ماهو اهم درس تعلمته من حياتك؟؟

suzysuzy عضو ذهبي
تم تعديل 2010/07/05 في المنتدى العام
نعيش في هذه الحياة ونمضي في دروبها

ونسعى في طرقاتها ..

ونتوقف في محطاتها ..

وفي سيرنا هذا نصادف من العبر والدروس الشي الكثير ..

نعم نصادف ونعايش

ونتألم ونتعلم ..

ونظل نمضي لنصادف من جديد ونتعلم من مدرسة الحياة


(( الحياة ))


أكبر مدرسه.. وأفضل مدرسه..

والذي لم يتعلم فستعلمه الحياة أعظم الدروس وأكبرها..

حياتنا تكون صعبه في أحيان كثيره .. ونضعف لمواجهتها
ظروفنا تكون أقوى من أن نتحملها..
صدماتنا أكبر من ان نستوعبها..

وهذا مايحدث مع الجميع وهذا واقعنا الذي لامفر لنا منه..

دائماً مانقوي أنفسنا للمواجهه.. منا من ينفع معه ومنا من لاينفع معه أبداً
فربما يكون يئسه يسيطر عليه بشكل كبير.. وهذا يضعف من قدرة المواجهه الكبيره لديه..


(((( ماهو أكبر درس لقنته لك الحياة ))))

الكثير منا يتعظ من مواقف تحصل له دائماً .. مع أي كائن يكون..

ماموقفك من هذي المواقف التي قد تكون مؤلمه وقد تكون نتيجتها سلبيه عليك أنت..



بإنتظار عطر ردودكم وشذى أقلامكم ...

التعليقات

  • عاشقة العلومعاشقة العلوم عضو ماسي
    تم تعديل 2010/06/29
    الحياه مدرسة فكلما ازداد بقاؤنا فيها ازداد فهمنا للامور التي تجري من حولنا
    بالتسبة لي علمتني الحياه اشياء كثيرة افادتني في تطوير ذاتي رغم قسوتها علمتني الصبر في الشدائد منها فهمت ان الحياه مجرد علاقات لاتدوم الا اذا فهمنا من حولنا وتأقلمنا على طبيعتهم
    الحياه مأسي وافراح احلام وآمال ربما تتحقق وربما لا
    شكرا على الموضوع فعلا جميل
    مني اجمل تحية
  • dr.Hazemdr.Hazem مدير عام
    تم تعديل 2010/06/29
    لحد هلأ تعلمت إنو بعمري ما إتخلى عن صديق حتى لو كان عندي آلاف الأصدقاء..
  • dr.Alidr.Ali مدير عام
    تم تعديل 2010/06/29
    أشهد على صدق كلام حازم و تعامله مع أصدقاؤه أكبر دليل
    الدرس اللي تعلمتو أنا بالحياة المتواضعة اللي عشتها و اللي أكبر نصيب منها كان بالدراسة
    اني ما احذف مادة بحياتي مشان المعدل.........:258::258::258::258::311::311::311::311::203::203::203::203::203::219::219::219::219::242:
  • suzysuzy عضو ذهبي
    تم تعديل 2010/06/30
    مشكورين يا جماعة نورتو
    أنا أكبر درس تعلمتو هوي الصبر لأنو الامنيات ما بتتحقق فورا و بدها تعب و جهد ووقت لهيك لازم الانسان يصبر و ما ييأس
  • dr.Hazemdr.Hazem مدير عام
    تم تعديل 2010/06/30
    أخت سوزي الصبر هو مو مادة للتعلم بإعتقادي و إنما هي مسلمة من مسلمات الحياة للإستمرار..
  • dr.Hazemdr.Hazem مدير عام
    تم تعديل 2010/06/30
    علي شهادتك أنا بعتز فيها ...
  • jekjek عضو مميز
    تم تعديل 2010/06/30
    انا تعلمت انو مافي شي بالحياة مستحيل يتحقق اذا عنا اإرادة لنحققو.........
  • suzysuzy عضو ذهبي
    تم تعديل 2010/06/30
    صحيح أخ جيك مشكور
    أخ حازم حكيك صح بس معظم الناس بيعرفو هالدرس نظري و ما بيطبقوه بس الحياة بتعلمك انو كتير بدك تصبر و يكون عندك ارادة لتحقق أهدافك مشكور و نورت
  • TAMMAMTAMMAM عضو ذهبي
    تم تعديل 2010/06/30
    برأيي أهم درس هو الصدق وعدم الكذب ولو على قطع الراس
  • ريميريمي مشرفة المنتدى الثقافي و الأدبي
    تم تعديل 2010/07/01
    علمتني الحياة دروس كتير بطريقة قاسية
    علمتني انو ربنا تعالى هو الوحيد القادر يسمعنا لمالانهاية
    وعلمتني انو المرض هو مو بس موت بطيء للمريض هو موت بطيء لأهل المريض
    علمتني الحياة اني اعتمد عنفسي بكل شي ومااستند على حدا ولا انطر مساعدة حدا
    علمتني الحياة انو الغربة ماهي السفر لبعيد الغربة ممكن نحس فيها ونحنا ببيتنا وبين اهلنا
    علمتني الحياة اني مالازم أوثق بأي انسان 100% وانما خلي لوعشرة بالمية حذر
    ولسع في دروس كتيرة علمتني ياها الحياة مابتكفي صفحات الدنيا لكتابتها
    شكرا ياسوزي
  • Dr.AhmadDr.Ahmad مدير عام
    تم تعديل 2010/07/01
    صح سوزي الدنيا كلا دروس و مشاكل اسأليني الي مستواي الدراسي تدني بشكل رهييييييييييييب بالسنتين الاخيرتين

    اهم شي تعلمتو اني لازم طنش ... شو ما صار ما اسأل و لا انهم لانو لو كل شي بيصير بدي فكر فيه و قضي وقت حسرة و ندامة مشكلة كبيرة و بأيد حازم كمان بكلامو لانو الدنيا بلا رفقة و لا شي و خصوصا زملاء الطفولة .. متل حازم و علي

    تعلمت كمان اني حب الناس و عاملن منيح و اخدمن و لو ما كانو كتير منيحين معي .... المعاملة مع الله لانو هي الطريقة الوحيدة لاكسب قلوب الناس ... اكسب قلوبن عنجد مو مجرد حكي

    تعلمت تعلمت تعلمت ... تعلمت انو في كتار ناس ما بتستاهل اني الواحد يتطلع فيا

    تعلمت انو في كتير ناس منشوفا من برا منفكرا ناس غريبة ما بتستاهل من عندا اي شي يستحق الاهتمام لكن لما نقرب منا منشوف ورد بكل معنى الكلمة

    يسلموا سوزي خليتي ارجع بالشريط لورا كتيرررررررررررر
  • sophisophi عضو مميز
    تم تعديل 2010/07/02
    اي والله الحياة اكبر مدرسة وتحديدا الجامعة يالطيف شو عم اتعلم دروس
    بس من الشغلات المهمة لي تعلمتا اني انا اتصرف مع الناس متل مابيملي عليي ضميري مامتل ماهني عم يعاملوني لان متل ماقال الدكتور احمد في ناس مابيستاهلو نتطلع فيا
    وانو الاحترام بينفرض فرض ومابستنى حدا ليحترمني انا بتصرفاتي بفرض احترامي
    بس التطنيش ماعم اتعلمو بنوووووووووووووووووووووووووووووب ماعم يطلع بايدي طنش

    يسلمو سوزي
  • طبيبة جزائريةطبيبة جزائرية مشرفة منتديا التوليد و الأمراض النسائية و طب الأطفال
    تم تعديل 2010/07/02
    اهم شيئ تعلمته هو اته دائما الخيرة فيما اختاره الله ممكن نتمنى شيئ ونحزن حزن شديد لعدم تحققه ولكن بعد مرور زمن سنكتشف انه كان في عدم تحققه خير كبير
  • TAMMAMTAMMAM عضو ذهبي
    تم تعديل 2010/07/04
    صدقت طبيبة جزائرية ................ لدي تجارب في ذلك وقد أطلقت عليها في ياتي لقب الهروب إل الله
  • suzysuzy عضو ذهبي
    تم تعديل 2010/07/04
    و أنا مع الطبيبة الجزائرية دائما الخيرة فيما اختاره الله
    دكتور أحمد ريمي الرقيقة صوفي المميزة لسا رح تتعلمو كتير الحياة العملية دروسها أقوى و أقسى
    بشكر مروركم
  • clearclear عضو نشيط
    تم تعديل 2010/07/04
    فعلا الحياة كلها دروس وعبر و الشاطر هوي اللي بيتعلم من هي الدروس

    و الأشطر هوي اللي بيحاول يتعلم من كيس غيروا وما يستنى يتعلم من كيسو

    تعلمت ما أوثق كتيير بالناس
    ما أحكم ع الناس من اول نظرة مع أن الانطباع الاول مهم
    ومتل الدكتور أحمد تعلمت أنو لازم طنش مع أني مابقدر دائما
    تعلمت إني ما أتأمل كتيير ودائما أتوقع المفاجأت في هذه الحياة
  • nehadnehad مشرف منتدى التغذية و الطب البديل
    تم تعديل 2010/07/05
    نعم الخيرة فيما اختاره الله

    وأضيف علينا أن نستمع كثيرا ونتكلم نادرا