نريد قسما للترفيه

حكيمحكيم مشرف حلقات البحث و الاستشارات الطبية
تم تعديل 2010/12/16 في الاقتراحات و التطويرات
اظن انه يجب اضافة قسم للترفيه في هذا المنتدى
قسم كهذا موجود في كل المنتديات ولا افهم لما هو غير موجود هنا
ارجو ان يؤخذ الامر بعين الاعتبار ومشكورين سلفا

التعليقات

  • dr.Hazemdr.Hazem مدير عام
    تم تعديل 2010/12/11
    طيب انا أوئيد ...
  • Dr.AhmadDr.Ahmad مدير عام
    تم تعديل 2010/12/12
    هههههههههههههههههههههه حازم أنت تؤيد هههههههههه ... عراسي اي ما تكرم بس يا ريت تبين شو نوع الترفيه !!! او شو ممكن يكون عنوان هيك قسم ,,, ما عندي أي مشكلة

    بس من ناحية انو مافي قسم ترفيه ... بالاسم مافي لكن المنتدى العام في مواضيع للترفيه ... بس قلتلك لازم توضح شو نوع الترفيه أو تحط مثال !! و لا شو رأيك حكيم
  • عاشقة العلومعاشقة العلوم عضو ماسي
    تم تعديل 2010/12/13
    هههههههههههههه
    ياسيدي انا بعطيك مثال

    عنوان الموضوع ........قالك مرة واحد حمصي

    هههههههه ههههههههه
  • حكيمحكيم مشرف حلقات البحث و الاستشارات الطبية
    تم تعديل 2010/12/13
    بسيطة ما رح نختلف عالاسم فينا نسميه قسم الترفيه اذا بدنا شي جدي وقسم الفرفشة اذا بدنا شي هزلي وقسم الضحك وقسم النكت وقسم الطرائف وقسم ابتسم وقسم روح عن نفسك وقسم تعال نضحك( وقسم ههههههههه على قولة عاشقة العلوم ههههه) وقسم .........وقسم.....يعني ما في فرق طالما في شي من اسمو ببيرسم البسمة
    وبالنسبة للمنتدى العام الله وكيلك يا دكتور احمد من القلة عم نحط فيه الشغلات اللي بضحك لأنو مالها مكان يستقبلها غيرو ولا لتكون خايف يهجروا الجماعة بقية الاقسام ويدمنوا عليه (بصراحة كتير من الناس اول شي بيفتحوا على قسم الترفيه يا زلمة الناس عم دور عالبسط بسراج وفتيلة..)
    على فكرة شو الغريب انو حازم يأيد الفكرة خليتني اخد انطباع عنو انو جدي كتير ......
  • Dr.AhmadDr.Ahmad مدير عام
    تم تعديل 2010/12/13
    ههههههه اي فيا وجهة نظر شو عليه !! .. فكرة حلوة بس انا حابب اعرف كمان شو ببال حكيم ؟؟ بركي ببالو فكرة تانية غير الحماصنة ههههههه ( مع حبي و احترامي لكل احبابي الحماصنة )
  • عاشقة العلومعاشقة العلوم عضو ماسي
    تم تعديل 2010/12/14
    لاتستغرب انو ايد الفكرة انا استغربت لما الدكتور احمد قبل الفكرة ههههههههههههههه انا قلت اكيد رح يرفض تماما
    معلومة جديدة الك اخي حكيم اكثر شخصين جديين في المنتدى الدكاترة حازم واحمد
    هاه الحماصنة كمان احبابي فلبقى توجه الاضواء من جهتي دكتور احمد انا بس حبيت اعطي مثال مثل ما طلب اخونا ههههههههههههههه
  • Dr.AhmadDr.Ahmad مدير عام
    تم تعديل 2010/12/14
    شو هالفكرة اللي اخدتيا عني نعيمة ... هلئ بيجوز معك حئ انا بضل اخد الشغلة جد بس أكيد بحب اتسلى شو ماني بشر .. هههههههه

    خلص نعيمة بعد هالقرار الحاسم اللي اخدتو انا لازم تغيري هالفكرة الصارمة عني ....

    هلئ بس وضحولي الطلب يعني مثلا بالمنتدى العام في كتير مواضيع ترفيهية ... يعني المقصود منتدى جديد باسم ترفيهي او شو ؟؟؟؟؟؟ وينك حكيييييييييييييم
  • حكيمحكيم مشرف حلقات البحث و الاستشارات الطبية
    تم تعديل 2010/12/14
    انا هون بين الأيادي.
    له له شو القصة د. أحمد عامل ديكتاتور بالمنتدى ومرعب الكل, الله يسامحك عاشقة العلوم كنتي قليلي بالأول بس شوفي تقييمي الشخصي لأبو حميد أنوشخص كتير اجتماعي ومرح وبينحب بس جده مو جديته (يعني مثابرته وتفانيه ) بتحسس الواحد أنو جدي وما بينحكى معو بقى يا هو هيك فعلا يا أما .....................................أيامي بالمنتدى صارت معدودة!!
    وبالنسبة لقسم الترفيه هو قسم منفصل عن المنتدى العام بس ضمن استراحة العيادة (أصلا ما بعرف كيف اسمها استراحة وما فيها قسم ترفيه؟؟) يعني متل مافي قسم رياضي وقسم تقني لازم يكون في قسم للترفيه منحط فيه الطرائف ,النكت,الكاريكاتورات ,المقالب . ........يعني قسم للترويح عن النفس والضحك ,ويا سيدي أنا بضمن يكون فيه مشاركات جديدة دائما ....موهيك شباب العيادة .
    طيب وين التأييد من بقية الأعضاء .......شو أنا لحالي بدي طالبلكن بحقوكن....................هلللو ........وينكن؟؟؟
  • غاردينياغاردينيا Foreign Languages Supervisor
    تم تعديل 2010/12/14
    مسا الخير جميعا بما انو الموضوع انطرح على المستوى العام فحبيت أنا كمان انو قول رأيي

    بالنسبة إلي أنا اختصاصي انكلش واهتماماتي ماإلها علاقة بالطب بس أول مادخلت منتديات العيادة

    حسيت انو هاد هو المكان اللي ممكن كون أنا فيه لأنو شفت فيه المعلومة المفيدة والمسلية بنفس الوقت اللي افتقدتها كتير

    لما كنت اتنقل بين المنتديات وخاصة السورية لهيك بالنسبة إلي أنا بيكفيني المنتدى العام اللي فيه الترفيه والفائدة بنفس الوقت

    وبتمنى اذا انفتح قسم جديد للترفيه يكون على مستوى بقية الأقسام هون بالعيادة مو متل أقسام الترفيه بباقي المنتديات

    بتمنى تتقبلوا مروري ورأيي
  • Dr.AhmadDr.Ahmad مدير عام
    تم تعديل 2010/12/15
    و الله غاردينيا رأيك فخر النا و تسلمي يا رب و ان شاء الله نبقى عند حسن الظن بوجود قسم خاص للترفيه أو عدمو ((( انا رايح ساويه هلئ كرمالكن .. )))

    حكيم يا سيدي الله يبارك فيك و تحبك العافية يا رب و الف شكر ... أخجلتم تواضعنا ... ,,, هي أبو حميد حبيتا منك كتير و ع فكرة حازم و علي ما بيقلولي غير أبو حميد و يمكن شفتو كتير ردود هيك ... و ع قولة الحلبيين " أبوس روحك "

    اما مشان يا هو هيك يا أما ............. لا خلينا على يا أما هههههه انا بحب الديكتاتورية هههههههههههه يا اخي حلو الواحد يكون مثلا نازي او فاشي ... انا صح حباب كتير لكن لما الأمر بيخرج عن حدود و بالتأكيد متل أي انسان عندو شي غالي عليه بدو يحرص عليه ما برضي شي يسيء للناحية العلمية بالمنتدى خصوصا و الموقع كلو عموما اللي هي حقيقة أهم شي بالموقع و هي حقيقة أخدت منا لحد الان 3 سنوات عمل دؤوووووووووب

    بعدين مين قلك اني خيفان ما يكون فيه مشاركات لكني بأكد على فكرة غاردينيا ( هي مشان صورة الديكتاتور تكمل عندك ههههههههه ) ... لانو بصراحة رأي عاشقة العلوم صحيح بهالخصوص لأني من قبل أغلقت المنتدى الثقافي لانو أخد أكتر من حدو فترة منيحة و لولا طلب الأعضاء الكرام ما كنت رجعت فتحتو ....
  • عاشقة العلومعاشقة العلوم عضو ماسي
    تم تعديل 2010/12/15
    ههههههههههه ولا يهمك دكتور احمد الجد مو اشي سيء بالعكس
    واكيد في وقت الضحك والمزح انت في المقدمة بس انا قبلك هههههههههه ووقت الجد انت قبلي شوي هههههه
    اخي حكيم بيني وبينك هو هيك لما ما بيكون الواحد بيعرفو عندنا بنقول "ميكونش مداصرو " ما بيسترجي يحكي معو بس هو مثل ما قلت انسان كتير حبوب وطيب وهي شهادة الكل بالمنتدى
    لا بقى تزعل منا دكتور احمد ههههههه بتعرف اختك
  • Dr.AhmadDr.Ahmad مدير عام
    تم تعديل 2010/12/15
    تسلمي دكتورة نعيمة ... بس ما فهمت المصطلح ... " ميكونش مداصرو " .. اول كلمة فهمتا بس التانية لا هههههههه
  • عاشقة العلومعاشقة العلوم عضو ماسي
    تم تعديل 2010/12/15
    مداصرو معناتا بتكون تعرفو منيح يعني صحبة قوية
  • Dr.AhmadDr.Ahmad مدير عام
    تم تعديل 2010/12/15
    بهي معك حق .... يسلموا نعيمة عالشرح ههههههههه ... ضفناه للقاموس
  • dr.Alidr.Ali مدير عام
    تم تعديل 2010/12/15
    أنا مع الأكثرية
    يا جماعة ماحد يصدق أحمد مو ديكتاتوري أبداً بالعكس ديموقاطي كتير لاني بعرفو و مداصرو كتير منيح ............. لما بيكون بدو ياخود رأينا بشغلة بيقول : عنكون أحد ثلاث حلين يا أما بتوافقو يا .... بتوافقو
    ههههههههههههههه أكيد عم امزح
  • Dr.AhmadDr.Ahmad مدير عام
    تم تعديل 2010/12/16
    أحد ثلاث حلين لكن !!!! هههههههه
    ما حدا يصدق انو ما ديكتاتوري

    خلص أبشروا ههههه و لا يهمكن ... هتلر جديد نازل عالساحة ... و لا قلكن بلاه هتلر ... بحب يكون الي شخصية مستقلة هههههههه
  • حكيمحكيم مشرف حلقات البحث و الاستشارات الطبية
    تم تعديل 2010/12/16
    يا خفي الألطاف نجنا مما نخاف ...........