ومضات فكرية

هداك اليوم اجتني ومضة فكرية بينما كنت منهمكة بلف اليبرق
اانو كانت الي رفيقة عم تعمل سنة امتياز خارج سورية......عم تقلي انو بقسم التوليد اكتر شي لفت نظرها هوي انو نادرا ما تلاقي واحد جايي مع حرمته........يعني ممكن تجيب امها اختها او انشالله جارتها....بس ابن عمها مستحيل...فيكون تقولولي ليش......لانو هوي اعظم من هيك بكتير...هيك مفكر حاله الرجل الشرقي...مكانته فوق فوق كتير ما بتسمحله ينحط بهيك موقف
ويمكن لانو ممكن يطلع صوتا....ولي ولي على آمتي شو يطلع صوتها وهيي حرمة وصوت المرأة عورة
...مع انو ممكن كتير تحتاجه....بس بقول لحاله تنمحق اللي بدو التاني بيجي لعنده....كانو يعني هادا الولد جايي الها لحالها....فيكون تفسرولي ليش؟؟؟؟؟؟


طيب بجوز شي حدا يقلللي كل واحد اله خصوصياته
طيب باعتبار انو غالبيتكون هون اطباء
ليش بتقبل انك تشتغل medical representative
وانا باعتبرها شغلة محترمة مع احترامي لجميع المهن بس ما بتقبل انو اختك ام انسانة بدك ترتبط فيها
تشتغل هالشغلة......لانو يا عيب الشوم شو حرمة تنط من عيادة لعيادة وتطق حنك مع الدكاترة.....يا باطل
يمكن يكون فيا وجهة نظر.....بس انت معلش لانك رجااااااااااااااال


هي هدول الفكرتين اجوني

التعليقات

  • تم تعديل 2009/09/24
    بتمنى اي حدا بتجيه شي ومضة فكرية.....على قولتي يكتبها
    هدول الامثلة جبتون من واقع قريب منكون كتير
    بتمنى تجاوبوني ليش
  • تم تعديل 2009/09/24
    أنت مخطئة في المشافي العامة لاسمح للزوج بالدخول لغرفة المخاض بسبب وجود أكثر من ولادة --أما بالمشافي الخاصة الزوج وأهله وأهلها يتواجدون بالغرفة وأحيانا ينزل الزوج إلى المخاض مع زوجته حسب طلبها فكلامك غريب! !!!!!!!!!!
  • dr.joandr.joan عضو ماسي
    تم تعديل 2009/09/24
    طيب أختي الكريمة هاد جزء من كل لأن الموضوع بقصدك بيتعلق بالعرف الشرقي ؟؟صح؟؟؟

    على كل ليش عم نعيب على عاداتنا و هي يلي محافظة على روابط المجتمع في حين تجارب المجتمعاتا لأخرى واضحة كالشمس صح؟

    و الله صرنا بزمن صار الرجل أو الإنسان الشرقي بشكل عام مذبذب في بحيرة من الثقافات و في صراع على أي ثقافة بدو يرسي ...
  • تم تعديل 2009/09/24
    لا والله ما قصدي العرف الشرقي والمجتمع الشرقي عم احكي عن التركيبة العقلية المستحيلة الفهم للرجل الشرقي يعني بس بدي اعرف شو وجعه؟ وشو بريحه؟شو الحل اللي بيرضيه؟
    على راسي كلامك دكتور مجتمعنا بيبقا احسن من غيره اصلا ما بتصوره غير هيك وما بدنا نغيره....بس رح طق وموت لحتى اعرف شو وجهة النظر بتصرفاتكن اللامحتملة....
    يعني مثلا شو شعورك كرجل لما بتكون امك مثلا او اختك او زوجتك عم تشتغل بالكبة لمدة لا تقل عن 5 او 6 ساعات حسب تقديري
    وبتجي بتاكل خلال 15 دقيقة وبتحمل حالك وبتمشي.اذا قلت يسلمو كتير منيح....لانو هيي الله خلقها لهالوظيفة هيك برأيك؟اذا وقفت عند هون كتير منيح........بس انا ما قصدي انت تحديدا السؤال موجه للكل


    uhadليش ما جاوبت عالسؤال التاني باعتباره من ضمن اختصاصك....عالذمة مو نسبة كبيرة من الخريجين والخريجات عم يشتغلو مندوبين لشركات طبية؟احكيلي عن رأيك بالبنت المندوبة؟اذا كانت ماشية بشكل محترم...
    اول شي انا عم بحكي خارج سورية........من بداية الموضوع كتبت
    2-المخلوقة عم تحكيلي عن وضع بعرفه....لما بتبقا الوحدة بغرفة لحالااو بكون في ستاير بيناتون
    ....في ناس بيعدو مدري كم ساعة بيطلقو
    ودكتور فايت والتاني طالع متخيل شعورا كيف وهوي كانو مالو علاقة بالموضوع ....اللي بيسلق البدن انو ما بكلف خاطره بينتظر برا حتى....يعني من باب الدعم المعنوي....بيحمل حاله وبروح بحط راسو وبنام
    مابعرف هون بسورية كيف الوضع عندكون انتواللي عايشين بالبد بتعرفو اكترمني....انا الحمدلله لسا ما لحقت فوت لا مشافي حكومية ولا خاصة لا كمريضة ولا رافقت حدا ولا رح احتاج ان شاءالله
    غيري افهم مني اذا حكى بهالموضوع
    .....لا تاخدو الموضوع بحساسية....
  • محمد حلبيةمحمد حلبية عضو ماسي
    تم تعديل 2009/09/24
    موضوع جميل بانادول يا الله عليي و بيضرب على الوتر الحساس و بصراحة هيك تساؤلات دائما تجيني و ما زلت بستغرب ......... مثلا عندنا بالكلية تشوف بعض الشباب ما بخلي بنت إلا و بدو يحكيها و وقت بيطلع ي بصير شيخ أو تشوفي البنت من شب لشب و من دكتور لدكتور تضحك لهاد و لهداك و بعد ما تطلع من الكلية يا لطيف تصير فريال بباب الحارة و ما عم قول أنو تصير تحكي شباب لأأنو أكيد ما رح إرضى هالشي لأختي و يمكن الحاجة بالكلية هي تجبرها و لكن ......... و ما زلت بستغرب من هالازدواجية

    و عشان الكبة ممممممم ما بعرف شو قول بس بموت عليها كتير هههههه و بنادول يمكن الإم لما تشوف ابنها يبرها بكلشي بكلمة و و قعل بتنسى تعبها شو ما يكون يكون ...... و الدراسات أثبتت أن الرجل أقوى جسديا من المرأة و لكن من حيث قوة التحمل و الصبر امرأة وا حدة عن عشر رجال و أكيد شغل البيت مو سهل ساليني إلي ههههه جربت نهار بر إمي اشطف البيتبركي باخد شي دعوة منها العما ضهري انبرق من أول دقيقتين شو أنا قاعد بسجن الأشغال الشاقة ههههههههه الله يخلينا إمهاتنا جميعا و يجعلنا من البارين

    و عشان مجتمعنا يمكن فعلا صار صعب شوي على الرجل صعب التاقم مع ما يجلبه العصر بين التقاليد المحافظة و ما اعتدنا عليه و بين ما يأتيها من الخارج بدعوى التطور .... إلخ من هذا الكلام مع أنو برأي الأمر بسيط ما يتفق مع دينا ناخد فيه و ما يختلف معه نرفضو ......... و عشان المستشفيات متل ما قلك الدكتور نهاد يمكن حسب القوانين بالمستشفى و بالناهيو موكل الناس متل بعضها ....................و إذا أخطأت بشي يا ريت تصلحولي و نحنا هون بساحة بنقاش تحتمل الخطأ و تحتمل الصواب
  • تم تعديل 2009/09/24
    الوحدة لما تكون ما تخاف ربها فيها تعمل اي شي
    وبدي قول انو هي الفكرة مو بس عند الشباب الشرقي بس كمان العربي
    عموما الشغل شغل يعني انا مابيهمني من دخل ومين خرج المهم اني قوم بواجبي وخلص
  • dr.joandr.joan عضو ماسي
    تم تعديل 2009/09/24
    أكيد مرح ناخد الموضوع بحساسية هون موضوع يطرح كتير بالجمعتاسواءً بين الشباب أو البنات على كل صرنا بعصر بيفرض على المرأة في معطم الأحيان مساعدة زوجها بمهنة محترمة لكن هاد مابغير من طبع المرأة بشيء..

    هاد الشيء لازم يتفهمو الرجل لطبعاً ..بس كمان لازم المرأة تحافظ على حيائها لان مقياس المرأة مو جمالها بس كمان حيائها ..

    بعتذر إذا طلعت شوي عن الموضوع الأساسي يلي طرحتوا إخت بانادول ..*
  • تم تعديل 2009/09/24
    هذا الكلام في دمشق غير وارد ----فالعمل عمل البنت عندما تقوم بعملها معتمدة على علمها وموقعها العلمي في المجتمع بمعنى آخر تحترم نفسها فسوف يحترمها الجميع بشكل تلقائي وإذا كانت كعارضة الأزياء والمكياج فسيعاملها الناس على هذا النحو
  • تم تعديل 2009/09/24
    يسلمو dr.hazemانت ما طلعت عن الموضوع بس مالي فهمانة شو قصدكون بموضوع الحياء
    uhad
    على راسي كلامك بس مالي فهمانة انو عرض ازياء وانو مكياج اذا في مندوبات محجبات اصلا
    وبس اجمالا الشركات بترفض البنت المحجبة لانو غالبا مقيدة بالنسبة لموضوع السفر مشان التدريب والدورات
    عموما بحترم رأيك والك مني ارقى تحية

    دخيلو عالم سمسم شو شطور وعاقل بالبيت طلع مو بس بيشطف.....بيعرف طعمة تمه....بس والله ورق العنب اطيب
    نموذج البنت او الشب اللي عم تحكي عنه موجود كتير...وبصراحة اكتر انا ماكتير بفهم بس بتصوري
    انو الشب عايش دور الزمالة وموفارقة معو لا وراه سمعة ولا هم يحزنون بعدين اذا البنات دالقين حالون هوي شو بيعمل...باختصار هي حجته......هادا اذا ما كان قصدا مشان يطقق شي بنت

    اما البنت اللي هيك واللي بتجلطني بصراحة
    هدول البنات متل اللي عم يضحك على حاله....انو ضرورة بتخلي البنت تحكي بطعمة وبلا طعمة
    مابعرف بس يسطفلو......بس الضرورة ما بتخلي البنت تطق حنك عالطالعة والنازلة......بس يمكن بفكرو انو هيك بيجي النصيب...
    وبحب ذكرك انو عنجد المرأة بسبع ارواح متل القطة
    هادا الشطف اسهل واهون شغلة. شغلته ناكتة ما بينحكا فيا....

    عاشقة العلوم.....للاسف الناس عنا مابيعرفو انو الرادع للبنت هو الخوف من الله فقط وليش وجود كسَار لراسها
  • Dr.AhmadDr.Ahmad مدير عام
    تم تعديل 2009/09/24
    السلام عليكم و رحمة الله و بركاته

    نقاش يستحق الدخول فيه دكتورة و للأسف حتى الان ما انطرحت غير بعض الأفكار الصحيحة اسمحيلي بلش وحدة وحدة و بعتذر من أولتها اذا رح طول لكني هيك حاسس على اعتبار انو الي تجربة و لو مو على درجة كبيرة

    *** مشان جاية الرجل مع حرمته عالمشفى : بس تروحي على ستاج التوليد و الامراض النسائية و تشوفي العدد الهائل من الرجال مقارنة بالنساء في قاعة الانتظار رح يوصلك الجواب بكل تأكيد و انا رحت و شفت أما مشان الدخول على قسم التوليد هذا امر ممنوع تماما سواء مخاض أو غيرو بالمشافي الحكومية للرجال أما بالمشافي الخاصة فالوضع بيختلف على اعتبار في سمعة المشفى و زباين و من هالحكي .
    و بالنسبة لبعض الرجال اللي ما بيجي هذا أكيد بكون بدو صبي و المرة المسكينة جابتلو بنت و هذا أمر تاني ههههههه

    *** أما مشان Medical Representative أنا ما عندي هالتصور و ما عندي اي مشكلة أنو انسانة رح ارتبط فيها عم تشتغل هيك طالما اني عرفان هالانسانة منيح لأنو الانسان بالنهاية هو اللي بيرسم صورة حالو بغض النظر عن المهنة ( المحترمة ) اللي عم يعمل فيها.

    *** اما مشان الكبة ... بصراحة ترددت قبل ما أكتب مشان ما تقولي هذا عم يسحب علينا لكني ما عندي حاليا أخوات بالبيت لذلك أنا بساعد أمي بالبيت بالكبة و بغيرها و اليوم كنت عم احفر كوسا و أكيد بدون ما أنزعن ههههههه ..... سواء اللي بيضحك علي ما عندي أي مشكلة ....... عندي أكبر شرف أني ساعد أهلي و ساعد والدتي و طالما اني ما عم ساوي شي غلط فاللي بدو يحكي يحكي

    *** في ناحية هامة جدا تأكدي بانادول أني ما رح اسمح لأي وحدة ألي سلطة عليها تدخل لولادة في مشفى حكومي لأن هناك طبيبات مختصات وبتبقى المرآة الطبيبة أفضل من الرجل الطبيب بهالمجال ... على الأل بالنسبة الي.

    *** و مشان سمعة الشب و البنت ........ نصيحة لكل أخواني الشباب: اذا كنت فعلا بتحترم بنت بالكلية لا تحكي معها لأنك ممكن تكون أسأت لها من حيث لا تدري.

    *** كلمة لعاشقة العلوم : أنا أومن أن الايمان هو أكبر رادع للانسان المسلم لكن رسول الله صلى الله عليه وسلم أمرنا قبل التوكل بالاخذ بالاسباب:: يعني :: أنا ما بروح بشتغل بمكان كلو بنات و بقول لحالي أنا بعرف حالي .... لأنو الشيطان يدخل على الانسان من حيث لا يدري.

    *** آخر كلمة و اسف على الاطالة لحكيمنا عمار :
    الدراسات أثبتت أن الرجل أقوى جسديا من المرأة و لكن من حيث قوة التحمل و الصبر امرأة وا حدة عن عشر رجال
    الرجل أقوى من المرأة جسديا و بقوة الصبر و التحمل و هذا ما أثبتته الدراسات و هذا ما سأعرضه في موضوع أجمعه الان و سيكون شامل ان شاء الله عن الالم و مسكنات الألم الداخلية في الجسم البشري ( ترقبوه قريبا )

    بالنهاية تاكدي انو البنت المحجبة ما بتنرفض لحجابها و على فرض حدث لازم نتذكر قول رسول الله صلى الله عليه و سلم : " من ترك شيئاً لله عوضه الله خيراً منه "
  • محمد حلبيةمحمد حلبية عضو ماسي
    تم تعديل 2009/09/25
    الله أكبر عليكي بانادول شو هالقوة و ليه وين كنتي متخبية :111:ههههههه مشكورة كتير بس يا بانادول شو المانع إذا شطفت شوي لما بشوف إمي مرضانة وما غضرانة تقوم و بدي روح شغلها كمان ؟؟؟؟؟ و طبعا لنا في رسول الله إسوة حسنة ألم يكن يرقع ثوبه و يقضي حاجلته داخل المنزل و إلنا الشرف التشبة فيه و لو بالقليل القليل .........

    و عشان عمل المرأة متل مندوبة المبيعات ما بعرف بس بكل بساطة خلينا نشوف شو بيأمرنا ربنا عن هالشي و بالنسبة إلي ما رح أرفض شوما يكون يكون لكن عن عمل المرأة بشكل عام قرات إحدى المقالات على الغوغل انو عملو استطلاع بين النساء العاملات الأمريكيات و كانت النتيجة 87%منهن يفضلن العودة إلى البيت و الأمومة برأيهن أفضل عمل للمرأة ......
    و عشان عالم السمسم على راسي إم العز كلامك على عيني وراسي وبيعنلي الكتير ولكن بكل بساطة بكرر الكمال لله و لن السعي إليه واجب وما عم قول إني مثالي و لكني عم حاول على الاقل و بالنهاية كلنا بشر ومعرضين للأخطاء و التشبه بالكرام واجب و هل يوجد اكرم من حبيبنا المصطفى

    و طبعا أخي أحد و عاشقةا لعلوم الضابط الأول إلنا بكل حركاتنا لازم يكون خوفنا من الله و ليقل الناس ما يقولو و بتعرفو الناس إذا ما لقت حدا تحكي عليه حكت على حالها و كما قال عليه الصلاة و السلام ( من أرضى الناس بسخط الله سخط الله عليه وأسخط الناس عليه و من أرضى الله بسخط اناس رضي الله عنه و أرضى الناس علنه ) و أما الحكي مع البنات بالكلية بالنسبة إلي موافقك بكل كلمة دكتور و بكل بساطة نحسبها متل إخت إلنا و نعاملها على هالأساس لما نضطر نحكي عشان لوازم الكلية و غيرو .........

    أما عشان أنوالمرأة أكثر تحملا من الرجل شكرا أخي أحمد على التصحيح و بضراحة المقال شفتو على الغوغل و هي النص كامل ............


    أظهرت الدراسات أن هناك فروقاً : (بيولوجية، ونفسية، وسلوكية) بين المرأة والرجل منها :

    - أن الجنين في بطن أمه هو أنثى، حتى الأسبوع السادس من الحمل، حيث تبدأ الجينات الذكرية في ممارسة نشاطها الجنسي، وإظهار ذكورية الجنين.

    - أن وزن مخ الذكر أكثر من مخ البنت بقليل.. ولكن العلماء وعلى رأسهم (إنشتاين) و (أناتول فرانس) أكدوا أنه لا علاقة بين وزن المخ والقدرات العقلية.

    - أن حاسة الشم عند المرأة أكثر قوة وتطور من حاسة الشم عند الرجل.. وأن المرأة تنجذب بقوة للمذاق الحلو، بينما ينجذب الرجل للمذاق الثقيل.

    - أن المرأة أكثر تعرضاً للاكتئاب من الرجل، ويرجع ذلك إلى هرمون (الأستروجين)، الذي يلعب دوراً في إفراز مادة (السيروترين)، المسئولة عن الحالة النفسية.

    - أن المرأة أكثر قدرة من الرجل على تفسير تعبيرات الوجه، كما أنها قادرة على التعرف على الكثير من الانفعالات التي تنتاب الإنسان بسهوله، مثل : الحب، الكره، الخجل، الخوف، القرف، وغيرها الكثير.

    - أيضاً أثبت العلماء أن المرأة متفوقة على الرجل في التخصصات العلمية بشكلٍ عام، بينما الرجل يتفوق على المرأة في مادة الرياضيات بشكل خاص، أضف لذلك تفوق المرأة في تعلم اللغات على الرجل.

    - أكدت الباحثة السويسرية (إديث سلميك) من خلال دراساتها، أن المرأة تعتذر بسهوله عند خطأها مع أحد، دون أن تضع معوقات مثل الكبرياء أو غيره، كما يفعل غالبية الرجال، وأن أغلب الرجال لا يفضلون الاعتذار حتى في حال خطأهم.

    - وأكبر اكتشاف - وأتحمل أنا تبعية كشفه لكم هنا - هو : أثبتت الدراسات أن الرجل يتكلم أكثر من المرأة، وأنه أكثر ثرثرة منها، وأن حديثه يستمر لمدة أطول من المرأة، خاصة في التجمعات، كما أنه يفضل التحدث على الإنصات والاستماع للآخرين، وذلك مناقض ومخالف لما هو شائع عندنا، أن المرأة أكثر ثرثرة من الرجل.

    - أكد أيضاً أن الرجل لا يتردد في مقاطعة المرأة أثناء حديثها، بحيث تصل نسبة مقاطعته لها في حديثها إلى 96 %.

    - أن المرأة تتمتع بإذن موسيقية بنسبة أعلى من الرجل، والدليل أن عدد المطربات أكثر من المطربين.

    - أن حاسة اللمس عند المرأة أكثر وأقوى من حاسة اللمس عند الرجل.

    - أن المرأة تستيقظ من نومها عدة مرات أكثر من الرجل.

    - وأن المرأة أكثر تعرضاً للكوابيس الليلية من الرجل.

    - وأن 48 % من الرجال يعانون من الشخير في النوم، مقابل 22 % من النساء.

    - أن بشرة المرأة يظهر عليها كبر السن بصورة أوضح من الرجل، ويرجع سبب ذلك أن بشرة المرأة أقل سمكا من بشرة الرجل.

    - أن الولد الصغير أكثر قسوة في معاملته للآخرين من الفتاة الصغيرة، وهذا ما أكدته الدراسة التي قامت بها الدكتورة : (كوليت شيلان) أستاذة علم النفس في مركز (الفريد بينتي) بفرنسا، حيث أظهرت تلك الدراسة أن كل حالة قسوة عند الفتاة تقابلها 15 حالة عند الأولاد.

    - أن النمو الحركي عند الفتاة أسرع من الولد، حيث تبدأ الفتاة الصغيرة في المشي في الفترة ما بين 11 و 12 شهراً، بينما الولد يمشي في الفترة من سن 12 و 14 شهراً.. في حين أكدت الدراسات أن الأولاد أكثر شقاوة من الفتيات.

    - أن حالات الانطواء تصيب الأولاد أكثر من الفتيات، على عكس ما يعتقد الكثيرون.

    - أثبتت الدراسات الحديثة أن الرجل يفضل استخدام الدعاية للتأثير على الآخرين، في حين تلجأ المرأة للتعبير بالوجه والكلمات أحياناً للتأثير على الآخرين.

    - أكدت الدراسات أيضاً أن المرأة أكثر تحملاً للمرض والتعب من الرجل، وذلك بسبب وجود جهاز مناعة قوي عندها، يساعدها على الحماية من الأمراض المعدية، وقدرة هذا الجهاز على إنتاج أجسام مضادة للبروتينات الغريبة التي تغزو الجسم.


  • Dr.AhmadDr.Ahmad مدير عام
    تم تعديل 2009/09/25
    كلام حلو حكيم عمار لكن دائما ما كل الدراسات صادقة .......... هي قاعدة اسمعها من أخ و دائما اعتبر ان الدراسات التي تنشر بين أوساط الناس مثل الاسرائيليات لا تصدق و لا تكذب و انما تؤخذ للاستئناس بها لأنه سبحان الله ما بتنتشر غير الدراسات الضعيفة جدا أما الدراسات القوية أنا بستغرب ليش ما بتنتشر
  • تم تعديل 2009/09/25
    اسمحلي قلك شغلة اخ احمد الانسان صح مو معصوم عن الخطأ بس لما بكون بشغل انا عم ادي واجبي والطبيب قبل ما يتخرج بظن انو يقوم بالحلف ما ؟؟؟؟؟
    عموما بالنسبة الي بيظل الايمان رادع قوي للانسان والواحد بيتصرف حسب تربيتو اما عن رايي انا فالكثيرون يعتبرونني متشددة وهاد اشي ما بتعرفوه عني
  • تم تعديل 2009/09/25
    أول شي يسلمو كتير
    حكيم كنت مبسوطة وانا عم بقرأ......اكيد انت بتعرف احسن احسن مني بالنسبة للوضع هون...وعلى قولتك يا اما بكون الزلمة بدو صبي يا ام مو فاضي او عامل حالو قلبو رقيق وما بيتحمل
    هي الفكرة اللي كنت بدي وصللها انو المندوبة الطبية ماشرط تكون انسانة شاطة ومايعة متل ما بقول المجتمع بس بكل بساطة هي طبيعة عمل بتتطلب روحة وجية كتير سفرباغلب الاحيان...بس بالنهاية هيي عم تتعامل مع اطباء..وداخل نطاق عياداتون....الناس بيرفضو من جهة انو ممكن يطلع حدا من بين هالاطباء عينه مو نظيفة....بتوقع هادا شي نادر ما بينحكى فيه.... البني ادم تصرفاته بتفرض احترامه عاللي حواليه....وبيرجع المجتمع بيرفض لانو هي الانسانة لازم تكون انيقة ولطيفة لانو طبيعة العمل بتفرض هالشي...وللأسف مجتمعنا فكرته انو الحجاب يعني الوحدة تنضب بالبيت وما تكون حلوة...مظبوط؟دائما بأكدو الناس وبيقولو انو محجبة ولافتة نظر ما اسمك محجبة
    انا برفض هادا الحكي اطلاقا الحجاب والحشمة هدول امر رب العالمين وما متناقش فيهون ابدا بس هادا مو معناته انو الوحدة تطلع وشا شاحب وقالبة خلقتا وبنفس الوقت ما تكون ممعوطة بالماكياج
    يعني في حل منطقي وسط بيتناسب مع ديننا واخلاقنا وحياءنا ومع حياتنا
    على سيرة حفر الكوسا....مرة وقت كنت زغيرة حفرت كوساية ومن خوفي انو حدا ياكلها بالطبخة..اكلتها وهيي خضرة وبلا حشوة قرمشتها...شايف عشق الذات شو بيعمل
    بالنهاية من تواضع رفعه......الله يرضى عليك...




    dn.ammarوليه...هي معناتا انو وحدة من اولياء الله والصالحين ممممممم شكرا هادا من ذوقك....وين كنت متخبية؟وين كنتي متخبية يا بنت؟ وين كنتي متخبية؟مارح قلك
    .....إن شاءالله مفكر انو طيبة قلب منك انك تشطف البيت....هادا واجبك يا حباب....وجلي الجليات.. عليك....وتلميع الشبابيك وتلييف الحيطان يا شاطر....الله يسامحك بالعكس انا بيكبر بعيني كتير البني ادم اللي بساعد انثى امه
    البيت
    مشان مايكون عالة على غيره....بعدين ما تنسى انو الماما مالا مجبورة لا تطبخ ولا تنفخ هي من وجهة نظر اسلامية غير اذا هيي حبت من حالا تتطوع وتشتغل
    ليش مو عاجبك عالم سمسم...من شو بيشكي؟هي انا بقولولي اني عايشة بعالم الميكي ماوس...شو فيها
    ما عاد ناديلك عالم سمسم... تسطفل
    عجبتني هي الدراسات....دائما اعملو دراسات بمراكز الابحاث الحموية واحكولي عنون
    خصوصي هي انو المرأة تستيقظ كتير......هي مدري ليش بتصير معمّنّي=(معي بالشامي)
    بس عنجد وانا كمان اذا بدك الصراحة بحس انو الدراسات بتحكي عن فئة زغيرة من مجتمع معين
    ما بتنطبق دائما
    يعني هدول النساء اللي بفضلو قعدة البيت....لانو داق خلقون من حياة الشغل ولا تنسى انو اجمالا غالبية الناس ظروفون ما بتسمح انو يعيشو معتمدين على مورد واحد
    بعدين ما تنسا انو هدول ال87% نحنا ما منعرف اديش نسبة الام العزابية منون او متل ما بقولو single motherالاكابر مشان يجملو حقيقة مجتمعون...وهدول وضعيتون كتير صعبة يعني قصدي كتير صعب الام تعتني بطفل لحالا فمابالك باكتر من طفل
    بس يسلمو

    عاشقة العلوم هدّي شوي كلامك مظبوط الانسان مو معصوم والا ما يوقع بزلات بس كمان خطأ عن خطأ بيفرق
    وكمان حكيه للزلمة انو الشيطان مدري من وين بيدخل فيه وجهة نظر
    والله انا مابعرف شو بفهمني بهالامور بس لفت نظري انو الدكتور قال شيطان ما قال شيطانة
    حتى بالقرآن انذكر ابليس ما انذكرت ابليسة


    سبحان الله
  • محمد حلبيةمحمد حلبية عضو ماسي
    تم تعديل 2009/09/25
    دكتورة بانادول إقراي ردي منيح و كمان شوفي أحمد و بالنسبة إلي ما قلت أنو طيبة قلب بل شرف كبير إلي لما ساعد إمي بالبيت و مو هيك أمرنا دينا .....الله يبارك فيكي

    و عشان شغل المرأة بابيت هي مسألة فقهية و مختلف فيها و ما بدي فوت فيها و نخلبها لأهل العلم ....

    و عشان عالم السمسم و الميكي ماوس ماني مزعوج منك دكتورة الله يسامحك و لكن وضحت وجهة نظري مرة تانية و لكن إنتي بتفرحي لما ينادوك أهلك عالم الميكي ماوس ( لا يؤمن أحدكم حتى يجب لأخيه ما يحب لنفسه ) صدق رسول الله و إذا كنت بتحبي خلص قيمت ما بدك ناديلي عالم السمسم و هو اسم حلو كتير ههههههه و يا ستي بصير ناديلك عالم الميكي ماوس و بالنهاية بكرر التشبه بالكرام فلاح

    و عشان الدراسات احتمال تكون دراسات قديمة و دراسا جديدة نفتها و الله أعلم و حتى لما كنت عم إقراها لاحظت بعض الكلام إلو دراسات جديدة طلعت و نفتو متل أنو الرجل يحكي أكتر من المرأة و هلق دراسة بربطانية نشرت في جريدة الثورة أثبتت العكس و ما هو متداول بين الناس أما عشان المرأة أكثر تحملا من الرجل ما بعرف بس ألأ يؤخذ تحمل المرأة لعمل البيت بعين الاعتبار أ و تحملها للألم أثناء الولادة هدول لحالهن بهدو الجبال ؟؟؟؟

    و عشان الاستطلاع بالولايات المتحدة مزبوط حكيك دكتورة غالبا من الصعب قيام البيت على عمل فرد واحد و على الإغلب يتطلب الأمر عمل الرجل والمرأة و لكن الفكرة أنو حتى بالولايات المتحدة أو بلد الحرية كما يسمونه شريحة كبيرة من النساء العاملات طالبت بعودتها إلى البيت و ترك العمل و بعض هالأعمال قد يكون فيها اعتداء على أنوثة المراة و قيليل في وظيفة أعظم من وظيمة الأم ...و بالنهاية أكيد أي بيت ما رح يقوم إلا على دعاكتين أساسيات اسمهن رجل و امرأة .....
    الأم مدرسة إذا أعددتها ..... أعددت شعبا طيب الأعراق
  • تم تعديل 2009/09/25
    والله الموضوع رائع جدا وبدو نقاش طويل ومشكورة باندول

    حابب علق ع شغلة صغيرة وهي مفهوم الرجل الشرقي لأن للأسف هي كلمة حق اريد بها باطل.....
    يعني مو لان رجل شرقي فلازم تكون عقليتو متحجرة و مابروح مع مرتو لتولد ع المشفى ومابساعدها بالبيت وبمشي مرتو ورا بعشر متار واذا مشي حدها وكان معن ولد صغير بخليها تكرج العرباي وهو ماشي معرض كتافو ومن هاقصص..... بعمرو ما كان هيك معنى الرجل الشرقي......ولنا في رسول الله اسوة حسنة
    واناواحد من الناس مستعد اتسابق انا ومرتي بكرا بالشارع طبعا ضمن حدود الأدب والحشمة منها......


    بالنسبة لشغل البنت المهم يكون بيرضى الله وبس............. واسف اذا خرجت شوي ع الموضوع..............



    اما بالنسبة
  • Dr.AhmadDr.Ahmad مدير عام
    تم تعديل 2009/09/25
    شايفة دكتورة كيف لما حطيتي موضوع نقاش حلو محد انبحت عليه و الكل كان ارائو موضوعية بس ان شاء الله يعيننا نبقى على الشي اللي حكيناه ويثبتنا عليه

    بعدين دكتورة ما بتعرفي تحفري كوسا :240: :191:
  • تم تعديل 2009/09/25
    ههههههههههههههههههه بانادول حبيبتي مابعرف شو قلك غير ديري بالك
    عموما موضوع النقاش فعلا حلو ولولا هي لوحة المفاتيح الي ما فيها حروف عربي كنا تعمقنا بالموضوع بس انا هلا لاحكي كلمتين لازملي تركيز لاتذكر مكان الحروف ههههههههههههههه
    فعذرا
  • تم تعديل 2009/09/26
    لك تسلمو كلكون
    وخصوصيjekينصر دينك
    انا هي المواقف بتشلني شل......انو يمشي هوي وهيي تمشي وراه هوي قاعد عينه عاللي رايحة واللي جاية ومو مخلي بنت من شرا\وهيي مو مسترجية ترفع بصرها
    وهيي حاطة الولاد وقاعدة بالبيت وهوي طالع يسهر

    يعني هون المجتمع بيفهم قاعدة غض البصر انو الوحدة راسها بالارض وهيي ماشية متل اللي عامل عملة
    مشان هيك احيانا وانا طالعة من البيت بقول اللهم اني اعوذ بك من ان اتفركش او يُتفركش علي
  • تم تعديل 2009/09/26
    هههههههههههههههه عندك حق والله
  • تم تعديل 2009/09/26
    موفق بإذن الله ... لك مني أجمل تحية .