قسم تبادل الملفات و السيديات

من بعد السلام عليكم و أجمل تحية لإخوتي أحمد و حازم و أحلى علي كلنا شفنا مشاركة أخي الدكتور محمد حجازي على الديفيدبات و كيف صعب شوي الحصول عليهن للجميع و بصراحة شفت هالفكرة بأحد المواقع ....

فشو رأيكن نعطي الأمر الصفة الرسمية و نفتتح قسم لتبادل الملفات و السيديات الضخمة و غيرو إللي صعب الحصول عليها من الانترنت سواء داخل أو خارج القطر و نخلي أحد المشرفين أو الأعضاء الموثوقين مسؤول عنو .....و الفكرة كالتالي إذا حدا عندو سيدي بيحب يفيد الجميع فيه بيعتو للمسؤول عن القسم و بيحط موضوع عن السيدي و محتويات و طبعا صاحب السيدي أو الملف و إللي بريد يبعتلو نسخة منو بيبعت للمسؤول عن القسم اسمو و عنوانو و رقم هاتفو وعشان يتوفرلو بعت النسخة عن طريق البريد القطري او الدولي إذا ما توفرت طريقة تانية ........

التعليقات

  • تم تعديل 2009/09/21
    بس الشغلة سهلة في سوريا بس في غير سوريا كتير صعبة ما
    هي فكرة كتير حلوة بس والله العين بصيرة واليد قصيرة
  • Dr.AhmadDr.Ahmad مدير عام
    تم تعديل 2009/09/22
    الفكرة حلوة كتير عمار و مشان هيك رح نفتح منتدى مشان هالشغلة

    دكتورة نعيمة الارسال القطري ما هو صعب كتير أبدا أبدا لكن في ناحية أنو اذا اللي بالسيديات جديد رح نرفعوا نحن و نحطوا بالموقع و مافي داعي نبعتوا
    و برجع بقول انو ترقبوا بس خلال شهر تقريبا أو أزود حبة مضاعفة محتوى الموقع طبعا كصفحة رئيسية و زيادة عدد الكتب بشكل كبير جدا و فتح قسم فيديوهات طبية موجودة على الموقع واسع جدا جدا جدا ان شاء الله انتو بس ادعولنا
  • تم تعديل 2009/09/22
    ولو إذا كان الارسال القطري مشكلة فالتحميل من الانترنت ليس بمشكلة

    ممكن متل ماقال أحمد نرفع السيدي على الموقع ومن خلال الموقع يتم نشره لباقي الأعضاء
    وليس بالضرورة أن يتم ارسال السيدي كقرص مضغوط
  • تم تعديل 2009/09/22
    اذا هيك الفكرة كتير حلوة وانا رح ابذل جهدي بجميع السيدييات الطبية الي اتحصل عليها باللغة الفرنسية اني حطها هون
    الله يوفقكم
    مني اجمل تحية
  • Dr.AhmadDr.Ahmad مدير عام
    تم تعديل 2009/09/23
    دكتورة نعيمة بس في ناحية أنو تكون السيديات ممكن استخدامها بدون سيريل أو كراك أو ما شابه و اذا كان عندك شو حلو ممكن نعطيكي مساحة ترفعي فيها ضمن الموقع
  • محمد حلبيةمحمد حلبية عضو ماسي
    تم تعديل 2009/09/23
    شكرا يا جماعة على مروركن و كل الشكر إلك أخي أحمد على تفاعلك بالموضوع و افتتاح القسم الله يبارك فيكن و الحمد الله أنو الفكرة عجبتكن إنشاء الله الكل يجد فيها الخير و أخي تمام التحميل من النت للملفات الطبية مو سهل و هاد إذا كانو بالميغا و الملفات الطبية متل الكتب إللي عليها القيمة حجمها وسطيا 40 ميغ و بعضها بوصل لل200 ميغا أما الفيديو حسب الحجم و الدقة بعضها بوصل لل600 ميغا و بتعرف تحميلهن مو كلمة بالتم و سآل مجرب:254: هههههه فما بالك إذا حكينا بالغيغا ........لكم مني أجمل تحية

    و عشان البريد القطري داخل سوريا فينا نستعمل الأهلية أو القدموس , غيرهن أما الدولية و خارج سوريا نبعت السيديات بالشركات المختصة و ما بعرف إذا بتوافقوني بس بشوف أنو الأفضل تحطو مسؤول عن القسم من المشرفين أو الأعضاء إللي نوثق بأمانتهن و طبعا لما حدا بدو سيدي بيبعت للمسؤول االمعلومات إللي تطلبها شركة النقل (اسمو - رقمو - عنوانو ) أو إللي تخص إللي رح يستلمهن برسالة خاصة عشان الخصوصية و و الدفع على النقل الاتفاق بكون بين السؤول و المتلقي ......و فكرة طيبة كمان تحميل الملقات إللي بالسيديات على الموقع عشان إللي بيملك الوقت لتحميلهن الله يبارك فيكن أخي أحمد و عاشقة العلوم و تمام و الجميع و يقويكن على فعل الخير .....لكم مني أجمل تحية
  • تم تعديل 2009/09/23
    الله يقوينا عفعل الخير
    هلا ماعندي سيديات مهمة كتير مشان باللغة الفرنسية بس يكون عندي بخبركم وتدلوني عطريقة التحميل
    مني اجمل تحية
  • محمد حلبيةمحمد حلبية عضو ماسي
    تم تعديل 2009/09/23
    أي دكتورة و بعتقد أخي أحمد قصدو يعملك حساب بسيرفر الموقع عشان التحميل للملفات الطبية و المهمة و بما أنو صارت و صارت و يمكن أخي أحمد أنتو حكيتو عن الموضوع من زمان بس ليش ما تعملو قسم طبي للغات الأجنبية (الاكليزية و الفرنسية) و إذا حدا عندو لغات تانية متل الالمانية و الإسبانية بكونة أحلى و أحلى ......

    و إذا رح يلزمكن مشرفين عليه بصراحة ماني شايف أنسب من الدكتورة نعيمة بما أنو عندها اطلاع أوسع منا على اللغات إذا بتوافق ....
    و عشان قسم تبادل السيديات بالنسبة إلي بشوف الدكتور محمد حجازي الأنسب لهيك مهمة إذا توافقو عليه و الرجل بعرفو أمين و بخاف ربو و بحب الخير للكل ..........و بالنهاية أخي أحمد أنتو شوفو الأنسب للموقع و إنشاء الله نعاوتكن فيه كلنا
  • تم تعديل 2009/09/24
    [align=center]
    متل ما بتشوفوا ما بعارض
    بس الانترنت انخلق لتحميل الملفات مهما كان حجمها

    ولما واحد بيقدر يسحب السيدي من عل النت الكل بيقدروا
    والحمد لله الانترنت صار متوفر بسرعات عالية بسوريا والعالم
    [/align]
  • Dr.AhmadDr.Ahmad مدير عام
    تم تعديل 2009/09/24
    مشان قسم طبي للغات التانية بتصور أنو الأمر أصعب مما تتصورو ... نحن ممكن نحط ترجمة للموقع لعدد لانهائي من اللغات عن طريق غوغل لكن هالشي رح يسيء لصورة الموقع و حتى انو نحن نعمل منتدى تاني أو قسم بلغة تانية هذا بدو جهد كامل من جديد و مانو سهل أبدا أبدا
  • محمد حلبيةمحمد حلبية عضو ماسي
    تم تعديل 2009/09/24
    مزبوط تمام حكيك صحيح 100% و ما عم قول إنك عم تعارض و لكن برجع بقلك تحميل هيك ملقافات من النت مو كلمة بالتم و بتعرف بدها وقت كبير و مال بهدك الرقم و بتعرف طالب الطب اكيد ما رح يكتفي بكتاب واحد او مقطع واحدو إنت الأدرى .......
    أخي أحمد الله يجزيكن كل خير عم تتعبوا بالموقع كتير و ما بعرف شوفو الأنسب للموقع و عشان اللغة يمكن فيكن تفتحوا قسم خاص للغة الاجنبية الطبية و تركو المفتوح للغة بشكل عام و إذا تقبلو بشوف تفتتحوا قسم خاص بكل منتدى (طب أسنان - صيدلة - طب بشري ) بلغة اجنبية فرنسية و إنكليزية و يعني القسم بتم للترجمات الطبية و المقالات باللغات الأجنبية ........