حماية مو راضية بعروس ابنها يعني مو حاببتها
وقفت قبالها بالعرس وهآآآآهت
آويها يلي قاعدة جنب ابني
آويها ما فيكي شي عاجبني
آويها هلأ بتقولي حبني
آويها بكرة بتقولي كبني
آويها وإن ما مشيتي دغري
آويها لتلاقي بيت الضرة مبني
لي لي لي لي لييييييييش
قامت ردت عليها العروس وقالت...
آويها وحيات شالك وشنشالك
آويها بعد أسبوع لأفضالك
آويها وإن شاء الله فال الله و لا فالك
آويها وداء الفالج جالك
آويها لأشغل بالك وأنهب مالك
آويها وابنك ما بيهنالك
آويها وبعدها لفرجيكي حالك
لي لي لي لي ليييييييييييش
التعليقات
أويها أمي ما عم اقدر أرضيها
أويها ومرتي ما عم أقدر داريها
أويها إن سمعت كلمة أمي
أويها ومرتي لعند أهلها لوديها
أويها وإن سمعت كلمة مرتي
أويها راحت الجنة وما فيها
أويها واكتبوا على قبري
من جدبتو راح فيها
ولي لي ليييييييييييييش
الحماية و الكنة حبايب
أويييها ............
من يوم اللي صارو قرايب
أويييها ............
و مو رايحة إلا عالزلمة ......
أويييها .......
اللي بيناتهون دايب
ليليليششششششششششششش
اما معنى حرب ضروس يعني شديدة ومهلكةويقال العضوض والله اعلم
عذرا قلبناها درس عربي
لازم نلاقيلكن شو وسام ابداع ... شو رأيك لحن الحياة ؟؟ ... انا ما دخلني ماني من المنافسين أبدا ... و لو بدكن دعم بشوف ستي ما حدا بيطلعلو معها أبدا ما شاء الله موسوعة هناهين ^^
على فكرة هي جائزة نوبل للأهازيج غريبة شوي لانو عمو نوبل ما عطا جوائز لهيك شغلات بس منساوي مثلا شي وسام بدون مسميات .... كان خاطر ببالي سميه باسم معين بس يلا بلاه هههههههههههه