كرسي الاعتراف..

13

التعليقات

  • وجيهةوجيهة مشرفة منتدى تربية الأطفال
    تم تعديل 2010/10/07

    دكتور احمد
    يسلموا كثير وجيهة على الإجابة
    الله يسلمك يارب.

    قصد صيدولة بسؤالها .... وجيهة جديدة معنا حابين نعرف اكتر عنك ..
    شو بتدرسي ؟
    رياض أطفال.

    شو هواياتك ؟ شو اهتماماتك ؟
    الكمبيوتر .

    على أي أساس بتـتعاملي مع الناس ؟؟
    الاحترام والصدق

    غاردينا
    مرحبا وجيهة كمان أنا حابة أتعرف عليكي اكتر
    اهلا وسهلا .......مرحبتين

    -1 مين قدوتك بالحياة؟.
    البابا

    2- بمجتمعنا المحيط أكيد في كثير أشياء من حب نغيرها أو نعدلها فشو بتحبي تغيري بمجتمعك و ليش؟
    مممم سؤال صعب ..........النية العاطلة هههههههههه

    3- هل بتعتبري نفسك شخص فعال بالمجتمع إذا أي ليش وإذا لا ليش ؟
    لا .... لأن بعدني عضو مستهلك وليس منتج .

    بعتذر اذا كانت اسئلتي غليظة شوي بس بتمنى إنك تجاوبيني بصراحة
    ولايهمك حبيبتي ....... اكيد الجواب بصراحة وعفوية كمان

    ميرة
    السلام عليكم ورحمة الله وبركاته
    وعليكم السلام ورحمة الله وبركاتة

    كيفك وجيهة ..؟؟؟
    تمام الحمد لله

    جبتلك أحلى كرسي بالسوق يعني هلكت للقيتلك ياه
    بتمنى ترتاحي عليه فترة استضافتنا إلك
    يسلموووووووووووو ايديكي كتير حلوووو

    وببقى بسألك بس ترتاحي شوي ..
    ناطرتك ..... كلك زوق



    تحياتي لأصدقائي
  • وجيهةوجيهة مشرفة منتدى تربية الأطفال
    تم تعديل 2010/10/07
    اي شو هالدلال يا وجيهة ... ميرة ما بيصير هيك انا المدير ما عندي هيك كرسي ههههههههههه
    بس تقعد على كرسي الاعتراف..... بدي جبلك أحلى منو .

    - عندك شي اهتمامات شعرية .. اذا في شو أحلى بيت شعر لقيتيه ؟
    كنت اقرأ من زمان .... بس ما عاد قرأت .... ما بتزكر شي منو هلأ .

    - شو هي أكتر مرحلة بعمرك حـبـيـتـيـها و ليش ؟
    صف العاشر كانت سنة حلوة..... كان عندي رفقات كتير ظراف .

    - عندك شي اهتمامات بالمطبخ .. شو أكتر أكلة بتحبيا ؟
    أي... ونفسي طيب كمان .... شاكرية ...و... ورق عنب .




    مممم يلا مين بعدي رح يكون ؟؟؟؟؟؟؟

    بيكفي هيك حرام جوجو ههههههههه



    تحياتي ياحياتي
  • صيدولةصيدولة عضو ذهبي
    تم تعديل 2010/10/07
    منورة الكرسي وجيهة .... كان قصدي من سؤالي .... انو مين هي وجيهة الانسانة .... انو حكيلنا عنك بسطر او بسطرين ....كيف انتي حابة نعرف وجيهة ...
    سؤال تاني ...... بتحسي انو شخصيتك عالنت بتختلف عن شخصيتك الحقيقية ؟.... واذا اي شو هو هالاختلاف .؟

    واكيد كنتي ضيفة خفيفة عالكرسي ومابظن تقلنا عليكي كتير .. ... وشكلك مليتي فورا ... عموما بظن انو انتي لازم اللي تختاري اللي بدك تتنازليلو عن الكرسي ...
  • Dr.AhmadDr.Ahmad مدير عام
    تم تعديل 2010/10/08
    قبل ما تتنازل طولي بالك صيدولة لسه ما لحقنا نسألا شي $#@ و لا قلك يلا على اعتبار حكيتي ما رح خجلك تكرمي !%[لأ

    بس في كم سؤال هلا ببالي .. لو سمحتي ... طبعا بعد ما تجاوبي على اسئلة صيدولة .

    - ليش دخلتي رياض أطفال . كانت رغبة منك او رغبة خارجية أو هيك طلع بالعلامات ؟
    - أي سنة حاليا انتي بالدراسة ؟
    - حابب تقليلي شو تصرفك تجاه طفل ( خليني قول طالب عندك ) ساوى أحد الأمور التالية:
    ** ساوي شي في ابداع !!
    ** كذب !!
    ** سرق !!
    ** طفل ما بيحب المدرسة أو الحضانة !!


    بتمني ما كون تقلت عليكي و هيك بتصور :242: مع جزيل الشكر و الاحترام ..

    صحي نسينا نضيفك شي اسمك قاعدة عالكرسي و هي فنجان قهوة مع سكر عالطلب :193:


    HC-2558_mp..jpg
    2247.imgcache
  • غاردينياغاردينيا Foreign Languages Supervisor
    تم تعديل 2010/10/08
    نيالك وجيهة القعدة على هيك كرسي مع هيك فنجان قهوة مابتتفوت ماهيك ههههههههههههههه
  • Dr.AhmadDr.Ahmad مدير عام
    تم تعديل 2010/10/09
    يلا غاردينيا جاييكي الدور الله كريم بس وقتا لازم نسألك شو حابة تشربي هههههه
  • وجيهةوجيهة مشرفة منتدى تربية الأطفال
    تم تعديل 2010/10/09
    صيدولة....
    منورة الكرسي وجيهة ....
    نورك ياحياتي

    كان قصدي من سؤالي .... انو مين هي وجيهة الإنسانة .... انو حكي لنا عنك بسطر أو بسطرين ....
    طيبوبة ... حنونة ... حساسة ...عفوية....

    كيف أنتي حابه نعرف وجيهة؟.
    متل ما أنا .

    سؤال ثاني ...... بتحسي انو شخصيتك على النت بتختلف عن شخصيتك الحقيقية ؟.... و إذا أي شو هو الاختلاف ؟
    لا ما بتختلف كثير يعني 90% جوجو يلي عالنت هي جوجو يلي بالحقيقة .
    و10% الباقية خصوصية


    و أكيد كنتي ضيفة خفيفة على الكرسي وما بظن تقلنا عليكي كثير ... وشكلك مليتي فورا ...
    لا حياتي لا يمل منكم بس أنا حركة كتير.... تعبت من القعدة بس .

    عموما بظن انو أنتي لازم اللي تختاري اللي بدك تتنازليلو عن الكرسي...
    ما في غيرك صيدولة بدك تكوني بعدي على كرسي الاعتراف .


    دكتور أحمد
    - 1- ليش دخلتي رياض أطفال . كانت رغبة منك أو رغبة خارجية أو هيك طلع بالعلامات ؟
    بحب الصغــــــار كثيـــــــــــــــــــــر.

    أي سنة حاليا أنتي بالدراسة ؟ - 2
    سنة ثـــانية

    3- حاب تقليلي شو تصرفك تجاه طفل ( خليني قول طالب عندك ) ساوى أحد الأمور التالية :

    ساوي شي في ابداع!!
    بشجعو وبحفزو ..... بقدملو مكافأة .

    كذب!!
    لكذب الأطفال أنواع كتير والشرح يطول بالموضوع ... فحسب نوع الكذبه بتعامل معو .

    سرق!!
    بحاول اعرف سبب السرقة ...
    بعدين بفهمو هل شي غلط وبشرحلو ليش غلط .... بدون صريخ أو ضرب ..

    !! طفل ما بيحب المدرسة أو الحضانة
    بعاملو بلطـف وحـنـيـــة وبدون عيــــــــــــــاط .
    أنا كنت من الأطفال يلي مابتحب المدرسة ...لأن الآنسة كانت تصرخ وأنا بخاف من الصوت العالي ....


    بتمني ما كون تقلت عليكي .... هيك بتصور مع جزيل الشكر و الاحترام .
    لا ابدأ .... كنت سعيدة بحديثنا مع بعض.

    صحي نسينا نضيفك شي اسمك قاعدة على الكرسي و هي فنجان قهوة مع سكر على الطلب .

    يسلمـــــــــــــو كتيـــــــــــرعلى القهوة .
    دااايـمــــــــــــــــــة .

    غاردينيا
    نيالك وجيهة القعدة على هيك كرسي مع هيك فنجان قهوة مابتتفوت

    هلا غاردينيا .... جهزي حالك مشان تكوني بعد صيدولة على كرسي الاعتراف والك مني احلى ضيافة ههههههههههههه ...


    بـــــــــــاي





  • صيدولةصيدولة عضو ذهبي
    تم تعديل 2010/10/09
    شو وصل الدور عليي وانا مو حاسة .... بس من هلأ عم خبركن القهوة مااااااااااااااااااابحبا ...

    وجيهة مشان موضوع الكذب عند الاطفال اذا بتفيدينا بشي مقال عن هالموضوع بكون ممنونتك اذا ما فيها سئلة ...
  • وجيهةوجيهة مشرفة منتدى تربية الأطفال
    تم تعديل 2010/10/10
    اوك ....تكرم عينك صيدولة...... بنزل مقال للكذب عند الأطفال...... إن شاء الله بالمنتدى العام قريباً.
  • دمعة فرحدمعة فرح عضو مميز
    تم تعديل 2010/10/10
    شو صيدولة صار دورك يعني فينا نبلش تحقيق
    على كل هي كم سؤال حطيهن عالحساب ولما بتحبي جاوبي شايفة نحنا شو كرماء
    هلق دخلنا بالجد:
    1-حكينا عن دراستك او شغلك .....
    2-صيدولة انت برأيك النت مهما اختلفت استخداماتو شو كان تأثيرو السلبي على المجتمع؟
    3-باي وقت بتحسي انك بافضل حالاتك؟
    4-لما بقاطعك حدا وبتكوني عم تشتغلي ومركزة كتيير شو بتساوي؟
    5- شو هو لونك المفضل؟
    6- شو اغرب حلم مر عليكي؟
    بظن لحد هون وحاج احسن ما يقولو محققة قاسية !!!!!!
  • Dr.AhmadDr.Ahmad مدير عام
    تم تعديل 2010/10/10
    ما شاء الله وجيهة مستعجلة كتير و بكل الاحوال مشكورة على الاجابة و انا بانتظار موضوع الكذب عند الاطفال بمنتدى طب الأطفال ان شاء الله

    صيدولة اسمك قعدتي عالكرسي و ما بتحبي القهوة و منعرفك بتحبي الشاي كتييييييييييييييييييير مشان هيك حابب ضيفك فنجان هالشاي مشان ما تقولي نشف حلقك بالأجوبة !%[لأ

    Hot_Roses_and_Chi&.jpg

    و اذا بتحبي الشاي الأخضر هي كاسة شاي أخضر .,23

    templar_tea_cup..jpg


    دمعة فرح بظن انو ما حاج لهون أبدا لأنو هي الفرصة صارت اليوم ما بتصير يوم تاني لذلك استغلوا تواجد الصيدلانية صيدولة :242: و اسألو شو ما بدكن *&^

    - صيدولة بس معلش تذكرينا شو كان عنوان مشروع تخرجك ؟
    - شوية من حياتك المنزلية ... انتي الكبيرة بالبيت أو في مين أكبر منك ؟
    ... عندك شي نشاطات منزلية مميزة سواء بالمطبخ أو غيرو ؟
    ... اديه بتعتبري نفسك بتساعدي بشغل البيت بنسبة مئوية ؟

    - شو مفكرة تساوي بعد ما تتخرجي ان شاء الله ؟؟ غير التحلاية :232:



  • غاردينياغاردينيا Foreign Languages Supervisor
    تم تعديل 2010/10/10
    لموش بما إنك صرت عالكرسي كمان أنا رح ادعمك متل دمعة فرح والدكتور أحمد بكم سؤال هيك عالماشي ههههههههههههه
    -برأيك شو الفرق بين الجامعة والمدرسة
    -بحكم إنك بنت واعية لدرجة مميزة شو رأيك بشباب اليوم بقصد الجنسين طبعا
    يعني بتشوفي انو عندهن حس بالمسؤولية ؟؟؟
    -شو صار بالزيارة ولا متل العادة ههههههههههه
  • صيدولةصيدولة عضو ذهبي
    تم تعديل 2010/10/11
    دمعة فرح
    شو صيدولة صار دورك يعني فينا نبلش تحقيق

    وليييييييييييي بس مايكون في تعذيب

    على كل هي كم سؤال حطيهن عالحساب ولما بتحبي جاوبي شايفة نحنا شو كرماء

    مافي منك دمعة فرح ... انتي كريمة وانا بستااااااااااهل (*^لإ$ُ

    هلق دخلنا بالجد:
    1-حكينا عن دراستك او شغلك .....

    انا بدرس صيدلة سنة خامسة بجامعة تشرين بمدينة اللاذقية .. عروس الساحل ... بحب فرعي كتير ودخلتو بكامل رغبتي وهو كان هدفي بالبكالوريا والحمدلله الله ماضيعلي تعبي واكيد مريت بعقبات بهالفترة ... بس الحمدلله ماشي حالي لهلأ ... وأملي بالله كبير

    2-صيدولة انت برأيك النت مهما اختلفت استخداماتو شو كان تأثيرو السلبي على المجتمع؟

    هاد موضوع طويل وبدو حكي كتير ... بشكل عام النت إلو إيجابياتو وسلبياتو ... بظن تأثيرو السلبي بيتجلى عند المراهقين والشباب غير الواعيين اللي ماعم ياخدو من النت غير السيء... هاد غير الغاء العلاقات الاجتماعية والتواصل بين الناس ...الخ

    3-باي وقت بتحسي انك بافضل حالاتك؟

    اممممممممممم قصدك انو وقت ... فترة زمنية؟؟ مافهمت؟!! عموما انا بحب فصل الخريف .... وبفضل شهر ايلول ... بكون مرتاحة وقت الفجر .. والفترة اللي قبل الشروق ... وبحب الشتي كمان... مع اني ببرد كتيييير

    4-لما بقاطعك حدا وبتكوني عم تشتغلي ومركزة كتيير شو بتساوي؟

    انا بطبعي ما بخجل حدا ... ولابحب اكسر بخاطر حدا ... حتى لو كنت مشغولة .... بعطي من وقتي لغيري ... ولو انو احيانا عقلي ما بيكون مية بالمية مركز مع الشخص الاخر... وفي حال كان الشخص كتير قريب إلي وبمون عليه ممكن انو اعتذر منو بذوق ولطف وخبرو اني مشغولة

    5- شو هو لونك المفضل؟
    اممممممممم ... بحب الأسود ... والزهري كتيييييييييييير وكل مشتقاتو وصولا للموف الغامق اللي بكتب فيه كل مشاركاتي تقريبا (*^لإ$ُ

    6- شو اغرب حلم مر عليكي؟

    حلم؟؟ منام يعني ؟؟؟ هنن اكتر من منام بصراحة...


    ومرة مو من زمان كتير ... شفت بمنامي شخص ماكنت متعرفة عليه شخصيا ... ولما تعرفت عليه فيس تو فيس ... اكتشفت انو منامي كان كتيييييير متطابق مع الواقع ... سبحان الله!!!!#&


    بظن لحد هون
    وحاج احسن ما يقولو محققة قاسية !!!!!!

    ماحدا بيقول عنك قاسية ... ولو دمعة فرح ... انتي معروفة هون برقتك واحساسك المرهف ..
    واذا عند اي اسئلة تانية منعمل جاسة تحقيق تانية ... لانو عنجد نشف ريقي هلأ
    *&^

    ويسلمو كتيييييييييير .....
  • صيدولةصيدولة عضو ذهبي
    تم تعديل 2010/10/11


    صيدولة اسمك قعدتي عالكرسي و ما بتحبي القهوة و منعرفك بتحبي الشاي كتييييييييييييييييييير مشان هيك حابب ضيفك فنجان هالشاي مشان ما تقولي نشف حلقك بالأجوبة

    هههههههه ... هي صرتو بتعرفوني منيح ... لكن لشو قعدتوني عالكرسي ؟! يسلمو كتيييييير عالشاي وباين كتيييير طيب ... وللأمانة أنا هلأ عم اشرب شاي الله وكيلك !%[لأ بس اكيد مو أخضر


    دمعة فرح بظن انو ما حاج لهون أبدا لأنو هي الفرصة صارت اليوم ما بتصير يوم تاني لذلك استغلوا تواجد الصيدلانية صيدولة و اسألو شو ما بدكن

    دكتور أحمد ... ليش حاسستك شمتان كانو ؟! $%## بس أنو شو كان صار اذا في كم قطعة بسكويت او بيتيفور مع الشاي ...

    - صيدولة بس معلش تذكرينا شو كان عنوان مشروع تخرجك ؟

    ليش انا قلتلكن شو هو لحتى ذكركن ؟!! بصراحة لهلأ ماقررت .... بس مجبورة انو ضل ضمن مجال الكيمياء الحيوية السريرية والكيمياء المرضية ... عم فكر اشتغل عن الكبد ... وأمراضو ... بس حابة يكون مشروع مميز ... وياريت اذا حدا بيساعدني بشي اقتراح لالني عنجد محتارة ويمكن حضرتك دكتور بتقدر تفيدني بشي عنوان..


    - شوية من حياتك المنزلية ... انتي الكبيرة بالبيت أو في مين أكبر منك ؟

    في اكبر مني 3 واصغر مني وحدة ... وباختصار وبدون مبالغة ... انا وردة البيت.. وماحاد بيستغنى عني ابدا ابدا (*^لإ$ُ
    ..

    . عندك شي نشاطات منزلية مميزة سواء بالمطبخ أو غيرو ؟
    ههههههههه سؤالك مهضوم كتير ... اي عندي نشاطات بكل أرجاء المنزل ابتداء" بمعارض الرسم والفن التشكيلي .... وانتهاء بحفلات الاوبرا ..!%[لأ...

    اديه بتعتبري نفسك بتساعدي بشغل البيت بنسبة مئوية ؟
    ليش هالاحراج .... انو بتعرف انت انو انا طالبة صيدلة ودوامي طويل لشو هالاسئلة ئدام الغربا؟؟ بالشتي فيك تقول شي 20% بالصيف تقريبا 75%..... بس بظن انو بعد شي شهر رح يصيرو 100% الله يستر ... ادعولي

    - شو مفكرة تساوي بعد ما تتخرجي ان شاء الله ؟؟ غير التحلاية

    اول شي اكيد التحلاية .... وبعدين... بدي اعمل حفلة لرفقاتي..
    ومتمنايةكمل دراسات وهاد كان املي من السنة الاولى بس مابعرف اذا معدلي بيسمحلي .... الله كريم ...

    بتعرف دكتور ... مدري ليش كنت مفكرة انو اسئلتك رح تكون صعبة .... منيح الله ستر ... وكانت سهلة ... حاجتي هالسنة قدمت 3 دورات امتحانية وهي الرابعة ^%$^%$ بس ان شا الله انجح هون بمعدل منيح
  • صيدولةصيدولة عضو ذهبي
    تم تعديل 2010/10/11
    لموش بما إنك صرت عالكرسي كمان أنا رح ادعمك متل دمعة فرح والدكتور أحمد بكم سؤال هيك عالماشي ههههههههههههه

    الله لايحرمني منك ابدا .... شو هالدعم هاااااااااااد ...
    -برأيك شو الفرق بين الجامعة والمدرسة

    سؤالك صعب .... المدرسة والجامعة ... عالمين ومرحلتين منفصلين ومختلفين ... ايام المدرسة إلها نكهتها الخاصة ... خاصة انو انا تنقلت بين كتييييييير مدارس ... بس بضل جو المدرسة غير .. فيو دفء وحنية اكتر ... فيو انسجام اكتر... المدرسة قضينا فيها مرحلة الطفولة .. تعلمنا فيها ألف باء الحياة .... يمكن وقت كانو يقولولنا المدرسة بيتكن التاني ما كانو يبالغو ... بس اكيد الجامعة لابيتنا التالت ولا العاشر

    مرحلة الجامعة مرحلة صعبة .... مرحلة النضوج ... والانفتاح والاختلاط مع العالم الخارجي .. مرحلة تكوين الذات برأيي ... مرحلة البدء بتحقيق الاهداف ... وصنع اهداف اخرى ..... وهون بنوصل لمرحلة ما بعد الجامعة او مابعد التخرج ... هون بيكون الشب او الصبية انحط بأول طريق حياتو .. يا إما بيمشيه صح ... او بضل بيعاني فترة مو قليلة بحياتو ...

    والله يوفق الجميع ....



    -بحكم إنك بنت واعية لدرجة مميزة شو رأيك بشباب اليوم بقصد الجنسين طبعا

    تسلمي يارب (*^لإ$ُ... انتي بتعرفي رأيي منيح ... انا بزعل كتير عالشباب الضايع بهالايام .. ومابظن كلمة ضياع هي قليلة لوصفن ... لانو اللي عم نشوفو هالايام وعم نسمع عنو .. اكتر من ضياع ... لك صاير من كلة 100 شب وصبية صدفة تلاقي حدا يجاوبك بمنطق .. لما بتسأليه عن هدف حياتو ... ماعاد حدا فكر بمستقبلو .. او ليش هو عايش ولاحدا حاسس بالمسؤولية تجاه دينو ومجتمعو ابدا وصدفة انك تلاقي حدا حابب يغير شي بحالو او باللي حواليه ... والأغلبية ماشي ع مبدأ اللهم نفسي أو انا ومن بعدي الطوفان ... هاد غير الالتزام الديني ... اللي صاير صدفة نشوفو بين هالشباب ... وعنجد هاد شي بيزعل .. هاد غير انو احيانا عم حس نسبة الواعيين والناضجين عم تقل اكتر واكتر ... يعني عم نشوف شباب وصبايا بأعمار فوق 22 و25 سنة .. واسه بتحسهن مراهقين عم يتخبطو ببحور الحياة ..

    -شو صار بالزيارة ولا متل العادة ههههههههههه

    لا ولو ... انا الخميس تفريغي ... عندك شي ؟؟ جهزي ابريق الشاي .. وقبل ما يغلي بتلاقيني عندك هههه


    بدكن الصراحة ... حبيت القعدة هون ... ( مش حتنازل عنو ابدا مهما يكووووون ) خلوني كمان كم يوم ... مو ناقصني غير شي رواية او كتاب اقراه بهالقعدة...
  • suzysuzy عضو ذهبي
    تم تعديل 2010/10/11
    صار دوري لمى أنا بيطلعلي فيكي نصيب و حبيت أسئلة الكل و اجاباتك كانت مميزة كتير لهيك قررت أسألك كام سؤال
    أولا يوم يلي نزل الموضوع حكينا أنو شغلة الكرسي صعبة و بدها جرأة كيف لقيتيه هلأ خصوصا انو حاسستك مرتاحة تمام
    تانيا شو هوي الحلم يلي ما بتتنازلي عن تحقيقو أبدا (يعني مصممة عليه)
    ثالثا قديش برأيك الفرق بين الصيدلة يلي عم تتدرس بالجامعة و الصيدلة يلي عم تتمارس بالواقع (يعني الفرق بين المناهج يلي عم ندرسها
    و المعارف يلي منحتاجها عمليا)
    حاجة صيدولة ما بدي تعبك و كاسة الشاي و البتيفور عندي ناطرين تشريفك
  • Dr.AhmadDr.Ahmad مدير عام
    تم تعديل 2010/10/12
    يسلموا كتير صيدولة أجوبتك حلوة خاصة نشاطاتك بالبيت ... بس عفوا في استفسار صغير !!! اديش مساحة بيتكن !!! و يا ترى هل هو للسكن أو لشغلات تانية ؟؟

    مشان مشروعك ما بعرف شو نوع المشروع هل هو انو تتكلمي عن اضطراب معين لو كان فعنوان " اضطرابات استقلاب البيلروبين " عنوان كتير حلو و لو كان عن عنوان أكبر من هيك فــ " اضطرابات الكبد الاستقلابية " بحس انو هدول العنوانين ممكن يصيرن عنن مشاريع تخرج حلوة بس بدن شغلن منيح و انا بصراحة لو بايدي ما بقرب صوب الكبد أبدا لانو كلو كيمياء برغم أني من عشاق الكيمياء و علاماتي كانت ممتازة بالكيمياء الحيوية لكن ما بحب اختص بهيك شغلات ابدا

    بعدين شو مشان كل هالئد مبين عليي محقق قاسي !! هههههههه و الله أنا حباب كتير ... اسألو حازم عني هههههههههههههههه
  • صيدولةصيدولة عضو ذهبي
    تم تعديل 2010/10/12
    صار دوري لمى أنا بيطلعلي فيكي نصيب و حبيت أسئلة الكل و اجاباتك كانت مميزة كتير لهيك قررت أسألك كام سؤال

    ولو ياسوزي ... انتي غالية كتييير اكتر مابتتصوري ... وبيطلعلك تسألي قد مابدك ...

    أولا يوم يلي نزل الموضوع حكينا أنو شغلة الكرسي صعبة و بدها جرأة كيف لقيتيه هلأ خصوصا انو حاسستك مرتاحة تمام

    بهي معك حق .... وقتها قلتلك انو مارح ارضى يقعدوني عالكرسي ... وبدها جرأة كتير خاصة انو انا مو من النوع الاجتماعي كتير ... ومابحب مين ماكان يعرف اشيا خاصة عني ... بس عنجد انا بحس الكل هون من اصدقائي الغاليين كتير ... وشو ما سألو اكيد رح جاوب وبوضوح وبصراحة تامة مع الاحتفاظ ببعض الشغلات الخاصة فيني .. ومتل ماشفتي الاسئلة كانت كتير حلوة وخفيفة وعجبتني القعدة كتييييير...


    تانيا شو هوي الحلم يلي ما بتتنازلي عن تحقيقو أبدا (يعني مصممة عليه)
    اممممممممم سؤال صعب .... يمكن الحلم الاساسي بحياتي اني كون انسانة مفيدة بمعنى الكلمة ... امرأة فعالة بهالمجتمع .... قدوة لغيري .. مهما اختلفت المجالات اللي ممكن حقق فيها هالحلم ... حابة انو اعمل شي مهم كتير بحياتي ...


    ثالثا قديش برأيك الفرق بين الصيدلة يلي عم تتدرس بالجامعة و الصيدلة يلي عم تتمارس بالواقع (يعني الفرق بين المناهج يلي عم ندرسها و المعارف يلي منحتاجها عمليا)

    حطيتي إيدك عالجرح ....واذا بدي احكي مابخلص لبكرا ... شتان مابين اللي عم ندرسو وبين الواقع ... شو بدي احكي لاحكي عن هالمناهج ؟!! باقيلي سنة لاتخرج ولهلء ما شملت مناهجي اللي درستها كل الزمر الدوائية ... هاد غير المواد اللي ما إلها علاقة باختصاصنا ... والمواد الاساسية بتمر مرور الكرام ... للاسف ماعم يدرسونا غير من الجمل إدنو متل مابيقولو ... واذا الطالب ما اشتغل ع حالو .. بيتخرج صيدلاني فاشل علميا ومهنيا ...وبصير بدو فت خبز كتير ...

    حاجة صيدولة ما بدي تعبك و كاسة الشاي و البتيفور عندي ناطرين تشريفك
    لاتعب ولاشي ... ويسلمو عالشايات والبيتيفور اللي ضيفتيني اياهن الصبح (*^لإ$ُ(*^لإ$ُ
  • sophisophi عضو مميز
    تم تعديل 2010/10/12
    وانا كمان حابة اسأل
    بس اسألتي عالسريع (خفاف نضاف )
    اول شي كيفك صيدولة ؟؟
    حكيلنا عن شي موقف بالمختبر مر عليكي مابتنسي طول حياتك
    بلد حابي تزوريه
    مادة صعبة مرت عليكي تمنيتي لو مادرستي صيدلة مشانها
    شعورك ماقبل التخرج
  • صيدولةصيدولة عضو ذهبي
    تم تعديل 2010/10/14
    يسلموا كتير صيدولة أجوبتك حلوة خاصة نشاطاتك بالبيت ... بس عفوا في استفسار صغير !!! اديش مساحة بيتكن !!! و يا ترى هل هو للسكن أو لشغلات تانية ؟؟

    مشان مشروعك ما بعرف شو نوع المشروع هل هو انو تتكلمي عن اضطراب معين لو كان فعنوان " اضطرابات استقلاب البيلروبين " عنوان كتير حلو و لو كان عن عنوان أكبر من هيك فــ " اضطرابات الكبد الاستقلابية " بحس انو هدول العنوانين ممكن يصيرن عنن مشاريع تخرج حلوة بس بدن شغلن منيح و انا بصراحة لو بايدي ما بقرب صوب الكبد أبدا لانو كلو كيمياء برغم أني من عشاق الكيمياء و علاماتي كانت ممتازة بالكيمياء الحيوية لكن ما بحب اختص بهيك شغلات ابدا

    بعدين شو مشان كل هالئد مبين عليي محقق قاسي !! هههههههه و الله أنا حباب كتير ... اسألو حازم عني هههههههههههههههه
    الله يسلمك دكتور ..... مساحة بيتنا مو كتير كبيرة يمكن شي 200 متر او اقل شوي ... واكيد هو بس للسكن :lol::lol:

    شكرا عالعنواين الحلوة ... فعلا خرج مشروع تخرج .. ومتل ماقلتلك انا مجبورة ضل بهالمجال ... مو ع كيفي
    واكيد مانك محقق قاسي ابدا ... ولو يادكتور من غير ما نسأل حدا الكل يعرف انك حباب ...



    وانا كمان حابة اسأل
    بس اسألتي عالسريع (خفاف نضاف )
    اول شي كيفك صيدولة ؟؟
    حكيلنا عن شي موقف بالمختبر مر عليكي مابتنسي طول حياتك
    بلد حابي تزوريه
    مادة صعبة مرت عليكي تمنيتي لو مادرستي صيدلة مشانها
    شعورك ماقبل التخرج

    اهلين صوفي ... انا منيحة الحمدلله ... عايشة ورضيانة وقنوعة بقسمة ربي إلي
    موقف بالمختبر .... هو في مواقف كتييير ... مع انو انا الله وكيلكن عاقلة وما إلي مشاكل ابدا ابدا ابدا :whistling:
    اخر موقف مريت فيه ... ومابنحسد عليه بمخبر التحليل الالي ... كان شوب كتير ومن دخلتي قمت وفتحت الشباك وكان في هوا كتير برا وطارو البرادي ووقعو بطريقن مدري كم بالون معايرة وبيشر ....الخ ... وبلش التكسير .. وانا واقفة عاملة حالي برييييييييييئة وماعملت شي ,,, انا بس فتحت الشباك ... :cry:


    بلد حابة روح عليه ....القدس ...

    مابظن في مادة مريت عليي تخليني اتمنى لو مادرست صيدلة ... بس في مواد صعبين متل كيميا العقاقير مابحبا ابدا .... وهلأ عم ناخد بيولوجيا جزيئية وباين انها مادة سئييييييييييييلة :sad
    :

    شعور ماقبل التخرج شعور حلو وصعب بنفس الوقت ... باقيلي سنة وابإذن الله بتخرج وبنطلق عالحياة العملية وبلش حقق أحلامي ... بس هاد كلو حكي نظري لأنو وقت بشوف الواقع .. بتمنى احيانا ما اتخرج وابقى بمحلي حاليا ... وكمان شعور حلو ..بآخر سنة بوحدة من أحلى مراحل الحياة اللي مرينا فيها ... المرحلة الجامعية اللي مرت عنجد بسرعة وتعلمت فيها كتير واكتسبت فيها كتير خبرات واشيا سواء عالصعيد الاجتماعي او العلمي ...
    بس بيني وبينك خايفة كتير من مرحلة مابعد التخرج ... الله يستر ... بس عم حاول حاليا ركز بس بهالسنة لاضمن تخرجي بمعدل منيح ... ولاحقة عالتفكير بباقي الشغلات .....
  • Dr.AhmadDr.Ahmad مدير عام
    تم تعديل 2010/10/15
    شكرا كتير صيدولة هاد من ذوقك بتمنالك التوفيق يا رب و بتمنى تكون الاستضافة عجبتك على هالكرسي . ههههههه
  • غاردينياغاردينيا Foreign Languages Supervisor
    تم تعديل 2010/10/15
    شكرا كتير لموش
    عندي سؤال ياريت تجاوبي عنو بصراحة انشاالله عجبك الكاتو شغلي ايدي اللي بقيت 3 ساعات عم اشتغل فيه ههههههه:laugh:
  • صيدولةصيدولة عضو ذهبي
    تم تعديل 2010/10/18
    مافي داعي للشكر غاردينيا ... ولو مافي شي من قيمتك ... وعنجد انبسطت كتير باستضافتك الي ...
    ومشان الكاتو ... (حارتنا ضيقة ومنعرف بعض هههه) اكيد كانت بتجنن ... بس كأنك مكترة السكر شوي ؟!!

    ميرسي كتير د.احمد عالاستضافة الرائعة ... مافي منكن والله ...وبما أنو ماضل اسئلة رح قوم عن الكرسي ليقعد حدا تاني ..... بس مين ياترى ؟!!
  • Dr.AhmadDr.Ahmad مدير عام
    تم تعديل 2010/10/18
    هو ما قصة ما ضل اسئلة في اسئلة كتير بس ما حبينا نتقل بس بما أنك حابة كمان شو عليه

    - شو هو السؤال اللي كنت حابة نسألك ياه و ما سألناكي ياه ..
    - شو كان موقفك من الموقع لما تعرفتي من خلالو على سوزي ...
    - كلمة شكر .... كلمة عتاب .... تحية محبة من القلب .... تحية اجلال و اكرام .... لمين بتوجهي كل وحدة من هدول ؟
    - شو هواياتك المفضلة ؟ و لما يكون عندك وقت فراغ شو بتساوي ؟
    - اخر شي شو رأيك بالكرسي ؟؟ بتنصحي الأعضاء يقعدوا عليه أو لا ؟؟؟ و اذا اي يا ريت توجهي دعوة لغاردينيا تشرفنا عليه ههههههههههههههههه ..
  • ميرةميرة المشرفة العامة
    تم تعديل 2010/10/23
    صيدووولة وينك ؟؟؟

    2360.imgcache
  • Dr.AhmadDr.Ahmad مدير عام
    تم تعديل 2010/10/23
    يبدو كأنا هربت !!!! بس مالها عادة ... صيدولة ضيفي سؤال جديد عالقائمة : وين كنتي غايبة هالفترة ؟؟؟؟
  • صيدولةصيدولة عضو ذهبي
    تم تعديل 2010/10/25
    ليكني .... (ههههههه) ... لوين بدي اهرب ؟!!:cool2:
    بعتذر عالتأخير .... بس ماصحلي مشوار لهون الفترة الماضية :wink:
    ميرسي ع سؤالك ميرة والوردات حلوين كتيييييييييييير

    - شو هو السؤال اللي كنت حابة نسألك ياه و ما سألناكي ياه ..
    - شو كان موقفك من الموقع لما تعرفتي من خلالو على سوزي ...
    - كلمة شكر .... كلمة عتاب .... تحية محبة من القلب .... تحية اجلال و اكرام .... لمين بتوجهي كل وحدة من هدول ؟
    - شو هواياتك المفضلة ؟ و لما يكون عندك وقت فراغ شو بتساوي ؟
    - اخر شي شو رأيك بالكرسي ؟؟ بتنصحي الأعضاء يقعدوا عليه أو لا ؟؟؟ و اذا اي يا ريت توجهي دعوة لغاردينيا تشرفنا عليه ههههههههههههههههه ..

    - مافي سؤال حاططتو ببالي .... بس مدري ليش كنت متوقعة تسألوني كتييييير وتوقعت اسئلة صعبة !!! :whistling:
    - ماكنت ناطرة اتعرف ع حدا لحتى آخد موقف معين من الموقع .... لانو ئد ماحكيت مابعطي هالموقع الرائع والراقي حقو ... بس اكيد تعرفي بسوزي كان من اجمل الامور اللي حققلي اياها الموقع ... وانا بعتز بمعرفتها وصداقتها اكتر ما بتتصورو ... وبحمد ربي وبشكر هالموقع الرائع على معرفتها ومعرفتي فيكن كلياتكن ...(*^لإ$ُ
    - كلمة شكر .... لله عز وجل ... واكيد مو كلمة وحدة
    كلمة عتاب .... بوجهها لحالي
    تحية محبة من القلب ... لإلكن كلياتكن ... وعنجد من القلب ... لانكن بالفعل غاليين كتير على قلبي
    تحية اجلال واكرام ... والدي ووالدتي ...الله يخليلي اياهن يارب
    - هوايتي المفضلة القراءة ... وبكتب ( او بالاحرى بخربش:tongue: ) خواطر او هيك شي ...
    - لما بيكون عندي وقت فراغ ( وصاير بالصدف هالايام ) بحب اقعد لحالي مع حالي حاسب نفسي ... ورتب افكاري ...الخ (... وبحبذ وجود فنجان شاي .... :wink::wink:)
    - رأي بالكرسي ... حلو ومريح ... بيوطد العلاقة بين القاعد عليه والمحققين الطيوبين كتيييييييييييير ... وبيخلينا نتعرف ع بعض اكتر .. وأكيد بنصح الاعضاء يقعدو ويعترفو بكل شي:rolleyes2: ( شو رأيك دكتور احمد بهالدعاية ؟ لاتنسى حصتي من الارباح :wink::cool2:)
    صيدولة ضيفي سؤال جديد عالقائمة : وين كنتي غايبة هالفترة ؟؟؟؟
    والله يا د.احمد غايبة بهالدنيا ... مارة بفترة ضغط على جمييييييييييع الاصعدة .... فترة وبتعدي بأقل خسائر بإذن الله ...:unsure:

    وبناء على طلب الدكتور احمد ... انني ومن هذا الكرسي الجميل أوجه دعوة للانسة غاردينيا لتشريفنا بالجلوس على الكرسي والاعتراف قليلا ... ( د.احمد انت عالدور ماني نسيانتك:wink: )
  • Dr.AhmadDr.Ahmad مدير عام
    تم تعديل 2010/10/25
    ليكني .... (ههههههه) ... لوين بدي اهرب ؟!!


    ما بعرف و الله أنتي أدرى !!!


    شكرا جزيلا على الأجوبة الرائعة صيدولة و أكيد أنتي أخت غالية و عزيزة علينا جميعاً و بصراحة كنتي ضيفة مميزة على الكرسي و بهنيكي على اسلوب الدعاية المميز ( مشان الأرباح ما حلوة نحكي فيا قدام العالم هههههههه )

    بتمنالك التوفيق و تطلعي من الأزمة بدون خسائر ان شاء الله و إذا في مجال للمساعدة ان شاء الله ما منقصر كلنا ...

    ........ برجع بأكد الدعوة ........
    غادرينيا تفضلي رسميا للإدلاء باعترافات حول اخر قضية هههههههههه



    بتمنى صيدولة تقبلي منا هالهدية المتواضعة :lol:

    akbar-hadiya..jpg
  • غاردينياغاردينيا Foreign Languages Supervisor
    تم تعديل 2010/10/25
    بما انو تم دعوتي رسميا للمحكمة اذاً مافي مجال للهروب هههههههه
    لا طبعا انا عم امزح انا حابة كون عالكرسي لحتى كون جاهزة لأسئلتكن
    ولأنو ماصحتلي الفرصة انو عرف عن نفسي أكتر فشكرا عالدعوة دكتور أحمد بس ياريت قبل ماتبلش الدعوى تتذكر حديث الرسول صلى الله عليه وسلم
    * رفقا بالقوارير * هههههههههههه لأني والله مابلقى
  • صيدولةصيدولة عضو ذهبي
    تم تعديل 2010/10/29

    شكرا جزيلا على الأجوبة الرائعة صيدولة و أكيد أنتي أخت غالية و عزيزة علينا جميعاً و بصراحة كنتي ضيفة مميزة على الكرسي و بهنيكي على اسلوب الدعاية المميز ( مشان الأرباح ما حلوة نحكي فيا قدام العالم هههههههه )

    بتمنالك التوفيق و تطلعي من الأزمة بدون خسائر ان شاء الله و إذا في مجال للمساعدة ان شاء الله ما منقصر كلنا ...

    ........ برجع بأكد الدعوة ........
    غادرينيا تفضلي رسميا للإدلاء باعترافات حول اخر قضية هههههههههه



    بتمنى صيدولة تقبلي منا هالهدية المتواضعة
    العفو دكتور .... وشكرا الكن على هالاستضافة الحلوة ... ومشان الازمة بإذن الله بطلع منا بس ايمتى مابعرف ؟! وميرسي إلكن ...
    د. احمد ... والله حرام هيك .... شو في بقلب الهدية ؟!! :cry::cry: معمل أدوية مثلا؟!!! :tongue: :wink::tongue:


    بما انو تم دعوتي رسميا للمحكمة اذاً مافي مجال للهروب هههههههه
    لا طبعا انا عم امزح انا حابة كون عالكرسي لحتى كون جاهزة لأسئلتكن
    ولأنو ماصحتلي الفرصة انو عرف عن نفسي أكتر فشكرا عالدعوة دكتور أحمد بس ياريت قبل ماتبلش الدعوى تتذكر حديث الرسول صلى الله عليه وسلم
    * رفقا بالقوارير * هههههههههههه لأني والله مابلقى

    اهلا وسهلا شرفونا حبابنا :lol::lol::lol: وبصراحة ياجماعة عنجد غاردينيا ما بتلقى ديرو بالكن عليها
    اي غاردينيا حبيبتي ... خير البر عاجله ... خلينا نبلش فورا :
    اولا: الاسئلة من العيار الخفيف :
    - كيفك اليوم؟
    - شو بتحبي نضيفك؟
    - شو احساسك وانتي قاعدة وناطرة الاسئلة المجهولة من ناس اصلا مابيعرفوكي ولابتعرفيهن منيح؟ (باستثنائي انا طبعا :whistling:)
    - احساسك يوم اللي رحتي تساوي مصدقة التخرج؟
    - شو كان شعورك بأول يوم وقفتي فيه قدام الطلاب بالمدرسة ؟


    بيكفي اليوم .... لنا عودة بإذن الله ...