كتير صعبة بسبب انتشاره مع رفقاتن بالمدرسة و متل ما قالت غاردينيا الموبايلات عم تتصادر بالمدارس مع أطفال أعمارهن أقل من 10 حتى طلاب الروضات يلي أعمارهن أقل من 6 سنين عم تلاقي معهن موبايل من أحدث نوع و i pod و لاب توب و مدري شو كمان يعني ع هالحالة هيك ولد وقت بيصير عمرو 10 سنين بدنا نلاقيه عم يسوق سيارة... المفروض ينتبهموا الأهالي لهالنقطة يعني الطفل ما ياخد شي بدون ما يكون بيستحقه و ما ينعطى شي غير مناسب لعمرو
  • صيدولةصيدولة عضو ذهبي
    تم تعديل 2011/01/22
    bb2b36d90d0.jpg


    عمل المرأة ....
  • suzysuzy عضو ذهبي
    تم تعديل 2011/01/22
    صورة كتير معبرة صيدولة حطيتي ايدك على الجرح
    بس بتعرفي ناقصها تكون المرأة حاملة ممسحة و طنجرة و سلة غسيل ووراها كام ولد
    هيك بتصير أصدق
    بالنسبة لموضوع الموبايل هوي صاير عدوى أكتر من احتياج شخصي بس لما بيكون كل رفقات الولد معهم موبايل بيحس بالنقص و ممكن
    يتعرض للسخرية من رفاقو و يحس بالظلم من جهة أهلو
    لهيك يمكن يكون الحل انو ينحط شروط صعبة يعني مثلا أنا وعدت بنتي بموبايل اذا بتطلع الأولى على مدرستها و بتاخد اجازة بعشر أجزاء قرأن
    حتى اذا حققت هالشروط رح يكون موبايل كتير بسيط و بخط مراقبة الأهل يلي منزلينو شركات الاتصالات و رح يبقى معي و بتاخدو وقت يلي بتكون برا البيت بدرس أو رحلة أو نشاط
    المشكلة انو الحياة عم تتطور بشكل أسرع من قدرتنا على استيعابها
    موضوع مميز ميرة يسلمو
  • ميرةميرة المشرفة العامة
    تم تعديل 2011/01/22
    مشكوووووورين على التفاعل والردود الحلوة متلكم أعزائي ..

    بالنسبة للجوال ..
    أكيد بده ضوابط شديده لتواجده مع المراهقين ..وبرقابة عالية من الأهل
    ..بس بدون شعور الابن أكيد..
    بالنسبة لأولادي ..كلهم معهم جوالات ..
    بس ابني الكبير عنده خط ..بس كمان تحت المصادرة بين الوقت والتاني حسب نشاطه ودراسته
    بمجتمعنا الحالي ما قدرت امنعهم من امتلاك الجوال
    ما بقول ضرورة ..بس يمكن لتواجده مع كل الأقارب والأصحاب ..
  • ميرةميرة المشرفة العامة
    تم تعديل 2011/01/22
    2891.imgcache
    مشكووورة صيدولة على الصورة الجديدة ..
    سوزي ..يمكن هي الصورة الي بدك ياها ..هههههههه
  • Dr.AhmadDr.Ahmad مدير عام
    تم تعديل 2011/01/23
    هههههههههههههههههههههههههههههههه ما شاااااااء الله كل هدول ميرة ....

    بداية يسلموا ع طرح الفكرة صيدولة ... ما رح احكي كتير رح قول رأيي الشخصي بكل اختصار ... أنا ضد عمل المرأة ما دام هناك رجل يعمل عنها !!! ضد تماما ... إلا في مجالات يكون فيها تواجد المراة ضرورة ملحة ... و إلا من الأفضل ان يتبادلا الأدوار ... الرجل بالبيت و المراة خارج البيت

    تذكرت مسلسل سوري من ثلاث حلقات نسيت اسمو لكن قديم بيعالج هي المشكلة ... بتصور لو تذكرتوا و شفتو يكون في جواب حلو كتير لهي الناحية
  • غاردينياغاردينيا Foreign Languages Supervisor
    تم تعديل 2011/01/23
    مساالخير جميعا
    بالنسبة إلي بشجع عمل المرأة لكن ضمن حدود وبمهن معينة مابتحتاج كتير من الجهد والوقت لأنو بالنهاية في العيلة اللي هي لازم تكون الأساس عندها

    من ترك شيئا لله عوضه الله خيرا منه أنا ماما تركت التدريس أكتر من عشر سنين لأنو شافت انو أولادها بعمر بحاجة تكون معهن دائما وسبحان الله بعد ماكبرنا الله يسرلها الفرصة
    لترجع لشغلها

    وفي ناحية تانية نحنا بزمن العيلة فيه بتحتاج لأكتر من معيل لأنو متطلبات الحياة زادت وغير هيك الإنسان مابيعرف الله شو مقدر عليه

    وأنا عن نفسي بشوف انو مافيها شي انو تشتغل اذا كانت قادرة توفق بين عملها وبيتها

    في مساهمة بموقع سيريا نيوز لفتتني عنوانها عمل المرأة بين النعمة والنقمة بتناقش نفس الموضوع اللي بحب يطلع عليها هي الرابط

    www.syria-news.com/dayin/mosah/readnews.php?id=1822
  • صيدولةصيدولة عضو ذهبي
    تم تعديل 2011/01/24
    الموضوع بيتناقش من عدة جوانب ... ومالازم ننسى ابدا المجتمع اللي عايشين فيه !!!
    انا ضد عمل المرأة إذا بينافي تعاليم ديننا وإذا ما قدرت توفق بين عملها وبيتها ... وأما اذا قدرت ليش لأ ؟؟ المهم المهم انو ما تفضل عملها على بيتها ...
    من ناحية تانية ... بالوضع اللي نحنا فيه هالايام مو دائما دخل الرجل لحالو بيقدر يأسس عيلة ... يعني القصة بدها شوية تعاون ...
    ومن جهة تانية بحكي عن حالي ... انا واجبي كون مخلصة لبيتي واكيد غلط اني قصر بأي شي مهما كان صغير ... بس كمان شغلي شي بيعبر عن ذاتي وبساهم بشي لو بسيط بتأسيس عيلتي ...

    هي قصة قريتا وهي اللي خلتني نتناقش بهالفكرة هون
    ....

    ...قلت لزوجتي: "ما رأيك في أن تذهبي للعمل؟"
    فصاحت بي: "أيها الجشع، تريد بيع شرفك لتحصل على المزيد من النقود"
    فقلت لها: "طبعاً لا... فأنا لا أريد أن تعملي رقّاصة... بل اعملي مُدَرسّة... أو حتى في جمعية خيرية، واحتفظي بكل النقود لك... أريدك أن تحسي بقيمة نفسك كإنسان مستقل..."
    وهنا فتحت أبواب الجحيم، وبدأت زوجتي بالصراخ: "مستقل؟... هل كنت تهزأ بي عندما قلت لي أنني وأنت شيء واحد؟... هل تريد أن تتزوج عليّ... واااامصيبتاه!!!"
    وفي غمضة عين، حضر حماي وبدأ بإقناعي: "أنا لم أعلمها في المدرسة ثم الجامعة ثم الماجستير لكي تقول لها اذهبي إلى العمل... لا يجب أن تهدر هذا التعليم كله، بل يجب أن تبقى في المنزل لكي تربي أولادها..."
    وبجواره جلست حماتي تقطع البقدونس وتحضّر التبّولة، وتمسك بيدها سكين المطبخ العملاق، وترفعه في وجهي "كأنها" تهددني ثم تقول: "عيلة أبو جبس لم تخرج منها امرأة من بيتها إلا لقبرها، هل تريد أن تصيبنا بالعار؟..."
    هنا تدخل أخو زوجتي وقال: "ألا تخاف على شرفك؟ يجب عليك أن تراقب زوجتك طوال الوقت لكي تتأكد من أنها لا تقوم بفعل مريب..."
    وقالت لي عمتي: "من حقك أن تتزوج بدل الواحدة أربعة، لكن لا داعي للفضائح... استأجر بيتاً آخر..."
    وقفزت امرأة من بين الحشود إلى الأمام وقالت: "إن هذه إرهاصات من مخلفات مزبلة تاريخ تطور أنتربولوجيا المجتمعات الغربية..."، طبعاً لم أرى هذه المرأة من قبل، لكني فعلت ما فعله الجميع... هززت برأسي موافقاً كي لا أبدو أنني لم أفهم ما قالت...
    وفي نهاية السهرة الطويلة قال لي جارنا السمّان وهو خارج: "اعرف ما تريد أن تفعل، دعك من هذا، فالنسوان يوجعون رؤوسنا وهن لا يحسسن بقيمتهن، فتصور ما سيحدث عندما يعرفن أن كلاً منهن إنسان كامل مستقل..."
    هنا ذهب خيالي بعيداً... صحيح... تصوروا أن كل رجل وامرأة عرف أنه إنسان كامل يمكنه أن يعمل لبناء الوطن... ما أجمله من وطن...
  • د.مفدى زهور عديد.مفدى زهور عدي عضو ذهبي
    تم تعديل 2011/01/24
    لكل اختراع خدمي مناقبه و محاسنه,,وكذلك محاذره وأضراره.....فمن يستخدمه في أغراض هامة ويعي ضرره ويتجنبه ويتقيه يكون قد أفلح....ولكن الأطفال لطبعهم الطفولي والمبني على الفطرة والبساطة والسذاجة هم بحاجة لتوعية ومراقبة ومتابعة,, فالمجتمع (خارج المنزل) فيه الطيبون وفيه الأشرار, ومن الأشرار من يغرر بالأطفال ويخدعهم ويمتاز بطرق خبيثة ولايتوانى عن أفعاله الكريهة والمقيتة...

    فلنكنْ في حالة من الوعي وتحمل المسؤولية ونراقب أطفالنا وننصحهم ونحذرهم ولكن لا نمنعهم من استعمال الهواتف النقالة في بعض الأحيان لاستفقادهم والتعرف على أحوالهم في ابتعادهم,, الرجل يعمل والزوجة تعمل وبعض الوقت يكون الطفل برحلة او بعيد فمن الحكمة استخدام هذا الإختراع لغرض هام يخبرنا هذا الجهاز عنهم ويطمننا بدلاً من أن ينشغل بالنا عنهم...

    موضوع حلو ولطيف والحوار كان ألطف وأكثر فائدة...اعجبني وأعجب زوجتي رد أخت سوزي...
  • Dr.AhmadDr.Ahmad مدير عام
    تم تعديل 2011/01/24
    بداية انا ماني اهل أني أتلكم بالدين لكن انا حابب برر كلامي بالتالي ...

    بداية الكلام عن الزواج لأن قبل الزواج الشب ما بيفكر كتير بهالناحية لانو دخلو بيكون أكتر من كافي الو لحالو و البنت أمر مشابه

    ( وأنكحوا الأيامى منكم والصالحين من عبادكم وإمائكم إن يكونوا فقراء يغنهم الله من فضله )[النور:32]

    أبو بكر الصديق رضي الله عنه قال: أطيعوا الله فيما أمركم به من النكاح، ينجز لكم ما وعدكم به من الغنى

    قال رسول الله صلى الله عليه وسلم قال: "تزوجوا النساء فإنهن يأتين بالمال"

    .... مقصد كلامي كله أنو وضع المجتمع و صعوبات الحياة و هالكلام هاد كلو مانو مبرر أبدا أبدا انو المرأة تطلع تشتغل ... لو في مبررات تانية منطقية وقتها بيكون في كلام آخر
    و على قولة المتل ... بطيختين بايد وحدة ما بينحملو !!! و برأيي لو المرأة لو قدرت تخلص مشاغل بيتها فهي انسانة اكتر من نشيطة ... فلو كان في عمل يا ترى مين رح يعتني بالاولاد بفترة غيابها !!! ... الرجل برأيكن ... طيب بلا الرجل ... الروضة و الحضانة و المدرسة و المربية و البيبي سيتر !!!! ما بظن انو في انسان عاقل بيترك أولاده تربين انسانة غريبة و لا أنا غلطان ؟؟
  • صيدولةصيدولة عضو ذهبي
    تم تعديل 2011/01/25
    رأيك منطقي كتير دكتور أحمد .... وانا معك بفكرة انو وظيفة المرأة الاساسية هي الامومة وبيتها ... ويادوبها تلحقهن ....
    بس هل غلط انو المرأة تشتغل اذا كان ضمن الحدود وبأوقات قصيرة وتقدرتوازن بين بيتها وشغلها قدر الامكان ؟؟
  • Dr.AhmadDr.Ahmad مدير عام
    تم تعديل 2011/01/25
    بس هل غلط انو المرأة تشتغل اذا كان ضمن الحدود وبأوقات قصيرة وتقدرتوازن بين بيتها وشغلها قدر الامكان ؟؟

    اكيد ما غلط و بالعكس تماما هو شغلة منيحة مشان ما يصير فراغ للوقت لكن بالشروط اللي قلتيها .. أهم شي ضمن الحدود و ما يتأثر دور المراة المقدس في البيت
  • suzysuzy عضو ذهبي
    تم تعديل 2011/01/25
    يسلمو ميرة على الصورة المعبرة
    بشكرك دكتور مفدى على رأيك الغالي
    أما بالنسبة لموضوع عمل المرأة فهو كتير شائك طيب فعلا المرأة يا دوب تلحق شغل بيتها و تربية أولادها
    بس المشكلة انها لازم تتعلم لتخدم مجتمعها و تعرف تربي أولادها بطريقة صحيحة و تقدر تحقق ذاتها و اذا تعلمت معقول تعلق شهادتها
    و تتفرغ للبيت متلها متل غير المتعلمة و بشو ساعتها بتكون خدمت مجتمعها
    و فيه سؤال تاني هل كل أم متفرغة لبيتها تفوقت في تربية أولادها و ادارة منزلها
    من تجربتي وبأكد انو تفرغ الأم مو قاعدة لنجاح الأولاد أو نجاح الأسرة و المنزل و عمل الأم كمان مو قاعدة لفشل الأسرة
    المهم هوي تنظيم الوقت و تحديد المسؤوليات صحيح بتتعب زيادة بس بتربي أولادها على النظام و تحمل المسؤولية
    و أكبر مثال عائلة الدكتور مفدى عائلة رائعة بكل معنى الكلمة الأب طبيب و الأم طبيبة بدوام كامل في بلد عربي بعيدا عن مساعدة الأهل
    و مع ذلك أسسو أسرة ما شاء الله مثالية بيت نظيف راقي مريح و أولاد غاية في التهذيب و الخلق و بمستوى تعليمي عالي
  • حكيمحكيم مشرف حلقات البحث و الاستشارات الطبية
    تم تعديل 2011/01/25
    بالوقت يلي توقعت أنو العنصر النسائي يضايق ويثور ضد مو قف أحمد لقيت العكس يبدو أنو المرأة عنا هي يلي بتحب تقعد بالبيت وبتحس حالها مضطهدة وحاملة فوق طاقتها إذا اشتغلت وربت ولادها سوا وبتحمل زوجها مية منية واذا فكر زوجها يمنعها بصير رجعي ومتخلف وما بآمن بحرية المرأة طيب حيرتونا!!

    أنا رأيي : الشغل شي شخصي طالما شريف وما عليه غبار حبت المرأة تشتغل أو لأ على راحتها وتربياية الولاد مسؤولية الزوجين سوا ما أصلا المشكلة بتقاسم الأدوار جوات البيت المرأة أخده كل الواجبات عنها وعن الأب لهيك من الصعب تلاقي شغل من دون ما تأثر على بيتها فإذا كان الزوج متفهم لواجباتو ما بتوقع يكون في أي مشكلة
    بس عندي سؤال شو الرابط بين النظرة الدينية وشغل المرأة ؟ وشو هي المبررات المنطقية اللي قصدتها دكتور أحمد؟
  • Dr.AhmadDr.Ahmad مدير عام
    تم تعديل 2011/01/26
    بداية كل شي بكتبه هو رأي شخصي فقط ... و ممكن الانسان يغير رأيه لو شاف شي غلط عندو

    اهلا فيك أخي حكيم ... بداية انا تكلمت عن الناحية الدينية لأنها أوردت ناحية الغنى و اللي ذكرت بتعليق سابق أنو بهالوقت الحالي عم يصير من الصعب انو عمل الرجل لوحده يأمن متطلبات الحياة كاملة ( من الناحية المادية ) لهيك أنا رديت من وجهة نظر دينية لقول أنو : لأ هالكلام ما صحيح و رب العالمين ما بينسى حدا ... و المبررات هي بشكل أساسي انو يكون في وقت فراغ أو خليني قول وقت زائد عند المرأة بعد تلبية حاجات المنزل .. أو تكون مضطرة مادية و هي ناحية طويلة كتير و بالنهاية و بكل الاحوال العمل لازم يكون ضمن الحدود اللي هي بشكل أساسي : ضمن حدود الأدب و الحشمة و هي أهم نقطة و ثم ضمن حدود الوقت الفراغ بحيث ما ياخد من وقت البيت .. هاد أهم شي برأيي

    دكتورة سوزي .. اللي تفضلتي فيه من ناحية انو المرأة المتعلمة أقدر على تربية أولادها أنا معك تماما فيه و ما بعارضك أبدا و هاد شي بديهي لكن هاد شي ما بيمنع أنو تعلق شهادتها جوا البيت و تعلم أولادا لأنو تربية الاولاد تحتاج لمتابعة دائمة ما بس ساعة أو ساعتين ... و لا أنا غلطان ...

    على فكرة ... تفكير البنت انو العمل اساسي و هي ما درست لتقعد بالبيت منتشر بين البنات اللي بيدرسوا فروع طبية بشكل اساسي أما باقي البنات نادرا ما يذكروا هي النقطة !!! ليش ؟؟ بسبب السنة أو السنتين دراسة زيادة يا ترى أو لأنو هي الفروع مقدرة اجتماعيا أكتر ؟؟؟ يا ريت يكون في جواب مقنع ...


    دكتورة سوزي في عبارة بتتردد كتير بين البنات هي " تقدر تحقق ذاتها " بس ما سمعت و لا تفسير واضح لهالعبارة و كل اللي بيقولوها ما بيقدروا يوضحوا معناها ... يا ريت تقليلي شو المقصود منها ؟ و شو هي العوامل اللي بتخلي المرأة تحقق ذاتها ؟؟
  • د.مفدى زهور عديد.مفدى زهور عدي عضو ذهبي
    تم تعديل 2011/01/26
    الأخوة والأخوات الأكارم:
    عمل المرأة بمهن شريفة وهامة للمجتمع ليس فيه مانع شرعي ولا غضاضة إن توفرت الشروط المناسبة كعدم خلو الرجل بالمرأة والمحافظة على لباس الحشمة وطريقة التعامل مع الآخرين ضمن الأصول والعرف والدين دون تبرج ولا لين في القول ولا تغنج اوتدلل ومياعة وشطط....بل عمل جاد يحفظ فيه شرف الزوج وقدسية الحياة الزوجية وبفترة زمنية لا تؤثر على غيابها عن منزلها وعن حاجة أسرتها لها..ويجب تجنب الإخلال بالعلاقة الزوجية..أما دخل الزوجة فهو لها كلياً وهي حرة في التصرف به سواء لبيتها أم لمشاريع أخرى, وطبعاً هي لن تمانع في نفقات البيت والمساهمة مع دخل الزوج بطواعية...

    قد تمر مراحل زمنية وتغيرات على العلاقة بين الزوجين بتغير الظروف وقد يفقد الزوج للزوجة والأبناء للأم وتحصل معاناة هامة قد ينجم عنها مشاكل زوجية خطرة...وهنا يجب الأخذ بالحكمة والتفكير بالمصلحة الأسرية فوق كل اعتبار مادي..

    بعض المهن للمراة مريحة وسهلة وهامة للمجتمع ولا تتعارض مع وظيفتها الأساسية الغريزية كأم والتي حباها الله به وشرفها بها...هي مدرسة ومربية وزوجة حنونة وليس غير ذلك...هنا يجب الحكمة ولا قاعدة صارمة تنطبق على الجميع منهن...

    الاخت سوزي صيدلانية مرموقة وتعمل ساعات طوال خارج منزلها...وتنطبق عليها الشروط من حيث الحشمة وماذكرته آنفاً, كما أنها ست بيت من الدرجة الأولى وزوجة ناجحة ومربية ممتازة...وهي مثال جيد يحتذى به...أشكرك أخت سوزي على ماذكرت بحقنا من ثناء إذ قلت:

    من تجربتي وبأكد انو تفرغ الأم مو قاعدة لنجاح الأولاد أو نجاح الأسرة و المنزل و عمل الأم كمان مو قاعدة لفشل الأسرة
    المهم هوي تنظيم الوقت و تحديد المسؤوليات صحيح بتتعب زيادة بس بتربي أولادها على النظام و تحمل المسؤولية
    و أكبر مثال عائلة الدكتور مفدى عائلة رائعة بكل معنى الكلمة الأب طبيب و الأم طبيبة بدوام كامل في بلد عربي بعيدا عن مساعدة الأهل
    و مع ذلك أسسو أسرة ما شاء الله مثالية بيت نظيف راقي مريح و أولاد غاية في التهذيب و الخلق و بمستوى تعليمي عالي


    وللجميع كامل محبتي وتقديري وأتمنى من الصيدلانية ميرة أن تعمل وتمارس علمها الصيدلاني في السعودية,, فهي مثال آخر على الزوجة الرائعة المتعلمة..
  • suzysuzy عضو ذهبي
    تم تعديل 2011/01/26
    بشكرك دكتور مفدى على الثناء خجلتني
    يا جماعة يلي بيقرا بيفكرنا عم نجامل بعض بس عن جد الحقيقة انو بمحيطنا أنا و الدكتور مفدى باعتبار نحنا قرايبين كتير أمثلة عن نساء عاملات مو بس بمجال الطب(والدة الدكتورة عزة يلي انضمت من فترة للعيادة أكاديمية وصلت لمركز مرموق في وزارة التربية و التعليم)و أسسو أسر تعتبر مثال يحتذى بكافة المجالات الحياتية زز
    برأيي الحل متل ما قال الدكتور حكيم بالضبط هوي التعاون بين الأم و الأب في تسيير شؤون الأسرة سواء في أمور البيت أو تربية الأولاد و متابعة أمور دراستهم
    دكتور أحمد ما بس الدارسات بالحقل الطبي بيطمحو للعمل كل فتاة واعية و عندها طموح أكيد هدفها بعد نهاية تحصيلها الدراسي هوي العمل
    بالنسبة لتحقيق الذات العمل برأيي يكفي الانسان ماديا و يبعده عن البطالة و الفراغ و ينميه علميا و عمليا و اجتماعيا و يعزز وجوده كفرد فاعل ضمن مجتمعه
    و يساعده على الارتقاء بنفسه و بمجتمعه و مساعدة غيره
  • حكيمحكيم مشرف حلقات البحث و الاستشارات الطبية
    تم تعديل 2011/01/26
    د مفدى وسوزي شكرا لأنكن الصورة المثالية اللي كنت عم احكي عنها
    أنا سألت عن النظرة الدينية لشغل المرأة لوضح أنو في كتير رجال بيحرموا نسائهم من العمل وبحبسوهم بالبيت بحجة التدين فقط مع أنو حتى على زمان سيدنا النبي عليه الصلاة والسلام كان في نساء يشتغلوا متل السيدة رفيدة الأنصارية اللي كانت طبيبة مثلا بقى المشكلة مو بالشغل المشكلة بس بنوع الشغل وكونه متوافر فيه الشروط اللي انذكرت ولا لأ وهون فينا نطرح سؤال تاني يا ترى يا دكتور أحمد بحقلنا انا وانت نمنع نسائنا من العمل إذا كان محقق الشروط ولا هادا حق وشي شخصي متل ما قلت؟؟
    وشغلة تانيه انا بتوقع أنو عمل المرأة أحيانا ممكن يكون فرض متل إذا كانت طبيبة نسائية بقرية ريفية فمعقول هون تترك الناس يموتوا كرمى لعيون جوزها الأفندي ؟
    وعلى فكرة ما لها علاقة كونن طبيبات( مع أنو هي رحمة لحتى ما تضطر نسائنا يلجؤوا لدكتور ذكر متخصص نسائية او جلدية......... أو حتى سنان ) أي امرأة محبة لأسرتها وقادرة توفق وتفيد المجتمع بشغلها بكون كتر خيرها
    كلمة أخيرة اخي أحمد( اللـــــــه يحمل معها ويصبرها صاحبة النصيب)
  • ميرةميرة المشرفة العامة
    تم تعديل 2011/01/27
    مشكورين على الحوار اللطيف ..وإبداء وجهات النظر المختلفة ..
    علم المرأة هو سلاح يجب أن تحصل عليه ..وتستعمله متى احتاجت إليه ..
    وبأكد على ضرورة إكمال المرأة دراستها وثقافتها ..
    لأن هالشي بينعكس على حياتها الأسرية الاجتماعية ..
    قبل الزواج ما بتوقع وجود أي مشكلة في العمل..بالعكس ممكن العمل يصقل شخصية البنت ويوسع آفاق تفكيرها ..وتتعرف على الناس أكتر وتدرس طباعهم ..وهالشي كله خبرة ممكن تستفيد منها مستقبلاً
    بس بوجود أطفال بأعمار صغيرة ..؟؟؟؟؟؟
    بتصور من الاجرام ترك طفل عمره عشرين يوم أو شهر .. مهما كان السبب
    هلئ العامل الاقتصادي إله دور كبير بعمل المرأة ..وممكن بمساعدة من الأهل ما يكون في أي صعوبة ..
    بالنسبة إلي كان عملي بأخر قائمة أولوياتي لما سافرت ..
    والحمد لله ما ندمت لأني تركته ..مع اني درست وتعبت متل ما قلتوا
    لأني لو اشتغلت لازم يكون في بديل لوجودي بالبيت ..وهي الشغالة ..؟؟؟
    وهاد الشي الي عم حاول ما يصير لهلئ ..مع حاجتي الشديده إلها ..
  • Dr.AhmadDr.Ahmad مدير عام
    تم تعديل 2011/01/27
    كلمة أخيرة اخي أحمد( اللـــــــه يحمل معها ويصبرها صاحبة النصيب)
    ههههههههههههههههههه ... الله يسامحك ...

    رح قلك أخي حكيم .. بالنسبة لي لن أتزوج إلا من متعلمة جامعية إن شاء الله و لن أحرمها من العمل لو أرادت و لست متعصب للعمل خارج المنزل و المرأة هي فقط المسؤولة لا أبدا أنا أؤمن بأن دور الرجل في البيت لا ينقص أبدا عن دور المرأة .... لكن النقطة الوحيدة اللي بالي دائما عندا هي نفس النقطة اللي تكلمت عنها الاخت ميرة ( انا بأيد رأيها تماما بكل كلمة قالتها ) و هي مجربة لهالناحية و عايشتها مباشرة ... طفل عمرو أشهر او سنة !!! وقت العمل مين رح يبقى معو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ يا ريت يكون في جواب لساوي حلف مناصرة عمل المراة ههههههههههههه ... يا ريت ما يكون الجواب شغالة أو بيبي سيتر ... لاني أرفض تمام الرفض و مستعد انا اترك الشغل و اقعد بالبيت و لا انو أولادي تربين امرأة غريبة !!

    هي العبارة بردك أخت ميرة تساوي ذهبا و أكتر كمان
    بس بوجود أطفال بأعمار صغيرة ..؟؟؟؟؟؟ .......... بتصور من الاجرام ترك طفل عمره عشرين يوم أو شهر .. مهما كان السبب

    دكتورة سوزي أنا بعرف كتير حالات من غير المجال الطبي و متل ما تفضلتي الامر متعلق بالبنت فقط و ليس بدراستها

    حابب قلك شغلة أخي حكيم .. انت تكلمت عن الشروط الدينية و انا رح قلك شرط ما ذكرتو حضرتك و هو انو يكون عمل المرأة لا يتسبب بعطالة رجل و ممكن لو ما متأكد من كلامي تراجع الكتب الدينية أو العلماء و بهاد الشرط فعمل نسبة هائلة جدا تفوق النصف من النساء غير جائز ... انا ما تكلمت عن هاد الشرط بداية مشان يصير الحوار ديني ...
  • noonenoone عضو نشيط
    تم تعديل 2011/01/28
    صباح \ مساء الخير

    هلأ اسمحوا لي أغير الموجه


    2976.imgcache


    شو السر أو الحكمة في كتابة الوصفة بهالطريقة ؟
  • noonenoone عضو نشيط
    تم تعديل 2011/01/28

    2975.imgcache
  • حكيمحكيم مشرف حلقات البحث و الاستشارات الطبية
    تم تعديل 2011/01/28
    حلو ابو حميد كلامك فيه روح وانا متفق معك من الأول (جزئيا) عندي اقتراحات واجوبة كتيرة بس nooneالله يصلحو غير الموجه والحديث يطول (فيك تناقشو مع المدام مستقبلا هههههه)

    nooneباينتك معاني من هالقصة ^-^ شو ما عطوكن بالجامعة مادة (خط الأطباء بين الطلاسم والتفسير) !!!!!كان بودي فيد جماعة الصيادلة بس الخط هو جزء من سر المهنة ههههههههه
  • noonenoone عضو نشيط
    تم تعديل 2011/01/28
    حكيم كتب: »
    حلو ابو حميد كلامك فيه روح وانا متفق معك من الأول (جزئيا) عندي اقتراحات واجوبة كتيرة بس nooneالله يصلحو غير الموجه والحديث يطول (فيك تناقشو مع المدام مستقبلا هههههه)

    باينته الموضوع كان حامي , للصراحة أنا ما قرأته ,,
    حكيم كتب: »
    nooneباينتك معاني من هالقصة ^-^ شو ما عطوكن بالجامعة مادة (خط الأطباء بين الطلاسم والتفسير) !!!!!كان بودي فيد جماعة الصيادلة بس الخط هو جزء من سر المهنة ههههههههه

    و ليش ماهن بعطوكن دروس خصوصية تحسنوا الخط نحنا مو ناقصين مواد , هههههه
    هلأ عم فكر لاقي تفسير لهالموضوع , بس صدمتني أنا مفكر أطباء العيادة عنا غير شكل ,

    2977.imgcache

    هههههههه
  • suzysuzy عضو ذهبي
    تم تعديل 2011/01/29
    موضوع ساخن دكتور نون شكلك ناوي تعلق الأطباء بالصيادلة
    هلأ خلينا نتفق بالأول انو هالخط أكيد مو لمصلحة المريض بالدرجة الأولى و مضيعة لوقت الصيدلي يلي بدو يتحذر شوي و بعدها يتصل بالطبيب
    ليعرف شو يصرف هيدا اذا التقى صيدلاني بالصيدلية و اذا ما التقى رح يتحزر الموظف و بعدها يصرف دواء مناسب للتشخيص(حسب رأيو طبعا)
    و بالنهاية اذا المريض ما ارتاح رح يغير الطبيب و يمكن يحكي عليه و يتكفل بدعاية سلبية غير شكل هاد اذا ما صار مشاكل صحية نتيجة اعطاء دواء خاطئ
    لهيك عن جد لازم الأطباء ياخدو هالموضوع بعين الاعتبار أو يجيبو طابعة أو كمبيوتر و يرتاحو و يريحو الصيدلاني و المريض
    دكتور حكيم ولو متعودين على صراحتك عطينا هالسر بقى هههههه