صورة وتشخيص

تم تعديل 2009/09/15 في علم الأشعة Radiology
مرحبا جميعا

ان شاء الله راح يكون في موضوع شبه يومي( وهذا يتوقف على نشاط الأعضاء ومشاركتهم)
راح اضع صورة بانوراما
ونحاول مع بعض نشوف شو المشاكل وشو الحلول الممكنة

اليوم راح أبدأ
بصورة
وراح أكتب أيضا تشخيصي وخطة المعالجة المقترحة
2377.gif

التعليقات

  • تم تعديل 2009/08/30
    #14 قلع
    # 15 قلع
    # 18 قلع
    # 22 rct
    # 23 rct
    # 37 إعادة معالجة
    # 34 rct
    # 45 rct
  • محمد حلبيةمحمد حلبية عضو ماسي
    تم تعديل 2009/08/30
    شكرا دكتور و مشاركة حلوة :226:و الله يبارك فيك و رح جاوبك حسب خبرتي القليلة :penaud04[1]:.......وإنشاء الله يطلع معظمو صح هههه و عم ننتظر التشخيص السليم و خطة المعالجة المناسبة بفارغ الصبر :28:...... الله يجزيك كل خير

    طبعا بعد القصة السريرةللمريض و التاريخ الطبي له و هل يعاني من أي أمراض مزمنة أو عرضية ...إلخ و الفحص السريري للحفرة الفموية نبدأ بالتشخيص الشعاعي
    بالفك السفلي :

    1 - الأخ عندو فقد رحى تانية سفلية يمين وأولى سفلية يسار وميلان السن المجاور وتطاول السن المقابل فأول شي لازمو تقويم وبعدها تعويض ثابت لتعويض الفقد و حفظالمسافة
    2- ر 2 س يسار معالجة لبيا ولكن لاحظ بعض الشفوفية تحتها عندها نسألو إذا في وجع على البارد واساخن .... إلخ وإذا أجاب بنعم عندها بكون فشل المعالجةاللبية وتستدعي تنظيف العفونة منجديد
    3 -ض2 س يمسم لا حظ توسع يالمسافةالرباطية عند الذروة وربما يكون التهاب رباط و آفة ذروية وطبعا بدها معالجةلبية
    4- القواطع ما واضحةالصورةكتير و لكن على ما يبدو لي ما بحاجةلشي

    بالفك العلوي :

    1- نلا حظ كيس جذري عند الضاحك الأول يمين المعالج لبيا و لكن أكيد صار فشل بالمعالجة و بالضاحك التاني نعالجو لبيا و إذا الجذر بيكفي للضاحك التاني والنسج الداعمة قوية مع أني ملاحظ امتصاص أفقي بكلا الفكين نعملو قلب وتد معدني و إذا لا نقلعو و نعملو تعويض ثابت
    2- الرباعية اليسار نلاحظ توسع بالمسافةالرباطية و بعد الفحص السريري إذا تستدعي المعالجة أو هالشي من الصورة بس و الناب اليسار ضياع بالمادة السنية مقابل الحشوة المجاورة و تستدعي العلاج المناسب
    3- أسنان العقل العلوية ما عندي خبرة فيهن ولكن لاحظ اليمين كأنو في نخر ملاصق أنسي عند الحشوة المجاورة و بعتقد إذا ما أمكن علاجو فقالقلع أحسن
    أما اليسار ما بعرف إذا عن يوجعوا و لا لا و لكن بعتقد لازمو قلع لأأنو وضعو بالنسبة للسن المجاور مو عاجبني

    ملاحظات : الحشوات حسب تقديري الشخصي لازمها كلها إعادة ترميم لانو شايفين كلنا رداءة الترميم و طبعا الحالة الاقتصادية للمريض تؤخذ بعين الاعتبار قبل أي خطوة
  • الرجل البخاخالرجل البخاخ عضو ماسي
    تم تعديل 2009/08/30
    تشخيص عمار كان كافي ووافي تقريباً
    على ضاحك أول سفلي يسار في نخر ملاصق
    بالنسبة لضاحك تاني علوي يسار أنا شايف كأنو ف آفة كمان فبالتالي أنا من أنصار قلع هاد الجذر
    بس نرجو من حكيم endo التوضيح أكثر ...........
  • jwanitojwanito عضو مميز
    تم تعديل 2009/08/30
    بكر ا أو اليوم قبل الفجر إنشاء الله بفصفصها
  • jwanitojwanito عضو مميز
    تم تعديل 2009/08/30
    http://www.syrianclinic.com/vb/attachment.php?attachmentid=1538&stc=1&d=1243459313
    نقوم بفحص جيد للمنطقة 1+ 2 يمن أن نقون بعملية قطع ذروة ك\مشان ما يخسر المريض الناج
    الرقم 2 نهيئها بشكل قلب و تتد معدنيو ذلك بعد معالجة عفنة جيدة للمنطق
    المفص وضعه جيد و لكن كان لازمنا الجهة الأخرى للمقارنة و لكن عموما المظهر جيد
    س دكتور عندما تبدأ بالعمل للمريض ألا يتضايق و يطلب منك أن يبصق و ان يرتاح نعم السبب هو ميلان الوتيرة أو حاجز الأنف
    بالنسبة للرقم 3 لا اظن أن التقويم سيجدي نفع مع المريض و(رأي شخصي و ليس علمي لأني لشه ما درست التقويم)و أقترح أن يكون التتويج نصفي أي يتناول نصف الدعامة بالتحضير خوفا من التحضير الزائد أو اعتمد الزيركون تحضيره أقل
    4 يحتاج إعادة معالجة خاصة إذا كان في ألم شديد(ننتبه من حالة هنا أنو إذا كان الألم شديد المعالجة إسعافية بداية خراج)(رأيي الخاص ) و رغم أن السن ميت و لكن تفريغ القيح الناتج أمر ضروري
    بالننسبة للرقم عشرة سليم مافي شي (منطقة تشريحية ) هي الحفرة الجانبية LATERAL FOSSA
    بالنسبة ل 7 مافي شي الثقبة الذقنية

    8 نخر
    و بالنسبة ل 9 الناتئ الإبري
    كل ماورد سابقا عبر عن رأي الخاص و قسم كبير منه غير قائم على العلم إنما على الرؤية و المشاهدة السريرية علما أن اللبية لم نأخذها بعد
    أرجو أن تدققوا أخطائي و ترشدوني لكا أخطأت و تدعو الله لي فيما أصبت ليوفقني لما يحبه و يرضاه
  • تم تعديل 2009/08/31
    شـكــ وبارك الله فيك ـــرا لك ... لك مني أجمل تحية .
  • تم تعديل 2009/08/31
    الله يعطيكم العافية جميعا

    بالأول خلونا نتفق على كم شغلة وبعدين منرجع للصورة

    أول شي لا تنسوا انو الصورة الشعاعية لوحدها غير كافيه للوصول لتشخيص دقيق
    وبالتالي لا بد من الفحص السريري واحيانا نستعين بفاحص اللب الكهربائي
    وايضا لا ننسى وجود حالات الم مبهم
    ثاني شي بتمنى نستخدم رموز مفهومة عالميا
    طبعا في طريقتين عالميتين شائعتين لترقيم الأسنان
    الطريقة اللي انا ماشي عليها هي ترقيم الأسنان حسب الأرباع يعني الربع العلوي اليمين هو 1
    ورقم السن يبدا من 1 للثنية حتى 8 لضرس العقل
    وبالتالي ترقيم الأسنان هو: 11-12-13-14-15-16-17-18
    بالنسبة للربع العلوي اليسار هو 2 وبالتالي ترقيم الأسنان: 21 -22-23-24-25-26-27-28-
  • تم تعديل 2009/08/31
    الربع السفلي اليسار هو رقم 3
    والأسنان هي :31-32-33-34-35-36-37-38
    وأخيرا الربع السفلي اليمين ورقمه 4
    والأسنان: 41-42-43-44-45-46-47-48
  • تم تعديل 2009/08/31
    بالنسبة للصورة:

    بعد التشخيص السريري والشعاعي اخترت العلاج التالي:
    14 قلع لوجود افة ذروية وقلب معدني والسن غير قابل للترميم
    15 قلع لأنه جذر متبقي وغير قابل للترميم
    18 قلع طبعا بسبب وضعه اللإطباقي بالاضافة إلى التسوس الجانبي وصعوبة علاجه
    _______________________________________-
    22 سحب عصب وهي اخر مرة بكتب فيها هالكلمة وبعد هيك راح نستخدم كلمة عالمية هي rct وهي اختصار root canal therapy)

    23 rct بسبب النخر الجانبي العميق
    24+25 تغيير حشوات الأملغم السيئة وربما نصل لعلاج الجذر ايضا
    26 تغيير الحشوة ولاحظو الحواف السيئة من الجهة الوحشية
    __________________________________________________________
    34 rct بسبب النخر الوحشي الكبير
    37 اعادة معالجة حتى لو ما في أعراض بس متل ما لكم ملاحظين في بداية تشكل آفة ذروية
    _______________________________________________

    45 rct بسبب الحشوة السيئة والحواف المفتوحه ( عملت فحص حيوية للسن ولا يوجد استجابة أي اننا امام حالة تموت عصب)




    ____________________



    'لسا في عندنا التركيبات
    بس منحكي فيها اليوم بالليل أو بكرة

    والله يتقبل الصيام مننا ومنكم
  • jwanitojwanito عضو مميز
    تم تعديل 2009/08/31
    'هيك أفضل
    أنا موفق
  • الرجل البخاخالرجل البخاخ عضو ماسي
    تم تعديل 2009/08/31
    مشكور كتير دكتور ......... الله يعطيك العافية و يتقبل صيامنا و صيامكم
  • محمد حلبيةمحمد حلبية عضو ماسي
    تم تعديل 2009/08/31
    شكرا دكتور و بالنسبة إلي عم انتظر باقي التشخيص بكل تلهف و الصورة إللي بعدها بكل تلهف :8:........ شكرا دكتور و مباركة جهودك
  • jwanitojwanito عضو مميز
    تم تعديل 2009/09/01
    عمارمتلهف أنا متشوق أو عم أنقلي على نار هادئة
  • تم تعديل 2009/09/01
    اشكركم جميعا على تفاعلكم

    بقي الحديث في هذه الحالة عن التعويضات الثابتة

    يجب اخذ قاعدة عامة ان الاسنان المعالجة لبيا يجب أن تتوج
    بالإضافة إلى الحاجة لعمل جسر للفك العلوي الجهة اليمين
    اي بالفك العلوي لدينا :
    22+23 وربما 24+25 تيجان خزفية
    جسر أربع وحدات 13-14-15-16
    طبعا السن رقم 17 معالج لبيا وينصح بتتويجه

    * الناب له وضع خاص فإذا لم يكون هناك ضرورة قصوى للتتويج فيفضل ابقاءه على حاله
    ____________________________________________________

    الفك السفلي
    يجب تعديل وضع الدعامات المائلة قبل التفكير بعمل جسور ثابتة
    وهنا لا بد من تدخل اخصائي التقويم

    وحتى اكون عملي وواقعي معكم أنا افضل عدم التعويض نهائيا افضل من عمل جسر بدون تعديل ميلان الأسنان المائلة والحديث هنا طبعا عن الأسنان: 37 + 48

    لكن كما تلاحظون فإن ميلان السن 37 ليس شديدا وبالتالي يمكن عمل جسر 35-36-37
    طبعا يجب تتويج 34 + 45 بجميع الحالات

    أتمنى ان لا اكون قد نسيت شيئا

    غدا بإذن الله راح نكون مع صورة جديدة
  • د.محمد حجازيد.محمد حجازي عضو جديد
    تم تعديل 2009/09/01
    والله حلوه الفكرة الله يعطيكم العافية
  • jwanitojwanito عضو مميز
    تم تعديل 2009/09/01
    الله يعطيك العافية دكتور
    و أنا عم أنتظر بفارغ الصبر
  • تم تعديل 2009/09/01
    مشكور دكتور الفكرة رائعة وصحيح أجيت متأخر بس خيرها بغيرها......... بانتظارك
  • محمد حلبيةمحمد حلبية عضو ماسي
    تم تعديل 2009/09/02
    الله يجزيك كل خير دكتور و يجعلو بميزان حسناتك و اقتراح صغير عشان إللي بكون عندو لبس بالتشخيص بشوف أنو تحط ليش السبب واء التشخيص الصحيح و شعان الفائدة تعم أكبر قدر ممكن ....مشكور دكتور مرة تانية و الله يبارك فيك
  • تم تعديل 2009/09/15
    يعطيك العافية زميل endo أنا لسا سنة تانية بس حبيت أشكرك على جهدك وانشالله منستفاد من خبرتكن