تغيَر مجرى حياتنا

أحيانا منكون عم نحكي عن شي صار معنا
مرض او حادث او فقدان شخص
او موت شخص او مرض شخص او سفر او فشل او نجاح ساحق او دخول شخص لحياتنا(مولود مثلا)

مننهي الحديث بجملة هداك يوم وهادا اليوم
يعني متل ما بقولو بافلام كرتون
ومنذ ذلك اليوم تغير مجرى حياتي :311:
إما للأسوأ أو للأحسن أو أحيانا ما منعرف لاي اتجاه
بس الفكرة انو كل حدا منا صار معه شي ما بينساه وهادا الشي لما صار بهداك ا ليوم ما قدرنا ننام بسببه واثر كتير بشخصيتنا وسلوكياتنا
ولليوم يمكن كل ما بتفيق وانت عم تفرشي اسنانك بتتذكره
وبيعطيك دافع لتعمل شي معين....كل واحد حسب تجربته
مشان نعرف بعض اكتر بتمنى كل مين يمرق يكتب عن الشي اللي صار معه
وكيف تغيرت حياته؟ حتى ولو كان مبهم شوي مشان تحافظو على خصوصياتكن
وبعدين بحكي انا
بتمنى ما يكون الموضوع انحكي من قبل

أكيد ما انطرح هاد الموضوع لحتى نندب حظنا عاللي صار متل الارامل
بس يمكن منصير منحس انو رب العالمين ارحم فينا من حالنا
«1

التعليقات

  • تم تعديل 2009/09/21
    كل الي بيصير بحياتنا قدر له ان يحدث منذ ان كنا في بطون امهاتنا فلليس هناك داع لان نندب حظنا
    يمكن انا الشي الي غير مجرى حياتي هو يوم تلقيت خبر تخصصي بالجامعة وقتها احسست انا كل احلامي انهارت وتلاشت وانني ابتعدت عن الطريق التي رسمتها من سنوات قبل رغم اني انا من وقعت ذلك الطريق بيدي رغم ذلك كنت احتفظ بامل ان لاياخذو رايي بعين الاعتبار ربما لاني كنت غبية
    لكن قبل كل شيء راعيت رضى والدي علي فقد قررت بعد ان حصلت على ذلك التخصص ان اغيره لكن ابي رفض ذلك ولم اشاء ان اجادله في الامر فرضاه عندي اهم من كل كنوز الدنيا
    انتظر كلامك
  • تم تعديل 2009/09/21
    انا يمكن تستغربو من هالشي
    بس صار معي مشكلة مع رفيقي من سنتين
    خلتني اعيد النظر بكل حساباتي ,ارائي , افاكري , طريقة حديثي ,

    صرت اكثر موضوعية واكثر جدية
    يمكن خسرت صديق غالي وغزيز بسبب هالتناقض بالافكار
    بس كسبت بعدو 100 صديق
    هالمشكلة خلتني اعرف انو الدنيا ما توقف لا عندي ولا عندو

    والاهم من هالشي انو صرت ميز بين الاخ والصديق ورفيق الجامعة وابن الجيران



    الموضوع اعمق بكتيييييييير من هيك


    مشكورة جدا هذا الموضوع رائع
    في الانتظار.............
  • تم تعديل 2009/09/21
    ...................................................ز
  • محمد حلبيةمحمد حلبية عضو ماسي
    تم تعديل 2009/09/21
    شكرا بانادول موضوع رائع و يمكن بصادف الكل بحياتنا و بالنسبة إلي مرى حياتي تيغر أول ما فتت على الكلية و عرفت على يعض الناس كيف تفكر و ما بهمها غير بحالها و معي معي من دون ما حس صرت متلهن و بعدها بالسنة التانية صار معي حادث غيرلي حياتي و شفت قديش الدنيا صغيرة و أصغر منها إللي ما بفكر غير بحالو دون الاهتمام بغير و كانو ربنا مو شايف ؟؟؟ ..... و عنجد كلما بفكر بليش صار معي هيك بقول الحمد الله إلي حماني من حالي و رحعني للطريق الصحيح و إنشاء الله كون عليه و موت عليه و بالنهاية شو ما إجا و غيرلنا حياتنا ما رح نغيشها إلا متل ما قدرلنا ربنا و متل ما كانت تقول ستي الله يرحمها المتكوب ما في منهروب .......

    شكرا باناول مرة تانية على الموضوع الحلو لك مني أجمل تحية
  • تم تعديل 2009/09/21
    شكرا كتير انبسطت انو بلشتو تحكو
    انا ما بعرف شو بدي احكي من كم سنة فقت الصبح ما لقيت اختي الزغيرة بمكانا
    مرضت مرض ولازمها طول حياتا
    انا كنت عايشة على صوتا بالبيت.....لهيك حسيت حالي اضعف من اني شوفا مريضة بالمشفى...لذلك ضليت رافضة اني زورا...وبعدين لحتى رحت....
    هداك يوم وهاد يوم.......انا لهاليوم بتنفس مشانا...بلحظتها ما كان عندي هداك العقل الكبير
    كنت قول يا ريت كل الناس يموتو بس هيي تطيب...صرلا القصة كم سنة وهيي كانت حلوة ولسا حلوة بس المرض خلا تطليعة عيونا وصفنتها اكبر من عمرا بكتير...وكل يوم الهم بيكبر...كانت رضيانة بحالا بس لما راحت عالمدرسة وشافت الولاد حست بالفرق
    مابعرف شو اعمل...من هداك اليوم ما مرقت ثانية بدون ما اقلق عليها....حتى وانا بعيدة عنها ما شفت ولد عم يلعب الا وقلت يارب دخيلك ما تكسر بخاطرها
    من سنتين صارت معي شغلة شبه حادثة شفت فيها الموت قريب اول شي خطرتلي هيي.....حسيت انو لازم ما موت خفت انو تحتاجني ما تلاقيني.....
    ما بعرف شي غير انو اليوم انا بقول انو اكيد الله ما بيتخلا عن حدا وما بعرف اعمل شي غير انو اطلب من رب العالمين يرحمني من اني شوفا موجوعة او متدايقة

    طبعا اكيد يوم قبولي بالجامعة كان اله اثر بس لاني بعدت عنها ولانو........بعدين منكمل
    شكرا انا لسا عم استنا منكن تحكو اكتر
  • Dr.AhmadDr.Ahmad مدير عام
    تم تعديل 2009/09/22
    أنا من النوع العصامي جدا جدا و حتى بأفكاري و مستقبلي و الأفكار اللي أثرت فيي كانت قليلة جدا كنت دائما حاول صيغ حياتي من خبرتي و بصراحة و حتى الان الي عالم تاني في نفسي بعيش في و بحط فيه كلشي بدي ساويه و بخضعوا لتجارب مع حالي لحتى شوف كيف ردتي أنا معو بعدين بطبقوا على غيري

    بس في كلمات لابراهيم الفقي كان الها دور كبير ببداية نقلة نوعية بحياتي نحو الأفضل ان شاء الله صرت أكثر تفهما للواقع و أقدر بشكل كبير جدا على تحمل الصدمات و تعلمت كيف واسي حالي و كيف سلي حالي و كيف أسعد حالي لحالي بدون أي مساعدة و الحمد لله نجحت

    دكتورة خليتيني احكي كتير ....... بصراحة قبل ما اضغط مواف ترددت كتير امسح الحكي اللي كاتبو بس خلص انكتب

    شكرا دكتورة

    [align=center]عش كل لحظة كانها أخر لحظة في حياتك
    عش بالأمل
    عش بالحب
    عش بالكفاح
    و تذكر قيمة الوقت
    [/align]
  • تم تعديل 2009/09/22
    بدي قول كمان انو سنوات الدراسة الجامعية وخصوصي اللي يدرس برا مدينتو او دولتو

    الها اثر كبير في تغيرات جذرية

    وخصوصي اذا طلعلك صديق بحبك كتير وبردلك الخير وهذا ما حدث معي

    واشكر ربي عليه وادعيلو دايما لان عم يغيرني للاحسن

    في الانتظار...................
  • تم تعديل 2009/09/22
    شكرا كتير
    بالعكس ليش الحكي كتير انا كنت كتير مستمتعة وانا عم بقرأ كلمات ابراهيم الفقي
    انا بحبو كتير بس ما بتاثر بسهولة
    انا نفس الشي بحب كون عصامية
    قال يعني بعمل حالي يا جبل ما يهزك ريح
  • Dr.AhmadDr.Ahmad مدير عام
    تم تعديل 2009/09/22
    panadol90 كتب: »
    شكرا كتير
    بالعكس ليش الحكي كتير انا كنت كتير مستمتعة وانا عم بقرأ كلمات ابراهيم الفقي
    انا بحبو كتير بس ما بتاثر بسهولة
    انا نفس الشي بحب كون عصامية
    قال يعني بعمل حالي يا جبل ما يهزك ريح

    هي على قولة الشاعر :
    و تجلدي للشامتين أريهم .......... اني لريب الدهر لا أتضعضع
  • تم تعديل 2009/09/22
    بتعرف اخ احمد مافيك تقول هيك حكي لانو الانسان بطبعو اجتماعي ومهما عمل مافيه يقول اسعد حالي لحالي وهيك ايشا لانو الواحد لما يتغير يمكن مابيحس بهيك تغيرات وبيظن انو لساتو متل ماهو بس الي حوليه همي الي يحكمو اذا تغير و لالا
    عموما يمكن يكون كل حدا والو شخصيتو بس مافيه ينكر تاثير الي حوليه عليه
    مني اجمل تحية
  • Dr.AhmadDr.Ahmad مدير عام
    تم تعديل 2009/09/23
    لا عاشقة العلوم فيني قول هيك .... لو بتعرفيني كنتي قلتلي انو حكيي صح
  • تم تعديل 2009/09/23
    owayedoo3
    فكرة الدراسة والسفر هي مظبوطة
    بس حابة ضيف شغلة
    انو يمكن بكفي اللي اهله عايشين بنفس البلد بالعيد والعطل بينزل لعندون
    بس اللي اهله برا البلد وما بشوفون غير بالسنة مرة او مرتين بالكتير
    وبتكون هي المخلوقة بنت
    وانت بتعرف شو يعني بنت بمجتمعنا
    انا عم بحكي بالنسبة للبنات اللي بعرفون
    هادا لحاله موضوع تاني
    واخر شي كمان وقت بتتدايق ما بتسترجي تحكي
    حتى وقت بتمرض ما حدا من الاهل احيانا بيسأل عنها
    بتلاقي البنات عم يخدمو بعضون لحالون
  • تم تعديل 2009/09/23
    صح والله
    الله يعينن


    بس انا عم بحكي انو كلما الواحد
    سافر ودرا وعاشر ناس طيبين او لئيمين او حسودين او او او

    رح يتغير بلا شك ويصير مستوا تفكيرو غير
    حتى هو بالذات نفسو يحس بالفرق متلي تماما
  • تم تعديل 2009/09/23
    انا ما صار بحياتي تغير جذري حتى لما دخلت الجامعة حسنت اتاقلم بسرعة
    بس كل مدة بصير معي شي بخليني عيد النظر بتصرفاتي وراجع حساباتي
    بس اكتر شي اثر فيي شي صار معي لما كنت صف تاسع .... تعرفت ع شخص كان الو فضل علي مابيعلمو غير الله ورح يضل فضلو علي لموت..........
  • تم تعديل 2009/09/23
    طيب دكتور احمد براحتك
    بس انت غلطان وهاد مارح يفيدك
    مني اجمل تحية
  • تم تعديل 2009/09/23
    بظن دكتور أحمد دخولك المنتدى والمواضيع اللي فيها نقاشات معنا نوع من الاجتماعية اللي انت عم تحاول تثبت عكسها على نفسك وما فيك تنكر انك تأثرت بكتير ناس هون وانت اثرت فيهم بس ربما يكون عندك مشكلة اصغر من هيك بكتير هي انك بيتوتي
  • تم تعديل 2009/09/23
    يمكن افهم معنى بيتوتي
  • تم تعديل 2009/09/23
    عاشقة العلوم :بيتوتي يعني بحب يضل بالبيت ومابحب الفوتة والطلعة

    انا عن نفسي الشي لي غير عنجد مجرى حياتي هوي الجامعة كتير اختلفت شخصيتي كان القط بياكلني وبياكل عشايي عقولة بنادول هلأ صار بس ياكل عشايي
    واخدت فترة طويلة لاتأقلمت عالجامعة لان انا كنت بنفس المدرسة من kg1للبكلوريا فرد سحبة
    وفجأة بلاقي حالي بمكان غريب مابعرف حدا في حسيتن للاول فترة فترة كلن وحوش وطبعا اكلت كم مقلب مرتبات لبلشت غير نظرتي بهل الدنيا
    شوبعرفني هاي هيي الحياة
  • تم تعديل 2009/09/24
    شبكون طولو بالكون
    الظروف اللي بيمرق فيا البني ادم هيي اللي بتكون شخصيتومثلا انا بحب اعتمد على حالي بكلشي بس هاد مو معناته انو انطوائية
    وبعدين البني ادم بتجي لحظات بحس حاله مافي حدا جمبه فيا قد ما كان عنده اصدقاء
    ما بيبقاله غير الله
    يعني ماشرط اشرح شغلات صارت معي لحتى اثبتلكون انو البني ادم بالنهاية اللي حواليه رح يمشو ويلتهو بحالون
    لانو هي طبيعة النفس البشرية
  • Dr.AhmadDr.Ahmad مدير عام
    تم تعديل 2009/09/24
    كلامك صحيح دكتور Dn.m.h ما بقدر قول غير هيك لكني ما بتأثر بالفكرة بشكل مباشر إلا بعد ما ادرسها بشكل واسع جدا و بعدين ممكن طبقها على حالي .... ممكن هيك تكون فكرتي صارت أوضح
    و الحمد لله قضية اني بيتوتي أي بس مو على طول .......
  • تم تعديل 2009/09/25
    ؟؟؟؟؟؟؟؟؟؟؟؟؟؟؟؟؟
  • Dr.AhmadDr.Ahmad مدير عام
    تم تعديل 2009/09/25
    على شو عاشقة العلوم الاستفهام
  • تم تعديل 2009/09/25
    عندي سؤال انت كلشي عندك عملي ؟؟؟؟؟؟؟
  • Dr.AhmadDr.Ahmad مدير عام
    تم تعديل 2009/09/25
    ما فهمت السؤال .... شو قصدك " عملي " ؟؟
  • تم تعديل 2009/09/25
    مابعرف هيك بحسك يعني كلشي عندك لازم يكون الو اشيا مابعرف كيف يعني كلشي تدرسو
  • Dr.AhmadDr.Ahmad مدير عام
    تم تعديل 2009/09/25
    أكيد دكتورة شو بدي اتصرف كيف ما كان و اللي ما بيحسب ما بيسلم و لازم دائما بكل أمر نرسم طريق الرجعة مع طريق الدخلة
  • تم تعديل 2009/09/25
    مافهمت قصدي يلا بلاها
  • Dr.AhmadDr.Ahmad مدير عام
    تم تعديل 2009/09/26
    يبدو انو مخي سميك !!!!!! خلص ما في داعي تعذبي حالك و تتابعي
  • تم تعديل 2009/09/26
    شكرا للموضوع...........
  • تم تعديل 2009/09/26
    ههههههههههههههههههه مع انو مو مبينه عليك