السكن مع اهل الزوج بين مؤيد ومعارض

وجيهةوجيهة مشرفة منتدى تربية الأطفال
تم تعديل 2011/01/02 في ساحة الحوار و النقاش
السكن مع اهل الزوج بين مؤيد ومعارض


الســلام عليكم ورحمة الله وبركـاتهـ

:: صباحكم/مــسائكم جنـــاين ورد ::

حببت اطرح عليكـم موضوع لاخذ ارائكم وانطباعاتكم الا وهو

السكن مع الزوج في بيت العائلهـ ( بيت اهلهـ ) هل يؤثر على الاستقرار

منذ سنوات مضت كان من الطبيعي أن تسكن الزوجه مع والدة زوجها في منزل

واحد بل كانت تسعد الزوجة بهذا ويسود بينهما كل الود والحب والتعاون

أما الآن فعادة ما تحلم العروس ببيت الزوجية المستقل

الذي يضمها وحدها مع شريكـ حياتها لتكون هي صاحبة الأمر

وآلاتي يرفض العيش في بيت العائله ينسقن وراء حلم الاستقلالية

متذرعات بالمثل كن بعيداً تصبح حبيباً ..




:: عزيزاتي ::

هل تقبلن السكن في بيت عائلة زوجكـ ؟؟
ام تفضلن الاستقلالية في بيت خاص لكِـ ؟؟
وان كان زوجك وحيد والديه واكبر عائلته ؟؟ ماذا ستفعلين ؟؟


::لك أيها الزوج ::

هل تفضل ان تسكن في بيت خاص لك وحدك

وتستقل بحياتك بعيد عن امك وابوك واخوانك ام تفضل العيش في بيت العائلة

واذا كنت وحيد والديك وزوجتك تريد الاستقلال بمنزلها الخاص ماذا ستفعل ؟؟



بانتظار أرائكم حول السكن مع أهل الزوج ونواحيه السلبية والإجابية ......




«1

التعليقات

  • sondossondos عضو مميز
    تم تعديل 2010/10/20
    اذا كان بيت العلة كبير وانا الي قسم مستقلي ماعندي مشكلة عيش بيت العيلة بحب جو الدفء العائلي وجمعة اثناء تناول وجبات الطعام حلو .
  • نوبىنوبى عضو جديد
    تم تعديل 2010/10/20
    السلام عليكم
    ب اول مشاركة معكم ابداها بالدفئ العائلى ليه لا ماتعيشى ببيت العائلة كنا نعيش اكتر من اسرة بمنزل واحد :confused2:
    الان ندعو للاستقلال
    وماذا اذا كان الوضع معكوس ان اعيش مع اهل زوجتى
    هى هى بل افيد كتير فى رعاية وتربية الصغار وحاجات كتير
    اما اقيم مع اهلى ولا للزواج ؟ :wink:

    ههههههههههههههههه
  • Dr.AhmadDr.Ahmad مدير عام
    تم تعديل 2010/10/20
    اول شي نقاش حلو وجيهة يسلموا ...

    انا من ناحيتي بفضل السكن خارج الأهل لأنو الخلاف الأزلي بين الحماة و الكنة ما رح ينتهي أبدا مهما كانت طيبة القلب الطرفين و تاني شي لأنو أمي ما رح ترضي أبقى عندا هههههههههه
  • وجيهةوجيهة مشرفة منتدى تربية الأطفال
    تم تعديل 2010/10/20
    هههههههههههه شكرا كتير على الرد الحلو ....سندس - نوبى-دكتور أحمد
    انا من جهتي بفضل الاستقلاليه لان كلام الحماة تقيل على القلب بالفطرة ....هههههه
  • Dr.AhmadDr.Ahmad مدير عام
    تم تعديل 2010/10/20
    له له وجيهة كل هالئد قلبك مليان على الحماية ... لا تكوني بتعرفيا !!!! هههههههه
  • وجيهةوجيهة مشرفة منتدى تربية الأطفال
    تم تعديل 2010/10/21
    ههههههههههههههههه لا والله لسى ماحصل لها الشرف هههههههههههه
  • Dr.AhmadDr.Ahmad مدير عام
    تم تعديل 2010/10/21
    لسه ما حصل """ لها """ الشرف !!!!!!!!!!!!!!!!!! *_* شي حلو و الله ههههههههههه
  • وجيهةوجيهة مشرفة منتدى تربية الأطفال
    تم تعديل 2010/10/21
    ههههههههههه عم امزح اكيد .....
    اكيد بشرفني معرفتها .......... وبعدين كرمال عين بيكرم مرج عيون ولاااااااااااااااا..
  • وجيهةوجيهة مشرفة منتدى تربية الأطفال
    تم تعديل 2010/10/21
    ههههههههههه عم امزح اكيد .....
    اكيد بشرفني معرفتها .......... وبعدين كرمال عين بيكرم مرج عيون ولاااااااااااااااا..
  • كوثر كيوانكوثر كيوان عضو مميز
    تم تعديل 2010/10/21
    أوقاتكم ورد أجمعين
    شكرا وجيهة على طرح هذا النقاش لأهميته
    من ناحيتي كإجابة على سؤالك بفضل العيش في منزل خاص بي وإذا تسائلتم ما السبب فالإجابة أنه كل إنسان يفضل الاستقلالية وحتى عن أهله
    فمن الجميل ان يكون لنا منزل نحن أسياده فقط ونستطيع اتخاذ القرار فيه لوحدنا دون أوامر الآخرين
    شكرا لكم وارجو أن تكون مشاركتي لطيفة
  • Dr.AhmadDr.Ahmad مدير عام
    تم تعديل 2010/10/21
    اهلا بك دكتورة كوثر الحمد لله على السلامة ... طولتي الغيبة

    وجيهة: لا أكيد و لو حدا بيسترجي يقول غير هيك .... ههههههههه
  • كوثر كيوانكوثر كيوان عضو مميز
    تم تعديل 2010/10/21
    شكرا دكتور أحمد لسا متذكرني .......
    أكيد بتعرف إني ما في غيب عنكم لولا ظروفي كنت عم حضر لامتحان الكوليكوم بعد التخرج عذروني .........
  • صيدولةصيدولة عضو ذهبي
    تم تعديل 2010/10/22
    موضوع حلو كتير للنقاش وجيهة ... يسلم إيديكي
    بس مابظن انو حدا فينا ممكن يعطي رأي بهالبساطة ...لانو بهيك مواضيع مافي معايير معينة ... وبتختلف الاراء باختلاف الظروف ...واختلاف العيلتين ..والبيئة المحيطة ..حتى علاقة الزوج بالزوجة بتلعب دور كبير ... وبغض النظر عن كل شي اكيد الاستقلالية شي حلو كتير وبيطمح إلها كل شب وصبية ... بس كمان اذا حكمت الظروف بالسكن ببيت الزوج ... مابظن رح تكون مشكلة كبيرة ...لانو اولا واخيرا هالزوجة صارت فرد من افراد العيلة... ومشان فكرة الصراع الازلي بين الكنة والحماية ... انا مابآمن بهالشي ابدا ... يمكن اذا سألنا حدا متزوج بيكون رأيو اكتر مصداقية ومنطقية ...
  • وجيهةوجيهة مشرفة منتدى تربية الأطفال
    تم تعديل 2010/10/22
    مرسي كوثر ع المشاركة ...

  • وجيهةوجيهة مشرفة منتدى تربية الأطفال
    تم تعديل 2010/10/22
    يسلم ايديكي صيدولة ... على ردك الرائع كفيتي وفيتي ...


    احلى تحية
  • Dr.AhmadDr.Ahmad مدير عام
    تم تعديل 2010/10/22
    ما شفنا رأيك بشكل واضح صيدولة بس مع ذلك بهنيكي على طريقة الإجابة ...

    مشان فكرة الصراع الأزلي و أنا ما بآمن فيا ((( بشكل مطلق ^^ ))) كمان لأني بشوف أمثلة قدامي بالعيلة
  • صيدولةصيدولة عضو ذهبي
    تم تعديل 2010/10/22
    شكرا وجيهة ، د.أحمد
    انا مابقدر اعطي رأي واضح بهالموضوع ...لاني ما انحطيت بهيك موقف ... ومتل ماقلت قبل الموضوع بتحكمو الظروف المحيطة ... بس انا من النوع اللي بحس اني بقدر عيش ضمن عيلة تانية ... بحس انو الناس بيتقبلوني وبيحبوني .... ومابظن بحياتي رح يصير معي صراع مع اي حدا ... بس وقت بفكر بالموضوع من ناحية تانية ... اكيد الحياة المستقلة بعش الزوجية المستقل وانو الواحد يبلش حياتو بشكل منفصل هو وشريك حياتو إلو نكهة خاصة ... مو؟!!
    يعني بيني وبينكن ... اصلا اللي عم يتزوجو هالايام لو كانو ببيت لحالن عم يضلو فترة منيحة ضمن العيلة واعتمادن عالاهل كبير بكتير نواحي .... وع قولة ابي ... " بيتزوج الواحد فينا وبجيب فرد عالعيلة وبيجي هاد غير الاحفاد كمان !!!" يعني مو خالصين ..
    لانو ئد ماحاولنا ..عنا نحنا جواتنا في شي بيربطنا بالعيلة وجو العيلة ... بحياتنا ما رح نوصل لفكرة الاستقلالية متل الغرب .... الا بحالات خاصة عم نشوفها هالايام
  • بدر الصحراءبدر الصحراء مشرفة منتدى علم وظائف الأعضاء
    تم تعديل 2010/10/22
    انا ما عندي مشكلة عيش مع اهله
  • غاردينياغاردينيا Foreign Languages Supervisor
    تم تعديل 2010/10/22
    مساالخير جميعا
    أنا تماما ضد فكرة السكن سواء مع أهل الزوج أو الزوجة لأنو برأيي الزواج هو انتقال لمرحلة جديدة بالحياة لازم نحنا نكون أبطالها
    لأنو منكون وصلنا لعمر محتاجين انو نشعر بالاستقلالية وتحمل المسؤلية بنفس الوقت والشي التاني برأيي انو الاحتكاك الدائم والكتير
    بالآخرين بسبب كتير مشاكل ولو دون قصد .....
  • Dr.AhmadDr.Ahmad مدير عام
    تم تعديل 2010/10/22
    صيدولة انا ما عم اقصد الاستقلالية متل الغرب انا قصدت السكن العادي أكيد لابد من الزيارات الدائمة و العلاقات الحسنة مع اهل الطرف التاني و بالنهاية صراحة هالأمر بيتوقف على طبيعة أهل الزوج أكتر من أنو يتوقف على طباع الزوجة الجديدة !! في حدا بيوافقني ؟

    غاردينيا معك حق لكن رأيك عفوا عالتعبير بس حسيت " قاسي " شوي لأنو بالنهاية لو كانوا أهل الزوج من النمط المتفهم مافي أي مشكلة فيما لو عاشت الزوجة مع أهل الزوج أو لوحدا لأنو رح يكون في الها استقلالية بأمورها ..

    متل ما قلت برأيي الأمر عائد لأهل الزوج و انا شايف حالات كتيرة قدامي (((( هي فوائد العيلة الكبيرة كتييييييير ههههههههههههههه ))))
  • غاردينياغاردينيا Foreign Languages Supervisor
    تم تعديل 2010/10/24
    شكرا دكتور أحمد عالتعقيب وبتفهم إنك حسيت رأيي قاسي شوي بس بصراحة أنا بحب كون واقعية
    ويمكن الواقع المحيط فيني بخليني اتشبث برأيي انو لازم يكون الزواج ببيت خاص مو مع الأهل طبعا انا رأيي هاد مو لأني آخدة موقف من بيت الحمى
    ما أمي بالمستقبل رح تصير حماية .....بس أنا بشوف انو البيت المستقل ضروري
  • صيدولةصيدولة عضو ذهبي
    تم تعديل 2010/10/25
    لا غاردينيا مابظن ردك قاسي ابدا .... لانو فعلا هاد هو الواقع ... بس كمان حلو الواحد يتأقلم مع الظروف المحيطة ويكون مرن شوي ... الى حد ما .... اكيد اكيد مو القصد انو يقدم تنازلات على حساب راحتو الشخصية واستقرار حياتو ..
  • suzysuzy عضو ذهبي
    تم تعديل 2010/10/25
    أنا مع غاردينيا و كوثر السكن بهالأيام صعب مع أهل الزوج أو حتى الزوجة لأن الحياة صارت أعقد و الناس صارت بحاجة لمساحة حرية خاصة
    بعدين كل بنت بتحلم تتزوج لتشكل مملكة خاصة فيها هيي ملكتها لوحدها و الشب بيحب يستقر و يكون هوي المسيطر على بيتو يعني متل ما بيقولو يفتح بيت
    و المعيشة مع الأهل بتقيد هالأحلام حتى بمجال تربية الأولاد ما بيقدر الانسان يربي أولادو بطريقتو الخاصة بوجود تدخل الست و الجد و الأقارب
    يعني برأيي جو العيلة طبعا حلو و اللمة حلوة بس ما بقى تنفع بأيامنا
  • غاردينياغاردينيا Foreign Languages Supervisor
    تم تعديل 2010/10/25
    مشكورين صيدولة ودكتورة سوزي عالتأييد وبهاد السياق حابة اذكرلكن حادثة مرت معي من فترة كنت بزيارة عند معارف
    وكنتهن مستقرة عندهن وزوجها مسافر بجدة خلال القعدة تفاجأنا بالطفل الصغير ابنها اللي عمرو 3 سنين ونص انو قال لأمو
    ماما هاد البيت هو بيت تاتا وجدو وهداك البيت هو بيت عمو (طبعا عمو متزوج ببيت مستقل ) طيب نحنا وين بيتنا طبعا امو جمدت
    بمكانها وماعرفت شو تجاوبو وهاد خلاني استنتج انو حتى الطفل بحب انو يكون عندو بيت خاص فيه وبأمو وأبوه
  • Dr.AhmadDr.Ahmad مدير عام
    تم تعديل 2010/10/25
    مممممم شو بدي رد لرد ... انا قلت بالأول انو أمي ما رح تسكني عندا ما هيك ههههه !!!!!!! و أنا من مؤيدي السكن خارج الأهل للسبب اللي تفضلت فيه ميرة و اللي هو تربية الأولاد بوجود الست و الجد بيكون صعب جدا جدا

    بس كان قصدي من كلامي أنو مافي داعي يتاخد موقف مسبق من أهل الزوج و هالشي أكيد المتزوجين أقدر على الكلام فيه لذلك أنا رح اكتفي لهون ... ما شاء الله تفاعل حلو ... دائما المواضيع هي بتاخد تفاعل مدري ليش !!! هههههههه
  • sondossondos عضو مميز
    تم تعديل 2010/10/27
    غاردينا يسلمو كتير ع هل القصة يلي ذكرتيها لأني كتير بحب اعرف رأي الطفل بكل شي وانت نقلتي صورة حي صارت قدامك وهي بتدل ع نفسية الطفل يلي بحب يكون مستقل .
  • صيدولةصيدولة عضو ذهبي
    تم تعديل 2010/10/29
    بس كان قصدي من كلامي أنو مافي داعي يتاخد موقف مسبق من أهل الزوج و هالشي أكيد المتزوجين أقدر على الكلام فيه لذلك أنا رح اكتفي لهون ... ما شاء الله تفاعل حلو ... دائما المواضيع هي بتاخد تفاعل مدري ليش
    انا معك د.احمد ... مافي داعي للحكم المسبق عالامور والاشخاص وحتى عالظروف ...
    ومتل ماقلت مدري ليش هالمواضيع بتستفز الكل وبحس كل واحد بدو يثبت وجهة نظرو فيا ؟!!!! شي غريب!!!
  • Dr.AhmadDr.Ahmad مدير عام
    تم تعديل 2010/10/29
    ما قصة غريب أبدا بس لأنو هي المواضيع بتحاكي المجتمع و الواقع و كل شي هيك رح يحظى باهتمام كبير من كل الناس
  • لحن الحياةلحن الحياة عضو نشيط
    تم تعديل 2010/11/03
    انا بصراحة ما بحب السكن مع اهل الزوج ...مو لاني مفترضة سلفا انو علاقتي مع حماية المستقبل رح تكون سيئة وفيها مشاكل...بس عنجد حلو انو كل شريكين يكون الهم بيتهم الخاص.. وانو يخلقو بهالبيت الجو يلي بحبوه,والنظام يلي بيرتاحو فيه...والاهم من هيك هو موضوع الاولاد وتربيتهم ...يعني الولاد اذا عاشو ببيت الجد كل العيلة بتربيهم من الجد والست والعمة والخالة..ومدري مين الله اعلم..لهيك انا متل ما برفض اسكن مع اهل الزوج كمان برفض السكن مع اهلي حتى لو الطرف التاني ما عندو مشكلة...صحيح العيشة مع الام اكيد غير العيش مع الحماية ..بس كمان ما ما رح يكون في شعور بالاستقلاليةوحرية باتخاذ القرار..وكمان نفس الشي رح يكون في تدخل بتربية الاولاد من اهل الزوجة
    طبعا رايي كمان فيني قول انو نظري لاني ما تعرضت لهيك موقف..اكيد ما فينا نحكي بالمطلق واكيد كل حالة الها خصوصيتها وظروفها...
    بعتقد كمان انو في شي كتير مهم بيخلي البنت تقبل الموضوع او ترفضه..وهالشي هو انو الشب يلي تقدم للبنت هل تقدملها نتيجة قصة حب ؟؟او خطبة اهل عادية؟؟
    بعتقد اذا في حب بين الطرفين هيدا الشي بيخلي البنت تضحي وتقبل تسكن معو وين ما كان..عند اهلها ..عند اهلو..عند الجيران...مو مهم كلو بيمشي ..
    بس دايما لما بتكون خطبة اهل..اول شغلة مطلوبة من عريس الهنا هيي انو يكون عندو بيت..
    ملاحظة:يمكن تأخرت عن الرد عالموضوع..ما كنت منتبهتلو...بس لما شفتو ما قدرت قاوم اغراء اني ادلي بدلوي فيه..شكرا وجيهة عالموضوع
  • رورايروراي عضو جديد
    تم تعديل 2010/11/06

    مرحبا وجيهة ..... شو هالمواضيع الحلوة يلي عم تحطيها ؟؟؟
    مرسي كتير ........ بصراحة خليتني فكر بموضوع ما كان خاطر ببااااالي
    اذا بقولوك الزواج مسؤولية شو بدي كبر ع حالي المسؤولية اكتر وعيش ببيت الاحمى.... والزوجة لازم تسمع كلام زوجها كمان بدي اسمع كلام حماتي .......... اوف والله صعبة...ههههه
    بعدين مع اهلو الواحد بشد بالحكي وبعصب احيانا.....كيف مع بيت حماة؟؟؟؟
    خلينا بعاد منضل حباب
    ومنروح لعندن ع طول ومنقدملن يلي بدن ياه
    مرسي كتير