وجهة نظر ..

صيدولةصيدولة عضو ذهبي
تم تعديل 2010/10/21 في ساحة الحوار و النقاش
** اللي بحب ما بيكره **
لا ... فالذي يحب قد يكره ...ويكره... ويكره
فبعض الحب ينقلب الى طوفان من الكراهية البغيضة فلايبقي أثرا للعاطفة .. ولايذر..



** اللي انكسر مابيتصلح **
خطأ.. هناك أشياء تكسر لتعود اجمل مما كانت عليه وأروع ..
حتى الأحلام ..والقلوب



** فاقد الشيء لايعطيه **
أبدا" ... ففاقد الشيء قد يعطيه .. وأكثر من سواه
لكن في المعنويات فقط .. وليس الماديات.




** اللي انظلم ... مابيظلم **
خطأ .. فالبعض يذيق الاخرين عند التمكن والمقدرة أضعافا مضاعفة من مرارة الظلم الذي احتساه هو ذات ضعف.



** من سار على الدرب وصل **
ليست كل الدروب ممهدة وتنتهي الى وصول
فالبعض يسير ويسير ويسير .. ولايصل ابدا..



** البعيد عن العين بعيد عن القلب **
هذا تحدده مساحة الانسان وحجم وجوده فينا
فالبعض لايقترب من القلب إلا حين يبتعد عن العين
وبعضهم يغيب بلا غياب
بينما يوجد البعض الاخر بلا وجود




** على قد لحافك مد رجليك **
لا ... فبدل أن تختصر قامتك
وتحول نفسك إلى مقاس لحافك
حول لحافك الى مقاسك



** الوقت كالسيف .. إن لم تقتله قتلك **
في اعتقادي ... سواء قطعت الوقت أم قطعك ... فأنت الميت الوحيد
فقتل الوقت بحد ذاته نوع من أنواع الموت




** اللي ما إلو أول ما إلو تاني **
خطأ .. فكثيرون لم يكن لهم من الأول نصيب ..
وأصبح لهم الثاني كله

التعليقات

  • sophisophi عضو مميز
    تم تعديل 2010/09/27
    كلام كتير حلو صيدولة
    يسلمو ايديكي .........
  • dr.Alidr.Ali مدير عام
    تم تعديل 2010/09/27
    ** على قد لحافك مد رجليك **
    لا ... فبدل أن تختصر قامتك
    وتحول نفسك إلى مقاس لحافك
    حول لحافك الى مقاسك

    أنا ما بوافقك الرأي صيدولة لانو هاد المتل بيعبر عن الرضى بالنصيب و بما يقسمه الله للانسان من رزق طبعاً بعد العمل الجاد و الأخذ بالأسباب لكن بعد أن يعمل الإنسان ما عليه لابد أن يمد لحافه على قد رجليه لأنو هاد اللي الله رزقو اياه

    ** من سار على الدرب وصل **
    ليست كل الدروب ممهدة وتنتهي الى وصول
    فالبعض يسير ويسير ويسير .. ولايصل ابدا..

    أنا بشوف انو الدروب غير الممهدة تصعب الوصول و لا تحول دونه إن كان ذلك فربما يكون طريقاً مسدوداً...........

    مشكورة جداً صيدولة على الطرح الجميل..........
  • dr.Hazemdr.Hazem مدير عام
    تم تعديل 2010/09/27
    ماشاء الله شو هل الحكم الغريبة !!! عم تخالفي حكم الكبار صيدولة ؟!
    أهم شي أنا برأيي فاقد الشي فعلاً لايعطيه .....
  • صيدولةصيدولة عضو ذهبي
    تم تعديل 2010/09/27
    نورتي صوفي ... اشتقنا لوجودك ..

    وجهة نظرك صحيحة د.علي .... بس الفكرة هون انو مو لازم الواحد يستسلم للواقع اللي عايشو والمفروض يضل عم يشتغل ليحسن وضعو ... ومتل ما قلت بالاخير لازم يرضى بنصيبو


    اهلين د.حازم .... مو قصة مخالفة او اعتراض على حكم الكبار .... بس هي مجرد وجهة نظر @!#&^
    واكيد هالحكم والامتال لا اعتراض عليها ابدا ....
  • وجيهةوجيهة مشرفة منتدى تربية الأطفال
    تم تعديل 2010/09/27
    انا مع الدكتور حازم

    ** فاقد الشيء لايعطيه **
    أبدا" ... ففاقد الشيء قد يعطيه .. وأكثر من سواه
    لكن في المعنويات فقط .. وليس الماديات.



    وكمان

    ** البعيد عن العين بعيد عن القلب **
    احيانا بكون الشخص قدامك مأمن عليه لو ماكنت عم تهتم فيه
    بس لما بيغيب بتشتقلو وبتصير بتسال عنو
  • وجيهةوجيهة مشرفة منتدى تربية الأطفال
    تم تعديل 2010/09/27
    شكر للجميع
  • ميرةميرة المشرفة العامة
    تم تعديل 2010/09/27
    مشكووووورة صيدولة على الطرح الجديد
    عجبني كتير
    بس حسيت الأروع ؟؟؟
    ** البعيد عن العين بعيد عن القلب **
    هذا تحدده مساحة الانسان وحجم وجوده فينا
    فالبعض لايقترب من القلب إلا حين يبتعد عن العين
    وبعضهم يغيب بلا غياب
    بينما يوجد البعض الاخر بلا وجود

    هذا بحكم سفري وابتعادي عن أهلي وأحبتي
    وحتى ممكن في المطلق في حالة الوفاة !!!
  • غاردينياغاردينيا Foreign Languages Supervisor
    تم تعديل 2010/09/28
    كلام كتير منطقي برأيي
    وخاصة البعيد عن العين بعيد عن القلب ومعالجتك لإلو يعني متل حالتي وحالتك ماهيك ههههههههه
  • dr.Hazemdr.Hazem مدير عام
    تم تعديل 2010/09/28
    على فكرة شرح الأخت ميرة شرح رايع للمتل ..
  • صيدولةصيدولة عضو ذهبي
    تم تعديل 2010/09/28
    نورتو وجيهة وميرة .... الله يقرب كل بعيد
    غاردينيا ...شو قصدك ... عم تسمعي على شي ... !!!

    واكيد الوفاة مابتبعد الانسان عن القلب لو مهما مر الزمن ...
  • Dr.AhmadDr.Ahmad مدير عام
    تم تعديل 2010/09/29
    ميرة كتب:
    ** البعيد عن العين بعيد عن القلب **
    هذا تحدده مساحة الانسان وحجم وجوده فينا

    كلامك صحيح تماما ميرة ... كان الي اصدقاء من لما كنت بالثانوي و من وقتا لهلئ ما شفتن لكن لساهن ببالي لا و حاسس انو محبتي الن زادت

    صيدولة اسمحيلي فيا ... الوفاة بتبعد الانسان عن القلب و إن ما كان حقيقة لكن بتخلي حاجز أو بتنسي أو اي مصطلح من هالشي
  • صيدولةصيدولة عضو ذهبي
    تم تعديل 2010/09/30
    د. احمد الوفاة بتخلق حاجز ... او بتنسي ... بس انو تبعد الانسان عن القلب ما بظن ... واكيد هاد بيرجع لمكانة الشخص يقلبنا ...

    بس شو مشان انو اقتنعتو بشرح ميرة للمتل ... وهالشرح اللي انا كاتبتو .... ()*& !#&
    ولا اذا انا كاتبتو ما بيعجبكن :258::168::168:
  • سيتامولسيتامول عضو جديد
    تم تعديل 2010/10/01
    موضوع جميل .. مشكورين
  • صيدولةصيدولة عضو ذهبي
    تم تعديل 2010/10/01
    العفو سيتامول .... شكرا لمرورك ... وأهلين فيك بالعيادة ...
  • Dr.AhmadDr.Ahmad مدير عام
    تم تعديل 2010/10/01
    لا و لو صيدولة ما هو الشكر موصول لعندك ما أنتي راعية هالنقاش الحلو ... و لو :242:


    و لا كمان هون في غيرة :238:
  • صيدولةصيدولة عضو ذهبي
    تم تعديل 2010/10/01
    له له ... شو غيرة ما غيرة ... أعوذ بالله $#
    بس انو استغربت منكن مو اكتر ....:%^5:
  • Dr.AhmadDr.Ahmad مدير عام
    تم تعديل 2010/10/01
    ههههههههههههههههههههههههههههههههههه ... يلا خلص التوبة مرة الجاية منشكرك و بعدا منشكر ميرة
  • لحن الحياةلحن الحياة عضو نشيط
    تم تعديل 2010/10/02
    حلوين كتير صيدولة...بعتقد انو هي الامثال كانت وصف لنماذج معينة و وطلع فيها صاحبها بعد ما خاض تجربة معينة وصلتو لهالنتيجة بس برأيي انو ما فينا نعمم دايما يعني مثل فاقد الشيء لا يعطيه برايي مانو صحيح دايما ..انا شخصيا بعرف ام انحرمت من الطفولة ومن حنان الاهل ومن العواطف الحلوة بس هلأ عم تفيض حنان وحب وامومة على اولادها وعلى كل محيطها
  • صيدولةصيدولة عضو ذهبي
    تم تعديل 2010/10/02
    تماما لحن الحياة .... هاد قصدي من كل الموضوع ... انو مانعمم هالامتال ونضل نقولها عالرايحة والجاية ... بشكل اعمى من غير تفكير

    وشكرا كتير لمرورك العطر ... نورتينا
  • sondossondos عضو مميز
    تم تعديل 2010/10/20
    صيدولة كتير حلو الموضوع... يسلمو اديكي .
  • صيدولةصيدولة عضو ذهبي
    تم تعديل 2010/10/21
    الله يحلي ايامك سندس .... شكرا لمرورك ... وهي كانت مجرد وجهة نظر ...