عندك شي غريب؟؟؟؟؟؟

حكيمحكيم مشرف حلقات البحث و الاستشارات الطبية
تم تعديل 2010/12/14 في المنتدى العام
مرحيا لكل شباب العيادة السورية
صرلي 3 أشهر عم فوت عالمنتدى وتابع بس. اخيرا قررت سجل وشارك :redface:بجوز انتو ما بتعرفوني بس انا عندي فكرة صغيرة عن كل واحد فيكم واول موضوع خطر ببالي قررت حطو بهالمنتدى
شوفوا شباب كل الناس بمن فيهم انا عنا عادات غريبة ومعتقدات عجيبة من نوع ما بتخلينا أحيانا نتصرف تصرفات بجوز تبين لغيرنا مالها معنى او حتى (غبية) يعني مثلا
في ناس ما بتتهنى بشرب القهوة غير بالكاسة
في ناس ما بتشعر بالراحة بعد التعصيب إلا إذا كسرت صحن
في ناس ما بتقدر أذا شافت فار مجرد شوف إلا ما تتحمم (خصوصا الجنس اللطيف)
في ناس بتعتقد أنو إذا شافت شخص معين رح ينتزع يومها
وفي ناس......وناس......و.....
هلأ أنت وأنا رح نكتب عن أشياء غريبة منعملها بس لأنو منستمتع فيها أو معتقدات منأمن فيها من دون ما يكلها أي معنى إلا عنا ومنخاف منعبر عنها ادام حدا
هلأ خدوا راحتكم وشاركونا وعبروا ولا تخافوا ما حدا رح يعيركم 0كلنا بالهوا سوا وما حدا أحسن من حدا.............)

التعليقات

  • صيدولةصيدولة عضو ذهبي
    تم تعديل 2010/11/30
    اهلا وسهلا اخ حكيم ... اسمحلي كون أول المعلقين عالموضوع ...
    اول شي بتمنى تكون الفكرة اللي أخدتا عن كل حدا فينا هون حلوة وبمحلها ... وبظن اذا مو هيك ماكنا شفنا مشاركاتك معنا ... وان شاء الله بتستفيد وبتفيدنا ...
    فكرة موضوعك كتير حلوة ومهضومة... وانا معك انو كل حدا فينا عندو عادات معينة خاصة فيه... بس مابظن رح تندرج ضمن المعتقدات ... واكيد ماكلها رح تكون صحيحة او حتى منطقية...
    بصراحة من جهتي ماخاطر ببالي شي حاليا... بس بتمنى اذا حدا حكالنا شي هو بيعملو يخبرنا سبب او تفسير هالشي من وجهة نظرو ... يمكن يكون مقنع ...

    وإلي عودة لمشاركة تانية بإذن الله
  • dr.Alidr.Ali مدير عام
    تم تعديل 2010/11/30
    أنا ما برتاح بالدراسة إلا إذا كان جنبي أي شي بيتحرك
    مثلاً : تلفزيون صوتو ملغى
    شخص ساكت
    لعبة
    شباك و مشهد الشارع
    طبعاً بس شي يكون بدون صوت عالي مشان التركيز
  • Dr.AhmadDr.Ahmad مدير عام
    تم تعديل 2010/12/01
    اهلا و سهلا فيك حكيم نورتنا

    المشكلة انو عندي كتير شغلات غريبة ههههههههههه بس ماني متذكر شي هلا ... فضيحة صدقني ... مع ذلك رح حاول اتذكر

    لما كون بدي ادرس اذا في اي شي عم يتحرك شو ما كان مستحيل اقدر ركز ... حتى لو موجود معي بالغرفة شخص تاني و ساكت لكن موجود قدام عيوني ما بقدر ادرس ابدا مشان هيك بحط طاولة دراستي بزاوية الغرفة و بدير وجهي للزاوية
  • حكيمحكيم مشرف حلقات البحث و الاستشارات الطبية
    تم تعديل 2010/12/01
    صيدولة : لا .لا تخافي الفكرة اللي اخدتها عنكم مميزة فعلا خصوصا بزحمة المنتديات اللي زرتها
    د علي : أنا بحب تابع رأيك ما عندك شي تاني
    د احمد : بتعرف شو تخيلت لما قريت ردك .تخيلت إنك ما بتقدر تدرس إذا في اي كائن حي عم ينبض بالحياة جنبك ( يا زلمة صحبتك بتخوف)
    بس على فكرة الشغلة بدها تفكير لأنو نحنا ولا مرة جربنا نفكر بهيك شي فإذا في حدا ما طلع معو شي مباشرة لا يزعل .هلأ أنا عم دورلكن على غرائب العادات بين رفقاتي .استنوني.............
  • دمعة فرحدمعة فرح عضو مميز
    تم تعديل 2010/12/01
    هلا حكيم ونحنا كتير انبسطنا بانضمامك لاسرتنا
    الحقيقة موضوعك مثير للاهتمام وفكرت كتير حتى قدرت اكتب
    يمكن عاداتنا الغريبة مهما كانت هي نوع من التمرد والتميز اللي منفرضو على الوسط المحيط
    انا مثلا لما بدي اكتب اي شي لازم ما خربط باول خمس سطور لاني بعيد كل شي
    واذا كنت عم اكتب والقلم فاتح شوي برجع بغمق كل كلمة وما برتاح الا اذا عملت هيك
    اما اذا دخلت من باب باليسار برجع برجوع وبدخل باليمين والا بينتزع مراقي وبقعد مزعوجة
    ما بعرف هي اشيا بايخة وكتيرة بس هاد اللي طلع معي وبظن انو هاد الي بحدد الاختلاف بالشخصيات بين الناس
  • Dr.AhmadDr.Ahmad مدير عام
    تم تعديل 2010/12/01
    اول شي الحمد لله حكيم انو الفكرة عن منتدانا مميزة لأنو التميز شي أساسي بأذهاننا من اول ما بدانا بالمنتدى من عدة سنوات و الحمد لله لا زلنا على نفس المسيرة

    بعدين طول بالك عليي شوي و الله أنا حباب بس شو ساوي اذا عقلي ما بيجمع كتير ههههههههه

    تذكرت شغلة .. اني لما بكون قاعد عم ادرس على ورقة و قلم بتكون الصفحة ربعها فيا كتابة و الباقي كل الصفحة رموز و رسمات صغيرة و شخاويط و خطوط ... يعني بتطلع لوحة فن تشكيلي غييييييير شكل
  • dr.Hazemdr.Hazem مدير عام
    تم تعديل 2010/12/01
    طيب أنا لما بنام مابعرف نام إلا إذا ماكان في و لا بصيص ضو !!!! مدري ليش و إذا في نواسة و لو صغيرة شغالة مابعرف نام !!!
  • حكيمحكيم مشرف حلقات البحث و الاستشارات الطبية
    تم تعديل 2010/12/01
    طيب شباب من غرائب العادات اللي شفتها أنو في واحد كاتب ورقة باخر صفحة بمذكراته عنوانها اشخاص يجب ألا يكونوا في الحياة وحاطط فيها أسماء كل الناس يلي بيكرههن أول شي قلت لحالي هازلمة عندو نوايا اجرامية بس بعدين اكتشفت أنو هي طريقتو لتفريغ شحنات الكراهية أو حتى مجرد الغضب حتى أنو أحيانا بيحط ناس كتير مقربين منه حتى انا اكتر من مرة كنت منهن!!!!!
    قضيت خمس سنوات دراستي أطلع على الدرج في الجهة اليمنى من التفق مع أن طريق بيتي لليسار وكل ما كانوا يجوا معي رفقاتي كانوا يضحكوا علي!!!!!!!!
    لما كنت صغير كتبت قصة بوليسية عن تاجر مخدرات المشكلة أني ألفت هالقصة عن بياع درويش بحارتنا ولهلأ ما بعرف ليش دائما بحسه مجرم وبتجنب أتعامل معه !!!!!!!!!


    بتعرفوا أنا قبل ما أكتب الموضوع كنت مفكر بكتير شغلات بس متل ما قال د أحمد يمكن بتصير فضيحة لهيك اكتفيت بهالقدر .يمكن نحنا منحب نخبي هالشي وإلا إذا عرضناه عالناس بصير شي سخيف وبيبطل يكون شي مميز فينا .متل ما قالت دمعة فرح نحنا منحب نحتفظ بهالفروقات يلي بتميزنا ولو حتى قدام أنفسنا بس.
  • لحن الحياةلحن الحياة عضو نشيط
    تم تعديل 2010/12/01
    شكرا حكيم عالموضوع الحلو ...بالنسبة الي تذكرت شغلتين يمكن يكونو غريبين شوي. او على الاقل ما شفتن بين معارفي ورفقاتي...اول شي لما بنزل عالسوق يا لطييييييييييييف كيف بصير.. وجهي ما بيتفسر !!!
    انا كتير ذوقي صعب وبطلع الف علة بالشغلة...واكتر شي بيعصبني انو انزل عالسوق وما لاقي شي يعجبني ..وقتها عنجد انا ما بعرف حالي لدرجة انو ممكن اترك اهلي وارجع عالبيت(الله يعينهم عنجد)...
    الشغلة التانية اني ما بقدر نام بالليل اذا حدا من اهلي فايق ..يعني مستحيل اقدر اغفى اذا في حركة بالبيت او التلفزيون شغال...يعني حتى لو كنت نعسانة بنطر كل اهلي لينامو وبعدين بروح نام ..يعني انا اجباري اخر شخص بينام بالبيت!!!
    كمان اتذكرت شغلة انو لما بيكون عندي امتحان ما بقدر نام بالليل ..هلأ احيانا ما بكون مخلصة وبنجبر اسهر بس حتى لو كنت مخلصة المادة ورحت لنام ما بقدر و بضل متوترة!!
    لحظة كمان اتذكرت شغلة رابعة انو بحب اشرب الشاي او الميلو بكاسة معينة بتكون عريضة من فوق واضيق من تحت بينما بكره الكاسة بلي كلها نفس العرض!!
    اففففف صارو اربع شغلات !!!الظاهر اني غريبة شوي وما كنت بعرف!!!
  • غاردينياغاردينيا Foreign Languages Supervisor
    تم تعديل 2010/12/01
    مشكور أخ حكيم فكرة كتير حلوة هو بصراحة خوفتني للوهلة الأولى بس بعد ماتعمقت فيها حبيتها
    لأنها ببساطة بتشكل نوع من المواجهة بين الشخص وذاتو وتخليه يبحث عن الأسباب اللي بتخليه
    يتصرف هي التصرفات الغريبة

    بالنسبة إلي من الأشياء الغريبة اللي بساويها هي انو مافيني ادرس بلا ما حط ايدي بشعري يعني حتى وصلت لمرحلة
    انو حاولت حط بوند لحتى اتخلص من هالعادة بس بدون فايدة مابقدر ركز إلا بهي الطريقة
    والشي التاني هو مشكلتي مع قلم الرصاص صديقي الدائم واللي بضل بضيعو وببرم عليه البيت أكتر من أربع خمس مرات باليوم
    ومابقبل اكتب إلا فيه لدرجة انو ماما قررت مرة انو تحطلي ياه بسلسلة لحطو برقبتي
  • Dr.AhmadDr.Ahmad مدير عام
    تم تعديل 2010/12/02
    لاحظتو انو لحد الان بين كل الردود مافي و فعل غريب بيشبه التاني !!! يمكن أو أكيد هاد هو وجه التميز اللي حكيتي عنو دمعة فرح ما هيك ؟؟؟

    ع فكرة حكيم ع سيرة الدرج تذكرت أني لما ارجع عالبيت في بنص الرصيف خط بلاط مميز عن باقي الرصيف ما بعرف ليش بحب امشي بس على الصف هاد يعني ببين مدري كيف قدام الناس و انا بس بدي امشي عليه !! ههههه ما حدا يضحك عليي !!! حتى اني كتير أيام بحاول عد عدد البلاطات اللي مشيت علين هههههههههههههه .... بيجوز هالشي لاني ما تعودت انو يكون مخي ما عم يساوي شي فكتير أيام بلهي تفكيري بشغلة فاضية كتير المهم ما يوقف لا شغلة و لا عملة

    و لما كون بالي مشغول كتير بشي معين سواء دراسة او غيرو بتصيير معي مواقف بصراحة انا بقول عن حالي انا جنان او ... مممم اي شي تاني بيشبه الجنان ... مرة كنت مشغول كتير و لزمني مقص قمت دورت البيت كلو و لهيت اهلي و فتلت شي نص ساعة بالبيت و ما كان لاقيه داخ راسي بالاخر بعد ما مليت و قعدت و بطلت دور انتبهت انو المقص كان بيدي و ما كنت منتبهلو *_* ممممم ... كمان ما حدا يضحك ههههههههههههههه
  • دمعة فرحدمعة فرح عضو مميز
    تم تعديل 2010/12/05
    دكتور احمد افعالك الاخيرة مهضومة جد وبتصير كتير من جهتي صايرة كتير
  • ميرةميرة المشرفة العامة
    تم تعديل 2010/12/05
    مشكووور أخ حكيم على الموضوع الحلو ..
    فعلا هي التصرفات بتكون من شخصية الناس
    بس ما بنحب يمكن نظهرها كلها ..؟؟؟
    هلئ أنا من جهتي أول شي خطر ببالي ..؟؟
    هو اني لما خلص شغل بدل ما ارتاح أو روح على التلفزيون بفتح النت
    جد بحس براحة كبيرة لما اقرأ شي جديد ..أو شوف إخوة أعزاء متلكم
    مهما كنت تعبانة..

    ولي عودة لما اتذكر شي تاني
  • حكيمحكيم مشرف حلقات البحث و الاستشارات الطبية
    تم تعديل 2010/12/05
    شفتوا يا شباب إذا على مستوى الطبقة المحسوبة عالمثقفين منتصرف احيانا بشكل أقل شي بينقال عنه إنو مو منطقي
    بس رغم ذلك مندافع عن انفسنا ومنتمسك بهالعادات الغريبة
    هادا طبعا وفي اشياء ما حكيناها متل ما قال الدكتور أحمد (بتصير فضيحة )بس الممتع أنو الواحد يعرف انو مو لحالو بيتصرف هيك وأنو مو عيب يكون إلو حيز طفولي أو غير منطقي خاص فيه
    شو دكتور احمد كل الحمويه هيك (عم اقول ليش الرصيف بحماه مافي بركة ودغري بيخلص )
    ميرة مشاركاتك دائما مميزة سرني ردك
    غاردينيا شكرا لمرورك المميز (ونصيحة مني تتحولي للأقلام الناشفة رفقا بنا وبالبيئة ..........ووقتها ضيعي قلام قد ما بدك. )
  • ميرةميرة المشرفة العامة
    تم تعديل 2010/12/05
    تسلم حكيم
    وجودك معنا أسعدنا أكثر
  • Dr.AhmadDr.Ahmad مدير عام
    تم تعديل 2010/12/06
    شو دكتور احمد كل الحمويه هيك (عم اقول ليش الرصيف بحماه مافي بركة ودغري بيخلص )

    ممممممممم لا انا طفرة بين الحمويين ... بجد ضحكتني من قلبي لردك ... بعدين من وين حضرتك حكيمنا ؟؟؟

    بعدين حتى و لو كنا محسوبين على الطبقة المثقفة ... حقيقة أنا بعتبر الحيز الطفولي اللي بشخصيتي جزء أساسي و انا ما بخبيه أبدا و هالشي اكيد صار واضح لهلء ... حتى بعتبر انو الحيز الطفولي هو جزء مهم بشخصيتي حاليا ...


    دمعة فرح : الله يبشرك بالخير ... و شكرا كتير انو سميتيا " مهضومة " بس ..... ههههه
  • حكيمحكيم مشرف حلقات البحث و الاستشارات الطبية
    تم تعديل 2010/12/06
    هيك لكن.................طيب بالله عليك كل الطفرات بحماه هييييييك؟!!!
    وبعدين دكتور لازم تكون خمنت أنا من وين ولو!!
    (بس لا تخاف مالي طفرة حموية)
  • Dr.AhmadDr.Ahmad مدير عام
    تم تعديل 2010/12/06
    هييييييييييك !!!!!! ما بعرف ليش حاسس هالشي بيتنافى مع قولك مانك طفرة حموية ههههههههههههههه

    يا سيدي الكريم حقك عليي صعب خمن هالايام بعيد العنك مخي على هوى الطفرة ما عم يشتغل كتير ههههههه
  • dr.Alidr.Ali مدير عام
    تم تعديل 2010/12/07
    أنا بقول حكيم من الشام طبعاً لسببين
    الأول انو بيدرس طب أسنان و في نفق أمام الكلية و بالجامعات التانية غير جامعة دمشق مافي أنفاق على حد علمي
    التاني انو قال (أنا مالي طفرة حموية) كلمة (مالي)
    ما بعرف يمكن ما يكون صح ......؟؟؟؟؟؟؟
  • حكيمحكيم مشرف حلقات البحث و الاستشارات الطبية
    تم تعديل 2010/12/07
    دكتور أحمد شو قصدك بدك تقول إني طفرة حموية يا سيدي طفرة بس مووووو حموية
    ويا دكتور علي طيب كشفتنا وبالدليل كمان
    , طيب خلينا عم نستفز الحموية شوي .بيقولوا عنا أنو ما حدا بيطلعلوا مع الحموية ..............إلا الشوام. حبيت أكد الموضوع بتجربة سريرية مو أكتر
    ولا حدا يزعل :دام الجميع طفرات فعالة للوسط الطبي السوري بمن فيكم أنا .هههههههه
  • صيدولةصيدولة عضو ذهبي
    تم تعديل 2010/12/07
    ما شاء الله عليك دكتور علي ... (لو المحقق كونان مو هيك!!! ) بس ع فكرة دكتور .... نحنا كمان عنا نفق ئدام الجامعة :smile:....
  • dr.Alidr.Ali مدير عام
    تم تعديل 2010/12/07
    أخ حكيم أكيد كلنا أخوة .......... و بالتأكيد الشوام كلون زعما يعني من زملاءنا بالكلية و انتو طالعين..........
    صيدولة ...... معلوماتي على أدها احساسي قال من الشام ما بعرف ليش ........... بس على كا أذكر كان النفق عندكون بعيد عن كلية الأسنان
  • Dr.AhmadDr.Ahmad مدير عام
    تم تعديل 2010/12/07
    صح علي النفق بتشرين بعيد عن كلية الأسنان ... ...

    يا جماعة و الله ما بوجه علي ... عندو قدرة رهيبة على تحليل و دراسة المواقف و كشف الغاز غريبة عجيبة ... ما هيك علي يا رجل ما بنسى يوم طالعين من مشفى الحوراني هههههههه

    اما حكيم أهلا و سهلا فيك نورت و الله .... و أهلا بكل الشوام و انا بعترف انكن ما بينخاف عليكن على قولة الشباب " جمع: حرابيئ " بس يا أخي اني استفزاز يبدو انك اجيت على الانسان الغلط ... هههههههههههه لانو لو يجي لعندي زياد سحتوت بزاتو بيطلع من عندي عم ينتف شعرو من برادة قلبي هههههههههههههههههههههههههه و هالحكي بشهادة كل العيلة انو ابرد من قلبي ما بيلتقى .... لك خالص التحية
  • دمعة فرحدمعة فرح عضو مميز
    تم تعديل 2010/12/08
    جددكتور علي صار بينخاف منك
    لازم نحسب حساب كل شي والا على قول صيدولة منروح فيها هههههههههههه
  • Dr.AhmadDr.Ahmad مدير عام
    تم تعديل 2010/12/08
    طولي بالك دمعة فرح .. يعني علي ما شاء الله عنو غير شكل بس ما بيخوف ... حباب كتير و طيوب ... ابو ناصر وينك ؟؟؟؟ هههههههههههههههه
  • dr.Alidr.Ali مدير عام
    تم تعديل 2010/12/09
    معععععععععععععكووووووووووووون عما ساوي النشرة الدورية ................
    له سا أبو حميد كلنا تلاميذك
    و متل ما قال أحمد ....... طولي بالك دمعة فرح .....و الله أنا انسان بسيط اللي بيسمعكون بيقول اني شي عميل لل كي جي بي.......
  • Dr.AhmadDr.Ahmad مدير عام
    تم تعديل 2010/12/10
    الله يعطيك العافية اخوي ... و يبارك فيك .. شو هي تلاميذ ما تلاميذ انا بصدق هههههههههههههههه
  • دمعة فرحدمعة فرح عضو مميز
    تم تعديل 2010/12/14
    انا بقصد بس كونان والله كونان حباب
    انا بتابع كل حلقة بحلقتهاهههه