الروح.....كيف شعرت بوجودها؟

مابعرف اذا الموضوع بهم حدا فيكون
يا ترى شي مرة حدا حس بالروح؟بوجودها؟
نحنا منعرف انها موجودة
بس كتير احيانا بتخطر على بالنا اسئلة ما الها جواب
هيي شي ما اله علاقة بالامراض اللي عم تحكو عنها
شي مرة كنت ماشي بمكان لأول مرة بتمشي فيه وفجأة بتحس حالك بتعرفه من زمان وكنت فيه؟
شي مرة قابلت شخص لأول مرة وحسيت حالك بتعرفه من كتير زمان؟وفجأة اكتشفت انك حزرت اسمه وبلده وعرفت افكاره؟
شي مرة كنت نايم وفجأة حسيت شي مشي بكل جسمك وقمت؟وبعد فترة اكتشفت انو بهادا اليوم حدا من الاشخاص القريبين منك كان عم يصير معه شي ما منيح؟
شي مرة شفت منام بشخص مقرب لالك وبعد فترة تحقق هادا المنام؟
شي مرة شفت مشهد او موقف لاول مرة بتشوفه بس حسيت حالك شايفه من كتير زمان؟
شي مرة كان في شخص بتحبه كتير جمبك وحسيت انو بدو يصرله شي مو منيح حتى ولو كان بسيط وفعلا بعد فترة صار هادا الشي؟
شي مرة فقت مخنوق ومتدايق او بكيتي بلاسبب وما عرفت تنام
وبعدين اكتشفت انو في حدا غالي عليك كان حزين او مقهور؟

فيكون تجاوبو على هالأسئلة؟
يا ترى هالمواضيع الها علاقة بالروح؟ أكيد نحنا مآمنين بوجودها بس ما شفناها لكن أكيد شعرنا فيا
يمكن هالحكي لا بقدم ولا بأخر
بس ياترى هي الشغلات بتصير مع كل الناس؟ولا بس مع أشخاص معينين؟
ويا ترى صار معكون شي غير هيك حسسكون كيف هي الروح جواتنا؟

لكن ضروري نحس فيا

التعليقات

  • تم تعديل 2009/09/13
    [align=center]لم أفهم ما تقصدي بالروح
    إن كنت تقصدين روح الانسان فهي من علم ربي

    وإن كنت تقصدين العقل الباطن

    فأكيد هالشي بيصير معي ومعك ومع كل واحد فينا ممكن أحيانا شيء شبيه لحد كبير بشيء آخر حس اني بعرفوا

    أكيد صار معي هيك شي مرة بذكر كنت عم ساعد عمي وساوي معو حلويات شرقية فحسيت حالي اني قبل هالمرة أديت نفس الحركات بنفس بنفس المكان بوقت سابق متل مسلسل أو فلم رجعتوا لورا ورديت اتفرجت عليه

    شعور غريب ......
    [/align]
  • محمد حلبيةمحمد حلبية عضو ماسي
    تم تعديل 2009/09/13
    أسئلة صعبة كتير دكتورة و لكن إذا قصدك الروح متل ما قلك تمام الروح من أمر ربي و ما أوزتيتم من العلم إلا قليلا و طبعا كلنا نؤمن فيها و ما رح خوض كتير بالموضوع ونتركو لأهل العلم .......و لكن بعض الأسئلة قد نفسرها علميا

    مثلا :
    شي مرة كنت ماشي بمكان لأول مرة بتمشي فيه وفجأة بتحس حالك بتعرفه من زمان وكنت فيه؟

    انطرح مقال عن نفس الموضوع و هي أحد الظاهر الخاصة بالعقل البشري و بكل بساطة بكون شفنا نفس المشهد بشي مكان و زمن و العقل البشري بخزن هالشي بالذاكرة و لما نمر بالمكان يسترجعها أو يعطي تصور لما يمكن أن يكون فيظن أنه مر من قبل ......و الله أعلم




  • تم تعديل 2009/09/13
    الحقيقة الشعور الي حسيت فيه اخ تمام بيحدث مع الكل تقريبا انا كمان بتصير معي كتير هيك شغلات

    وقد فسر احدهم لي هذا بان الله سبحانه وتعالى يرينا حياتنا عند ولادتنا حتى نرضى بها ثم نمر على واد النسيان لتمحى
    لكن تبقى بعض الحوادث في الذاكرة وهي ما نحس انها مرت معنا
  • تم تعديل 2009/09/13
    ويبقى العلم لله
  • تم تعديل 2009/09/13
    شكرا كتير عالمرور كلكن
    اكيد مافينا نخوض بالموضوع لانه بيتعلق بناحية دينية
    واذا بدنا نحكي من ناحية دينية انا ما بسترجي فلسف الامور واتفزلك
    بس بعرف انو الارواح خلقت قبل الاجساد بكتير
    وفي احاديث نبوية بخصوص هالقصة
    اكيد العلم عند الله
    بس انا حبيت اعرف اذا اللي بصير معي بصير مع غيري؟
    وقت كنت زغيرة كانو يقولو هي الملائكة بتخليكي تفيقي من النوم شوي شوي مشان تقومي تصلي الفجر
    وكنت افرح كتير
    بس بعدين اكتشفت انو نحنا كلياتنا منقلق من هالموضوع شوي
  • Dr.AhmadDr.Ahmad مدير عام
    تم تعديل 2009/09/14
    بصراحة موضوع بيتحمل نقاش من جوانب و من جوانب لأ لذلك من الافضل الواحد يعرف شو بيحكي

    يمكن دكتورة قصدك عن ظاهرة الديجافو بتصور لو قريتي هالمقال رح تروح كتييييييير من اشارات الاستفهام عندك

    ظاهرة الديجافو (Deja Vu)
  • تم تعديل 2009/09/14
    [align=center]ممممممممم شكرا دكتورة نعيمة عل التعليق

    العلم يبقى عند الله حقا

    بانادول يتقدري اتقولي عند كل الناس نعم
    [/align]
  • تم تعديل 2009/09/15
    يسلمو عالمرور دكتور
    بس ما لقيت موضوع الظاهرة اللي عم تحكي عنها
    كبير عليي المنتدى شوي عم ضيع فيه انا ما عم لاقي شي
    بس ما بعرف انا كنت عم استنى من حدا يحكيلي عن تجارب مشابهة
    ما بتصور كل الناس بتصير معهن هيك
    شكرا كتيرtammam
    وكل الشكر لعاشقة العلوم حسيت انو هادا التفسير المنطقي
  • Dr.AhmadDr.Ahmad مدير عام
    تم تعديل 2009/09/16
    أكيد دكتورة لقاء الأرواح أمر موجود في ديننا في الاسلام حيث أن الارواح تتلاقي قبل الاجساد لكن بتبقى هالأمور غامضة و العلم عند رب العالمين

    مشان المقالة دكتورة انتي بس انقري على الرابط
  • تم تعديل 2009/09/16
    مظبوط كلامك دكتور وفي حديث بأكد خلق الأرواح قبل الأجساد
    :(الأرواح جنود مجندة، ما تعارف منها ائتلف، وما تنافر منها اختلف)
    طبعا بتبقى في أمور كتير مبهمة لا يعلمها إلا الله
    بس في شغلات بتصير حوالينا على طول بتثبتلنا انو الأرواح في شي بيناتا يعني مثلا لما فجأة بيخطر على بالك شخص وبيتصل بنفس اللحظة......
  • تم تعديل 2009/09/16
    بتصور انو هي الكيمياء بين الأرواح بتزيدلما بكون الشخص حدا كتير بتحبو
    يمكن ما حدا بسدئني انو أختي على قد ما بحبا قبل ما تتشردق بحس فيا انو بدا تتشردق
    وقبل ما تتفركش بعرف انو رح تتفركش وتتوجع
    يعني وقت بحس بشغلة ولو قبل ما تصير بكم دقيقة
    ببدا بتوتر وبتدايق كتير
    حتى لما بحلم انها بدا تتعب او تتدايق
    بقضي وقت طويل وانا دايق نفسي ومو عرفانة شو بدي اعمل لذلك الموضوع بدا ياخد حيز من حياتي
    انو انا عم حس شو بدو يصير وما عم اعرف اتصرف......بحس بالفشل
  • تم تعديل 2009/09/16
    [align=center]الله يديم المحبة بيناتكم يارب

    أكيد هيك ظواهر بتصير وفعلا بتزيد هالعلاقات والروابط لما بتكون في محبة
    خلينا انقول ماصار معي شغلات كتيرة من هالنوع بس شخصيا بصدقك وبآمن بهالكلام
    [/align]