3 أمنيات فقط

التعليقات

• غاردينيا Foreign Languages Supervisor

  2010/12/02 تم تعديل 2010/12/02

  شكرا كتير د.أحمد عالموضوع لأنو اجا بوقتو
  
  وحدة من أهم امنياتي بهي اللحظة هي صلاة الجمعة بكرة عند الكعبة المشرفة لأنو الصلاة هنيك بتنقلك لعالم تاني وبتشحنك عن مية سنة لقدام وبصراحة انا كتير بحاجة لهالطاقة بهالوقت
  
  أما أمنيتي التانية فهي اقدر حقق أمنية والدي وهي انو احصل على إجازة في القرآن الكريم بعد ماوقفت السنة الماضية
  
  لأنو كانت سنة تخرج وبصراحة اندمت كتير
  
  آخر أمنية هي انو كون شخص فعال بالمجتمع بجد قادر على التأثير بالآخرين وترك بصمة حلوة عند الناس مو كون مجرد شخص عايش لمجرد الأكل
  
  والشرب والنوم
• صيدولة عضو ذهبي

  2010/12/03 تم تعديل 2010/12/03

  3 امنيات بس ... عنجد صعب هيك ... معلش جاوب عليهن بالتدريج؟؟؟:redface::redface:
  
  بتعرف دكتور .... عندي اهداف كتير حابة حققها بحياتي وحاططتا قدامي ع طول ... بس ولامرة فكرت بأمنية محددة ...
  
  غاردينيا انتي بتعرفي اولى امنياتي اللي صرلا مدري كم سنة .... وهي انو زور الكعبة المشرفة ... وبإذن الله بتتحقق هالسنة .. واكيد مابروح الا معك ...
  
  
  دكتور احمد ... وينهن امنياتك ؟؟ @!#&^@!#&^
  
  سؤال صغير خطر ببالي .... شو رأيكن الفرق بين الامنية والهدف ؟؟؟ ولا ما في فرق ؟؟
• د.مفدى زهور عدي عضو ذهبي

  2010/12/03 تم تعديل 2010/12/03

  موضوع حلو ومميز....
  
  أمنياتي:
  1- التقي مع كل اعضاء المنتدى يوما ما...
  
  2-أفرح بجميع أولادي وبناتي.
  
  3-أزور برحلة لكل دول العالم...
  
  الأمنية هي نوع من الأماني والتمني والرغبة....الهدف هو مشروع ومنهج يسعى الشخص لتحقيقه وقد يكون مشروعا أو خطة أو رغبة منهجية طامحة لشيء ما....
• جاد عضو نشيط

  2010/12/03 تم تعديل 2010/12/03

  امنية واحدة تكفي
  
  ان يرضى الله عنِّي
• Dr.Ahmad مدير عام

  2010/12/03 تم تعديل 2010/12/03

  ما شاء الله ما شاء الله عنك أختي الكريمة غاردينيا الله يبارك فيكي و يفتح عليكي فتوح العارفين ... أمنياتك أذهلتني ... الحمد لله أمنيتك الاولى حققتا انا قبل ما أدخل الكلية المصونة و لله الحمد أكرمني رب العالمين بزيارة الكعبة المشرفة برحلة عمرة و لأجل التقادير وصلتني نتيجة البكالوريا لمكة ههههههه ( طلعوا النتائج و أنا بمكة )
  
  صيدولة .. انا بوافق الدكتور مفدى بالتفريق بين الأمنية و الهدف و لكن هون المطلوب هو 3 شغلات سمين شو ما بدك امنية ... هدف ... المهم ما تطمحي للوصول إليه ... يمكن يكون تسميتن أهداف أفضل لكن بتبقى كلمة أمنية أجمل ... و هي الصعوبة أساسا انو نقدر نحط أولوية لأنفسنا مشان نعرف شو لازم نساوي أول شي و شو تاني شي و شو تالث شي ... هاد الموضوع في جانب نفسي أكبر بكتير من الجانب الواضح بالنسبة الكن
  بكل الأحوال بانتظار الأمنيتين الثانية و الثالثة ....
  
  دكتورنا العزيز ان شاء الله بتتحقق كل أمنياتك و أنت بكامل الصحة و العافية و السرور و اكيد امنية اللقاء هي أمنية أكيد لكل الأعضاء و النا الشرف بلقائك دكتور ...
  
  دكتور جاد ... أمنيتك رائعة جدا و حتى ذكرتني بحديث قدسي معناه ان الله إذا أحب عبدا كان بصره الذي يبصر به و سمعه الذي يسمع به .... إلى أخر الحديث ... فالرضا من الله سبحانه و تعالى حقيقة هو غاية الاولين و الآخرين و نسأل الله أن يرزقنا رضاه ... اللهم آمين
  
  
  و مشان أمنياتي دكتورة لمى تكرمي هي هيه :
  بس اسمحولي قول " ما أرجوه " لأنه في اللغة تقال كلمة أمنية على الأمر المستحيل التحقيق ...
  
  الاولى: أن تتحرر كل بلاد المسلمين و خاصة القدس الشريف.
  الثانية: سامحوني فيها
  الثالثة: أن ادخل اختصاص جيد .
• لحن الحياة عضو نشيط

  2010/12/03 تم تعديل 2010/12/03

  موضوع حلو كتير....امنيتي اني سافر وشوف العالم كلو اذا بقدر....هدفي انو انجح باي شي اعملو لاني بصراحة ما بتحمل الفشل ابدا ولا بقدر حتى اتخيلو.. واكيد قبل كل شي انو ربي يرضى عن كل اعمالي..
• غاردينيا Foreign Languages Supervisor

  2010/12/04 تم تعديل 2010/12/04

  "غاردينيا انتي بتعرفي اولى امنياتي اللي صرلا مدري كم سنة .... وهي انو زور الكعبة المشرفة ... وبإذن الله بتتحقق هالسنة .. واكيد مابروح الا معكن "
  انشاالله الله يحققلك هالأمنية السنة لما ..... وأكييييييييييد بدنا نكون سوا ليش أنا بقبل غير هيك
  
  " ما شاء الله ما شاء الله عنك أختي الكريمة غاردينيا الله يبارك فيكي و يفتح عليكي فتوح العارفين ... أمنياتك أذهلتني ... الحمد لله أمنيتك الاولى حققتا انا قبل ما أدخل الكلية المصونة و لله الحمد أكرمني رب العالمين بزيارة الكعبة المشرفة برحلة عمرة و لأجل التقادير وصلتني نتيجة البكالوريا لمكة ههههههه ( طلعوا النتائج و أنا بمكة ) "
  
  الله يخليك د.أحمد ويسلمك وبحب قلك انو الحمدلله أنا كمان الله أكرمني ب 7 عمرات بس بصراحة بهاد الموضوع أنا كتير طماعة
  
  وبالنسبة لنتيجة البكالوريا فهي أكيد نتيجة الدعوات الصادقة والنوايا الحسنة
  
  مشكور مرة تانية