قصة بس صارت معي

jwanitojwanito عضو مميز
هذه المذك مها نقل الخبرات و التجارب اللتي نكون مررنا بها بهدف الإستفادة
العدد الأول : أتمنى من طلاب البشري أن يوافونا بمثلها ...... إذا عجبتكم الفكرة و إذا ما عجبتكم إنتقدوها بصراحة

تحية طيبة
أكتب هذه المذرات لتكون منارة لمن يريد أن يتعلم فهي تختصر الخبرة بشكل كبير
حار ذلك اليوم كان كمعظم أيامك الصيف القديمة في بلادنا
دعيت إلى العمل كمساعد جراحي بعملية فكية
باختصار كنت أمام عجوز هرم في الستينات من العمر لم يكن بقي لديه من الأسنان إلا الأرحاء السفلية و كانت العملية جراحة له و استئصال لكيسين
الصور البانورامية كانت ظريفة
القارئ يقول ؟؟؟؟؟
نعم ظريفة تصورو مع حالة دردر جزئي سفلي مع كامل علوي لديك كيس (الشك سابقا ورم لصغر الحجم) تحت الرحى الثانية
تحت الجدر الوحشي
مع صورة لرحى 3 منطمرة و كيس كبير صاعد ضمن الشعبة الصاعدة من الفك الكيس كان أكبر من أن يوصف
تقرر إجلراء العمل على مرحلتين القلع و الكيسص الإول ثم بعد إراحة للمريض نقوم بالكيس الثاني بعد 10-15 يوم
بدء ىالطبييب
حمزة البنج .. كليك ك... كليك .. الأ[أمبول ضمن المحقنة ... الإبرةفي مكانها و ضعت غطاء الرأس
دكتور
نعم
إفتح إيديك
بسط راحته و ضعتها بهدوء
تربعت فوق كفه الجراحي الأخضر ... ذو طعم النعناع
.....
تحرك بسرعة جس الار أد
حدد المكان بتصوري أنه المنطقة ما بين الربط و العضلة الجناجحية الأ[أنسية
إفتح ياسمسم ...... لا إفتح يا عمو قد ما فيك
كمان شوي
بعدين عرفت ليش السبب طلع مشان ما نحقن بالرباط
حقن و لذلك قصة أخرى ...
ثم تحرك بالإبرة باتجاه الميزاب الدهليزي و حقن فيه
سألت حالي شو العصب اللذي بدو يخدرو و ليش الجواب إلكم
بعد شي 10 دقائق بدأت تظهر آثار التخدير على المريض
و بدجأنا ...............................
كلابة الأرحاء السفلية تفضل دكتور
غىزها الدكتور جيدا و رفع بصره إلي و قال كلمة غرزها مزبوط مشان يطلع بسرعة و مشان ما يطق و مشان ما يتوجع المريض كتير و ياريتو ما قال
كليك .... تك كسر الجذر ... و المرضى برا قاعين
تبسم الدكمتور قال بدك تعذبني بسيطة
و الرحة الثانية نفس الحالة .......... طقت
تبين فيما بعد وجود إلتصاق لم يكن واضحا بالصورة لردائتها
ماهو المظهر الشعاعي لإلتصاق السن كيف يشخص الجواب إلكم
و بصراحة هون الدكتور شمر عن ساعديه و بدأ يحاول بالأليفيتور بس ما في نتيجة طبعا لأنوالتصلاق كان ملاطي-عظمي
عبي سيروم هيك قالها . بشوا بالسرنغ بشو بيعبو السيروم طلاب آخر زمن
عبيته بعد ماعدت لغرفة العمليات كان الدكتولر أخرج أداة غريبة كانت بنظري
بعدين تبين أنها مبرد عظم
و ضعها على الصينية ثم أمسك المشرط بيقولولو ا المبضع الجراحي بالفصحى لاا تدققوا و هوب فوق السنخ
من وحشي الرحى الثانية حى منطقة الضاحك المقلوع سمعت صوت الشفرة و هي عم تشق اللحم أو بجوز هيك حسيت
جاب الدكتور أدلة بعدين عرفت أتها مبعد سمحاق و حطها و قلي إمسك ,,,, و مسكت بس منظر الدم كان مألوف بأفلام الأكشن و أفلام الحرب العاللمية
و على شاشات التلفزة بس بالواقع كان غير عنجد كان غير أحمر سائل متدفق يختلط باللعاب كانت أول مرة و أصعب مرة
لم أعد أذكر الـأدوات و لكتن عنتدما استخدم مبرد العظم كان يقتح نوافذ جانبية بالعظم حتى يتمكن من الإعماد على قصافة الملاط ليكر الإرتبط
بين الملاطين
و لكن الملاط كن متشعب أيضا باتجاه العظم ئأيض ا و بعد شي نصف ساعة 40 د من العمل هو عم يبرد و أنا محسوبكم عم برد بالسيروم
برشه مكان البرد بنفس الوقت .
وصلنا الآن لبيت القصيد الجر الوحشي للرحى الثانية حيث الكيس حفر الدكتور العظم على مهل حتى بين ذروة الجذر شن أنه (شوية منها )
و هون صار دور الرافعةو السقلية دخلها الدكتور بهدوء تحت الجحذر (منسميه بالعمة قرص ) و قرصها أي موهلها حركة بالإتجاه المحوري و سمعت صوت الجذر و هو عم يتحرر من بقايا الرباط و
تماما الصوت مثل لما بتفتح علبة سردين أو طون
يتبع في العدد القادم من مذكرات طبية
«1

التعليقات

  • محمد حلبيةمحمد حلبية عضو ماسي
    تم تعديل 2009/08/11
    مشكور أخي محمد و هي صار اسمها مذكرات طبية هههه و الله يبارك فيك و بهالدكتور و دعوة لكل الأطباء ممارسين أو طلاب يشاركونا بقصة صارت معهن عسى يكون فيها إفادة للجميع
  • تم تعديل 2009/08/11
    ممممممممممممممم..............................ألتلي هيك صار معك.................هالأصة خرج تصير مسلسل تركي يا شيخ....
    بس ألك شغلة أنت بالسيناريو شغلة كبيرة....ويا أخي حرام تضيع موهبتك بالفن بطب الأسنان........
  • تم تعديل 2009/08/11
    شـكــ وبارك الله فيك ـــرا لك ... لك مني أجمل تحية .
  • تم تعديل 2009/08/11
    هههههههههههههههههه قصة حلوة متل ما قال الشباب الك في الفن
    مني اجمل تحية
  • Dr.AhmadDr.Ahmad مدير عام
    تم تعديل 2009/08/12
    فكرة حلوة كثير حكيم
    بالنسبة للأسئلة هي لطلاب الاسنان مو الي
    ومتل ما قلت رح اسرد قصة تانية صارت معي ::

    كنت بيوم من الصييف الماضي المسا مداوم بقسم الاسعاف بالمشفى الوطني و الجو هادي و مافي مرضى و اذ بيدخل شخص و معو مرافق و لافف اصبعتو السبابة بمدري كم قماشة طبعا نحن استقبلناه و سألناه و كان جوابو صراحة بيضحك و ببكي ::

    كان الزلمة سهران مع رفقاتو و عم يديروا ( يفرموا ) اللحمة بالماكينة و كأنوا صاحبنا خربط بين اصبعتو و بين اللحمة و ما حس و دري غير نص اصبعتو صارت مع الكباب المهم مالنا بالكباب المريض عنا النزف كان خفيف لأنو الشرايين المروية للاصابع مانها كبيرة و الزلمة لافف اصبعتو بشي ألف طاق لصايرة أكبر من راسو دخل على غرفة العمليات الاسعافية و على اعتبار انو اصبعتو كلها طايرة فما في مجال ابدا لاغلاق الجرح بالطريقة التقليدية ( الخياطة ) لجأ الدكتور لطريقة متل ما كانوا سابقا يربطوا كيس المصاري بخيط يزم فم الكيس بمجرد شدو ( أكيد عرفتو كيف ) المهم بلش الدكتور يفوت الخيط من جهة و يطالعوا من جهة و يلفوا حوالي الاصبع و اذا بمشكلة صغيرة انو العظم المتبقي بيمنع اغلاق الجرح و هوني كانت الطامة و هون حسيت نفسب رح تقلب رغم اني كنت حضران عمليات ما فتح و رزق طالع الدكتور شغلة من البانسة أو الكماشة ( اسمها كسارة العظم ) و بلش يشد هالعظم بدو يقصرو و عينكم تشوف كيف ينشد اللحم و الاوتار و الجلد و عظم السلامية شغل تقوى ماكان ينكسر المهم بعد جهد و عناء دكتور العظمية ما بيطلع بالخجلة أعوذ بالله كسر العظم ( قصرو ) و كسر راسو كمان و هيك صار فيه يسكر اللحم بمجرد شد الخيط و بالنهاية كان الضماد


    ============

    هي بالتاكيد صورة لطيفة جدا عن دكاترة الجراحة عموما والجراحة العظمية خصوصا و اذا بتحبوا من عيار اتقل في
  • om67om67 عضو مميز
    تم تعديل 2009/08/12
    فكرة حلوة

    في السنة الثانية من الجامعة يوجد عندنا في الفصل الثاني مادة اسمها علم الاشعة وطبعا فيها عملي العملي هذا بيتضمن صور شعاعية لجميع أسنان الفكين ويتم تحديدها مسبقا من قبل رئيس القسم
    الذي كنا نعاني منه أن بعض المرضة -ما شاء الله - ثقافته الطبية عالية جدا بحيث أنه متأكد أن الأشعة مؤذية للجسم وتحدث فيه أمراض ولا يؤمن بأن سيجارته التي يضعها في فمه تقتله أكثر على اعتبار أن الجرعة الشاعية المستخدمة في طب الأسنان صغيرة جدا

    المهم وقفت مع رجل في الخمسين من عمره وكنت بحاجة لتصوير أي سن فلم أكن بدأت بالأعمال بعد وبدأت بإقناع هذا الرجل بأن الأشعة لن تؤذيه كل الذي أريده صورة واحدة فقط لا غير وطال الحديث معه حتى اقتنع في نهاية الأمر

    ولما جلس في غرفة الأشعة قلت له افتح فمك وهنا كانت المفاجأة بعد طول عذاب

    أخرج جهازه التعويضي من فمه ((البدلة )) حيث لم يكن في فمه أي سن وقال لي ((دكتور بدك الصورة مع البدلة ولا بدون البدلة ))

    قلت له : ((حسب والله ازا انت بدك الصورة للهوية الشخصية ولا لجواز السفر ))

    إلى الآن كلما خطر ببالي الموضوع أضحك

    هههههههههههه هههههههههه
  • Dr.AhmadDr.Ahmad مدير عام
    تم تعديل 2009/08/12
    و الله قصتك حكيم محمد لازم يحطوها بمرايا
    ههههههههههههههههههههههه
  • تم تعديل 2009/08/12
    هههههههههههههههههههههههه اي لهيك مابحب الدكاترة انا هههههههههه
    بس قصص فعلا حلوة كتير لما بتصير معي وحدة بحكيلكم ياها
  • jwanitojwanito عضو مميز
    تم تعديل 2009/08/12
    شو رأيكم بأفكاري ؟؟؟؟
    جربانة ؟؟؟ظ لا ساحرة لا ؟؟؟ بل موجهة
    المشركة لها هدف من اصل 7 مشاركات 3 منها فعالة
    و فيها عبرة للطلاب بعدنا
    أليس كذلك
    خلونا نكبر هالفكرة أكثر و أكثر
    و لكم مني تحية
  • Dr.AhmadDr.Ahmad مدير عام
    تم تعديل 2009/08/12
    لي عودة ان شاء الل ه بقصة تانية لكنها أكثر ارهابية من السابقة لفرجيكم اديش الدكاترة ارهابيين
  • om67om67 عضو مميز
    تم تعديل 2009/08/12
    د.أحمد

    قصة وفاة حصلت أمامي لكنها متعلقة فيكم انتم الأطباء ((لا جعلك الله من أمثال هؤلاء ممن سأروي لك قصته ))

    عندما كنت أقدم امتحان الشهادةالثانوية - البكالوريا - كان هنالك شاب في منطقة كرم الحوراني يدعوني دائما

    للدراسة عنده كنت أتمنع في البداية لأنه كسول جدا ثم وافقت بشرط ألا علاقة لأحدنا بالآخر فقط نجلس في ذات

    الغرفة

    مرة خرجت أنا وصديقي نتمشى قليلا وفجأة يصطدم باص خارجي - هوب هوب - بآخر

    أحد الباصين أكمل سيره وتوقف بعد مسافة لكن الآخر ظل يتدحرج ويتقلب حتى وقف بعد خمسة أو ستة قلبات

    خرج جميع من في الباص وكان عددهم قليل وكان من بين الناجين أمرأة تبكي وتلطم وجهها وتقول (( هاني ))

    قدمنا أنا وذاك الشاب قلنا لها (( مين هاني وينو )) قالت ((ابني تحت الباص ))

    بحثنا فكان ابنها لما وقع الباص قد مد رأسه من نافذة الباص فانحصر بين الاسفلت والباص وضغط منظر لا يغيب عن

    بالي إلى الآن نادينا بعض الشباب واخرجنا الشاب لكن المنية كانت أسرع الرأس مضفوط وبدأ النزيف من الأنف

    والأذن وكأن شديد جدا جدا

    اتصل أحدهم بإحدى المشافي القريبة من موقع الحادثة وتأتي سيارة الإسعاف وكان من بين الناس الذين تجمعوا

    معنا واحد من أهالي أصحاب هذه المشفى وبعدما حملوا الشاب بسيارة الإسعاف نظر إلينا وقال (( والله الولد منتهي هلق بينزلو عالمشفى لعنا بكسبونا ألف 15 وبعدين عالدفن ))

    صدقني إلى الآن كم رأيت أناس في حياتي لم أرى( ..........) منه

    أسأل الله تعالى أن يبقي عليك طيبة قلبك ولا يحرمك منها ولا يجعلني ولا أنت ولا أحد من أعضاء هذا المنتدى الطيبون أهله - ولا أزكي على الله أحدا -كمثل هذا الرجل الذي نزع الله الرحمة من قلبه

    أخوكم : محمد

    مع قصة أخرى إن شاء الله
  • تم تعديل 2009/08/12
    استغفر اللهالعلي العظيم والله قصة محزنة فعلا
  • تم تعديل 2009/08/12
    اي والله فكرة حلوة كتيييييييييييييييييييييييييييييييييييييييييييييييييير
  • د.محمد حجازيد.محمد حجازي عضو جديد
    تم تعديل 2009/08/12
    والله يا جماعة أحلى قصة قصة الدكتور محمد حجازي وعلى فكرة صارت معي نفس الحالة وكان المريض مركب جسر خزف بس أبدا ما مبين نتيجة الانسجام اللوني مع الأسنان المجاورة والمريض بيعرف بس تقصد يعمل هالحركة وانا صراحة صرت بموقف صعب أنو بدي أضحك ولا بدي أكب حالي بأقرب حاوية زباله لأنو ما ميزت الطبيعي عن الصناعي :113::223::99:
  • jwanitojwanito عضو مميز
    تم تعديل 2009/08/13
    تحية طيبة لكم أخوتي الأعزة و بعد
    الهدف الأساسي من المذكرات الطبية هو :
    - الإتعاظ بأخطاء الآخرين
    - شرح تفاصيل الأعمال ... اللتي تحتاج تكنيكات معينة مثل ... الخياطات .. الجراحات ... التشاخيص ... كيفة العلاج
    المناقشات الذهنية اللتي تحدث مع المرء و لماذا اخترت القيام بهذا العمل أو لماذا اختار الطبيب أو الممرض اللذي افعل ذلك
    - تنبيهات باطنية حول االأخطاء و النقاط اللتي يجب الانتباه إلها
    - نقل لمحة عن تفاصيل قد تكون مخفية
    و شكرا ملاحظة الجزء الثاني قريبا
  • Dr.AhmadDr.Ahmad مدير عام
    تم تعديل 2009/08/14
    شكرا حكيم محمد و ابذر كل جهدي لأبقى محافظ على الشي اللي تربيت عليه بعون الله و سنده

    و تأكد تماما انو هالانسان من أهلو غير محترم لأنو الانسان صورة وحدة مستحيل يكون أكتر من هيك

    انا لما قلت قصة ارهابية بتفاصيلها الطبية و ليس بتفاصيلها الاخلاقية
  • om67om67 عضو مميز
    تم تعديل 2009/08/14
    أحلى دكتور والله

    صاحب خلق عالي إن شاء الله لا يخشى عليك
  • Dr.AhmadDr.Ahmad مدير عام
    تم تعديل 2009/08/14
    بارك الله فيك حكيم من بعدكم

    هلق بقولوا بلش التوجيب ههههههههه
  • jwanitojwanito عضو مميز
    تم تعديل 2009/08/17
    تحية طيبة
    اليوم صرت معي نهفة بس رح أحكيها
    كنت بالعيادة (المستوصف شي الساعة 9 ) و العصاقير تزقزق و الشم سساطعة ... إلخ
    و فجأة دخلت لعندي مرأة ضخمة الجثة مابدي قول عريضة المنكبين بس صحتها منيحة أي بدنة يعني
    المهم و بلا طول سيرة شو قي الة
    السن تبعي بدي إقلعو
    هيك قالت
    و طبعا أنا أول ما قالت قلع قلت : روعة
    روعة مو ..... اسم بنت ... لا ...
    أني مبسوط لأنو حالات القلع قلانة هالأيام
    و بشكل روتن خالة مريضة شي بالسكر
    لا الحمد لل ما عندي سكر
    ضغط في عندك
    شوي قالتلي بيطلع و بنزل عالزعل
    عند أمراتض دموية أو ماشاكل ...
    و هونصدمتني و قالات لا بس عندي مرض جلدي
    شو هو و أخذت عندها أتفرس وجهها بسرع هي تحرك شفاهها اللتي غارت قليلا في الزمن
    و نطقت الجوهر عندي حب ببطني ؟؟؟؟؟
    ببطنك ؟ظ؟؟؟؟
    أي حبببطني هيك قالت الجملة
    شو شكله هالحب :سألتها
    قالت بيروح و بيجي عالزعل ......
    الزعل قلتيلي
    أي عالزعل قالت ببرود
    و أنا هون اشتغلت حاسة التشريح المرضي عندي و استقر ذهني عند أول تشخيص تفريقي
    س لشو ياحزركون
    تابعوا الحوار التالي اللذي دار
    خالة الحب ببطنك و بمنطقتك و منتشرأيضا بالحوض أو بإحدى هانقاط
    أي و بدك تطلع فيني باستغاب كأني شي مريخي نزل بسفينة فضاء
    لون أحمر و لما بفقس بيطلع تحته متل شكل القرحة أحمر من جوا و الجلد من حولي و بتحسي أنه مرتفع عن جلدك
    أي قالت بذهول و تحسب
    بيروح و بيجي عالزعل و لما بتغضب و بتتوتري
    أي
    قلتلا شغلة بسطة معك حلأ تناسلي
    وشو بيساوي هاد قلتلها ما بيساوي شي بس إذا رحتي لعند أي دكتور أسنان قولي له أنةو معك حلأ تناسلي و أصري أن يلبس كفوف لما بفحصك و لما بعالجلك سنانك متان ما يصير معو مرض مهني و يرفع عليك قضية
    و يرفع علك قضي هي إضافة م عندي مشان تبسموا
    و الحمد له على عادتي لا بشس كفوف و حاطط قناع و أحينا عم أضطر أستخدم النظارة
    ملاحظة حسيت لحظتها فائدة التشريح المرضي اللذي درنساه
    و تياتي لأعضاء
  • تم تعديل 2009/08/17
    مشكور حمزة الواحد لازم يتوخى الحذر ع طول........
  • jwanitojwanito عضو مميز
    تم تعديل 2009/08/18
    القصة رقم 3
    حصلت هذه القصة معي
    كنت صباحا بالمستوصف و جاءتني مريضة صغيرة عمرها شي 6 سنوات أو سبعة و عندها نخر فظيع (واسع ) على الرحى المؤقتة الأولى
    المريضة كانت كل ما مد لدكتور القبضة ليجرف النخر
    تمك إيدوا
    و تصرخ لا لاأأ اااا ا اااا اااااا
    آخ مع أن الدكتور س ما يكون نشوا أو أفشو للسن (حقروا )
    و شو بدنا نساوي و هنا طلب الدكاتور عدلولا إبرة بنج ؟؟؟؟ إبرة أي إبرة بنج
    وقرر أنوا يعطيها إياها بس أن من كتر مانيفهمان ركب الإبة قدامها و قامت المسكينة تقول ماما
    و أمها المسكين ما بتعرف ش بدها تساوي
    و طبعا اولنا أنا و الجدكتور و زميل ثاني نثبتها ععطيا الأإبر بس لا حياة لم تنادي ......
    و هن قررالدكتور يخليها تقعد برا شوي بينما يشتغل لمريض تاني
    و هون تنفتت بذهني المعلومات اللتي درسناها عندما كنتا سنة أولى في علم النفس أو شي لازم إزرع الثقة بفس المريض
    بقيت مرتديا المريول طبع مشان تصير عمي الأقلم ضمن العيادة على الكرسي أسرع
    خرجت إلى الخارج بدأت بممازحتها قلت له شو إسمك و غمزت لممرضة فهمت علي قلت عندها إسمها فاطمة
    و سألت البنوتة الصغيرة شو يافاطمة ؟
    رفعت حاجبيها الصيرين ليستقرا في الثلث السفليمن صدفة الجبهي
    و نها دأت لمناورة
    إسمك ريم مو هيك
    مرة أخرى رفعت جاجبيهاو و لفت ذراعأومها بكيها الصغيرتين و
    بعد عدة أسماء (أخذتهم من أسماء بنات الكلية عناو ا تركت و لا وحدة إلا و تكرت إسمها لأن البنت كان إسمها راما و ليس في دعتنا و لا بنت تحم نفس الإسم )
    طبعا أنا كنت بعرف الإسم و لكن الف كان كسر حال الجمود بيننا
    هن قلت و ياراما مابدك تخلصي منا و ترتاخي ....(و شرعتأشرح بطريقة بسيطة عغن مخاطر السوس ) و ع الدود اللي ينر و ليش لازم نشيلوا و بتعرفو هالصص المعتة اللتي منحكيها
    و هنا أصبحت بالمرحلة الثانية
    يوجد تتمة و لكن بعد شحن الجهاز
  • jwanitojwanito عضو مميز
    تم تعديل 2009/08/18
    تتمة القصة
    و هون كما قلت صرت بالمرحلة 2
    أمسكت يديها الصغيرتين بين يدي و أحطهما و لم أتركها تمسك بأمها لأنها عندها ستقطع الرسالة اللغوية العصبيى التالية
    و رسمت إبتسامتي الهادئة لى وجهي (طبعا بتعرفوا لما الواحد لما بيتسم شو بيصير )
    و قلت راما الاشطورة و كررت ذلكك ثانية
    طلعي فيني لم تنظر طبعا أنا أعرف اأنها لن تنر و كان واجبي أن أكسب ثقتها
    طلعي فيني و بعد عدة محالات أخذت تنظر إلي و لكن دون أن تتكلم
    مرة أخرى هلق سندخل للداخل (بدنا نفوت لوا و نبين أ،ك شاطرة و ما بتخافي و ما بتبكي مو هيك )
    حاولت التملص و لكني لم أترها إلا بعد أن تأكت منتهيئها للعملية السنية
    و هنا جاء دطور المرحلة 3
    ور راما جاء و دخلت الباب في استحياء و دلع (صغيرة لم تتمكن من تاوز خجلها )
    رام الأمورة قلها الدكتور داعب الدكتور وجنتها بكفه المطاطي ثم إرتداه
    يامعين هيك قالها الدكتور
    حاول جاهد أن يخدرها لم يستطيع
    و هنا جاء دوري
    مشو بدك تساوي دكتور
    أرييد تنظيف الحجرة اللبية و ذلك غي ممكن لأنها لتا تتقب المخدر وز هي تتألم

    ممكن تخليني جرب
    جرب شوف
    و طبعا عمكم أبو إبراهعيم ما كان إلأ ليطق شو تعلم
    أو شغلة ساويتها أني قمنت بتدوير السنبلة في فم راما و رششته بالماء دون أن أعمل طبعا هادكله شان أكون قادر على السيطرة علايها خلال العنمل
    و مرة و تنين و لاتة بزقي ياشطورة و يا أمورة و يا حلةوة و يا بطلة و ياسنفورة ........ إلخ شية كلمات بيحبوها الصغار
    و أخيرا <ا دور الجد
    و دخلت بالنسبلة مجفا رف الباقايا من الحجرة البية اللتي كنت أصلا مفتوحة جزئيا
    و الغريب أن الألم لم يكن موجودا
    و عندما جاء الدكتور استغرب و لكن
    ما سأقوله أن التأثير النفسي أكثر أهمية بكثير من الأداة و من المواد المستخدمة
    و إلى قصة أخرلى صارت اليوم و بكرا بقية الفصول
    إلى عدد قادم من قصة بس صارت معي
    دمتم سالمين
  • تم تعديل 2009/08/18
    [align=center]هههههههههههههههههههههه والله قصتك حلوة وعجبتني كتير

    الله يدمك سالم أنت يارب

    الأطفال على وجه الخصوص يحتاجون معاملة خاصة
    [/align]
  • jwanitojwanito عضو مميز
    تم تعديل 2009/08/20
    تحية طيبة و بعد
    القصة اليوم تحتاج لأن تجففوا حلوقم قبل أن تبدوا بالقراءة لأن الحلقة الجديدة من يوميات طبية قد بدأت
    جوا العيادة على الكرسي كنت قاعد و الممرضات انوا بالغرف الأخرى يرتشفن كوبا من القهوة (لأنه كان كوب مو فنجان ) و دفعت الباب و دخلت
    صبية صغيرة بالعمر لم يتجاوز عمرها الثانية عشرة
    بابتسامة لطيفة بلهاء و بصوت عال سألتني هون عيادة القلع
    طبعا فهمت أنا أنها بدها تقلع سنها و فردت ابتسامتي الساحرة على وجهي و قلت إيه ياعموه هون عيادة القلع شو بدك
    تقدمت بخطى خائفة و قالت بدك تضربني إبرة و لا لا
    ؟؟؟؟؟ لسا ما قعدت
    متل مابدك ..... أنا هون لساعدك عمو و كررت السؤال و هي تصلح طرف ثوبه اللذي علق ببسمار الطاولة
    و تذكرت كتاب علم النفس اللذي قرأته فيما يخص التعامل مع الأطفال
    و صورت مباشرة حصول تجربة راضة أدت إلى رد الفعل لهذه الملريضة بهذا الشكل
    و اللتتمة بكرا
    من هي المريضة ؟ مالتجربة اللتي مرت بها في العيادة .؟ كيفية التعامل معها .؟؟؟ و الكيير من الأحداث ضمن الحلق القادمة
    ترقبونا
  • تم تعديل 2009/08/20
    ههههههههههه شو حمزة صاير اسلوبك تشويقي..........

    عم نستنى حلئاتك................
  • تم تعديل 2009/08/22
    ياعمي شو بدي بالحكي

    فنان بالعرض
  • jwanitojwanito عضو مميز
    تم تعديل 2009/08/29
    تحية طيبة
    سأكمل القصة السابقةبعدد لاحق
    لأن القصة اللتي صارتميقب كميوم أكثر طرافة
    جاءت لعنا على المستوصف بنوتة صغير و من قبل ما تفوت بدأت تفرك بعينها طبعا أنا كنت بعرف أنها ناوية تبكي بس مو أنا اللذي بخليها تبكي و أول ما شفت الحركة منت نفسي لحظات و غمزتالمرضة ففهمت عي
    و سألته شو إسمك ياشاطرة
    ماجاوبت و لفت إيد أمها حو عنقها و جاوب إسمها (تالا)
    و أنا عم غسل إيدي بالمواد المطرة (الماء و الصابون )و بعدها وجه كحول
    تحركت نحوها و كطبعا أكيد صرتو بتعرفو سلاحي السري اللذي أستخدمه : ابتسامتي و أناملي الرشيقة و ما درسته من علم نفس في السنة الأولى
    و أول شغلة ساوتها حركت أناملي الرشيقة على وجنتيها الرشيقتين و قد كانتا (كربوجتين بشكل غير طبيعي بصراحة كانو ا بيشبهوا أقراص العيد ابالتمر اللتي تصنعهم أمي لحبيبة ) عمرها لم يتجاوز الثماني سنوات
    و قلت لها تالا شطورة أشطر منكم و ووجهت الكلام لعدد من الأولاد صاروا بيفهموا اللعبة بتاعي و أنا عم أجدبها عليهم
    قال يعني ؟؟؟؟؟؟؟؟؟؟؟؟؟؟؟؟؟؟؟
    و هون بدأت المناورة الأولى زرع الثقى بيني و بين المرضة الصغيرة
    و حركت كفي الكبيرتين لتحيطا بخصره الصغير ورفعتها و ووضعتا على الكرسي هنا لازالات تفتقد للتواصل البصري معي و هنا أمسكت المراي (أداة طب أسنان ) خدي تالا \
    بحلقت فيني كأنو ما عم تفهمك عي
    مسكيه
    و دعكت عينا اليسرى بإيها لأن أمسكت يدها اليمنى حتى أمنهعها التواصل مع مها حتى لاتحاول الصراخ أو الإستنجاد بوالدتها عند بدأ المعالجة و؛ت أستطيع أن أروضها بسرعة
    حتى تتآلف مع العمل السني بدون مشاكل
    و هون بلا مقطوعة عن حديثكم مسكت المراي بإيدها اليسار و قتلها إفتحي مك و أخذت الأداة من إيده و وضعتها في فمه شبك ياروحي ليش جاي لعنا
    طبعا أنا شفت 4 نخور ملاصقة 2 -2 بكل جهة من الأرحاء المؤقتة
    عم يوجعني و أشارت للطرف الأيسر بالنسبهة لها
    و شني مسكت القبضة بعد ما استخدمت المجرفة اليدوية لدالشطكل العام للحفرة بلش المسلسل \
    وشو صار ؟؟؟؟؟؟؟؟؟؟؟
    مابدي قالتا و هي مزيج بين الرجاء والحزنوالألم و ....
    طجبعا أنا عرفت أنو في تجربة راضة قد تعرضت لها بمعالجة سابقة و لذا مهمتي تعقدت أكثر
    و تحول النحيب البسيط لبكاء عال
    و هون دخل الدكتور وذكرني بفقرة منكتاب علنم النفس
    فتحي عمو الله
    يالله فتحي تمك بلا بكي
    ما حدا بيجي و بيبكي
    عالسريع يالله لشوف
    سحيدموعك وافتح تمك
    وبلهجةآمرةوشديدة
    و قاسية وقوية
    و بأت تستجيب و تحت و ما عادت حكت شي بس المشكلة أنا صار حساسة لصوت القبضة
    و طبعا رجعتأنا لأشت=غلهاو كان لازم أول جلسة أني ما أشتغلها شي بس خلصها من الألم بشكل مؤقت
    أزلت الطعام من بين السنين و ووضعت القبضة بدون رأس عامل و دورتاها و شريت سقف حنكها بالمي

    و كل شويو التاني إبزقي يالله عمو
    تمضمضي
    و بعدينمسكت البري أو الهوا بالعاميةالطبية و رشيت مي وهوا قدامها و قلتلا تفتح و رشيت و بعدين باستحخدامالقطن جوار السنوأنا ماقرب على الحقرة
    من فوق لفوق
    و صار هلق دور الإبرة جبت الإبرة و خليتها تمسكل خلال عليةالرش
    و تلعب بها طبعلا الحكي كله خلال عشر إلى خمس دقائق
    و بعدين ركبت راس للإبرة و فريجتها إياه و قلتلها افتحي تمك و على أساس أني شكيت بش ما شكيت
    و مرة 2 -3 و هيك حتى اعتادتها
    و هلق دجور تعليمها الألم عمو
    شو قالتلي و كأني بتعرفني من زمان و قد بدأت الثقة تتعمق بيننا
    إذا وجعك ترفعي إيك اليسار بدوم ما تتحركي
    إي قالتها بمر ح شديد
    و ضعت المسبر على الأسنان وصرـ أمرره
    و من الرأسين
    بعدين
    نكشت اللثةشنو به تألمت رفعت يدها
    كررت العملية أكثرمن مرة
    ثم حجاء دور القبضة
    و هون حطيتسنبلةمدورة رأسها كبير شوي
    و جرفت النخر بضربت قصيرة مليئة بالرز المائي
    و فجأة خطرتلي فكرة قلتلها شو بتحبي سمعك (غنيلك)
    ؟؟؟؟؟
    ح غنيلك بلاد العرب اأوطان يحفظانتها شي
    لا
    رح غنيها و سمعلك إياها آخرة الجلسة
    بلاد العرب أوطاني من الشام لبغدان ........إلخ و كل ماتوجعت قلها سمعيلي المقطع الأول
    و تصير تتذكر و تنسى تجربة الرض الألمي اللتي مرت بها
    و هذكا حتى أنجزت تجريف سطحي للهعاج النخر و بعدين بلسات أخرى أنهيت العمل و صرنا أنا و إياها صحبة وصارت تحب تصير دكتورة سنان
    لأنو دكتور الأسنان صديق الأطفال و لأنوحباب ...... عنجد هي صار
    بس بشوية تصرف
    وحكولي شو عم بيصير معكم
  • تم تعديل 2009/08/29
    شو هاد يا حلووووووو
  • الرجل البخاخالرجل البخاخ عضو ماسي
    تم تعديل 2009/08/29
    يا سيدي عن جد هي قصة منهجية يعني بتنفع انو تتدرس بعلم النفس السريري..........
    مشكور كتير حكيم
    بتذكر موقف بسيط صار مع طبيب أمامي
    نفس الحالة طفلة بعمر 6 سنوات غير متعاونة بعد أن جلست على الكرسي بدأت معاناة الطبيب ...... بس الشي اللي عجبني انو الطبيب اتبع اسلوب غريب شوي و الصراحة أنا تعجبت لما سمعتو........ صار الطبيب يحكي مع الطفلة وكأن عمرها شي 20 سنة يعني يشرحلها عن النخر و يحكيلها عن مراحل المعالجة و الأمور اللي رح تصير و كيف بيتشكل النخر و الكيف منحسي و أشياء كتيرة تانية بس طبعاً بأسلوب مبسط
    الغريب انو الطفلة تفاعلت و حست حالها شغلة كبيرة و صارت تسمع الطبيب و تركز يعني كأنو شي طالبة بالكلية لكن الطبيب فضل انو يأجل المعالجة لجلسة تانية لحتى يزول الخوف نهائياً و يقوم الأهل بدورون بتحضير الطفل للمالجة
  • jwanitojwanito عضو مميز
    تم تعديل 2009/08/29
    و لسه ما شفتوا شي الحكايات القادمة عن مغامرات طالب طب الأأسنان رح تكون اكبر و أكبر انتظروني
    ...................ز