أخطر أنواع الرجال

2»

التعليقات

  • محمد حلبيةمحمد حلبية عضو ماسي
    تم تعديل 2009/09/17
    شكرا دكتورة بانادول على كلماتك هاد من لطفك و زوقك و إنشاء الله كون بستحقها و دكتورة الكمال لله وحده و لكن السعي إليه واجب لنحاول على الأقل أ دون الابتعاد عن الواقع ...... و يا ستي عم نستنى تتفضي و نتناقش بالموضوع بكل رواء لك مني أجمل تحية .......

    و عاشقة العلوم ما حدا لازم نحني فالنساء و الرجال متساوون في كل شئ و الحياة قائنة بيناتهن على المودة و هيك لازم يتم مع بعض التجاوزات و لكن التعميم غير وارد على كل الرجل أو كل النساء لأنهن بيبقو من مخلوقات الله و حاشى لله أن يخلق أمرا فيه سوء ........ أما النساء بمجتمعنا ربما يوقع بعض الظلم للمرأة حسب التقاليد و العادات و ما تربت عليه الناس و غيرو و لكن دكتورة بانادول و عاشقةا لعلوم يمكن بالنهاية الحق رح يوقع على المرأة هي لازم تعرف حقوقها كما أعطاها ربنا و تطالب فيها و ما تخاف من حدا و أكيد التربية منذ الصغر للرجل وو المرأة على الأساس الصحيح بتخلي كل واحد يعرف إللي إلو و إللي عليه ..........
  • Dr.AhmadDr.Ahmad مدير عام
    تم تعديل 2009/09/17
    شووووووو ما شاء الله الموضوع شغال تمام ( تمام =كويس مو = تماموف )

    دكتورة بانادول ... شو يعني الله لا يحكمكن على حدا .... يعني اذا نحن ما حكمنا ميييييين بدو يحكم هههههههههه

    ملعوبة دكتورة انتي طولي بالك و باينتك بس تتفضي رح تساوي ثورة ...... بس ما عرفان ايمتى بيفضى الواحد بالعطلة و لا بالدراسة ... !!!

    على كل دكتورة بدك تتعودي هوني الكل بيخلوا الواحد ينرفز و بعدين بيقلولو انو كلو مزح بمزح ..... على أساس القاعدة التالية :: نحن منهز الورد لنشمو
  • تم تعديل 2009/09/17
    اخ عمار انا لما قلت ينحني قصدت الرجال اي حاسب حالو ريشة فوق راسو مو الرجال الي بيفهم شرع ربنا
    انا بوافقك انو المراة اخت الرجل بتساويه في الحقوق والواجبات
    وانو المراة مهما كان بيبقى الرجل الو افضلية شوي عليها بس هاد مايعني انو يدوسها بنوب لانو الها كرامة وكبرياء متلها متل الرجل
    ويكفينا فخرا ان الله جعل لنا في كتابة سورة ككاملة عنا
    سورة النساء

    بنتمى حدا ما يزعل من حكيي
    لاني قصدت فيه اشيا بمنظور تاني
  • Dr.AhmadDr.Ahmad مدير عام
    تم تعديل 2009/09/18
    اي قلبوا الموضوع للاعتذارات :275: و روحو علينا :113: تحلاية الصلحة :91: :311:
  • محمد حلبيةمحمد حلبية عضو ماسي
    تم تعديل 2009/09/18
    هههههه و لا يهمك عاشقة العلوم ما حدا زعل و لا شي ليش إنتي تزعلي فورا ؟؟ و فهمت قصدك كان على بعض الرجال إللي يمكن ما لهن من الرجولة إلا الشاربين هههه و هدول يمكن كتير نسميههن رجال ......... و بكل بساطة عاشقة العلوم على المرأة أنو تعرف حقوقها و واجباتها كما عطاها ربنا وتجيب الدليل و وقتها ما حدا رح يحكي إن كان فيه عقل و كما قال عليه الصلاة و السلام ( استوصوا بالنساء خيرا ) و ( ما أكرمهن إلا كريم و ما أهانهن إلا لئيم )

    شكرا عاشقة العلوم على الرد و تاني مرة لا تزعلي نحنا هون متل الأهل و بعدين ما اتفقنا أني متل أخوكي أحمد معقول زعل إختي الصغيرة ........ بارك الله بك لك مني أجمل تحية
  • تم تعديل 2009/09/18
    Tammamأولا بكفي انو اسمك مفشكل وما عم اعرف اقراه
    ثانيا كأنك صاير قال يعني عم تعرف تجاكرني؟
    ثالثا واهم شي انو مين قال اني زعلانة

    أما dr.ahmad انت ما بتعرف قديش انا مشغولة
    لظروف شخصية غير قابلة للنشر.....أنا بفضا ايام الدراسة
    ما بيبقا عندي لا انس ولا جن حاكيهون
    برجع بقلك الله لا يحكمكن بحدا
    انتو عنجد جبارين .....بتعرف انو الرجولة شغلة بترعبني
    بدءأ ب عظام الرجل الحقيقية لما رفقاتي ورجوني ياهون ....انتهاء بالأحذية الرجالية
    ما تخانقنا لحتى نتصالح
    بس حلاوة الصلحة
    قرص شنكليش ومكدوسة معتبرين وكاسة شاي

    عاشقة العلوم....يسلمو عالمشاركة بس تأكدي انو الرجل لا يمكن ينحني لاي سبب
    غير اذا كان بدو يكسرلها راسها للمرأة.....هون بمجتمعنا المرأة قد ما صارت ودرست وتعلمت ما بيطلعلها تحكي كلمة
    او تاخد نفس بدون اذن
    بدون مبالغة يوم 27 رمضان بواحد من اكبر مساجد الشام
    في مصلى كبير للنساء
    نزلت صلي تراويح متل الاوادم قمت تفاجأت برجال مشرف عم يقلي روحي على مسجد تاني اليوم مافي نساء
    تاري المسجد حجزوه كله كرمال الرجال كانو ليلة القدر بس للرجال
    شفتو بقا كيف انو نحنا شقائق الرجال
    dn.ammar
    عنجد برجع بقلك يسلمو
    بس هون مجتمعنا فالج لا تعالج
    انت يمكن لانك ادمي بتفكر الكل متلك اوادم
    لا كتير تعيش بعالم سمسم
  • محمد حلبيةمحمد حلبية عضو ماسي
    تم تعديل 2009/09/18
    ههههه حلوة هي عالم السمسم و الله ماني عايش فيه هههههه شكرا كتير بانادول على كلماتك الجميلة يمكن عصبية شوي بس أكيد مزوقة الله يبارك فيكي

    أابالنسبة إلي برجع و بقلك الكمال لله وحده لكن السعي إليه واجب أو خلينا نحاول على القليلة أو
    [align=center]لنحاول أن نكون التغيير الذي نريد أن نراه لهذا العالم[/align]
    و شوفي المواضيع بمنتدى الحوار و النقاش أ, بالمنتدى العام بمشاركة (نقاش-حوار-تبادل آراء) حاولت قدر الإمكان تكون ملامسة لواقعنا إللي نعيشو و بعيد عن المثاليات و الحكي الحلو .......و يا ريت إنتي كمان تشاركينا مواضيعك عشان كلنا نستفيد و أكيد الشرف إلنا بهالشي

    واقعنا دكتورة أنا معك لازمو كتير من التغيير و الإصلاح و لنا في رسول الله إسوة حسنة و لما غير العالم بلش من عندو لما أرسلو ربنا و بعدو السيدة خديجة و هاد كمان فخر إلكن و بعدها زيد بن حارثة و بعدهن أوبو بكر ....... و بعدها تغيرت قبيلة و بعدهن أمة و بعدها العالم .......و يمكن هالشي صار ب 23 سنة و لكنو بالنهاية حصل ............ يعني دكتورة خلينا نغير طريقة تفكيرنا ونحاول على الأقل نطبق على الواقع و دائما التغيير ببلش بفكرة و فرد و بعدها تطبيق و مع الوقت تنتشر بين كل الناس و ما بعرف ليش حاقدة على الرجال وبس برجع بقلك في بين الناس خير إذا خليت خربت و ما حدا منا كامل
  • تم تعديل 2009/09/18
    غلطانة حبيبتي بمكن انتي مابتعرفي كيف تتعاملي معهن ولهيك صايرة آخذه فكرة عنهن ومافيكي تغيريها
    وبكرر انا لما قل ينحني معناتو بيصير متلو متلها يعني مافي علاوة واحد ع التاني
    والصحابة رضوان الله عليهم كانو اطفالا في بيوتهم وفي تعاملهم مع زوجاتهم وخارج البيت تراهم اعتى الرجال موعيب انو الواحد يسمع لزوجتو وياخذ رايها لانو راي المراة سديد اكثر من الرجل في بعض الامور والعكس صحيح
    اما في خصوص المرا الي ماتخاف ربها فهي قادرة تعمل كتير اشيا بالرجال صدقيني للاسف هاد واقعنا وماحدا فيه يغيرو وفي كتير نساء الله يعافينا هيك
    اخي عمار انا مابزعل بسرعة بس فيك تقول اتنرفز بسرعة بس بعدين ارجع عادي بعد شي دقيقتين مهما كان موضوع النقاش ومهما كانت حدته
    لهيك كلشي عادي مابزعل
    مشكورين ع الموضوع
    النقاش فيه طويل وعريض
  • محمد حلبيةمحمد حلبية عضو ماسي
    تم تعديل 2009/09/19
    ما شي عاشقةا لعلوم و بانادول الله يديم المحبة بين الكل و ما في شي بيستاهل و اختلاف الراي لا يفسد للود قضية مزبوط هيك مو ؟
  • تم تعديل 2009/09/19
    عم تحكي درر
    اصلا عاشقة العلوم ما في منها
    بالدهب ما بتقلها
    اصلا انت وياها كتير حبابين وفهمانين ولطيفين
    اخدين كلشي لطف ظرافة بالدنية
    مو مخلين ظرافة وفهم ولطف لحدا
    عاشقة العلوم الك مني كل الاحترام والتقدير
  • om67om67 عضو مميز
    تم تعديل 2009/09/19
    السلام عليكم

    اطلعت على الردود معظمها

    أحبابي الرجال جد إذا أردنا ان نتكلم عن المرأة في مجتمعاتنا حقيقة هي مظلومة البارحة تكلم الدكتور طارق سويدان في ((علمتني الحياة )) كلاما رائعا أنصف المرأة انصافا جميلا وانا من جهتي أؤيده في كل ما قاله رغم أن عاداتنا وتقاليدنا تخالف تماما ما كان يقوله لكن برأيي الشخصي هذا الرجل يفهم واقع المرأة العربية كامل الفهم ويتكلم من هذا المنظور

    وبالمناسبة المرأة مظلومة حتى في المجتمعات الغربية وأتى الدكتور طارق بمثال جميل قال لماذا من أصل 555 جائزة نوبل لا توجد إلا 10 نسوة ألغباء فيهنّ ؟؟ لا والله

    أنا على قناعة تامة أن المرأة أكثر ذكاءا من الرجل وأتى الدكتور طارق بدراسات كثيرة تؤيد هذا الرأي لكنه أنهى برنامجه بشيء جميل قال أين يذهب هذا الذكاء كانت النتيجة برأيه على الأشياء التافهة من الحفلات وملاحقة الموضة وكثرة متابعة المسلسلات و........و................. ولو وجهت المرأة طاقتها بأشياء أكثر فاعلية لزاحمت الرجال وغلبتهم

    والله أعلى وأعلم

    أنصح الجميع بمشاهدة هذه الحلقة موجودة على موقع قناة الرسالة وتابعو ((علمتني الحياة )) للدكتور طارق سويدان تجدوا فيه فائدة كبيرة والله الموفق

    واللله من وراء القصد

    أخوكم : محمد
  • تم تعديل 2009/09/19
    فعلا اخ محمد انا شاهدت الحلقة البارحة وفعلا خلاني حس انو المراة اها قدرات هائلة وكبيرة كتير
    مكشور اخ محمد عرايك
  • تم تعديل 2009/09/19
    فعلا اخ عمار الله يديم المحبة وهاد الشي اكيد مابيولد اي عداوة بين الاخوة
    حبيبتي بانادون الله يخليكي والله خجلتيني
    مني احر تحية اارفع تقدير
    بارك الله فيكي
  • محمد حلبيةمحمد حلبية عضو ماسي
    تم تعديل 2009/09/21
    شكرا بانادول على كلماتك و إنشاء الله كون عند حسن ظنك دائما و بالنسبة إلي ما بكنلك إلا كل احترام و تقدير .... بارك الله بك لك مني أجمل تحية .......

    و أنا الدكتور محمد بملشي قالو فالمرأة كائن عظيم إن عرقت قيمة نفسها فهي نصف المجتمع و تربي النصف الآخر و بيكفيها أن أول إنسان سجد لله بعد رسول الله عليه الصلاة والسلام امرأة وهي أمنا خديجة و أن نصف السة أتتنا من امرة و هي أمنا عائشة أما هلق يمكن متل ما قال أي محمد إللي أثر على المرأة و الرجل على حد سواء هو الاهتمامات التافهة .......و الله أعلم

    شكرا للجميع على مروركن للموضوع و كل الشرف إلي بمروركن أو تعليقكن بارك الله بكم ..... لكم مني أجمل تحية