اقتراحين ...والتالت؟

حكيمحكيم مشرف حلقات البحث و الاستشارات الطبية
تم تعديل 2010/12/29 في الاقتراحات و التطويرات
السلام عليكم شباب ولله أنا خايف تقولو أخونا إجا أخر شي وصار بدو يغير الدنيا بس شو بدي اعمل ما حدا قلكن أنو شباب هالأيام ما بينعطوا وش بالتعبير عن الرأي هههههههههه

شوفوا هلأ كلمة عيادة بتوحي انو في مرضى والناس اللي هون كلن دكاترة وعيادة بلا مرضى مو زابطة يعني مثلا المريض اللي عندو مشكلة شلون بدو يعرف وين بدو يحطها هلأ نحنا ما بدنا نثقل كاهل المنتدى بأقسام كتير بس خلي شي واحد للمرضى يعني متل ما شفت الأقسام العلمية المختلفة عم تحط مقالات أكاديمية وهي ما بيقراها المريض وبتوقع اسم الموقع بيوحي بخدمة تقديم العلاج وانا متأكد كتير من المرضى فاتو على هالاساس طيب المريض يلي بفوت عالمنتدى وين بدو يلاقي حالو ويعرض مشكلتو ويعبر عن نفسو
هي شغلة الشغلة التانية شفتها بغير منتدى أنو عاملين قسم لطلبات حلقات البحث وبما أنو كلياتنا أكاديمين وعنا أو عالأقل مهتمين بحلقات البحث بلازم يكون عنا هيك شي طبعا مو قسم خاص (بخاف الدكنور ابو حميد ياكلني بلا ملح ) يعني مثلا موضوع مثبت وأي واحد بيفتح على غوغل حلقة بحث رح يفوت لعنا وأكيد الأعضاء وادارة المنتدى ما رح يبخلو ا عليه بشي ............
قلكن الشغلة التالتة ولا بكير ..........يلا شوي تانية حاكم الدكتور أحمد محمرة عينو مني من زمان
بانتظار آرائكم

التعليقات

  • dr.Hazemdr.Hazem مدير عام
    تم تعديل 2010/12/20
    أول شي بالعكس إقتراحاتك بتدل على إهتمامك بالعيادة و هاد الشي نابع عن إحساسك إنك جزء منها و نحن هاد يلي بدنا الأعضاء توصلو ... لأن العمل الجماعي دائماًَ يثمر خير بإذن الله ...
    تاني شي بالنسبة لقسم إستشارات طبية و الله منتمنى بس المشكلة مانا متفقين مع طباء للرد على الإستشارات لأن الاطبا مابياخدو الموضوع على محمل الجد .على كل رح حاول إتفق مع بعض الأطبا بآلية ما إن شاء الله
    تالت شي الموضوع سهل و ممكن نفتح هيك قسم ...

    بتمنى من الدكتور احمد يفكر بالموضوع ...
  • Dr.AhmadDr.Ahmad مدير عام
    تم تعديل 2010/12/20
    انا لما قريت العنوان قلت بس ما يكونوا اقتراحات ترفيه متل الاول ههههههههههههههههه

    حابب قلك حكيم الله يجزيك الخير و شكرا على اقتراحاتك ..... بس شو عرفك انو عيني حمرا !؟؟؟؟ عنجد عيني حمرا بس ما منك هههههههه ... حمرا لانو معي تحسس

    مشان اقتراحاتك حكيم
    اقتراح فتح قسم للاستشارات للمرضى: هي الفكرة ببالنا من أول ما فتحنا العيادة لكن الناحية المهمة حاليا انو ما في كادر طبي للاجابة عن الاستشارات و هي المشكلة الاساسية

    مشان موضوع حلقات البحث كمان فكرت فيها لكن حلقات البحث عادة في حقوق لاصحابها و ما بيسمحوا بنشرها علنا و هي المشكلة الأساسية ... لو عندك اقتراح بهالخصوص يا ريت ما تحرمنا منو ...

    بانتظار الاقتراح التالت !!!
  • حكيمحكيم مشرف حلقات البحث و الاستشارات الطبية
    تم تعديل 2010/12/20
    دكتور حازم ,ابو حميد مشكورين كتير لسعة صدركن وتفهمكن ..... بصراحةما توقعت هالايجابية العالية بس هلأ صار عندي فكرة عن سر نجاح هالمنتدى
    منشان عينك دكتور احمد معافى وشكرا لترئة ساحتي امام الملأ ههههههه
    هلأ مشان قسم المرضى نحنا لازم ما ننسى أنو هالقسم للاستشارات بس يعني هو ما رح يقدم علاج رسمي بوصفة ممهورة من طبيب اصلا هادا الشي منافي للقوانين الطبية .لأ .الفكرة أنو أي مريض عندو مشكلة رح يطرحها رح يرد عليه اي عضو عندو فكرة يعني ممكن نشرحلو شوي عن المرض واسبابو ,نعطيه لمحة عن العلاجات المتوفرة , نوجهو للاخصائي اللي علاقة بموضوعو يعني باختصار نحنا مالنا بحاجة لكادر طبي مخصص لهالقصة طالما عنا دكاترة قادرين يقدموا هالخدمة البسيطة بعدين بجوز يرد حدا عندو تجربة بهالموضوع وما يكون دكتور بجوز يفوت حدا يواسيه ويطلع.
    وطبعا بنفس الوقت الرقابة جماعية لأي معلومة خاطئة .هي فكرة الفكرة التانيه واللي كتير مهمة إلنا انو كتير من الأطباء الإخصائين رح يسجلوا بالمنتدى بأسمائهن الحقيقية ليامنوا دعاية إلن وهيك رح يزيد الإقبال والفائدة ورح نقدر نقدم شي .........بجوز كون متحمس شوي زيادة بس اكيد كلكن عنكن حلم الموقع الرائد متلي... عنجد فكروا بالموضوع من هالناحية...
    مشان حلقات البحث ما بعرف بجوز ما وصلت الفكرة منيح انا ما عم قول ننشر حلقات بحث كاملة لأ الفكرة مختلفة تماما الفكرة انو يقدم العضو طلب لحلقة بحث بموضوع معين ومهمة الموقع انو رح يدور على المراجع العربية والاجنبية المتعلقة بالموضوع ويحط مخطط بحث وأكيد الأعضاء رح يشاركوا حتى على مستوى المقالات والمعلومات والخبرات الشخصية ووهيك رح نقدم خدمة بتهم شريحة واسعة من رواد المنتدى
    وعلى فكرة بدكن تقنعوني انو قسم الترفيه مو مهم وانو الجماعة مو مروقين عليه ؟؟ ايه ما صدقوا ايمتى اجا حدا يطالب بحقوقن ويوقف بوش التسلط والجدية ههههههههههه
  • Dr.AhmadDr.Ahmad مدير عام
    تم تعديل 2010/12/20
    أهلا و سهلا فيك اخي حكيم ((( بس لهلئ ما تعرفنا عالاسم الكريم !!! ))) ... و الله يعافيك يا رب المشكلة انو تحسس دائما لانو عندي تربة تحسسية و لو بدي استعمل علاج فلازم استعمل قطرات عينية مدى الحياة لذلك ما بستخدمن لاني متأقلم مع هالشي ههههه
    ما توقعت هالإيجابية العالية !!
    سيدي معك معك بتعرف المنتدى كيف ماشي ان شاء الله ... أساسا القسم اللي فيه هاد الموضوع " الاقتراحات و التطويرات " ليش موجود !!!!!

    ... مشان قسم الاستشارات فكرتك كتير حلوة و يا سيدي اعتبروا مفتوح بعد ما ترد لاني بدي سلمك اشرافو ... شو رأيك ؟؟؟ طبعا الاشراف ما مشان ترد انت بس عالاستشارات لحالك لا أبدا و إنما أنت صاحب الفكرة و أنت اعرف كيف ممكن تترجم هالفكرة بالشكل الأفضل ...

    أما مشان قسم حلقات البحث و اللي بصراحة كمان ناوي سلمك اشرافوا ... كمان باعتبار انها فكرتك و نفس القصة اللي قبل ...

    بعدين حكيم و الله كان في مواضيع ترفيهية بالمنتدى العام !!! شو مانك مصدق ... يا أخي بحبش فيه بتلاقي كتير هههههههه

    أخيرا حابب اشكرك كتير على حماسك و بصراحة انا بتحمس لما يكون في حدا متحمس معي

    آخر شي بانتظار ردك مشان الاشراف ؟؟
  • suzysuzy عضو ذهبي
    تم تعديل 2010/12/21
    ما شاء الله عنك حكيم شو هالنشاط
    ما بعرف اذا بتسمحولي اتدخل الاقتراحات كتير مهمة و فعلا بتعطي الموقع دفعة قوية للأمام
    بس بتحتاج كادر متواجد بشكل دائم للرد على الاستفسارات بشأن الأمراض و العلاجات و حتى بشأن حلقات البحث
    لان المريض اذا حط مشكلتو و نطر كتير ليجي الرد رح يمل و يترك الموقع
    ان شاء الله بتوصلو لحل جيد
    موفقين
  • Dr.AhmadDr.Ahmad مدير عام
    تم تعديل 2010/12/21
    اهلا سوزي ...

    القسمين اللي حكينا عنن ما هني استشارات نظامية انما تقديم نصائح و خبرات بالشي اللي منعرفو ...
  • حكيمحكيم مشرف حلقات البحث و الاستشارات الطبية
    تم تعديل 2010/12/21
    هيك ممتاز بس بدي مساعدتكن لسه الفكرة صغبرة شوي بس بشوية جهد وتطوير بتنضج وبتصير فعالة ومتل ما قلنا سوزي الهدف مو نأمين قسمم متخصص الفكرة تقديم العون والمشورة ولا تنسي نحنا معتمدين عليك بالخبرة الدوائية متل مالنا معتمدين على كل عضو بهالمنتدى بالمجال اللي هو فيه
    بعدين في شغلة نحنا بالبداية رح نكون لحالنا بس بعدين إذا قدرنا نلفت النظر الكادر الطبي هو رح يجي لعنا ويشارك بجوز خطتنا تكون طويلة الأمد شوي وبحاجة لتطوير وصبر بس إذا ما جربنا ما رح نعرف أنو ممكن ننجح .أنا متأكد أنو في طريقة قدر غيرنا يخلي هالفكرة عامل جذب ودعاية وفائدة ومن هون لنلاقيها رح نجرب كل الطرق وبالنهاية إلا ما نلاقيها
    مشان حلقات البحث نفس الفكرة نحنا عم نراهن على نشاط أعضاء المنتدى وبصراحة بما أنكن الكادر تبعنا بدونكن ما رح نقدر نقدم شي ملموس
    هلأ قضية الاشراف مبدئيا ما عندي مانع بس على قسمين حاسس أنو مسؤولية كبيرة وبخاف ما لحق طبعا إلا إذا أغريتوني بنصب تذكاري بالعيادة هههههههههه
    أخر شي رح احكيلكن أنتو و أبو حميد قصة:
    بالجامعة كان في دكتور سنان ظريف بيعجبكن إجا مرة لعندو مريض وصار إيمو حكيم ويحطو حكيم دكتورنا تجاكر فال درس كل هالسنين مشان يقلولو دكتور وهلأ جاي هالسئيل يقلو حكيم بس بلعها على مضض وما صدق ايمتى إجت أخر جلسة ليقلو للمريض الله معك أخونا المريض بعد ما خلص وانبسط عالمعالجة دق تاني يوم للدكتور قلو: والله حكيم أنا حبيتك كتير وبدي أبعت أخي لعندك بس محروج من شغلة. دكتورنا قلو :لأ ولو تفضل. قلو المريض والله أنا لهلأ ما بعرف اسمك. صاحبنا اجتو الجمدة بس بعدين رد وقال:......................................حكيم ( في حدا منكن بيعرف هالدكتور الفلهوي؟؟)
  • صيدولةصيدولة عضو ذهبي
    تم تعديل 2010/12/23
    هههههههههههه حلوة القصة دكتور ...:wink::wink:

    واقتراحاتك بمحلا .... بالرغم انو المواضيع اللي عم تحكي فيها موجودة اصلا سواء الاستشارات او حتى حلقات البحث ... بس يمكن احسن اذا كانت بقسم خاص ...
  • noonenoone عضو نشيط
    تم تعديل 2010/12/23
    حكيم كتب: »
    هيك ممتاز بس بدي مساعدتكن لسه الفكرة صغبرة شوي بس بشوية جهد وتطوير بتنضج وبتصير فعالة ومتل ما قلنا سوزي الهدف مو نأمين قسمم متخصص الفكرة تقديم العون والمشورة ولا تنسي نحنا معتمدين عليك بالخبرة الدوائية متل مالنا معتمدين على كل عضو بهالمنتدى بالمجال اللي هو فيه
    بعدين في شغلة نحنا بالبداية رح نكون لحالنا بس بعدين إذا قدرنا نلفت النظر الكادر الطبي هو رح يجي لعنا ويشارك بجوز خطتنا تكون طويلة الأمد شوي وبحاجة لتطوير وصبر بس إذا ما جربنا ما رح نعرف أنو ممكن ننجح .أنا متأكد أنو في طريقة قدر غيرنا يخلي هالفكرة عامل جذب ودعاية وفائدة ومن هون لنلاقيها رح نجرب كل الطرق وبالنهاية إلا ما نلاقيها

    أعذروني على المداخلة بس كتير حبيتها للفكرة , والله الفكرة رأس مالها أعضاء متميزين مثلكن و مشرف متلك يعني كل شئ موجود , ( ما عم جامل حدا بس هاد الشئ أنا لمسته هون ) ,,
    حكيم كتب: »
    مشان حلقات البحث نفس الفكرة نحنا عم نراهن على نشاط أعضاء المنتدى وبصراحة بما أنكن الكادر تبعنا بدونكن ما رح نقدر نقدم شي ملموس

    اعلقها وتوكل , نحنا معك و ان شاء الله ما حدا راح يقصر ,,
    حكيم كتب: »
    هلأ قضية الاشراف مبدئيا ما عندي مانع بس على قسمين حاسس أنو مسؤولية كبيرة وبخاف ما لحق طبعا إلا إذا أغريتوني بنصب تذكاري بالعيادة هههههههههه

    لك شو هالتواضع يا حكيم !!!
    حكيم كتب: »
    أخر شي رح احكيلكن أنتو و أبو حميد قصة:
    بالجامعة كان في دكتور سنان ظريف بيعجبكن إجا مرة لعندو مريض وصار إيمو حكيم ويحطو حكيم دكتورنا تجاكر فال درس كل هالسنين مشان يقلولو دكتور وهلأ جاي هالسئيل يقلو حكيم بس بلعها على مضض وما صدق ايمتى إجت أخر جلسة ليقلو للمريض الله معك أخونا المريض بعد ما خلص وانبسط عالمعالجة دق تاني يوم للدكتور قلو: والله حكيم أنا حبيتك كتير وبدي أبعت أخي لعندك بس محروج من شغلة. دكتورنا قلو :لأ ولو تفضل. قلو المريض والله أنا لهلأ ما بعرف اسمك. صاحبنا اجتو الجمدة بس بعدين رد وقال:......................................حكيم ( في حدا منكن بيعرف هالدكتور الفلهوي؟؟)

    ههههههههههه
    ولو علم على رأسه نار ,,,
  • لحن الحياةلحن الحياة عضو نشيط
    تم تعديل 2010/12/23
    مشكور حكيم ...فعلا اقتراحاتك مهمة وممكن تطور المنتدى كتير ...
    هلأ برأيي قسم حلقات البحث ممكن انجازه وما بعتقد انو رح يكون فيه كتير صعوبات ..طبعا هيدا بيعتمد على نشاط الاعضاء اكيد..
    بس بالنسبة لقسم الاستشارات بتخيل فيه شوي صعوبة وفيه مسؤولية كبيرة ...
    هلأ انا ما بدي خفف حماسك بالعكس انا كمان اتحمست للفكرة بس بدها شغل كتير ..
    وبالنهاية متل ما قلت نحن لازم نجرب و انشالله بهمتك وهمة كل الاعضاء هالافكار والمقترحات حتصير حقيقة و واقع انشاءالله...
  • حكيمحكيم مشرف حلقات البحث و الاستشارات الطبية
    تم تعديل 2010/12/23
    صيدولة شكرا عالمرور والمساندة
    noone الله يخليلنا ياك دكتور ومشكور عالدعم والله بسطني حماسك وتشجيعك وانشالله كون عند حسن ظنك
    لحن الحياة ملاحظاتك بمحلها بس انشالله رح نكون مستعدين لحتى نتجاوزها وكمان مشكوررة كتير على التشجيع
    وهي امنا دعم نخبة الصيادلة وتجاوزنا الأزمة الدوائية.......... أصداء أخرى ؟؟رأيكم يهمنا
  • Dr.AhmadDr.Ahmad مدير عام
    تم تعديل 2010/12/23
    طيب اذا ما دام هيك رأيك حكيم و مدام موفق فلنسر على بركة الله ههههههههههههههه

    و مشان المساندة اكيد هالشي كلنا لازم نشتغل فيا ... كل شخص ضمن اختصاصو ... و هي عبارة عن معلومات و نصائح لا تغني عن الاستشارة الطبية أبدا و هالشي رح يكون موضح بالقسم بالنسبة لكل من حابب يحط استشارة .... مشان قسم حلقات البحث متل ما حكيتو ما شاء الله كافي و وافي

    شكرا أخي noone و صيدولة و لحن الحياة على الدعم .. و أكيد في شكر للمشرف حكيم هههههههه

    مشان موضوع النصب التذكاري منرفعلك طلب لمجلس الادراة العليا ان شاء الله و بحط عليه مع التوصية هههههههههههههههه

    ... على سيرة " حكيم " مرة طالب عنا قال لدكتور من دكاترة الكلية قلو " حكيم " ... المسكين ما حس غير على بهدلة من العيار الثقيل و الدكتور بيقلو : " أنا ابن دورتك ما هيك ؟؟ "
  • عاشقة العلومعاشقة العلوم عضو ماسي
    تم تعديل 2010/12/27
    ههههههههه بظن انو انت حكيم
  • Ph.SamaPh.Sama مشرفة منتدى تطوير الذات و NLP
    تم تعديل 2010/12/28
    إضافة موضوع حلقات البحث و الاستشارات كتير ظريفة للمنتدى... مشكور حكيم ع الاقتراح و دكتور أحمد لإضافة هالقسمين .... بس إذا بتسمحولي و لو إنو ما لي بالقصر إلا من مبارح العصر.. ضيف اقتراح و إجتني الفكرة لما قريت موضوع دمعة فرح ( هل أنت مؤهل للقيادة ) يعني ليش ما بتضيفو قسم لتطوير الشخصية ... هالمواضيع كتير حلوة و بتساعدنا بتعاملاتنا اليومية ...يعني يتضمن القسم طرق لتطوير الشخصية اجتماعياً و فكرياً و نفسياً ... أساليب النجاح و مهارات الإقناع و المحادثة ... مواضيع عن البرمجة العصبية ... التعامل مع التوتر و القلق ... الخ... يعني هيك بيصير المنتدى بتصوري شامل لكل شي تقريباً ... و صدقاً بتشكركن لأن تعبكم و اضح بنجاح هالمنتدى

  • Dr.AhmadDr.Ahmad مدير عام
    تم تعديل 2010/12/28
    و الله يا حكيم راحت عليك الفرصة التالتة لاضافة اقتراح ... هي سما سبقتك ... اتفاهم منك الها

    سما فكرتك اكتر من رائعة و انا كنت ( قبل ما اغرق بالطب عالاخر ) كنت غرقان بالبرمجة العصبية و تطوير الذات و عندي موااارد هااااااائلة و الحمد لله قرأت مقالات الله فيها عليم ... بكل الاحوال بالنسخة السابقة من المنتدى كان هاد المنتدى موجود لكن بالنسخة الجديدة بسبب بعض الضغوطات و ما كان في طلب حقيقة على هيك قسم لذلك اهملت الموضوع لكن باعتبار صار في مطالب .. انا ما عندي مشكلة اني افتح القسم لكن لازم تستلمي اشرافو شو رأيك سما ؟؟؟؟؟؟ و انا بساعدك باضافة المواضيع ولا يهمك ههههههه
  • Ph.SamaPh.Sama مشرفة منتدى تطوير الذات و NLP
    تم تعديل 2010/12/28
    هلأ سؤال دكتور أحمد كل ما حدا اقترح قسم بدك تسلمو إشرافو إي بطلنا نقترح هههههههههه ... .. بصراحة ما عندي مانع ... بس أنا جلساتي ع النت قليلة و لكون صريحة أكتر ما بعرف شي عن البرمجة العصبية و هيك مواضيع بس بتصور إذا استلمها حدا اختصاصو تربية نفسية حيكون أفضل لأنن بيدرسوا هيك شي ... بكل الأحوال شكراً إلك
  • Dr.AhmadDr.Ahmad مدير عام
    تم تعديل 2010/12/29
    هههههههههههههههههههههههههه ... ^^

    لقلك سما شو الفكرة من اني بعرض الاشراف على اللي بيقترح فكرة منتدى ... لانو اللي اقترح الفكرة هو إما أكتر انسان متحمس للفكرة أو انو انسان حابب يتسلى بطرح الافكار ... و من خلال ردة الفعل بشوف اي الاتنين منن

    انتي لا تاكلي هم من النوع الاول هههههه ... هي بلشنا تحليل شخصيات من قبل ما نباشر بالقسم ...

    طيب ممكن تسألي سندس Sondos اذا بتساعدك بالاشراف ؟؟
  • غاردينياغاردينيا Foreign Languages Supervisor
    تم تعديل 2010/12/29
    بصراحة ماقدرت قاوم الموضوع قلت لازم شارك فكرة كتيييييييييير حلوة

    وأنا كمان ممكن ساعدك سما لأنو عندي كتير مراجع بهاد الموضوع
  • Ph.SamaPh.Sama مشرفة منتدى تطوير الذات و NLP
    تم تعديل 2010/12/29
    هلأ أنا قلت ما عندي مانع دكتور أحمد ... و أنا لا من أول نوع و لا حتى من التاني فيك تقول كوكتيل من كلو ههههههههه
    و بما أنو أنت موسوعة بهيك مواضيع و الأخت غاردينيا عرضت مساعدتها كمان يعني موضوع الإشراف أسهل ما يكون
    و أكيد بيشرفني كون عضو بهالمنتدى مع إنو متل ما قلت قبل ما صرلي بالقصر غير من مبارح العصر و هي رح تسلموني إشراف ع قسم كامل...شو بدي أحسن من هيك...
    بس طبعاً بدي مساعدة الكل بمواضيع هالقسم لأنو ما عندي شي أبداً
  • Dr.AhmadDr.Ahmad مدير عام
    تم تعديل 2010/12/29
    خلص و لا يهمك سما تكرمي ان شاء الله خلال 24 ساعة بيكون القسم جاهز ...

    عجبتني هي
    هلأ أنا قلت ما عندي مانع دكتور أحمد
    هههههههههههههههههههههه