متلازمة طالب الطب

Dr.AhmadDr.Ahmad مدير عام
متلازمة طالب الطب
مصطلح أدبي لوصف نوع من الوسواس المرضي. يبدأ ظهور [URL="http://ar.wikipedia.org/wiki/المرض"]المرض[/URL] عندما يبدأ الشخص بالتعلم أو القراءة عن مرض معين و يبدأ بالاعتقاد بأنه يعاني منه. لذا يعتبر المرض نوع من الأبوفنيا (تجربة رؤية الارتباطات بين أشياء لا وجود لها). المرض ليس محصورا على طلبة الطب ، كل شخص يقرأ في المواضيع الطبية معرض لهذه الحالة . ولكن وُجد أنها منتشرة بشكل أكبر بين طلبة الطب.
الوصف
خلال سنوات الدراسة ، على طلبة الطب دراسة متلازمات و قوائم بأعراض مرضية نادرة و خبيثة. كلما قرئوا أكثر عن المرض ، كلما تعمق إيمانهم بإصابتهم بعرض أو علامة تترافق معه. مثلا، يقوم الطالب بالقراءة عن ورم الدماغ و الذي يترافق مع الصداع. فإذا تصادف أن الطالب يعاني من صداع في تلك الفترة ، يفترض أنه مصاب بورم في الدماغ . المرض ليس محصورا على طلبة الطب ، كل شخص يقرأ في المواضيع الطبية معرض لهذه الحالة . ولكن وُجد أنها منتشرة بشكل أكبر بين طلبة الطب.
هناك قول مأثور يقول " إذا سمع طالب الطب صوت حوافر خارج النافذة ، سيعتقد أنه صوت حوافر حمار وحشي " بمعنى أنه يستنتج أن ذلك الصوت الشائع يخص أندر حيوان يمكن تواجده في المكان ! و كلما واصل طالب الطب دراسته في السنوات الإكلينيكية ، يصبح القول المأثور " الأشياء الشائعة تظهر بشكل شائع " شعاره المتبع.
هذه المتلازمة أصبحت أكثر شيوعا مع شيوع استخدام الانترنت بين الناس، فيأتون للطبيب قلقين حاملين معهم مطبوعات تحمل أعراضا لأمراض نادرة بينما هم في الغالب يعانون من مرض شائع و غير خطير. و يعتبر هذا جانبا سيئاً للمعلومات المجانية و المتدفقة عبر شبكة الانترنت ، خصوصا إذا كانت المعلومات مشكوك في صحتها أو الوصول إلى المعلومات من قبل شخص قليل الخبرة بحيث لا يستطيع تقييم المعلومات بشكل صحيح و رأي سديد .
وقت ظهور المتلازمة
بالرغم من أنها قد تظهر في أي وقت في حياة الطبيب المهنية ، إلاّ انه وُجد أنها تنتشر في الهند بين الطلبة في السنة الأولى من الطب، سنة الامتياز، وفي السنة الأولى بعد التخرج.
الأمراض الأكثر شيوعا
الأمراض النفسية هي الأكثر شيوعا .
متفرقات
من السخرية بمكان أن دراسة الطب لها تأثير سلبي على صحة الطالب . أغلب الظن أن متلازمة طالب الطب تتفاقم مع نظام الحياة التي على طالب الطب أن يعيشها. قلة النوم، التوتر،وإساءة استخدام المواد المنبهة تجعل من طالب الطب النموذجي في خطر من الأمراض النفسية.

و اللي حابب يتوسع أكثر بإمكانه زيارة موقع متلازمة طالب الطب :
http://www.medicalstudentsyndrome.com

التعليقات

  • تم تعديل 2009/03/26
    السلام عليكم......:1:
    فعلا معك حق بهالموضوع........
    وأنا شفت حالة قريبة من هيك عند طالب طب متفوق *سنة خامسة*:1:
    بس برأيي هدي الحالة مانا محصورة بطلاب الطب بس....
    شـكــ وبارك الله فيك ـــرا لك ... لك مني أجمل تحية .
  • تم تعديل 2009/03/26
    [align=center]تسلم ايديك د . أحمد...
    أنا ما عانيت كتير من هالمشكلة...
    بس بحس علاجي صعب كتير..
    هو أصلا أنا بروح للدكتور فزلكة..
    يعني تقريبا عارفةمشكلتي وعارفة علاجي؟؟
    يعني بهلكو للدكتور...
    ويمكن بيتشاهدوا لما يشوفوني...هههههه
    [/align]
  • تم تعديل 2009/03/26
    هههههههه مبالي حالي انا الوحيدة بالعالم وقت بتمر عليي اعراض شي مرض بتوسوس عموما الله يجزيك الخير يا د.احمد
  • a.kannouta.kannout عضو ماسي
    تم تعديل 2009/03/26
    مشكور أبو حميد..زكرتني بمثال سريع:مواد الميكرو بيولوجي
    1- الطفيليات:صار بدي لما آكل سندويشة فلافل عد كم من أنواع الطفيليات يلي ممكن تتوجد فيها....واتساءل ياترى نسبة الأميبا يلي بهالبقدونس كبيرة كتير و ......و........
    2-الجراثيم على اضرب فصرت كلما بدي صافح واحد لتوقع عدد الجراثيم الوجودة بأيدو ويلي صارت عندي
    هي غير الأمراض وأعراضها متل ما ألت
  • Dr.AhmadDr.Ahmad مدير عام
    تم تعديل 2009/03/27
    شايفين كيف البلاء عام يعني مو بس أنا بس الحمد لله أنا هلق بلشت انتقل للتفكير الاخر بالامور الشائعة بس بتذكر باول أمري قلي رفيقي صدري عم يوجعني أحمد كان جوابي الو مباشرة : هي أكيد ذبجة صدرية ( يعني هلكت الولد على وجع خفيف و شوية برد أكلن بعد لعبة طابة ""
    شكرا جميعا عالمرور ............ ميرة حرام عليكي تساوي هيك فين الله وكيلك لو تشوفي الناس اللي عم شوفن بالمشفى لتبكي على حالنا و لحالك ما تعذبي الدكاترة
  • تم تعديل 2009/03/27
    اي والله رفيقي كعو نفس حكيك
    بس الحلو اني قلتلو اذا ما معك (سكري وقتا كان الحكي)بدك تعزمني
    وانعزمت
    ههههههههههههههههههههههه
  • تم تعديل 2009/03/27
    الحمد لله على الصحة والعافية...
    واللي بيشوف مصايب الناس بتهون عليه مصايبه..
    والله معك حق د . أحمد..من فترة كنت عند دكتور الأسنان وهلكتو هو وزوجي..بس والله كان معي حق...
    طلعت من عندو وأنا عم نق..
    سبحان الله ....الله يسر لنا زيارة مفاجئة لقريب في المشفى....كان عندو ورم بالكولون بمرحلة متأخرة...
    عامل عملية ...يا الله لما شفتو شو حسيت حالي سخيفة....
    واللهم صلى وسلم على سيدنا محمد الي قال..( الصحة والفراغ : نغمتان مغبون فيهما كثير من الناس...)
  • تم تعديل 2009/03/27
    أنا اللي صار معي بعد محاضرات الجراثيم والطفيليات صرت غسل إيديي عالطالعة والنازلة حوالي 10 زوام ...
    ..
  • Dr.AhmadDr.Ahmad مدير عام
    تم تعديل 2009/03/27
    ( الصحة والفراغ : نغمتان مغبون فيهما كثير من الناس...)

    الله يجزيكي الخير دكتورة عالتذكير ...... شايفة كيف كلنا عايشين بنعم بس صعب نحس فيها لحتى نشوف شو صاير بغيرنا
    moon lover : هذا الوضع العام و لسه بعد مادة الطفيليات بجد تهلوست كثيييير
  • تم تعديل 2009/03/28
    [align=center]والله ياحكيم هيك صار معي وأسأل مجرب ولا تسأل حكيم

    ضليت قول كمبيوتري عطل كمبيوتري عطل وهو ما كان في شي

    لحتى عطل

    ههههههههههههه مشكور حكيم
    [/align]
  • محمد حلبيةمحمد حلبية عضو ماسي
    تم تعديل 2009/03/30
    هههههههه حلوة و يصراحة عم تصير معي هيك أعراض بس باختصاصي فكل ما شفت واحد بصير بتبع فمه بعيوني بدي شوف مسوسات سنانو و لا لأ و فيهن شذوذ و لا طبيعيات ...........إلخ
  • تم تعديل 2009/03/30
    اي والله طالب الطب الله يكون بعونو مو بس لازم يتهلوس هيك اي ضغط الدراسة اللي عليه يخليه يفكر انو مجنون ولازملو طبيب ليعالجو
    صح هي الظاهرة كتير شايعة بين طلبة الطب الله يحميهم يارب ويحمينا معهم
  • تم تعديل 2009/03/31
    هذا الأمر كنا نراه عند طلاب الطب عندما يدرسون كتاب صغيرعن الأمراض النفسية
  • Dr.AhmadDr.Ahmad مدير عام
    تم تعديل 2009/04/02
    حكيم نهاد ليس عند دراسة الامراض النفسية و انما عند دراسة أي مرض مهما كان
    شكر على مروركم جميعا
    حكيم عمار انتو دكاترة الاسنان بينخاف منكم لازم الواحد قدامكم ما يفتح تمو ابدا و إلا بيطعلوا سنانو كلن مسوسين
  • تم تعديل 2009/04/06
    ههههههههههههههههههههههه الله عليك حكيم أحمد ذكرتني لما رحت ع كلية طب الاسنان ووقفت استنى إياد قام ما ضل طالب بالكلية إلا ما اجا وشاف اسناني ولو ضالل شوي وما جاي اياد كنت خلعت كل اسناني وخليك الشباب يركبولي بدلة .........
  • تم تعديل 2009/04/09
    سلام الكلام سليم 1000% ذكرتوني لما كنت رابعه ونطلع اللهم عافينا على ابن سينا قال عملي برجع عالبيت وبغسل كل تيابي ومريولي بس الحمد لله هالوسواس ما طول لانو اهلي دغري انتبهو عليي ونبهوني ومنعوني بعدين صارت القصه عاديه راحت الوسوسه بس الفكره انو لما الواحد بينحط امام معلومه بيحاول يفهمها منيح ويمكن كتر مذاكرتها والتفكير فيها بتتحول من فكره هامه لفكره مرضيه بس الواحد يقول قل اعوذ برب الناس من شر الوسواس الخناس والله يديم العافيه
  • تم تعديل 2009/04/09
    شكرا تلاسما