السلام عليكم شباب
اليوم وبما أني أمر بنوبات اكتئابية حادة هذه الايام أود أن اسالكم سؤال سبق وان وجهته لغيركم البارحة
إذا كان بإيدكن تنفوا اي شخص بدكن ياه الى عالم تاني ...كم بني ادم بتطلعوا من حياتكم؟؟؟؟وياترى هادا الشي بيوصل للناس القرايبين منكن؟؟؟؟ لاحظوا أنا ما عم اقول تموتو حدا يعني مو لهادرجة نواياي اجرامية:whistling: بس يعني أكيد في ناس على هالكرة الأرضية الكبيرة منغصين عليكم *&^ طيب
في حدا بيقول لازم تسأل كم حدا بتخلي مو كم حدا بطلع؟؟
فكروا وقلولي وشوفوا شو بيطلع معكم
*&^:sad:*&^
التعليقات
انا بصراحة فكرت كتير ... يعني قلبت كل المواضيع الجديدة و شفتا و رديت رجعت ... اخي و الله ما طلع معي حدا .... انا مبسوط بحياتي و مافي مني و الحمد لله الحمد لله .................... لو جيتني قبل مدة كنت قلتلك على انسان بس سبحان الله انصرف لحالو عني ( حللللللل عني ) ... لذلك و بكامل ارادتي بقول مافي حدا حاليا على الاقل " ماني متذكر حدا حاليا " منغص عليي حياتي و حابب انفيه عالمريخ هههه
هلأ اكيد بعض الاشخاص ممكن يعملو معي مواقف او يتصرفو تصرفات تزعجني لدرجة انو فعلا اتمنى انو يا ريتهم ما كانو موجودين بحياتي ...بس هيدا الشعور بحسه بلحظتها يعني لما بتصير الشغلة ....
بس بشكل عام انا بشوف انو الاشخاص يلي بيدايقونا وبينغصو علينا احيانا بيعملو شوية اكشن بحياتنا وممكن كمان يعطونا حافز انو نتحداهم ونكون احسن منهم واذكى منهم وما نخلي محاولاتهم التنغيصية تنجح..
وكمان بحس انو لما منشوف هيك اشخاص ومنتعامل معهم ..منحس اكتر بقيمة الاشخاص يلي منحبهم وبيحبونا ...
لحظة لحظة !!!
بس في استثناء وحيد !!!
في كم دكتور بالجامعة يعني اذا فينا ننفيهم عالمريخ بتكون نعمة كبيرة للبشرية!!!
على كل لو فكرت بالموضوع شوي اكتشفت متل ماقال الدكتور علي في كتير ناس
يعني بدك تقلي انو هال3-4 ملايين يهودي محتلين فلسطين مو زاعجينك ولا الناس اللي عم تموت بالعراق ما في حدا عم يضايقون
يا زلمة اذا بدنا نحسبها هيك منطلعلنا بكم مليون
بس المشكلة مو بهدول المشكلة بناس مضطرين نواجهن بحايتنا العملية ونتحمل عقدن ومشاكلن النفسية وامزجتن
شي بيجنننننننننننننننننننننننننننننننن
بالنسبة إلي لو كان بإيدي ما بظن رح طالع اي حدا من حياتي .... اكيد مو لأنو ما في حدا زاعجني وعم يعكرلي صفو حياتي وبيعملي نوبات اكتئاب وكراهية للدنيا ()*&()*&.. لا ابدا ... بس مدري ليش عندي اعتقاد او يمكن يقين ... انو اي انسان بيمر بمرحلة بحياتي إلو دور معين ... سواء كان هالدور ايجابي او سلبي او حتى حيادي مو مهم ... المهم انو انا بالاخير اكيد رح استفاد من وجودو ... ما بعرف كيف ...بس شو ما كانت هالاستفادة .. اكيد موجودة... مشان هيك مابدي طالع اي حدا من حياتي ... يمكن فكر بإضافة ناس بتمنى وجودن بس هي ما بظن ابدا تكون بإيدي ...
كأنو تفلسفت كتير .... عموما موضوع كتير حلو دكتور ... أفكارك كتير مميزة ...
هلئ مشان فكرة اليهود و هالناس الــ!@#@%$#$% هدول أكيد ما بختلف معك و لا بظن متل ما تفضلت صيدولة انو في حدا بيشك بمشاعر الناس تجاهن لكن انا تكلمت عن الناس اللي حوالينا و اللي منحتك فين اكتر و انا بأيد رأي صيدولة أنو لكل انسان حوالينا دور ببناء الشخصية يعني بقلك بجد انو في ناس كنت اكرهن و اتمنى انفين من حياتي حاليا لما زاد احتكاكي فين حبيتن و تعلمت كيف اتعامل معن و صرنا صحبة و خزيت العين عنا ... يعني فيك تقول انو كانو سبب بتطوير شخصيتي لاعرف اتعامل مع هالنوع من البشر بالطريقة الأمثل ...
أما مشان خوفك ما يكون في مية واحد بدن ينفوني انا بأكدلك - و الله أعلم اكيد -,,, لكن كل انسان بيعرف حالو و اكيد الفضل لله علاقاتي جدا جدا ممتازة و ما بتصور انو في حدا بيتمنى ينفيني للمريخ غير الشخص اللي حكيت عنو اني كنت بتمنى انفيه و هلئ غيرت رأيي ههههههههههههههههه
بتصدق انك شككتني بحالي قاعد عم فكر بالناس مجموعة مجموعة انو من ناحية الجامعة و من ناحية الرفقة و من ناحية الاقارب ... يا أخي و الله ما طلع معي حدا ... لو بدك الحقيقة انا بخاف اني خاصم انسان لانو المتخاصمين محرومين من رحمة رب العالمين و ماني حابب كون من هدول الناس لذلك بحاول صلح اي خلاف و خلي علاقاتي حلوة كتير مع كل انسان بعرفو ...
واذا بضل هيك صدقني لحطك عالقائمة وانفيك ولا تخاف رح ابعتلك لهنيك مرضى كتير هههههههههههه
بعدين يا جماعة شبكن انا ما قصدي نتخلص من حدا كل القصة انو في مواقف بتزعجنا لدرجة انو منتمنى لو نخلص من شخص ما لفترة مؤقتة يعني بين ما تمرء الامور او تنحل القصص او حتى نروق ونعدل مزاجنا واكيد انا ما بخالفكن برايكن لو كان هالشي حقيقة
..........طيب خلص: بما انو الجميع مبسوط بحياتو ماعداي اتاثرت فيكن وقررت اهدى وفكر شوي وما رح انفي غيرشخص واحد مو بس زاعجني لأ زاعج الكل كمان(مروقين ياجماعة).........
.
,
قررت انفي حالي هيك برتاح وبريح
(احيانا اتمنى ان اكون هناك
على القمر وحدي
اتامل الناس بجنونهم وجدهم
بهرجهم ومرجهم
واحمد الله اني لست مضطرا لتحمل ضجيجهم
بينما تستعر في داخلي رغبة عارمة
لأكون جزءا من هذا الضجيج) ماتواخذوني يا جماعة, الاكتئاب نشط فيوز الفلسفة والله انتو اعقل مني معكن حق
بس اهم الشي تحبك العافية يا رب و ربي يحفظك و أنا اسعد بالتحاور بس يا أخي هدول الحمويين مدري شو قصتن فوريا بياخدوا الشغلة هيك بحرارة هههههههه نصيحة لا عاد تحكي مع حمويين *_*
والحوار كتير حلو وعجبني ..
بالنسبة إلي في أشخاص ممكن يكونوا دايقوني
بس الحمد لله مو لدرجة إني اتمنى ابعدهم من حياتي
بس ممكن اتجنب وجودي معهم بمكان واحد
حتى أنا بطبعي مسايرة لدرجة معقولة
ووفرت على حالي وجود هيك أشخاص
أما قصة النفي على جزيرة حلوة ..؟؟ عجبتني كتير
شو رأيكم أنا أختار الجزيرة
ونرووووح كلنا لهنيك ..؟؟؟؟
شو رأيكم بهالجزيرة .؟؟؟؟
نعمل مجمع العيادة السورية فيه
وما شالله عنا من كل الاختصاصات ..
بس المشكلة من وين بدنا نجيب مرضى .؟؟؟
.,23
هلئ مشان المرضى لا تاكلي هم حكيم قال اانو بيبعتلي مرضى !!! لساك عند وعدك حكيم ؟؟؟ لا تطفش دير بالك بعدين تعتبر خاسر ههههههههههههههه
وماشي خلي الحموية يحتلوا اجزاء جديدة من الكون بركي بيلتهو شوي بخخخخخخخخخخخخ
فكرة الجزيرة ظريفة لقراري الأخير ميرة بس على علمي انتو مبسوطين وما حدا زاعجكن!!!!!!!!!
بعدين شو هي خلي الحموية يلتهوا شوي هههههههههههههه نحن ما منلتهي عن شي ... على طول في عنا كوادر احتياطية للمهمات الخاصة
جد حكيم ودكتور احمد اتحفتونا
بس حكيم انا معك بانو في ناس لازمهن نفي
و لما يصحلي حسامحهن لاني كريمة واذا حدا بدو ينفيني بس على جزيرة ميرة انا ما حانسالو هالمعروف طول عمري
عندي اقتراح دمعة فرح و انا متأكد أنك موافقة ...
شو رأيك انا أنفيكي عالجزيرة و انتي تنفيني و هيك ما حدا بيضربنا منية و منكون صرنا بالجزيرة ... و هيك ما بتنسيلي هالمعروف طووووووول عمرك هههههههههه .... لانو انا من ناحيتي في حكيم حابب ينفيني .... و ينفيلي كم مريض مشان اشتغل فين ههههههه
قلتلك من الاول الحق معك حكيم بس ما حدا مصدق