إذا كان بايدكن

حكيمحكيم مشرف حلقات البحث و الاستشارات الطبية
تم تعديل 2010/12/15 في المنتدى العام
السلام عليكم شباب
اليوم وبما أني أمر بنوبات اكتئابية حادة هذه الايام أود أن اسالكم سؤال سبق وان وجهته لغيركم البارحة
إذا كان بإيدكن تنفوا اي شخص بدكن ياه الى عالم تاني ...كم بني ادم بتطلعوا من حياتكم؟؟؟؟وياترى هادا الشي بيوصل للناس القرايبين منكن؟؟؟؟ لاحظوا أنا ما عم اقول تموتو حدا يعني مو لهادرجة نواياي اجرامية:whistling: بس يعني أكيد في ناس على هالكرة الأرضية الكبيرة منغصين عليكم *&^ طيب
في حدا بيقول لازم تسأل كم حدا بتخلي مو كم حدا بطلع؟؟:wink:

فكروا وقلولي وشوفوا شو بيطلع معكم
*&^:sad:*&^

التعليقات

  • Dr.AhmadDr.Ahmad مدير عام
    تم تعديل 2010/12/09
    اي لكن حكيم ما اجرامية بس ما قبل اجرامية ...ههههههه

    انا بصراحة فكرت كتير ... يعني قلبت كل المواضيع الجديدة و شفتا و رديت رجعت ... اخي و الله ما طلع معي حدا .... انا مبسوط بحياتي و مافي مني و الحمد لله الحمد لله .................... لو جيتني قبل مدة كنت قلتلك على انسان بس سبحان الله انصرف لحالو عني ( حللللللل عني ) ... لذلك و بكامل ارادتي بقول مافي حدا حاليا على الاقل " ماني متذكر حدا حاليا " منغص عليي حياتي و حابب انفيه عالمريخ هههه
  • dr.Alidr.Ali مدير عام
    تم تعديل 2010/12/09
    في مجموعة واسعة من اللأشخاص بتمنى انو طالعون من حياتي .......بدون ما أأذيون
  • لحن الحياةلحن الحياة عضو نشيط
    تم تعديل 2010/12/09
    حلوة الفكرة حكيم ...
    هلأ اكيد بعض الاشخاص ممكن يعملو معي مواقف او يتصرفو تصرفات تزعجني لدرجة انو فعلا اتمنى انو يا ريتهم ما كانو موجودين بحياتي ...بس هيدا الشعور بحسه بلحظتها يعني لما بتصير الشغلة ....
    بس بشكل عام انا بشوف انو الاشخاص يلي بيدايقونا وبينغصو علينا احيانا بيعملو شوية اكشن بحياتنا وممكن كمان يعطونا حافز انو نتحداهم ونكون احسن منهم واذكى منهم وما نخلي محاولاتهم التنغيصية تنجح..
    وكمان بحس انو لما منشوف هيك اشخاص ومنتعامل معهم ..منحس اكتر بقيمة الاشخاص يلي منحبهم وبيحبونا ...
    لحظة لحظة !!!
    بس في استثناء وحيد !!!
    في كم دكتور بالجامعة يعني اذا فينا ننفيهم عالمريخ بتكون نعمة كبيرة للبشرية!!!
  • حكيمحكيم مشرف حلقات البحث و الاستشارات الطبية
    تم تعديل 2010/12/09
    يا خوفي يا دكتور أحمد يكون قلبك طيب وما بدك طلع حدا وبنفس الوقت يكون في ميت واحد بدون يطلعوك
    على كل لو فكرت بالموضوع شوي اكتشفت متل ماقال الدكتور علي في كتير ناس
    يعني بدك تقلي انو هال3-4 ملايين يهودي محتلين فلسطين مو زاعجينك ولا الناس اللي عم تموت بالعراق ما في حدا عم يضايقون
    يا زلمة اذا بدنا نحسبها هيك منطلعلنا بكم مليون
    بس المشكلة مو بهدول المشكلة بناس مضطرين نواجهن بحايتنا العملية ونتحمل عقدن ومشاكلن النفسية وامزجتن
    شي بيجنننننننننننننننننننننننننننننننن
  • صيدولةصيدولة عضو ذهبي
    تم تعديل 2010/12/10
    يعني بدك تقلي انو هال3-4 ملايين يهودي محتلين فلسطين مو زاعجينك ولا الناس اللي عم تموت بالعراق ما في حدا عم يضايقون
    يا زلمة اذا بدنا نحسبها هيك منطلعلنا بكم مليون
    هاد امر مفروغ منو ... بس مابظن حدا فكر بهدول اصلا ... متل ما قلت دكتور المشكلة لاللي عم نضطر نتعامل معن كل يوم ...

    بالنسبة إلي لو كان بإيدي ما بظن رح طالع اي حدا من حياتي .... اكيد مو لأنو ما في حدا زاعجني وعم يعكرلي صفو حياتي وبيعملي نوبات اكتئاب وكراهية للدنيا ()*&()*&.. لا ابدا ... بس مدري ليش عندي اعتقاد او يمكن يقين ... انو اي انسان بيمر بمرحلة بحياتي إلو دور معين ... سواء كان هالدور ايجابي او سلبي او حتى حيادي مو مهم ... المهم انو انا بالاخير اكيد رح استفاد من وجودو ... ما بعرف كيف ...بس شو ما كانت هالاستفادة .. اكيد موجودة... مشان هيك مابدي طالع اي حدا من حياتي ... يمكن فكر بإضافة ناس بتمنى وجودن بس هي ما بظن ابدا تكون بإيدي ...
    كأنو تفلسفت كتير .... عموما موضوع كتير حلو دكتور ... أفكارك كتير مميزة ...
  • Dr.AhmadDr.Ahmad مدير عام
    تم تعديل 2010/12/10
    لا لا لا طول بالك حكيم انا صح قلبي طيب لكن و الله ما عن قصرة ابدا ... انا اخد الدنيا ريلاكس يعني لو حدا تقل دم عليي و هو موجود فعلا انا كمان بطققلو روحو و هو عم يضحك حصرا ... و هيك انا بصير بضحك و بنغصو متل ما بدو يتقل دم عليي بس برجع بأكد انو الشغلة كلها بالضحك و بدون ما يحس ابدا (( على قولة الشباب : بالهيلمة ههههههههه )) ... انا بداية بعامل الناس متل ما بحب يعاملوني لكن لما حدا يتقل دم أو اي شي بيزعجني برد عليه بما هو مناسب بدون ما ازعجو بشكل مباشر .. و الكل بيعرفني بالكلية اني ما بخجل ههههههههههه

    هلئ مشان فكرة اليهود و هالناس الــ!@#@%$#$% هدول أكيد ما بختلف معك و لا بظن متل ما تفضلت صيدولة انو في حدا بيشك بمشاعر الناس تجاهن لكن انا تكلمت عن الناس اللي حوالينا و اللي منحتك فين اكتر و انا بأيد رأي صيدولة أنو لكل انسان حوالينا دور ببناء الشخصية يعني بقلك بجد انو في ناس كنت اكرهن و اتمنى انفين من حياتي حاليا لما زاد احتكاكي فين حبيتن و تعلمت كيف اتعامل معن و صرنا صحبة و خزيت العين عنا ... يعني فيك تقول انو كانو سبب بتطوير شخصيتي لاعرف اتعامل مع هالنوع من البشر بالطريقة الأمثل ...

    أما مشان خوفك ما يكون في مية واحد بدن ينفوني انا بأكدلك - و الله أعلم اكيد -,,, لكن كل انسان بيعرف حالو و اكيد الفضل لله علاقاتي جدا جدا ممتازة و ما بتصور انو في حدا بيتمنى ينفيني للمريخ غير الشخص اللي حكيت عنو اني كنت بتمنى انفيه و هلئ غيرت رأيي ههههههههههههههههه

    بتصدق انك شككتني بحالي قاعد عم فكر بالناس مجموعة مجموعة انو من ناحية الجامعة و من ناحية الرفقة و من ناحية الاقارب ... يا أخي و الله ما طلع معي حدا ... لو بدك الحقيقة انا بخاف اني خاصم انسان لانو المتخاصمين محرومين من رحمة رب العالمين و ماني حابب كون من هدول الناس لذلك بحاول صلح اي خلاف و خلي علاقاتي حلوة كتير مع كل انسان بعرفو ...
  • حكيمحكيم مشرف حلقات البحث و الاستشارات الطبية
    تم تعديل 2010/12/10
    شو دكتور احمد مين جاب سيرة تقل الدم يا زلمة كنا عم نمزح منشان الحموية ما بدها والله انا حبيتك وحبيت اتحاور معك بس
    واذا بضل هيك صدقني لحطك عالقائمة وانفيك ولا تخاف رح ابعتلك لهنيك مرضى كتير هههههههههههه
    بعدين يا جماعة شبكن انا ما قصدي نتخلص من حدا كل القصة انو في مواقف بتزعجنا لدرجة انو منتمنى لو نخلص من شخص ما لفترة مؤقتة يعني بين ما تمرء الامور او تنحل القصص او حتى نروق ونعدل مزاجنا واكيد انا ما بخالفكن برايكن لو كان هالشي حقيقة
    ..........طيب خلص: بما انو الجميع مبسوط بحياتو ماعداي اتاثرت فيكن وقررت اهدى وفكر شوي وما رح انفي غيرشخص واحد مو بس زاعجني لأ زاعج الكل كمان(مروقين ياجماعة).........
    .
    ,
    قررت انفي حالي هيك برتاح وبريح
    (احيانا اتمنى ان اكون هناك
    على القمر وحدي
    اتامل الناس بجنونهم وجدهم
    بهرجهم ومرجهم
    واحمد الله اني لست مضطرا لتحمل ضجيجهم
    بينما تستعر في داخلي رغبة عارمة
    لأكون جزءا من هذا الضجيج) ماتواخذوني يا جماعة, الاكتئاب نشط فيوز الفلسفة والله انتو اعقل مني معكن حق
  • Dr.AhmadDr.Ahmad مدير عام
    تم تعديل 2010/12/11
    عم امزح يوه شبنا حكيم باينتك انت اخدتا جد هههههههه انا عم احكي من باب المثال .... بعدين ع فكرة حلوة فكرة النفي بس قلي لوين ... انا برضى تنفيني على شي جزيرة حلوة ههههههه

    بس اهم الشي تحبك العافية يا رب و ربي يحفظك و أنا اسعد بالتحاور بس يا أخي هدول الحمويين مدري شو قصتن فوريا بياخدوا الشغلة هيك بحرارة هههههههه نصيحة لا عاد تحكي مع حمويين *_*
  • ميرةميرة المشرفة العامة
    تم تعديل 2010/12/11
    مشكوووور حكيم على أفكارك الحلوة ..
    والحوار كتير حلو وعجبني ..
    بالنسبة إلي في أشخاص ممكن يكونوا دايقوني
    بس الحمد لله مو لدرجة إني اتمنى ابعدهم من حياتي
    بس ممكن اتجنب وجودي معهم بمكان واحد
    حتى أنا بطبعي مسايرة لدرجة معقولة
    ووفرت على حالي وجود هيك أشخاص

    أما قصة النفي على جزيرة حلوة ..؟؟ عجبتني كتير
    شو رأيكم أنا أختار الجزيرة
    ونرووووح كلنا لهنيك ..؟؟؟؟
  • ميرةميرة المشرفة العامة
    تم تعديل 2010/12/11
    2678.imgcache
    2679.imgcache
    اليكم الان صور هذه الجزيرة عن بعد
    2680.imgcache
    2681.imgcache
    2682.imgcache
    شو رأيكم بهالجزيرة .؟؟؟؟
    نعمل مجمع العيادة السورية فيه
    وما شالله عنا من كل الاختصاصات ..
    بس المشكلة من وين بدنا نجيب مرضى .؟؟؟
    .,23
  • Dr.AhmadDr.Ahmad مدير عام
    تم تعديل 2010/12/11
    انا اكييييييييييييد موافق يا هيك الجزر يا بلا شو هالذوق المميز ميرة ...


    هلئ مشان المرضى لا تاكلي هم حكيم قال اانو بيبعتلي مرضى !!! لساك عند وعدك حكيم ؟؟؟ لا تطفش دير بالك بعدين تعتبر خاسر ههههههههههههههه
  • حكيمحكيم مشرف حلقات البحث و الاستشارات الطبية
    تم تعديل 2010/12/11
    لا.لا انا ما اخدت الشغلة جد بس خفت تكون انت اخدتها فحبيت وضح بعدين مين اقترح فكرة الجزيرة شو بدي ابعتك سيران ..........انا كنت عم قكر بالمريخ او الزهرة اوشي مجرة نواحينا
    وماشي خلي الحموية يحتلوا اجزاء جديدة من الكون بركي بيلتهو شوي بخخخخخخخخخخخخ
    فكرة الجزيرة ظريفة لقراري الأخير ميرة بس على علمي انتو مبسوطين وما حدا زاعجكن!!!!!!!!!
  • Dr.AhmadDr.Ahmad مدير عام
    تم تعديل 2010/12/11
    هلي حكيم ميرة ما حدا بدو ينفيا بس انا على علمي انك كنت مفكر تنفيني ... انا رح جبلك عنوان هي الجزيرة من ميرة مشان تبلش اجراءات النفي ههههههههه

    بعدين شو هي خلي الحموية يلتهوا شوي هههههههههههههه نحن ما منلتهي عن شي ... على طول في عنا كوادر احتياطية للمهمات الخاصة
  • دمعة فرحدمعة فرح عضو مميز
    تم تعديل 2010/12/14
    اول مرة بستمتع بنقاش لهالدرجة
    جد حكيم ودكتور احمد اتحفتونا
    بس حكيم انا معك بانو في ناس لازمهن نفي
    و لما يصحلي حسامحهن لاني كريمة واذا حدا بدو ينفيني بس على جزيرة ميرة انا ما حانسالو هالمعروف طول عمري
  • Dr.AhmadDr.Ahmad مدير عام
    تم تعديل 2010/12/14
    اذا حدا بدو ينفيني بس على جزيرة ميرة انا ما حانسالو هالمعروف طول عمري

    عندي اقتراح دمعة فرح و انا متأكد أنك موافقة ...

    شو رأيك انا أنفيكي عالجزيرة و انتي تنفيني و هيك ما حدا بيضربنا منية و منكون صرنا بالجزيرة ... و هيك ما بتنسيلي هالمعروف طووووووول عمرك هههههههههه .... لانو انا من ناحيتي في حكيم حابب ينفيني .... و ينفيلي كم مريض مشان اشتغل فين ههههههه
  • Dr.AhmadDr.Ahmad مدير عام
    تم تعديل 2010/12/14
    صحي و الله ميرة على قولة دمعة فرح " هي جزيرتك " بقى اذا بدنا ناخد شقفة ارض من الجزيرة ما تغلي السعر علينا هههههههه
  • حكيمحكيم مشرف حلقات البحث و الاستشارات الطبية
    تم تعديل 2010/12/15
    لسه بقولولي جزيرة...............انا بقلن عالمريخ وهنه بقولولي جزيرة ..............عالمريخ عالمريخ وفي عطارد للناس البردانين بس.............وإذا حدا حابب يعترض عندي دفعة جديدة لسه ما طلعت .شي حلو والله بدنا ننفي العالم على كيفن هلأ عالجزيرة بكرة على شرم الشيخ بعدين بماليزيا بعدين الله أعلم ....لأ وببيقولولي ليش عم نتفي العالم لك اذا ارض المنفى تحولت لسلعة تجارية شو بقي؟!!!!!!!!
  • دمعة فرحدمعة فرح عضو مميز
    تم تعديل 2010/12/15
    ههههههههههههههههه
    قلتلك من الاول الحق معك حكيم بس ما حدا مصدق