صوت الفتاة سلاح من الحنان والعاطفة القوية

مجهول · 2008/12/13

للصوت مدلولات خاصة تظهر من خلالها ما تخفيه الشخصية الحقيقية ، فهو أيضا له تأثير كبير وخاص على من يسمعه ، وكما يقال "الأذن تعشق قبل العين أحياناً " .
لذلك فهو من أسلحة المرأة الجذابة ، التي تستطيع من خلاله أن تجذب إليها كل من تحب ، وأكبر دليل على ذلك انجذاب بعض الرجال للمرأة من خلال سماع صوتها الجميل في التليفون ، كما أنه سبب أساسي وأكيد في نجاح العلاقات الزوجية ، فنبرة الصوت الهادئة تحرك مشاعر الرجل القوية وتجعلها سيل من الحنان والعاطفة ، والمرأة الذكية هي التي تحسن استخدام أسلحتها الأنثوية وتبسطها ، فصوتها وروعة إيقاعه وقدرتها على الحديث من أهم العوامل التي تؤثر بشكل كبير في مشاعر الرجل ، فالمرأة التي تنتقي كلماتها وتعرف متى تتكلم ومتى تصمت وتعلم مواطن الضحك والتهكم وغيرها من الأصوات هي المرأة التي تملك أهم عامل من عوامل جذب اهتمام الرجل وتوثيق علاقات الألفة والمودة والتجاوب

الفتاة الحالمة · 2008/12/13

مشكورة ريمي كلامك صحيح والمرأة بصوتها وبحنانها كمان سلاح قوي جدا

مجهول · 2008/12/13

صوت المرأة سلاح قوي إذا كان الرجل مستعدا للاستماع مانو متل الرجال هلق مطنشين وماشيين

مجهول · 2008/12/14

مظبوط معك حق المرأة بحاجة لمين يسمعها،شكرا طبيب بيطري ولوفر عمروركن

مجهول · 2008/12/14

الصوت الو تأثير بس الكلمات اذا كانت متل كلماتك الها تأثير اقوى

مجهول · 2008/12/15

شكرا ياشبل الأسد خجلتني

مجهول · 2009/09/16

يسلمو ريمي الموضوع حلو
بس بصراحة انا بنشل لما بسمع وحدة عم تنعم صوتا
وعم تشط وتميع بحس حالي رح انترها كف هرلها طقم اسنانها كلياتو
لذلك انا بتصور البني ادم على طبيعتو كتير احلى واحسن

مجهول · 2009/09/16

والله معك حق يا بنادول

عموما هي عملية متكاملة صوت مع كلام مع صورةكمان كلو بكمل بعضو

يسلمو ايديكي ريمي متل ما عودتينا مواضيع حلوة

الفتاة الحالمة · 2009/09/16

panadol90 كتب: »

يسلمو ريمي الموضوع حلو
بس بصراحة انا بنشل لما بسمع وحدة عم تنعم صوتا
وعم تشط وتميع بحس حالي رح انترها كف هرلها طقم اسنانها كلياتو
لذلك انا بتصور البني ادم على طبيعتو كتير احلى واحسن

يا هيك الرجال يا بلا مية مرحبا فيك وبحارتك باندول ........

مجهول · 2009/09/16

والله مزبوط!!!!!!!!
شكرا ريمي

مجهول · 2009/09/16

صحيح صوت المرأة له وقع كبير ولكن لما تكون على طبيعتها اي لا تتصنع وترقق في صوتها واحسن الشئ هو الكلام الجميل المعبر المحترم الذي يراعي شعور الأخرين والمنطقي سوف يكون احلى بكثير ويكون له وقع اكبر

محمد حلبية · 2009/09/16

شكرا ريمي و يمكن الصوت مين ما كان مصدرو لما بكون صادق رح يوصل للطرف الأخر و شو ما كانت الطريقة و أكيد مع مراعاة شعور الطرف الآخر .......

مجهول · 2009/09/16

فعلا صدقت ريمي
انا مرة حصلت معي شغلة ضحكتني والله
كنت قاعدة ساعة 12 بالليل قريب وحدة احفظ لانو كان عندي امتحان و كتير متضايقة ومنرفزة فاذا برقم جديد رن فموبايلي قمت رديت عليه
السلام عليكم مين معي
قالي انت فلانة
قلتلو لا انت غلطان
قالي طيب فيني اتعرف عليكي
قلتلو ياسيدي مني تبع هي الشغلات فحل عني بلى تسمع مالايرضيك
قالي والله صوتك عاجبني
قلتلو يا تسكر يارح تندم ع اليوم الي جربت هاد الرقم
سكر من فورو
لاني لما كون منرفزة بيكون صوتي بيخرق طبلة الاذن مو بس حلو هههههههههههه

مجهول · 2009/09/16

على راسي القبضايات كلياتون
نحنا هون بالشام هيك ايدنا والكف هههههههه
لا تسدقو نحنا متشتشين كلياتنا
بس بتبين المراجل عم تشرشر منا

الفتاة الحالمة · 2009/09/17

[align=center]ليش يعني هالمرجلة بس بالشام

تعي شوفي عنا كمان
الله عليهون شو حنونات
والأحن من هيك الشباب
خدهن والكف ولا بتفرق

هههههههههههه
[/align]

مرحبا بك في هذا المنتدى !

الأقسام

صوت الفتاة سلاح من الحنان والعاطفة القوية

التعليقات

مرحبا بك في هذا المنتدى !

روابط سريعة

الأقسام

صوت الفتاة سلاح من الحنان والعاطفة القوية

التعليقات