زواج الرجل من امرأة سمينة يضمن له السعادة طوال حياته



زواج الرجل من امرأة سمينة يضمن له السعادة طوال حياته


هذا ما أكدته باحثة أمريكية في دراسة جديدة نشرت مؤخراً. وقالت الدكتورة جاكلين سونا، أخصائية علاج المشكلات الزوجية الأمريكية، إن ما خلصت إليه الدراسة يبدو غريباً ولكنها الحقيقة، على حد قولها. وأكدت أن نسبة الطلاق و مشكلات الأسرة في المجتمعات ستقل إذا اختار الرجال زوجات سمينات. وأوضحت في دراستها التي استمرت خمس سنوات أن النساء البدينات يعتبرن أفضل الزوجات لأن من السهل التعامل معهن. فهن لا يفسدن بالإطراء والتدليل مثل نظيراتهن من النحيفات السريعات الغضب كلما ضايقهن شيء. كما أنهن أكثر قدرة على التفاهم وتحمل فظاظة الزوج بسبب مهارتهن في تصريف أمورهن التي تعلمنها منذ الطفولة وعدم اعتمادهن على الجمال فقط كالأخريات.
وترى سونا أن السيدات من ذوات الوزن الثقيل يعرفن كيف يضفين السرور على حياة الرجل وذلك لتمتعهن بحس مرهف وشهية كبيرة للمسرات الحسية للحياة، مؤكدة أن أي رجل يوفق في اختيار عروس بدينة سيكون محظوظاً وسعيداً جداً.وأفادت في الدراسة التي نشرتها مجلة "عالم المرأة" أن البدينات أكثر ثقة بأنفسهن وأفضل صحة ويكرسن كل طاقتهن لزواجهن ويعملن على إنجاحه بعكس النحيفات اللاتي يكثرن من القلق على مظهرن ويلتزمن دائماً بنظام حمية معينة، مشيرة إلى أنهن أفضل الأمهات لأنهن تعودن على ألا يكن بؤرة اهتمام الأسرة وبالتالي فهن يكرسن أنفسهن وأوقاتهن في سبيل إسعاد الزوج والأطفال أكثر من غيرهن من النساء الأخريات اللاتي يهتممن بمظهرهن فقط ولا يفكرن إلا في أنفسهن.
«1

التعليقات

  • تم تعديل 2009/09/11
    والله شي حلو .........منفكر بالموضوع
    مشكورة sophi
  • تم تعديل 2009/09/11
    """بعكس النحيفات اللاتي يكثرن من القلق على مظهرن ويلتزمن دائماً بنظام حمية معينة""، :280::280:

    مو كل اصابعك متل بعضن


    بس فيها وجهة نظر

    مشكورة عالموضوع
  • jwanitojwanito عضو مميز
    تم تعديل 2009/09/11
    دراسة ظريفة وبدها شوية تمحيص شكرا صوفي
  • تم تعديل 2009/09/12
    كل السمان رح ينبسطوا منك ياصوفي
  • تم تعديل 2009/09/12
    خلص أنا من هلق رح أطلب من أمي تبحثلي ع شي وحدة سمينة
    ههههههههه
    مشكورة صوفي
  • dr.joandr.joan عضو ماسي
    تم تعديل 2009/09/12
    بس سمينة بحدود صح ؟؟!!!!!!
  • تم تعديل 2009/09/12
    [align=center]بصراحة أنا بحب تكون المرأة رشيقة و نحيفة
    لأن السمنة سبب الكثير من الأمراض[/align]
  • محمد حلبيةمحمد حلبية عضو ماسي
    تم تعديل 2009/09/12
    ههههه شكرا دكتورة صوفي و بس بتم النحيفة أفضل من السمينة أحسن ما تروح بكل البراد هههههه منين رح تلحق أكل ........ بس على فكرة بموريتانيا أو شرط للرجل ليخطب مرة أنو تكون سمينة ؟؟؟ عشان هيم أهلها ببلشو بطعموها و من هي صغيرة !!!! و لله في خلقه شؤون
    شكرا صوفي على المشاركة الجميلة ....لك مني أجمل تحية
  • تم تعديل 2009/09/12
    اي طبعا
    لأنو النحيفة بتكون قادرة وكهينة ومدوّدة كمان
    هههههه
    والسمينة بتكون طبنه ومو سائلة على شي لذلك بتريح وبترتاح
  • تم تعديل 2009/09/12
    السلام عليكم ورحمة الله وبركاته

    لهذا كانت نساء الانصار عند خروجهن لعرس ذهبن و هن يغنين:"لولا الحنطة السوداء ما سمنت عذاريكم..........."
  • تم تعديل 2009/09/12
    [align=center]ايواااا

    بس بتعرفي شغلة صغيرة

    أنا ما بحب الأبحاث ولا العلوم
    رح ضل ع وصية جدي الله يرحموا ومتل جدي ما أخد ستي سنبتيك أنا كمان هيك رح ساوي

    رحمة الله عليك يا جدي

    هههههههههههههههههههه
    [/align]
  • تم تعديل 2009/09/12
    هههههههه

    يا جماعة مجرد دراسة بس ما تمسكولنا ياها وتصدقو

    شكرا للجميع عالمرور اللطيف
  • تم تعديل 2009/09/12
    هههههههه
    مابعرف شو قول
    مو المراة لازم تكون متوسطة السمنة يعني وزن متالي بيكون احسن ما ؟؟؟؟؟
    بدك تخلينا بلا جواز ولا شو
    مشكورة ع الموضوع
  • تم تعديل 2009/09/12
    بعيد الشر شو خليكن بلا جواز
  • تم تعديل 2009/09/12
    اجمل النساء التي يكون كل شئ فيها بالقدر
  • تم تعديل 2009/09/12
    اي هيك الكلام طبيبتنا ياسمين
    عم امزح صوفي حبيبتي
  • Dr.AhmadDr.Ahmad مدير عام
    تم تعديل 2009/09/13
    و الله اذا بيحلفوا بالله انو السمينة أحسن رح تضل أسوأ لأنو السمينة دليل انها ضعيفة الارادة على نفسها فكيف يا ترى رح تربي أولادها ......... مللىىىىى ترباية

    يسلموا صوفي ........ بس خيفان ما تكون هي الدراسة لغاية في نفس يعقوب ........... ههههههههه
  • تم تعديل 2009/09/13
    أنا مو معك ياأحمد السمينة مو دائما بتكون ضعيفة الإرادة ومو يعني مابتعرف تربي ، السمن الو أسباب كتير غير الأكل الكثير ، في أسباب مرضية مثل كسل الغدة مثلا.
    بعمرو الوزن ماكان دليل ارادة أو ابداع بتربية الأطفال.
    الأم الحنونة والفهمانة شو ماكان وزنها بتربي ولادها بكل حب وبكل ارادة.
    عنجد كتير بألمني انو المجتمع بحكم على السمينة من خلال شكلها ، أنا عندي كذا رفيقة سمينة بس مبدعين وارادتن قوية وأزواجن فخورين فيهن.
    دائما نحنا بنظلم وبنحكم على الناس من شكلها الخارجي
  • تم تعديل 2009/09/13
    لك كل الحق ريمي لا يمكن ان نحكم على الناس من الشكل الخارجي نحن عطينا رأينا من حيث الجمال الخارجي ايهما تكون اجمل ولا نستطيع ان ننكر ان السمنة تؤثر على جمالها يا اختي يكفي انها مضرة لصحتها هي
    ولكن الجمال الداخلي حسب الاخلاق والتربية وشخصية الفرد وقد تجد عند السمينة مالا تجده عند الضعيفة والمظهر الخارجي لا يمكن ان يعكس شخصية الفرد .
  • تم تعديل 2009/09/13
    السلام عليكم يا جماعة الخير
    عندي سؤال فقط
    ألا تعتبر السمنة مرض من الأمراض ؟
  • محمد حلبيةمحمد حلبية عضو ماسي
    تم تعديل 2009/09/13

    و الله السمنة ما حلوة للرجل أو للمراة .......(ما ملأ ابن آدم وعاء قط شرا من بطنه فإن و لا بد فثلث لطعامه و ثلث لشرابه و ثلث لنفسه ) صدق رسول الله

    لو اجتهاد طبي يا جماعة و صححولي إذا خربطت هلق حسب ما تعرفو أنو بعض المأكولات متل البطاطا تحرض على إفراز السيروتونين و هو هرمون يعطي شعور بالفرح و الاسترخاء .......و هو يمكن يكون هاد أحد الأسباب إللي بخلي إللي ياكلو كتير أكثر استرخاء من غيرهن .....الله أعلم

    شكرا صوفي مرة تانية على الموضوع الحلو لك مني أجمل تحية
  • تم تعديل 2009/09/13
    [align=center]ع حسب علمي أن السمنة مرض

    ولكن غدا في هذه الايم يصبح كالعادة الاجتماعية لابد من وجوده بيننا
    [/align]
  • Dr.AhmadDr.Ahmad مدير عام
    تم تعديل 2009/09/14
    عفوا ريمي و طبيبة جزائرية
    انا حكيت هالحكي بالنسبة للنساء العاديات لما بيكون في مرض أو أي أمر آخر فالحديث تغير
    و بالنهاية الموضوع موضوع قناعات و انا أكيد رح امسك وصية جد تمام الله يرحمو ( السمبتيك : بعتذر اذا مو الكل فهم المعنى بس بتصور 90% فما فوق بيعرفوا انها جميلة القوام و خاصة اللي مو سمينة ) بسناني
  • تم تعديل 2009/09/14
    على كل الله يرزقك كل رجل بزوجة صالحة وجميلة متل مابحب.
    بس حتى من الناحية الجمالية سبحان الله الأذواق بتختلف في كتير رجال بحبوا المرأة السمينة وأكبر مثال موريتانيا ومصر وبعض المحافظات السورية متل حلب
  • تم تعديل 2009/09/14
    [align=center]بحلب ايه شو هاد

    ههههههههههههههه
    سمعة جديدة
    [/align]
  • تم تعديل 2009/09/14
    فعلا يا جماعة الحياة قناعات

    بس يا دكتور احمد انا هلأ لانتبهت لغاية في نفس يعقوب لكن مااا؟؟؟؟؟؟
    طيب انا رح احتفظ بحق الرد
  • Dr.AhmadDr.Ahmad مدير عام
    تم تعديل 2009/09/15
    طولي بالك صوفي :203: :233:ما قصدي شي كل ما هنالك :246: .......... :191::191: ......

    خلص مزح بس ما رح بطل امزح :232: ........
  • تم تعديل 2009/09/15
    وانا قاعده عم اعمل ريجيم وحارمه حالي الاكل ,وعلى قوله الحمويه على النحيفه :خاينها الضعف ياحرام ,يعني كمان الحمويه بيحبو السمينه ههههههههههه
  • تم تعديل 2009/09/15
    يا شباب منشان لا النحفى يزعلوا ولا السمان أنا بقترح:
    أنو كل رجل يتجوز تنتين وحدة نحيفة ووحدة سمينة وهيك منضرب عصفورين بحجر منوقف المخانقة بين أعضاء المنتدى ومنقضي على العنوسة ...... شو رأيكون شباب مو خرج يسلموني شي منصب بوزارة الشؤون الاجتماعية والعمل هههههههههه
  • تم تعديل 2009/09/15
    هههههههههه هذا يلي بدك ياه يامحمد لقيت الحل يلي بناسب 90 بالمية من الرجال