تضحي بحبك أم تخسر أهلك ؟

وجيهةوجيهة مشرفة منتدى تربية الأطفال
تم تعديل 2010/10/22 في ساحة الحوار و النقاش

تضحي بحبك أم تخسر أهلك ؟

لـم يـكن القرار سهلا بالنسبه الى (أ)
وهو يراهن على ان الايام ستصلح العلاقه التي افسدها مع اهله بزواجه ممن لايرغبون بها
كان اعتراضهم على من اختارها قلبه بانها ليست من مستواهم الاجتماعي المرموق
ولكن (أ) ذهب الى منزل اهل عروسه وخطبها وبالرغم من
ان اهل الفتاة يعلمون برفض اهل الزوج الا انهم قرروا ان يزوجوه ابنتهم رغبة في اسعادها ونكاية في اهل الزوج
وفي هذه الاثناء اعلن اهل الزوج نفيهم له،،

اعزائي :: عزيزاتي

يتكرر هذا السيناريو كثيرا بحياتنا


هناك من استجاب لرغبة اهله وضحى بحب حياته
فهل هذا كان قرارا صائبا؟؟

وهناك من فضل حب حياته على اهله
لانه برايه هذه هي حياته الخاصه التي لايحق لاحد ان يتدخل فيها

اعزائي اضع الموضوع بين ايديكم لنناقشه سويا
واشكر كل من سيشرفنا بوضع بصمته العطره هنا

دمتم بكل الخير
احترامي و ودي

التعليقات

  • Dr.AhmadDr.Ahmad مدير عام
    تم تعديل 2010/10/18
    طرحك للموضوع حلو كتير وجيهة و هو من علم النفس أساساً

    رأيي الشخصي دائما ببنيه على الأولويات و برأيي أنو الحب ممكن يتعوض لو خسرتو لكن ما ممكن أبدا عوض الأهل إذا خسرتن و بر الأهل مقدم على الارتباط بفتاة الأحلام

    ناحية تانية بصراحة و من منطلق فردي لا أؤمن بالحب قبل الزواج بيجوز تقولي أنو عقليتي قديمة أو شي من هيك لكن بيبقى هاد رأيي شخصي و ما بلزم حدا فيه أبدا

    تقبلي مروري ... مع التحية
  • dr.Hazemdr.Hazem مدير عام
    تم تعديل 2010/10/18
    أكيد بعمل برأيي ولازم يحترموه و شوي شوي بصلح العلاقة مع أهلي ...
  • غاردينياغاردينيا Foreign Languages Supervisor
    تم تعديل 2010/10/18
    مشكورة عالنقاش وجيهة كون الموضوع من واقع الحياة
    أنا بالنسبة إلي كبنت عندي أهلي بالدرجة الأولى وعندي مبدأ انو اللي مافي خير لأهلو مافي خير لحدا فأكيد مارح فكر
    ارتبط بشخص مابيحترم أهلو هاد أولا وثانيا الحب بيتعوض بس الأهل مابيتعوضوا برأيي لازم نتعلم من تجارب الآخرين
  • بدر الصحراءبدر الصحراء مشرفة منتدى علم وظائف الأعضاء
    تم تعديل 2010/10/19
    بصراحة و بعد اللي قلتيه اختي غاردينيا و اللي قالوا الدكتور احمد
    ما عندي شي ضيفه لانكن كفيتو و وفيتوا
    وشكرا على طرح الموضوع
  • دمعة فرحدمعة فرح عضو مميز
    تم تعديل 2010/10/19
    انا كمان بأيد غاردينيا والدكتور احمد مو بس مشان بر الوالدين بس كمان مشان ولادي اللي ما بتخيل انو يعيشو بدون ست وجد و اهل وتكون علاقتهن محصورة بس فينا ولو كان اللي بدي اخدو احسن انسان بالدنيا
  • jekjek عضو مميز
    تم تعديل 2010/10/19
    بصراحة موقف كتير صعب .... بس برايي انو لواحد مايخلي لأمور توصل معو لهون لأن لازم يعرف من البداية اذا اهلو رح يرضو او لأ

    مشكورة ع طرح الموضوع ........
  • وجيهةوجيهة مشرفة منتدى تربية الأطفال
    تم تعديل 2010/10/21
    مرسي لمروركم الكريم
    نورتوا
  • كوثر كيوانكوثر كيوان عضو مميز
    تم تعديل 2010/10/21
    اكيد بختار قرار الأهل لأن الأهل بالنهاية خبرتهم أكبر ومعرفتهم أكبر وما قالوا لا إلا لأسباب وجيهة وكل الأهل همن الأكبر سعادة أولادن
  • صيدولةصيدولة عضو ذهبي
    تم تعديل 2010/10/21
    الموضوع صعب كتير ومعقد .... والله لايحط حدا بهيك موقف ابدا ... واكيد الاهل هنن الادرى بمصلحة الشب او الصبية لو شو ماكان رأين ...
    بس برأيي أنا كبنت ... مابرضى بشب أهلو مو موافقين عليي حتى لو كان الحب هو الاساس ... لانو الزواج مو بس ارتباط شخصين ... الموضوع هو تكوين عيلة ومو بهالبساطة بتكون الامور ... زحتى لو تصلحت الامور بعدين رح يبقى في شي مو تمام...
    واهل البنت اللي بيقبلو بشب بدون اهلو بيكونو غلطانين كتير .... وعم يقللو من قيمة بنتن...

    اما من ناحية الشب وانو يضحي بحب حياتو مشان اهلو ... او انو يخسر اهلو كرمال البنت اللي بحبا .... بظن انو اكيد الخير فيما يختاره الله ... واذا البنت من نصيبو اللي بيسر كل هالامور ... ومتل ما قال jek لازم ماتوصل الامور لهالنقطة ...

    بس اهم شي بهيك مواضيع هو تحكيم العقل ... والتفكير بالمستقبل بجدية ومنطق .. مو بس بالحب والعواطف بتمشي الحياة..
  • وجيهةوجيهة مشرفة منتدى تربية الأطفال
    تم تعديل 2010/10/22
    كوثر و صيدولة نورتوا مشاركتي ...


    الله لايحط حدا بهيك موقف ابدا ..........امين